لعدم وجود طائرة..سودانير تدعو اصحاب الحجوزات لاستلام نقودهم

هذه هي المرحلة قبل الاخيرة لإعلان الافلاس للدولة التي كانت قبل الانقاذ تصدر القطن ، الماشيه، الحبوب الزيتية،الصمغ العربي وكان لدينا ناقل وطني بحري وجوي تعتمد عليهم ميزانية الدولة وكان عندنا كرامة وهيبة وسط الدول اصبحنا بفضل المنقذين ننهان من كل شعوب العالم لانه لاتوجد دوله ودولتنا رئيسها مطلوب لانه مجرم بمعني الكلمه مجرم وكمان رقاص … وكافوري دي براها قصة وتزوج تااني من فتاة كانت زوجه احد ضباطه الصغار … لعنة الله عليك دمرت كل ما كان جميل

قالوا كدا أحسن ؟؟
إعلان الإفلاس التام آت .. فلا تستعجلوه ..

حسبنا الله في هؤلاء ….

هل يعوض رد الاموال حالة الحسرة والالم عن ضياع ايام العطلة المدرسية وتبخر الفرح بلقاء الاهل والاحباب بالسودان …..

دمرتو البلد ودمرتو كل المرافق .. ربنا يورينا فيكم يوم

آآآآآآآآآآآآآآآآآآآآآآآه يابلد

شوية متاجرين باسم الدين يوصلوناالمرحله دى .. ونحنا لسه نعاين

حسبى الله ونعم الوكيل

رحم الله عزيزتنا الغالية الحاجة سودانير وألهم آلها وذويها الصبر وحسن العزاء، إنا لله وان اليه راجعون.
يا حليلها الأصبحت ذكرى، أين انت يا شاعر الثورة شمتان بن منتظر لتنظم لنا مرثية ست الحسن والجمال، التي ظلت تمشي الهوينا بين رفيقاتها بثوبها الزاهي الذي يجمع الأصفر والأزرق يكسوها هيبة وجمالا، لقد ظلت تعاني من مرض لازمها لأكثر من عشرين عاما، حتى لفظت أنفاسها الأخيرة بعد أن عجز أهلها عن تقديم العلاج المناسب لها لشح مواردهم وفقرهم المدقع ومقاطعة ناس الفريق لهم، وأعلنوا عن مداواتها محليا وكان ذلك بالأمس القريب، وفوجئنا اليوم بوفاتها….. رحم الله سودانير التي غادرت دنيانا وهي في عز شبابها، إلا انها كانت تبدو مثل عجوز مر عليها ألف عام… ترحموا عليها أيها الأخوة … وهيا بنا إلى الشارع جميعا إلى الكنداكة

اللهم نسألك تفريج الكربات واها البدفع منو بعد ما وقفوها ؟الشعب طبعا لك الله ايها الشعب لك الله

ولمن فتحي الضو كتب عن الفساد في الطيران المدني طلع واحد في سودانيزاونلاين وقال مستوي السلامة في السودان حسب تقرير المنظمات المختصة المستوي الثاني من جدول مكون من 3 درجات ؟؟؟؟ طيب المستوي التاني ده قاسوا كيف الخواجات ديل وكت طيارة زاتو مافي ؟؟؟؟؟؟ لعنة الله عليكم باقي طيارة البشكير بس شغلاه ودي ما تعشموا فوقه هو خاتيها لليوم الاسود ترونه بعيد ونراه في القزاز

السادة الركاب احمدو ربكم انكم لميتو في قروشكم… الله اكبر.. هيا لله.. والله ياعمر البشير رأينا في عهدك تطور لم تشهده الأمم لا من قبل ولا من بعد.. لعنة الله عليكم

طير طير ياالبشير طير سودان اير اصبح حقير…

احنا قبيل شن قلنا ما قلنا الطير بيا كلنا.الله يحرق الانقاذ ما يفضل منهم ولا كوز. دمروا كل شيء لم يسلم من اذاهم اي مرفق.

سودان إير…..!!! والله دى بقت سودان ….؟؟ اخوانا مغتربين الخليج بكونو فهموها

صــدق البشكير عندما قال عباراتـه المشهوره ناكل مما نزرع و نلبس مما نصنع و بدأنا من حيث انتهى الاخرين ؟
عجبى عليك ايها الرئيس المدوقس ابو نافوخا فاضى واعمى بصيره و مشهود ليك لا قول و لافعل ؟
اها حلنا عاد احلنا الحله بله منك وسائق البوياى الى لاهــاى و المعانا جاى والما معانا انشاء الله ما تنا ولا اشوف ليه تانى هنأ .

دي ما سودانير دي سودان مات خلص

مفروض يفتحوا الاجواء السودانيه لخطوط دوله اخري كالسعوديه والقطريه لتعمل في الرحلات الداخليه مثلا جده الابيض وجده بورتسودان وجده دنقلا لتخفيف معاناة المعغتربين وما أدري كيف يتم نقل الحجاج هذا العام فوضنا أمرنا إلي الله

الناس دي ما نصيحة تحجز في الخطوط السودانية؟؟ما عدم وطنية لكن عدم ثقة الفساد عم كل شئ ولن استبعد فساد الطائرة

حقيقة الأمر محتاج لتضافر الجهود لعودة السودان لكامل عهده كما كان في السابق

لم يجدوا أى دولة أو شركة لتصليح طائراتهم وبالأمس أعلن مدير شركة سودانير أن جميع صيانات طائراتهم ستتم داخلياً فى هنقر مطار الخرطوم،،،، يا هوة زاتو الرماد كال حماد وبعد شوفوا سلسلة الكوارث القادمة،،،،

صديقى المغترب نصحنى فى بداية إغترابى بأننى طالما اعيش خارج السودان على أن أتجنب ثلاثا:

السفارة السودانية (ضرائب وجبايات وضباط أمن)
الفضائية السودانية (فقع مرارة)
والخطوط الجوية السودانية (بهدلة وبشتنة ومضيفات لئيمات)

فعليكم بها،،،،،،

وإليكم هذه النكتة:

فى إحدى سفريات سودانير طلب احدهم من المضيفة كباية ماء،،، مطت المضيفى شفتيها لكنها أحضرت كوب الماء،،، وقبل أن تنصرف أشر ليها واحد من الجانب الآخر يريد كوب ماء،،، كشرت وجهها لكنها أحضرت كوب الماء،،،، لكن سيدة عجوزة تجلس فى الخلف نادتها يا بتى ما تجيبى لينا موية،،، هنا بلغ الغيظ من المضيفة منتهاه فذهبت للشخص الأول الذى طلب الماء وقالت ليهو بحدة أها شفت جبتا لينا الكفوة كلو كيف،،،،،

الله يسامحن دلع فى الفاضى فى مهنة ليست أكثر من جرسون،،،،،

السؤال الذى يطرح نفسه الحاكم القادم للسودان بعد زوال الانقاذ قريبا إنشاء الله ماذا يجد من ممتلكات الدولة بإسم السودان ليحكم ؟ يعنى لو الحاكم القادم قعد عشرين سنة لإعادة وترتيب البنية التحتية للسودان المدمر يجب على الناس الصبر مافعله هؤلاء لايمكن أن يتعدل قبل عشرين سنة شغل مخلص دون توقف وإلا أن يتم مصادرة كل ممتلكات المؤتمرجية بإعتبار مال مسروق من خزينة الدولة طالما كان موظف لدى الدولة وظهر بمظهر الغنى الفاحش من تشيد العمائر والقصور والمزارع كى يبنو به البنية التحتية المدمرة ..وإلا نقعد 23 سنة جاية نلحس الكوع من الجوع لنتطور البلد مرة أخرى ونعيد سيرتها الاولى الباهر . ورحم الله ست الطائرات سودانير تقلع وقت ما تقلع وتحبط وقت ما تحبط ولاحد سائلها مواعد مدير على كيفك

دة حاجة عادية وتحصل فى ارقى العائلات واللة انا دائمابسافر على السودانية وعيدت كم مرة فى المطار والواحد بيجد متعة لما ينظر فى المطار وتشوف طيارة نازلة وطيارة قايمة وانت منتظر السودانية ولما تجى تحس براحة نفسية فى اجمل من كدة ومزيدا من التقدم

والله شى محزن شديد ناس الانقاز ديل ربنا ادمرن ربنا انتقم منهم ديل حراميه الله انتقم من اى زول موتمر وطنى فى الدنيا والاخره وحقنا ما عافينو ليهم ابقى ليهم بالساحق والماحق

فيما يلي نبذة تاريخية مترجمة أقدمها للسادة القراء ليقفوا على مدى الخراب والدمار والنهب (المصلح) الذي حل بالخطوط الجوية السودانية خلال سنين الوطن العجاف وربنا يجازي من كان سببا في ذلك.
نص الترجمة
“أنشأت الخوط الجوية السودانية في عام 1946بمساعدة فنية من شركة آيرويرك ليمتد Airwork Limited والدعم المالي والتجاري من سكك حديد السودان .قامت بتسيير أولى عملياتها المجدولة في يوليو عام 1947 ومنذ بدايات الشركة أصبحت الخرطوم مركزها الرئيسى ومن هناك بدأ الناقل في تسيير أربعة خدمات (رحلات) مختلفة عبر الأراضي السودانية بالإضافة الى اريتيريا . ربطت خطوط الطيران التي سيرتها الشركة الخرطوم مع أسمرا،عطبرة،الفاشر،الأبيض،الجنينة ،جوبا،كسلا،ملكال ، وبورتسودان وكلها كانت على طائرات دي هافيلاند دوف إكويبمنت de Haviland Dove equipment .
في أوائل عام 1950 أدخلت الشركة طائرة دي سي ثلاثة DC-3 في اسطولها وأتاح هذا التوسع بأن تقوم الشركة بترحيل الركاب والبريد أيضا وفتحت خوط جديدة الى القاهرة وود مدني وكدلك سيرت رحلات مؤجرة الى جدة في موسم الحج . في عام 1958 ازداد حجم اسطول ال دي سد 3 ليصل الى 7 طائرات .
بدأت رحلات المسافات الجوية الطويلة بين الخرطوم ولندن عن طريق روما عام 1959 بما يسمى آنذاك البلونايل “Blue Nile” على طائرات فيكرز فيسكاونت Vickers Viscount التي تم شراؤها حديثاً بشراكة مع الخطوط الجوية البريطانية وتمت اضافة رحلة الى بيروت.في عام 1959 صارت الخطوط السودانية عضوا في اتحاد الطيران الدولي IATA International Air Transport Association .
في عام 1967 طورت الشركة اسطولها بامتلاك 3طائرات فوكرز اف27 لتعمل في الخطوط الداخلية كما تم امتلاك طائرتين كوميت Comet4Cs لتحل محل طائرا الفيسكاونت .
في عام 1967 أصبحت الشركة تدار على أساس تجاري وفي نفس السنة تم استبدال طائرات ال DC3s بطائرات الفوكرز F27s كما انضمنت التوين أوتر Twin Otter للأسطول في عام 1968 ولاحقا تم تحديث الأسطول بطائرات البوينغ 707 والبوينغ 737 والايريص ايه310 والايربص300 والفوكرز50 وأخيرا امتلاك طائرات الايربص320 بطريقة البيع الايجاري .
بمناسبة الذكري العشرين لقيام شركة الخطوط الجوية السودانية (1947?1967) أصدرت حكومة السودان طابعا تذكاريا زاهيا في ديسمبر 1968 يحمل صور طائرات DC3 ,Comet-4C,Dove and Fokker Friendship وكلها انت تحلق في سماوات العالم آنذاك.
في عام 2007 قامت حكومة السودان بخصخصة الشركة واحتفظت ب30% وباعت ما يعادل 49% ل Kuwaiti private group وفي عام 2011 قامت الشركة الكويتية ببيعها مرة أخى للحكومة السودانية” . انتهى نص الترجمة ولكم ما تشاؤون من تعليقات وشفتو يا اخوان انتو كنتو وهسع بقيتو وين؟؟؟ .

ما هذا الهراء فقط هكذا و بكل بساطة تعالو إستلمو قروشكم ؟ ماذا عن ضياع الركاب لمواعيد و إلتزامات سبق و أن حددوها بناء على حجزكم؟ ماذا عن عدم توفر حجوزات لدى شركات الطيران الآخرى في هذا التوقيت الصعب و الذي يوافق عطلة المدارس و موسم الإجازات و إن وجد سوف يكون اضعاف القيمة المسترده بالأخص لمن قامو بشرائها و تأكيد حجوزاتهم قبل فترة طويلة من بداية موسم العطلات كل هذا و ببساطة شديدة تعالو فقط إستلمو نقودكم؟؟ ياخ انتو عليكم برود عينة‏!‏‏!‏ أرجو من الاخوة المتضررين تشكيل كيان واحد بأسمهم و رفع دعوى قضائية ضد الشركة عن هذا الاهمال ومطالبتها بدفع تعوضات مجزية نسبه للضرر الذي لحق بكم من هذا القرار

اول مره اشوف ناس بتشمت في وطنه

لوكان عندنا رئيس محترم مش مجرم هارب من العدالة كان بقدر يمشي اوروبا وامريكا يحس باهمية طيران سودانير في الاجواء العالمية. فهم المجرمين ديل في الطيران انو بس طيارات حربية من اوروبا الشرقية يضربوا بيها الناس في دارفور والجنوب والنيل الازرق وجبال النوبة.

يا جماعة الحاصل لي سودانير دا قيس علية

المستشفيات – المدارس و الجامعات – الموية – الكهرباء – البيئة -الاخلاق – الشوارع –

الناس ديل بي كل بساطة استطاعوا في 23 سنة يورونا النملة مالة

http://www.sudanair.com/en/index.php

يا اخوانا عشان تعرفوا مدى الاستهتار بالوظيفة العامة في زمن الانجاس … ادخلوا على الرابط اعلاه …. وقارنوه بمواقع اخرى للطيران ….. تعرفوا عندها … جزء من خراب البلد…. في زمن اندياح المعلومات…. بالانترنت ….

وان اصحبنا ما زالوا بعقلية… احتكار المعلومة… والتي لن تصل اليها الا باخوي واخوك….. ورجاءات … _ جاييك من طرف…..فلان العلان….

وكانت هذه النتيجة…. والقادم اسوأ … اذا استمر الانجاس…..في السلطة

الثورة مستمرة ….منتصرة….. الى الامام …. الى الامام…..

الجمعة القادمة …. من اين اتى هولاء….؟؟؟؟؟
الجمعة القادمة …. من اين اتى هولاء….؟؟؟؟؟
الجمعة القادمة …. من اين اتى هولاء….؟؟؟؟؟
الجمعة القادمة …. من اين اتى هولاء….؟؟؟؟؟

انا سافرت قبل شهر من جدة الخرطوم ورجعت بعد عشرة ايام من الخرطوم لجدة
الله يكون في عون المسافر عن طريق الخطوط السودانية طبعا بعد تاجيلات كثيرة
ذهبت لمطار الملك عبدالعزيز بجدة وعندي حجز مؤكد علي اساس الرحلة بالصباح
جلسناما يقارب ال 4ساعات نتظر الميزان عندما فتح الميزان وقفت مع الناس
في صف الميزان بعد ما تم وزن عفش 70% من الركاب تم قفل الميزان عندما ستفسرنا
مشرف الرحلة عن السبب قال لي بكل بساطة الطيارة اتملت اي والله زي ما بقول لكم
كيف لطيارة تعطي للناس حجز مؤكد وتجي يوم رحلتك تجد الطيارة اتملت دة لو بص
ما يحصل الكلام المهم بعد نقاش طويل رجعوا الناس لاحد الشقق المفروشة
وانا رفضت وانتظرت داخل مكاتب الخطوط في المطار لاني كنت عندي ارتبطات بالسودان
حتي رجع احد الاخوة المسافرين لمشكلة في جوازها وسافرت بدلا منه وعندما وصلنا السودان
كانت المفاجاة الثانية عدم وجود امتعتنا معانا عموما وصلت السودان بعد انتظار ما يقارب
ال 12 وضاع عليا كل المواعيد وقلت بيني وبين نفسي اخر مرة اسافر عن طريق الخطوط السودانية

عمي لزم، حجز في رحلة داخلية من الجنينة للخرطوم. وفي يوم السفر الطائرة إتملت، فقاموا الجماعة ركبوهم شماعة، أي والله شماعة من الجنينة للخرطوم. وسلم لي على سودانير