(فراس)…نجل السفير السعودي… يعشق العصيدة، ومغرم بـ(البحر الاحمر)..!
الخرطوم : بكري خليفة
فى الافطار السنوى للسفارة السعودية بالخرطوم بروتانا التقت (السوداني) بفراس فيصل المعلا أبن السفير السعودى بالسودان، والذى ابدى اعجابه الشديد ببلد النيلين الذى يزوره لاول مرة وقال فراس طالب هندسة الكمبيوتر بجامعة نيوكاسل: (زرت الكثير من دول العالم بحكم عمل والدى وتنقلت وعشت فى فرنسا وبيروت وجنوب افريقيا وبريطانيا وسويسرا والتى اعجبتنى كثيرا بكثرة مساجدها والحرية الكبيرة فى ممارسة الشعائر الدينية خصوصا رمضان الذى يشهد حلقات التلاوة والافطارات وفى بريطانيا قابلت الكثير من الطلاب السودانيين وكونت معهم صداقات لا تزال متواصلة فهم طلاب متفوقون وعكسوا وجه السودان الحقيقى)… وعن اختياره لدراسة هندسة الكمبيوتر يقول ان الهدف هو الالمام بامن المعلومات الذى يؤرقه جدا فى عهد التطور التقنى والفضاء الالكترونى وعن البرامج التى يشاهدها فى القنوات السودانية يقول فراس انه يشاهد كل البرامج الدينية ومعجب جدا بالشيخ عصام احمد البشير فهو داعية يتميز بحديث لبق وجذاب وملم بكل الامور الدينية وعن الوجبات السودانية يقول اعجبه جدا مشروب الكركدى والعصيدة والقراصة بالاضافة الى سمك النيل ويختتم فراس حديثه بان السودان بلد جميل ويتمتع بطبيعة خلابة خصوصا نهر النيل والبحر الاحمر.
السوداني
هييييييييييييييييييييييييييييييييييييييييييييييييييييييييييي السعوديين بيبحونا نحن السودانين شنو عقدة النقص انه سعودي بيحب الاكل السوداني اسي لو كان البيحب العصيدة تشادي كان الناس ما اشتغلوا بيه؟
حتى والده من أبناء المدينة المنورة ويحب السودانيين وقد حضر مؤخراً لقاء الجالية السودانية بالشاعر التجاني حاج موسى إبان زيارته للمدينة في ليلة شعرية كانت من أروع الليالي
طيب أنا بحب الكبسة ومعجب بالسعودية والسعودييين ممكن أي جريدة أو موقع سعودي “يحتفى” ويكتب عنوان عريض (صحراوي السوداني يعشق الكبسة ومغرم بشاطىء نصف القمر بالخبر هههههههه
والله انا زاااتى بحب العصيدة
سعودي يحب العصيدة السودانية ..خبر مضحك مبكي يوضح عقدة النقص السودانية وعدم الثقة بالنفس يعني العصيدة دي مامقتنعين بيها إلا يحبها سعودي ولا بريطاني…شعب غريب بشكل ..
عادي السعودي يحب العصيدة وملاح الكول
الناس ديل بقو يسفو التباك عادي عشان عشرتهم للسودانيين
مع احترامى للسودانيين وللأشقاء السعوديين ، لكن هذه الدردشات والتحقيقات الصحفية لا بتودى لابتجيب ..ضياع زمن ليس الإ!
قال مغرم بالتحر الاحمر انا خايف يقومو يشتروه ويمضو عليهو بالحبر الاحمر ويقفلو بالشمع الاحمر مالقيت حاجه تانيه تكون بالاحمر
خسارة على المساحة التى احتلها الخبر لو السفير هو من تحدث كان اهون لكن للاسف طالعنا الخبر ” بإبن السفير ” ، في السعودية سفيرنا ما بيجيبوا خبره