إشاراتك !

بسم الله الرحمن الرحيم

تشاور لي حروف مندسة في عينيك
تهاتي الليل خيالاً تاه
حنين شاعر بسوقو القول لي حد الإشارة سؤال
يغني الآهة في الموال
وينبض حسرة في الترحال
شعوراً قال ..
تصير جينات إشارةالكون
زمن من سِحنة الأشواق
مزيج أمشاج بتفلت رعشة من أبواب
وفوق أهداب
بترجف نون
سواد النقطة يتوسَّع
حنيناً بِخْـبُر الأسباب
ينادي غيابْ ..
وسحر النون نشيد للبوح
وكوم أطياف ..
وتاريخاً موجَّع فيك
حامل سحرو من لفتات إشاراتك
وسيمة روح
وبهية دوح
ورايعة بوح
وشيتاً تاني ما خابرو
مُطهَّر زي جمال الروح
ولو شفتي الكلام شاور بسيماتك
وستَّف روحو بالضحكات
وخلف أشواقو فوق هودج إشارتك
وسافر بيك
حتعرفي كيف غناي منسوج
من همساً بشاور ليك..
ومتين تنضم إشاراتك!

عروة علي موسى ،،،
[email][email protected][/email]