في 20 سبتمبر .افتتاح طريق دولي جديد بين مصر والسودان بتكلفة 7 مليون دولار
الرياض – القاهرة: رويترز
قالت الهيئة العامة للطرق الكباري والنقل البري في مصر انها تضع حاليا اللمسات الاخيرة لافتتاح الطريق الدولي الجديد بين مصر والسودان في 20 سبتمبر الجاري والذي سيخفض بشكل كبير تكلفة النقل بين البلدين.
ونقلت وكالة أنباء الشرق الاوسط الرسمية اليوم السبت عن ابراهيم عامر رئيس الهيئة قوله ان تكلفة انشاء محور قسطل-وادي حلفا بين مصر والسودان بلغت حوالى 45 مليون جنيه ( 7.4 مليون دولار) ويربط الطريق بين بلدة قسطل في جنوب مصر ومدينة حلفا في شمال السودان.
وقال اسعد عبدالمجيد رئيس مدينة ابوسمبل السياحية جنوب اسوان بأن الطريق الجديد يبلغ طوله حوالي 60كم بين الجانبين المصري والسوداني وسوف يساهم في زيادة حركة التبادل التجاري بين مصر والسودان وخاصة استقبال شحنات رؤوس الماشية والجمال الحية، مع زيادة الصادرات المصرية والتي تحتاجها الأسواق السودانية. وأضاف أن هذا الطريق سوف يوفر الوقت والجهد مقارنة بالنقل النهري وسوف يستغرق الوصول الي حلفا في السودان ساعة واحدة فقط من مدينة ابوسمبل
البضائع التي (يحتاجها ) السودان من مصر هي اواني البلاستيك والالمنيوم /قارن63
من المستفيد ياتري ؟ حسب الميزان التجاري , قيمة التبادل التجاري بين البلدين تعدت ال550 مليون دولار -نصيب السودان من الصادرات لا يتجاوز 43 مليون دولار , في حين ان الصادرات المصرية تفوق ال500 مليون وللأسف كل هذه البضائع عباره عن أواني بلاستيكية ولعب وكلام فارغ – تمنيت لو انها فول مصري ساي كان البوش رخص , تفجأت في الأونه الاخير بقي عادي تمشي تشتري فول بتاع الدكان يديك ليهو مخلوط بي لوبه عدس وتاخدوا حامد شاكر ولا تقدر تتكلم لانو انت عارف انو بليلة العدس دي زاتا ممكن بكره تجي ما تلقاها كان الله في عون الشعب.
قشة ما تعتر ليكم
والله فكرة هائلة لكن من المستفيد ياتري السودان المواطن البسيط والله الدولة والله اشخاص معينه ؟؟؟؟…………
الشئ الذي لم يذكره كاتب المقال ان هذا الطريق سيسهل نقل ملايين البشر من مصر بمعداتهم الثقيله والخفيفه داخل السودان وتوطينهم في بلادنا حسب اتفاقية الاستسلامات الاربع
والاخطر من ذلك سيسهل دخول المدرعات والدبابات المصريه متي ما ارادوا ذلك
يعني بصراحه لاخير لنا في هذا الطريق
علي الحكومه ان تحول هذا المبلغ وفورا لبناء جدار عازل شمالا اقرب الينا شرقا وغربا وجنوبا وشمالا هذا امشوا له انتم وتجنسوا بجنسيته
الي المشككين في الصناعه المصريه الاتي
الصناعه المصريه تنافس وبقوه في بعض الصناعات علي مستوي العالم
1- الملابس القطنيه من افضل مصنعي الملابس الداخليه في العالم
2- الالمنيوم يوجد في مصر اكبر واحدث مصنع امنيوم في الشرق الاوسط
3- صناعة السيارات سيارات نصر وسيارات شاهين وتم تصنيع اتوبيسات العام المنصرم بايدي وخبرات مصريه مائه في المائه
4- تصنيع دبابات مصرية الصنع
5- تصنيع عربات قطار مصرية الصنع
6- تصنيع طائرات بمساعدة بعض الدول والان بدا تصنيع طائره بدون طيار مصريه مائه في المائه
7- صناعة الحديد والصلب من افضل الحديد في الشرق الاوسط
8- تكنولوجيا الاتصالات تعتبر مصر من الدول المتقدمه بجانب المغرب والهند واوربا وامريكا والصين وكوريا واليابان علي مستوي العالم
الصناعات المصريه كثيره ومتعدده والايام تثبت ذلك
حسب حسابتك قيمة الميزان التجارى 550مليون دولار نشيل منها 43 مليون دولار نصيب السودان الباقى خمسمية وشوية مليون دولار سب كلامك (((كل هذه البضائع عباره عن أواني بلاستيكية ولعب وكلام فارغ))) يبقى غلطانين احنا شعب يستهلك لعبات وعدة بلاستيك ب نص مليار شعب يستاهل يكون عمر البشير رأيسواأ
لكم التحية
يعني دا تخلف شنو دا هم اليرجعوا حلايب اول حاجة وبعدين افكرو يصدروا منهم العدة والكبابي عليكم الله هم دايرين من المصريين الجعانين ديل شنو والله يفتحو الطريق البري دا تاني يجو يقرضو الاخضر واليابس ديل عالم وهم الله لاجابهم ولاعادهم تاني شعب الله الكذاب,يتفاخروا عندهم سياحة بالاثار بتاعت السودان المغتصبة يعني اشيل اثارك واتاجر بيها وانبذ فيك واخليك منسي وماعندك اي حق وبع دا كلو اجي اعمل معاهم طريق بري ديل ناس اخير منهم اليهود اصلاً مامعدودين مع البشر.
كما قلت سابقا السودان حايصدر ليهم اللحم النسينا شكلو دا
و مصر حاتصدر صحانة طلس و بسكويت و رقاصات (في حتة الرقاصات دي نحن مكتفين ذاتيا و البركة في البشكير)
اعود و اكرر ان هذا الطريق لن يجلب للسودان سوى البلاوي ماركة اولاد بمبة
…يعنى شيخ البرعى له الرحمة ,كان غلطان ومخطئ لمن قال مصر المأمنة بأهل الله..؟!؟؟
الطريق دا فتحوهو عشان المصريين يجو يزرعوا لينا اراضينا عشان نحن ناكل
خطة جهنمية للكيزان فى جنوب الوادى وشمالو وغدا الطريق الليبى
الي المشككين بالصناعات المصري الاتي
9-صناعة الرخام وهي معروفه من اجود انواع الرخام بالعالم
10- صناعة السيراميك من اغلي واجود انواع السيراميك بالخليج بعد الاسباني وهو نوع سيراميك كليو باترا
11- صناعة الاسلاك والكابلات مصنع السويدي العالمي
12- صناعة الجلود
13- مصانع الغزل والنسيج مصر تمتاز بالسجاد الاصلي النساجون الشرقيون وهي تنافس تركيا وايران
14- اكبر مصانع اسمنت في الشرق الاوسط في السويس واسيوط وغيرها كثير
15- يوجد صناعات خفيفه كثيره جدا
16- الزجاج المصري معروف علي مستوي العالم ويصدر للخليج
والقائمه طويله لاي شخص يشكك في نهوض مصر وفي الصناعه المصريه شركات المقاولات المصريه علي مستوي العالم وصولا الي كندا وجبال الالب بسويسرا وهي شركات سويرس وغيره
ونحن سوف نصدر لمصر الويكابعد تعبئتها في عبوات صغيرة ، والمفراك يمكن أن نغزو به الأسواق المصرية
شئ عجيب دولة جنوب السودات ترحب بالتعاون مع المصريين بكل مودة وحب ، و نحب أو جانب من شعبنا يضمر الكراهية لأشقائنا في مصر .يا ناس وجود طريق دولي بين مصر والسودان يعود بالمنفعة للشعبين
الف مليون مره قلنا وبنقول انو المصريين اكتر الشعوب انانيه وما منهم فايدة وقلنا البعد ولا البلاد ام سعد او الفيها المصرين بلا شمال الوادي ولا جنوب الزفت خلونا في حالنا مصر كانت اكبر داعم الي التمرد الطائرات التي ضربت مصنع الشفاء اقلعت من مصر ويكفي اهانة لي السودانين في الاعلام المصري الوسخ والله ورب الكعبه الحكومة قاعده تسوي الحاجه الما عاوزه الشعب والمصلحة دائما بتكون للحكومة لا بارك في الكيزان ولا من والاهم ولا من تمسك بهم ولا من طبل لهم ولا من اشتغل معهم ولا بارك الله في انا اذا لم انطق بكلمة الحق حتي لو علي رقبتي,,, عاش شعبي شعب السودان وعاش كل مناضل ناضل من اجل كلمة الحق وعاش كل من كتب وتكلم وسجن وعذب وعاشت كل ست شاي تناضل من اجل لقمة ابنائها وكل عتالي يعرق بي العرق الحلال وكل اصحاب الورنيش الذين تركوا المدارس بسبب سياسة حزب الموتمر وكل طبيب و مهندس وكوادر وطني الذين كان النظام سبب في هجرتهم. انتهي كلامي لكن مازال لساني ينطق وقلبي ينبض بي الحرية ..
دي صفقة قوية من مصر لتسويق منتجاتها… السودان يستورد من مصر (الاواني المنزلية والالعاب و الاسمنت وبعض المواد الغذائية والحلويات وحتي لبان الماربيلا… بي كمية هائلة من ملاييييييييييييييين الدولارات) التي تنعكس بؤساً علي الاسعار والخدمات وعدم الجودة في كل شي حتي (الخبز) والتردي الصحي في البلاد. يعني نهوض السودان في الزراعة ما من صالح مصر وفي الصناعة ما من صالح مصر…
والسودان بستفيد من دولة جنوب السودان اكثر بكثير من السودان… مفروض الطريق دا يكون مع دولة الجنوب… عشان نقدر نصدر ليها منتجاتنا… ووننعش معها سوق تجاري كبييييييييير… ومع بعض الدول الافريقية….
مفروض نتوسع في الزراعة والمنتجات الزراعية… ونشجع ترميم المصانع المقفلة في السودان التي تقدر بـ اكثر من(ألف مصنع) ونصنع صناعة جيدة ذات منافسة عالمية …
لكن العجز الذهني للساسة والاداريين وسياسة رزق اليوم باليوم والمجهودات الفردية (الواحد يحسب انه انجز اشد الانجاز للبلد ويستبيح حاجات كتيرة وهو ودا البلد في ستين داهية) والاشياء التي لا تسمي ولا تغني من جوع وعدم التخطيط والرؤية بعيدة المدي ونقص فايتمين الوطنية وحاجات كتيرة مفروضة….
عشان نقلب الهجمة مرتدة للطريق بين مصر والسودان…ونصدر لي مصر ونكسب كميات ضخمة من العملات الصعبة وحتي يتنفس بلدنا الصعداء بعد كم و20 سنة راجعين وراء في كل شي….
واللهم دمر من بطر الحق… ودعم الظلم … وسعي نفاقاً…
والله يكون في العون البلد والمواطن……
اول حاجة يرجعوا لينه حلايب وبعد داك البلا اليخموهم