اسراء عادل…بأي ذنب (فُصلت).؟
احمد دندش
سلمت قناة النيل الازرق المذيعة (المهذبة جداً) إسراء عادل ورقة فصلها من العمل، في وقت تحتاج فيه القناة لكل كادر مميز بداخلها، واسراء إحدى تلك الكوادر المميزة جداً، والتى لمع بريقها بصورة لافتة جداً خلال سهرات رمضان الاخيرة بصالة سبارك سيتي، وبرغم بعض ملاحظاتنا الطفيفة على اداء تلك المذيعة، إلا ان هذا لايمنع على الاطلاق أنها اليوم المذيعة رقم (1) في القناة، ودون منافس حقيقي لها، في ظل غياب (تسابيح) الاخير ومستوى رشا الرشيد (غير الثابت)، لذلك فإن الخطوة وبصراحة (غير منطقية)، وتفتقر للمهنية، ومما زاد دهشتي الشديدة تصريحات الاستاذ حسن فضل المولى مدير القناة عبر الصحف أمس حيث قال أن القناة هي مؤسسة تفصل من تشاء حسب مايقتضيه العمل-أو ماشابه ذلك- لكن مافات الجنرال هو أن يقدم لنا توضيحاً شافياً ومنطقياً عن سبب استغناء القناة عن المذيعة رقم (1) حالياً فيها، في ظل هجرة عدد كبير من مبدعيها للقنوات الاخرى، و(تعسيمة) من تبقى.
وملاحظة اخرى على حديث الاستاذ فضل المولي حيث قال إن القناة قادرة على تعويض اسراء بمواهب اخرى واضاف: (دي تفوت..ودي تجي)..!!..وعبارات مثل هذه يؤسفنا أن نقول للجنرال أنها لاتليق بمؤسسة إعلامية (محترمة)، ينبغى أن يكون هيكلها منظما بحيث تستفيد من خبرات الموجودين بداخلها، لا فصلهم و(تشريدهم) بدون اسباب واضحة، وقبل هذا فعلها السادة بتلفزيون السودان (شفاه الله) عندما قاموا بفصل عدد كبير من المتعاونين الاكفاء داخل الجهاز، فأدخلوا أنفسهم في (جحر ضب) لم يستطيعوا الخروج منه حتى الان.
جدعة:
القضية يا استاذ حسن ليست قضية (دي تمشي ودي تجي)..نحن لانتحدث عن صالة لـ(رقص الباليه)..نحن نتحدث عن مؤسسة اعلامية كبيرة وناجحة جداً ولها جمهور، ولتلك المذيعة (المظلومة) جمهور كذلك يريد أن يفهم اسباب الاستغناء عنها بتلك الصورة (المستفزة جداً) والتى تفتقد لابسط قواعد المؤسسية والعلمية و(المنطق).
لسعة:
نريد من قناة النيل الازرق أن تخرج لنا بتوضيح رسمي يؤكد ملابسات فصل المذيعة اسراء عادل، ونتمنى أن يكون توضيحا يشفى غليل الاسئلة التى أناب البعض بالاجابة عنها (بما لايسر القناة الكبيرة)، بينما ظل آخرون يتكهنون على طريقتهم الخاصة، ليأتي حديث السيد مدير القناة أمس ليفتح المزيد من بوابات رياح التكهنات، فهل تغلقها القناة بتوضيح سريع لحيثيات ماحدث.؟ أم تجعل علامات الاستفهام تتراقص بذات الايقاع (الغامض جداً).؟
شربكة أخيرة:
اسراء عادل…بأي ذنب (فُصلت)..؟؟؟؟؟؟
السوداني
خلاص بقي الفصل علي إسراء عادل بس ,, ماعندك مليون عامل في مشروع الجزيرة تم فصلهم ومليار عامل في الكهرباء والسكة رماد والري الهامل والمؤسسة الفرعية للحفريات وووووو…. وكمان حقوقهم ماادوها ليهم ؟؟ قال .. سلمت قناة النيل الازرق المذيعة (المهذبة جداً) إسراء عادل ورقة فصلها من العمل، طيب عرفنا فصلوها شنو خاتي لينا كلمة المهذبة جدآ وكمان بين قوسين ؟؟؟؟؟ دة كسير تلج منك ساااااي وماعندك موضووووووع ؟؟؟؟ شوف ليك موضوع تاني يستفيدو منو الناس ؟؟
(دي تمشي ودي تجي) اسلوب غير مهذب….!!!!!!!
لا أشاهد قناة سودانية إلا في حدود ضيقة كأن أكون ضيفاً في بيت أحدهم وأشاهدها (مجبور) , كما أنني لا أعرف هذه المذيعة ولا أعرف لها برنامج وفي أي قناة تعمل لكن حسب ما قرأت وسمعت تعمل في قناة النيل الأزرق و أن لها جمهور كبير وسط السودانيين وفي ذهابها من قناة النيل الأزرق بالتأكيد سيذهب معها جمهورها وبذلك تكون فقدت هذه القناة جمهور لا يستهان به.
ما أود قوله أن ( الإدارة ) في السودان سيئة جدا في كل المؤسسات والهيئات والشركات وهي تقوم علي الشخصنة ( ويا دنيا ما فيك إلا أنا ) ومن المفترض أن يكون هناك تنافس علمي وأدبي بين القنوات الكثيرة هذه وبالطبع أن المذيع هو شخص له طموحه ويريد تأمين مستقبله لذلك إن فعلت هذه المذيعة هذا فلا غبار عليها وكان من المفترض علي مدير هذه القناة الجلوس مع المذيعة ودراسة مشكلتها ومن ثم حلها لا إطلاق هذا الكلام الغير مؤسس .
ده يمشى وده يجى دى لغة الكفلاء فى دول الخليج. هل تم إستيرادها مثل ألبان السعودية؟
والله مشكلة اول زول وأول كفاءة وخبير يفصل أو يحال للصالح العام فى السودان أعمل مسيرة يادندش ونحنا معاك عشان تانى مايفصلوا زول عطقآ على هذه السابقة ونفقد الكفاءات والخبرات
يا دندش يا اخوى هو عليك الله قناتك البتتكلم عنها دى فيها شنو غير الطقطق ويغلبك بالمال وتغلبيه بالرجال والبوم ابو جضوم وعشاء الفنانين واجمل عدس وعائلة زين وده كمال ودالجيران .. يعنى قناة فارغة ولاتحتاج لى مذيعات وتياب مزركشة واحمر واخضر .. حليل تلفزيون السودان زمان ايام ماما صفية ورجاء احمد جمعة والمدير صغيرون لامن الجماعة بتاعين النشرة الجوية قالوا ليه نحن بنظهر فى التلفزيون وبنحتاج بدل لبس ( كانوا من الارصاد الجوى ) .. قال ليهم ماضرورى تظهروا,,, بس عصايتكم دى اشروا بيها فى الخريطة واتكلموا عن المطرة والهبوب والكتاحة .. تقول لى شنو وتقول لى اسراء
في ظل غياب (تسابيح) الاخير ومستوى رشا الرشيد (غير الثابت)…هههههه يازول ما تشوف ليك كوره تكتب فيها شنو غياب ومستوي غير ثابت , ما باقي ليك الا تقول لينا غياب تسابيح بعامل الاصابه وجديه بعامل الايقاف 8
قناة النيل الازرق قناة صفقة وهجيج وهدفها الاول الهاء الناس وصرفهم عن مشاكل البلد التي اصبحت تتكاثر كل يوم كما انها قناة فاقدة للابداع والتجديد وبرامجها رتيبة والوجوه فيها متكررة
اسراء درة الشاشات السودانية ومكانها اكبر القنوات الفضائية ونتوقع ان تجد مكانها قريبا جدا في احدى هذه القنوات
دي تجي ودي تفوت هذا من صفوت المجتمع بقول كدا وكيف باقي الناس العاديين والله العظيم أسلوب باااااايخ وبعدين دندشة عاوز أعمل من الحبة قبة ليه وكيف وتوضيح وش دخلك انت كتر خيرك جبت الخبر
أخي حمزة الصحفيين السودانين هم سبب المشاكل في السودان والواحد دائما عاوز يأخد الشهرة علي حساب غيرو غايتو ربنا يصلح الحال قال المهذبة جدا انت عاوز توري الناس شنو شوف ياحبيبنا والله الشعب السوداني لو عاين في الواحد بس بقدر أقيمو والله كلامكم البتكتبو دا والله واحد من الشارع بكتبو تمش للصحفيين الرياضين ناس مزمل ورمضان وسلك ومحمد عبد الماجد موضوع ماعندهم الواحد بكتب ليك كلام والله حبوبتي تكتب أحسن منو
يا دندش، ما اختلفنا في تهذيبها، لكن هناك الكثير من الأسباب الادارية التي قد تؤدي الى الفصل. عشان كدا حقو انت تعمل مقابلة مع المذيعة وتسألها فصلوها ليه ؟ عشان ما تقعد تخمن ساكت، احتمال تكون مظلومة، احتمال ادارة القناة اتصرفت حسب لوائحها.. بعدين حكاية رشا الرشيد (مستواها غير ثابت) دي حلوة، انت كنت ناقد رياضي ولاّ شنو ؟ انت فاكرها هيثم مصطفى !!
طيب حسن فضل المولى وقت بغير المذيعين والناس اللي بختلفوا معاهو في مسائل على ما تبدو غير مهنية… هو زاتو اللي ممكن يستغنى عن خدماتو منو… طيب ما تجربوا تشيلوا الزول دا وجيبوا مدير تاني… يمكن الغناء الكتير دا يقل في النيل الازرق…
البقاء صراحة في الوسط الفني والأضواء والتلفزيونات يخضع لأمور على ما أظن وأن بعد الظن اثم.. بيخضع لتنازلات ورغبات وأطماع من يمسك القلم…
وملاحظة اخرى على حديث الاستاذ فضل المولي حيث قال إن القناة قادرة على تعويض اسراء بمواهب اخرى واضاف: (دي تفوت..ودي تجي)..!!..وعبارات مثل هذه يؤسفنا أن نقول (للجنرال) أنها لاتليق بمؤسسة إعلامية (محترمة)
إنت قلت جنرال!!يعنى عسكرى تخرج من الكلية الحربية بالشهادة الثانوية وتمت (جنرلته) فى عهد الإنقاذ!!فماذا تتوقع من جنرال عمل تحت إمرة المشير؟؟ نحن لا نفهم ملابسات الموقف ولكن..الخبر اليقين عند إسراء وستكشف عنه هى ..متى ؟؟هذا تقديرها
إسراء..مقدمة برامج متمكنة ولها حضور راقى فى الحوارات..ولن تندم على فصلها لأن الفضاء واسع وستنضم للفضائية التى تعجبها هى ..
بتكون سفهت واحد من الصعاليك تبع الجماعه والحكاية تكون حرقتو قاموا صفوها حسن فضل المولى زاتو بقا..
الاعلامية الاستاذة اسراء عادل اضافة حقيقة لقناة النيل هل من السهل الاستهان ب خبرات ب نجوم جعلووو فضائية النيل الازرق تضيئ في سماء الاعلام فقد حقيقي …. هكذا حال الاداريين ,,,,,, اما ب النسبة للما بشاهد قناة سودانية الا مجبور والجابرك شنووو انت وامثالك ماناقصنكم انتوو البتعكسوو الواجهة السيئة عن السودان
يا دندش إنت ما صحفي , إنت زول شليق ساى , حالتك دي زي حالة واحد في ( سودانيز اون لاين )إسمو صالح رغيبة,,, عرفتو….. ؟
بلد .. تعانى من جدب الموهبة … والعطالة الذهنية وندرة الكادر فى كافة مؤسساته فليس غريبا أن تصبح بعض ظواهرها حديث وموضوع للتدوال والنقاش دون ان يجنى الوطن المدمر فائدة ترجى .
تمشى تسابيح عادل أو ترجع أسراء مبارك ..لن يضيف جديد فى وطن تحاصره الحروب والباعوض والفقر وإنعدام القيم …
الموضوع ياسادتى وطن تركناه لكلا تناهشته اظافر الكيزان المجرمة زغيبته نهارا جهارا عن كل محفل جاد
وطن يهدده الضياع وبعض كتابه .. تشغلهم . .. قعدة المشاط .. والبودى قارد وفلانة المطلوقة .. وديك المطردودة
لابد من ثورة .. لتعيد لنا ترتيب الأشياء فكل شيء فى غير مكانه
من شروط الرجل الاعلامي التقافه العامه بس من اسلوب الجنرال دا اعتقد يفتقرو لحاجه زي دي …. قال دي تمشي ودي تجي .. ياخي انت شغال طراح في موقف حافلات، دي مؤسسة اعلامية فاشله وليست ناجحه بالله عليك دي كلمه يصرح بيها مدير مؤسسه اعلاميه ، عشان تكون اعلامي ناجح استفيد من خبرات الناس البتمشي دي بس للأسف صحيح اصبح ورا كل رجل عظيم(و)…
استغفرو الله يا شباب..
يا أخي عليها أن تحمدالله ان أبعدها من هذا المستنقع الآسن مستنقع (الفتنة ) الذي يلغ ويقف على بابه المدعو حسن فضل المولى – كيف لو قبضت روحها وهي تقف على (كباريه) او مسرح صالة اسبارت سيتي وهي في كامل زينتها امام الرجال والشيطان ممسك بناصيتها وقد اختلط الحابل بالنابل وهاجت الشهوات – ولم يعد هناك خطوط حمراء بين الرجال والنساء و الشيب والشباب – كل شئ اصبح على المكشوف (نظرة فابتسامة فسلام فكلام فموعد فلقاء…)
قناة النيل الأزرق قناة تتكسب وتسترزق بالغناء الهابط رسالتها تنحصر في تحنيط الشعب – وتعليم شبابنا وبناتنا ونساءنا فنون الغزل والتعري والدعارة والتخنث والفساد الأخلاقي وهدم القيم النبيلة والأخلاق الفاضلة ونقل ما يدور في أروقة صالات الرقص والخمور وتعظيم نجوم الغناء و الطرب والفسق وتمجيد الأموات من قبيلة الغاوون بالإضافة الى نشر أدب الغناء والرقص والمجون والسفور
قال تعالى: { ومن الناس من يشتري لهو الحديث ليضل عن سبيل الله بغير علم ويتخذها هزوا أولئك لهم عذاب مهين } . { لهو الحديث } هو الغناء وما اتصل به
وروى عن أنس بن مالك قوله ان رسول الله صلى الله عليه وسلم قال: { من جلس إلى قينة يسمع منها صب في أذنيه الآنك يوم القيامة } .
ومن رواية مكحول عن عائشة قالت : قال رسول الله صلى الله عليه وسلم : { من مات وعنده جارية مغنية فلا تصلوا عليه } .
قد تكون الصبغة واللون السياسى للأستاذة اسراء عادل السبب المباشر فى فصلها من قناة النيل الأزرق يعنى غير منتمية للحزب اليهودى الصهيونى الحاكم ومعلوم سياسة النظام هى نفس سياسة اليهود السيطرة على الاعلام والمال والله ان كانت زوجة قيادى أو كريمة قيادى بالحزب الحاكم لا يستطيع حسن فضل المولى ولا غيره أن يفصلها
عليك الله ده مااسفاف وعدم فهم الناس في شنو والحسانية في شنو الاقباط مطلعين فيلم في اساءة للرسول صلي الله عليه وسلم وانتو تتكلمو عن ليه فصلو اسراء عادل تقول كل مشاكلنا محصورة في ليه فصلو اسراء عادل بلد تحت خط الفقر جهل ومرض وظلم وتمزق وشتات وبلد مزقت اوصالا وانتو تتكلمو عن اسراء عادل والله ماقول غير اقول حسبي الله ونعم الوكيل
قسماً فإن الخاسرة قناة النيل الأزرق ، ذلك أن هذه المذيعة تتمتع بلباقة و حسن أداء و لغة سليمة ، و أجـــزم أنها الأميز فى قناة النيل الأزرق … ألا يدرى المدعو / حسن فضل المولى أنه برعونته هذه قد وأد موهبة تحتاجها قناته … ألا يدرى المدعو / ح ف أن المذيعين الذين إستبقاهم لديه ينصبون الفاعل و يرفعون المجرور … ألا يدرى المدعو أن المذيعين الذين لم يفصلوا يتمتعون ” بجــــلافة ” يحسدهم عليها الخنزير … فمنهم من يظهر بزى كأنه ذاهب ” يكتل حفلة ” و يجيب على أسئلة المسابقات فى سذاجة ” مرة ” كفعل المذيع / محمد عثمان فى برامج رمضانية بغض النظر عن أن مظهره العام يدلل على أنه لم يستوعب النقلة الجديدة … نادين علاء الدين تلك المذيعة ” المهترشة ” التى تتكلم أكثر ممن تستضيفه و تمطره بالأسئلة و الإجابات و الإبتسامات الممطوطة … و أمجد وما أدارك ما أمجد … و لا ينفى ذلك أن بالقناة كوادر مميزة مثل سعد الدين و شيبة و رشا الرشيد و نسرين النمر .
سياسة الفصل فى معناها قطع للرزق ، و فى حقيقتها وأد للموهبة ، و فى دلالتها فشل إدارى من الجهة التى تتولى كبر الفصل ، و فى مظهرها إنتصار زائف ، و فى سيرتها سمعة سيئة للكيان و إدارته … أرجو أن يراجع من تولى كبر المصيبة نفسه و يعود لرشده ( فالرجوع إلى الحق فضيلة ) … و لاينتطح ….ـان فى حقيقة أن مسيرة القناة ماضية بغير المذيعة ، و كذلك موهبة المذيعة إسراء ماضية سواء مع قناة النيل الأزرق أو مع غيرها من القنوات … و لكن الإختلاف مقيت و التشدق بالتصريحات لوسائل الإعلام سلوك دنيئ أرعن … و أخيراً بالتوفيق لقناة النيل الأزرق و بالتوفيق للموهبة إسراء عادل .
المذيعة (المهذبة جداً) إسراء عادل ..
أعتقد أن مابين القوسين هو سبب فصلها !!
ياجماعة الاستاذه اسراء عادل اصلا هي قبلت في قناة الشروق وحسن فضل المولي والنيل الازرق سارعو بفصلها قبل ان تقدم استقالتها لتكون عظه وعبرة لغيرها من الاستاف العامل في القناة.
بصراحة المذيعة الجميلة اسراء عادل من اميز المذيعات حاليا فى الساحة الاعلامية المرئية ,,,وهى مثقفة من الدرجة الاولى ولها حضور متميز واطلالة رائعة كروعة جمال الانسان الجميلة,,,,وهى من المذيعات النادرات والمحترمات ,,ونكن لها كل التقدير والاحترام,,,,ونتمنى من قناة النيل الازرق اسباب فصلها المفاجىء وتوضيهالراى العام.
تم فصل الأستاذة إسراء لأنها خطفت الأضواء وتلقت الإشادات
ما دايرين فضل المولى لازم بيان من من القوات المسلحة .. فصل مذيعة (مهذبة جدآ) تهديد للامن القومى
واحد من الاسباب الكتيرة البتخلينا مانتقدم سم واحد اللك والعجن والكلام الكتير في امور مامنها
فايدة خلاص فصولها وفي مليون قناة بتشتغل فيها في شنو تاني نقة علي الفاضي اف اف اف
يا مدير القنا الحكاية ما قروش الحكاية كفاءت وانت ما كفؤ لهذا المنصب شيل قروشك وخلى لينا قناتنا الله يرضى عليك
ما دايرين فضل المولى لازم بيان من من القوات المسلحة .. فصل مذيعة (مهذبة جدآ) تهديد للامن القومى
عشان تعرف انو نحن شعب زباله والصحفيين السودانيين هم البكتيريا المخمره لهذه الزباله ..قبل كده اتفصل الفاتح الصباغ واكرام الصادق من تلفزيون السودان وناس الامن اغتصبو بنت سودانيه حره والبشير قال الجعلي لو ركب الغرابيه ده شرف ليها والمصائب تترأ علينا من كل حدب وصوب في هذا السودان الصابر وكل هذا يحصل يوميا طيب مين فيكم القال كلمة الحق يا كتاّب الصحف جايين هسي تتكلمو عن فصل المذيعه اسراء وكمان عاملنها مميزه هو بالله القنوات السودانيه دي فيها شخص مميز ياعالم ارحمونا يعني عشان لونها مصفّر ووراسمه حواجبها وعامله احمر الشفاه ..فاذا اصيب القوم في اخلاقهم فأقم عليهم مأتما وعويلا..
ريحو نفسكم حتى قناة النيل الازرق بقينا ما منشوفها هى الاخرى بقت بوق للحكومة هنيئا لك اسراء عادل الانعتاق من سيسيت الاعلام ، لان الاعلام عندنا يغم ويزيد الاحباط ولاقناة نافعة ومريحين دماغنا نشاهد تطور العالم من حولنا فى القنوات الاخري عذرا
هدا منطق حكومة الانقاد التى تولى من تشاء بدون كفءات مما ادى الى ضياع الوطن
اسراء واحدة من الاف الضحايا
صبرا ال ياسر فان موعدكم الصبح الا ان الصبح لقريب
وكل قرد حا يطلع جبلو
صاح ممكن يكون سبب فصلها انها مهذبه جدا وماماشة على هواهم ؟؟؟؟؟؟؟؟!!!!!!!!
قناة النيل الازرق اصلاً هي قناة فاشلة الا برنامجين فقط او ثلاثة بتاع الطاهر توم ومحمد هاشم بتاع الفتاوي ونوعاً ما برنامج نجوم الغد اما باقي البرامج كلام فارغ ..
ده غير الدعائات المملة والبتزهج الزول من القناة
اسراء حسب علمنا في طريقها لقناة الشروق كما فعل شيبة الحمد وغيره من المذيعين
المعلق ود عويضة/ والله بصراحة اعجبني تعليقك كلام مية مية كفيت ووفيت
الموضوع فيه ان
جالك كلامي يا أحمد يا دندش، شايف ناس جريدة فنون جابوا ليك الخبر الأكيد، وفيهو أسباب فصلها، وهي غلطانة(شفقانة)، ربنا يوفقها في الشروق. حقو تاخد ليك كورس مع خالك هيثم كابو، شغلهم نضيف وبيجيب حق الفطور في سوق الناقة وعوضية سمك، مش موية فول بالجبنة.
الخبر كما ورد في جريدة فنون :
((كشفت مصادر مطلعة داخل قناة النيل الأزرق عن الأسباب الحقيقية وراء فصل المذيعة إسراء عادل درويش عن العمل.
وتعود التفاصيل بحسب مصادر الصحيفة المطلعة أن هناك اتفاقا مسبقا بين قناتي الشروق والنيل الأزرق يسمح بانتقال الكوادر من محطة لأخرى بموافقة الطرفين إلا أن المذيعة إسراء عادل أخلت بالالتزام الأدبي والعقد المبرم بينها والقناة وقامت بالتقديم للمعاينات دون علم إدارتها ، وأكد المصدر أن مدير القناة حسن فضل المولى حينما واجهها بما حدث أنكرت تصرفها مما حدا به للاستشهاد بإدارة قناة الشروق الفضائية التى أكدت الواقعة.))
يا اخوانا تعالو نناقش قضاياتفيد البلد . واسراء ربنا يديها اخير وابرك من النيل الازرق ويوسع رزقها.وربنا يصلح حالنا
حزين جدا لهذا القرار الذي لم يراعي احساس هذا الاخت المهزبة جدا والاكثر احترام للمشاهد والاكثر روعة في اطلاله لا يمل منها المشاهد انا احد المحبين للاسراء جدا واقول الي حسن فضل المولي لم نسمع لقب جنرال في الاعلام اطلاقا الا في قناة النيل الازرق هذا لسبب انك رجل تفتقر الي لغة مهذبه يعني ديكتاتوري وسوري يا اسراء انت مكانه احسن من كده وعلي موعد في قناة الشروق
بت البد المنكوبة
كلامك عين العقل لكن مشاكل البد تناقشيها مع منو ؟كل مسعول في قصره وكل مسعولة فيييييييي سريره راقدة عارفة الشغل ماشي نحن مشكلتنا الأسايبة ما عندنا ثقافة حوار بينا كل مشكلة عاوزين نحلها بحرم وطلق ويقطع ايدي ويقطع راسي .
يا بت البلد شاركينا الحزن على بلدنا البنفقد فيها حتة حتة حتى كبار الجراحين احتاروا في التقطيع حق البلد .
دكوم جاي يحميك النوم
هذه الايام الاسباب كثيرة ومتعددة .؟؟!!..فقط (المهنية) ليست واحدة منها .؟؟!!
انا تقريبا اكون عارف السبب في فصل اسراء عادل ,, لو بتذكروا سهرة العيد التي كانت في استضافه الفنان الطيب عبدالله وكان في تقديم هذة السهرة المذيعة اسراء بالاضافه لمدير قناة النيل الازرق / حسن فضل المولى وانا اثناء متابعتي للسهرة لاحظت في طريقة اسئلة المذيعة اسراء للفنان الطيب عبدالله فيها نوع من الجراءه وفي بعض الاحيان تقوم بقطع الفنان في كلامه من غير ان يتم كلامه وفي بعض الاحيان ايضا لاحظت ان الفنان الطيب عبدالله لا يفهم قصد المذيعة في سؤالها له ,, وفي هذة اللحظة رأيت حسن فضل المولى ينظر للمذيعه اسراء بطريقه غريبه شويه فيها نوع من الغضب نوعا ما وكأنه يقول بداخله (( دا شنو يا اسراء الاسئله دي والجراءه دي وقطع الفنان اثناء كلامه )) .. وانا حللت الحكايه قلت اكيد بعد نهايه السهرة دخل حسن فضل المولى مع اسراء عادل في مناقشه وانتقادات لدرجه الوصول الى خلاف وزعل وبي كدا كل واحد فيهم حاول ياخد قرار ليصلوا الى هذا الفصل .. والله اعلم ,,
ياجماعة هى مشكلة السودان بس بقت فى فصل المذيعة اسراء عادل !؟ ماعندكم آلاف المفضولين فى عهد الانقاذ الاغبر للصالح العام وغيره وتشريد آلاف الكفاءات والخريجين … ماإتكلمتوا ليه؟
ثم إن هذه المذيعة بالذات تستاهل الفصل عدة مرات.. لأنها متفلسفة… وجامدة… وراسها فاضى …وماعملت اى انجاز سوى خلفة كراعها فى برنامج افراح افراح .. وعرض التياب والمكياج
اما عن اشادة حسن دندش الغير منطقية بها .. فأنا اعتبرها مجرد اعجاب شخصى لادخل لنا فيه .. هؤلاء نقاد عصر الانحطاط الحضارى … ورحم الله ايامكم يارحمى سليمان .. وحسن مختار
أحترمك جدا و المستقبل امامك و ستجدين الأفضل و الفضاء الواسع
الذى ستبدعين فيه ، لا تهتمى كثيرا و انظرى للأمام .. ودايما المبدعون
محاربون فى بلادى .. لك التحية اختى على ما قدمتيه لنا و فى لنتظارك …
الغريبة مع تسابيح ما كان بيعمل كده تشاكل الخرجين وشرطت جوازا السودانى ورجعا تانى
ياصحراوى يا أخوى داك كان زمن وكانوا الناس بيملأ وا العين وكان تلفزيون السودان ومن يعملوا به لهم الاحترام الكثير وطبعاً اذكر الأستاذة الرائعة نعمات حماد زوجة الفنان الكبير الطيب عبدالله وكان هناك حمدى بولاد وحمدى بدر الدين واحمد سليمان ضو البيت وأذكر فى التلفزيون كانت فى غرفة بها شماعة معلق عليها جكتات وربطات عنق لزوم القشرة للمذيعين الماجاهزين ومافيش حد بيظهر الا ومظبط نفسه …. كدى عاين فى قنواتكم الحالية وشوف مناظر السادة المذيعين والا المذيعات شىء يخجل,, وأجمل عدس وشامبيون وخليك مع الزمن ياصحراوى
ياخى بالغتو. اخيرا عرفت نحنا كشعب متخلف وواقف فى مكانه ليه….! كل اهتمامنا هيثم مصطفى ومشكلتو واسراء فصلوها. يعنى مشاكل السودان لخصت فى المشكلتين ديل . والله لوكنا مرتاحين ماكلين وشاربين وحالتنا تسر الناظرين . نقول وملوا بس فى اولويات اهممممممممممممممممم
كرهتونا بهيثم مصطفى واسراء . يعنى خلاص ماعندنا مشاكل فى السودان غيرهم
شخص جثمان بدون راس عاطل عن المواهب.
قال جنرال اخدها وين في سان هريس
اخخخخخخخخخ
سفاسف الامور صارت هي الاهم مع احترامي للمزيعة انا احترمها جدا .
يا دندش امشى اسالها هى عن سبب الفصل بكون عندها فى ورقتها . وبعد داك مر على انا كمان وغيرنا بالالاف
منتظرنك بالصفوف حنوريك اسباب فصلنا من الخدمة علشان تعمل مقال صحفى قنبلة.
ديل فصلوا الجنوب.. ما يفصلوا اسراء عادل ؟ !!
الموضوع بسيط اسراء قدمت طلب انتساب الي قناه الشروق .قناه الشروق رفضت طلب اسراء.الجماعه جابو الخبر الي قناه النيل الازرق.تم مواجهه اسراء بالمعلومه.اسراء نكرت الموضوع حطب.اتصلت قناه النيل الازرق بقناه الشروق,ايدت قناه الشروق المعلومه.تم فصل اسراء من القناه.
س هل في العقد بين المذيعه والقناه (زواج كاثلوكي)
س لماذا بعد فصل اسراء تم طحيمها وقفل الفرص امامها
س هل السيد رجل موهل لاتخاذ مثل هذا القرار
س هل يظن الرجل انه ماذال الملحف العسكري بمصر
لماذا قناه النيل الازرق ليست موسسيه
الشمار حارق الجماعة الله يهديك يا إسراء اعملي مؤتمر (وطني ) أقصد مؤتمر صحفي وضحي الحاصل
ولايهمك يا اسراء الارزاق بيد الله يغفل شباك يفتح باب ما نهاية الدنيا
إنه قانون إلهى – عندما يقفل فى وجهكك باب ينفتح لك ألف باب وباب !!
المزيعة المهذبة انت تستاهلي تقدمي في ال ام بي سي ولا يهمك تهذيبك هو الفصلك من بعدك قنا النيل انتهت
هو زاتو حسن فضل المولى دا شايف نفسوا منو
زول بالمكانة الوظيفية دى المفروص يكون عندو اسلوب راقى فى الكلام ودبلوماسية لكن للاسف اسلوبوا زى الشماسة بس
والله ما تستاهلي انتي مكانك الام بي سي
ياخ الناس دى ماعندها موضوع ولا شنو مايفصلوها اصلو هى فصلوها من الدنيا كرهتونا البلد زاتو
انت دايره اخبار زي شنو يا سماح ؟
62 تعليق حتي الان من غير الردود رقم قياسي يعني البت دي فصلوها من وين حقو الناس ما تخاف عليها كتير لانو عندها مؤاهلات تخليها تشتغل في اي قناة وما تشيل هم القنوات بقت زي الرز يااخي ادم بتاع الدكان الجنبنا قالوا هو ومعاهوا اتنين عاوزين يفتحوا ليهم قناة جديدة يعني اثتثمار ناجح وغير مكلف تجيب ليك كم بنت حلوة وتربيزة وكاميرا وتبدا تجيب ناس وتقعد تتونس معاهم وتجيب فنان ويغني مافي اي موضوع كل القنوات ماعندها برامج غير الطرب وانا بدخل ليها واسطة عند ادم ويشغله معاه خلاص مشاكلنا انتهت وبقينا ما عندنا الا فصل المذيعه اسراء العيش رخيص والبنزين كمان والمواصلات والشوارع والمدارس تمام والصحة فل وخلاص راجعين للبلد وتاني مافي رجعه والعيد الكبير علي الابواب والخرفان2 بي 100 والتالت زيادة خلونا من فصلوها ونبقي في الزيادات والي الخرطوم قال تاني علاج مجاني هو اصلا كان في عشان يبقي مافي والبشير شال العمدان والمتعافي رجع تاني .
*** خلاص خلص الكلام ويابلادي سلام ***
ولا يهمك يا إســـراء .. أخوي حينشئ قناة قريبآ وحنعينك مذيعة ومديرة القناة كمان ..كده كيف ..!!
قناة تابعة لصالح كامل اكيد من سياسة صاحبةاوطريقة ادارة اعملة واستثماراتة نفس طريقة الكيزان في امتصاص دم الشباب ومدير مثل هذا المدعو فضل ليتذكر من بدا قناة النيل الازرق .
المدعو فضل يتدخل في ادق خصوصيات المزيعات ودائما يطلب ان يقوم بالانترفيو بنفسه مع المزيعات الجدد “شكله حاول الابتزاز”
إنتبهوووووووا يا سودانيووون من الثرثرة فى المواضيع الغير هامـــــــة ..وشكرا