تغريم رجل طعن زوجته وعشيقها عندما داهمها فى منزل عزابة

الدنيا دي حالها اتقلب ولا شنو

طبعا هسة بجوا ناس دا قانون شنو البغرم الزوج رغم خيانة الزوجة والكلام بتاع الحنك العاضى داك ودا شرفك وممكن تموت فيهو وكدا !!!!!
الاسلام الدين الحنيف لم يترك شى سدى . عندما امر الاسلام ان جريمة الزنا لا تثبت الا بأربعة شهود عدول ..سال صحابى جليل قال له
اتركهما وأتى بأربعة. فقال له الرسول نعم ولكن الاسلام أيضاً خفف على الزوج مخرجا وهو يمين اللعان ويقع بين الزوجين والصيغة معروفه
فى القران الكريم !!!!!!
اما هذا الرجل فقد فقد تعاطف القانون معه لان مثل هذه الزوجة لا تستأهل كل هذة التضحيات فالخيانة هى شيمتها وكان من باب اولى ان
يرمى عليها يمين الطلاق ويرتاح من شرورها !!!
او ان يقوم بإحضار احد الجيران حتي يثبت جرمها وسقوطها لان تصرفها القذر لايلحق به بل بأهلها !!!

إها مايجى واحد ناطى جوز زي حبنى بتاع المريخ ويقول لى ياخى الدم بكون فائر ويقلى

بقول ليهو ليس المؤمن بالصرعة ولكن المؤمن من يمسك نفسه عند الغضب

المهم

هو الرجل الاخر شرد ومواعد زوجة الرجل الاول واخد حقو وتحكمو ليه بى بلى 8000 اذا ده الحال نجى نواعد زوجات الرجال وطعموننا وادونا قروش

يخسي عليك يا عفنة يامعفنة

يقول الشاعر أحمد مطر :
كلب والينا المعظم
عضني اليوم فمات
ودعاني صاحب الشرطة لأعدم
بعد أن أثبت تقرير الوفاة
أن كلب السيد الوالي تسمم
يا ناس وين الشرف والعزة للزوج … يضرب او حتي يقتل واحد مع زوجتو في خلوة محرمة وكمان في بيت عزابة يغرم لصالح الزوجة الخائنة وعشيقها… وبماذا تم الحكم علي الزوجة والعشيق؟
أعتقد وجود حلقة مفقودة في سرد وقائع الجريمة …أفيدونا

ده قاضي لا يستاهل إسم قاضي . يغرم الراجل المسكين المغدور في عرضه وشرفه ويكافيء الزاني الهارب والزانية التي خرجت من بيتها تبحث عن الرزيلة برجليها سبحان الله . لكنه قاضي المشروع الحضاري ممكن في المستقبل نسمع احكام أدهى من هذا وأمر .

يا جماعة احنا قاعدين في بلاد (حرم)ابليس و لا شنو؟
يعني عرفنا التعويض على الاذى الجسيم ,طيب أين عقوبة انتهاك العرض؟ و أين عقوبة الاعمال الفاضحة التي قامت بها الزوجة الخائنة و الجبان الذي هرب؟

بعدين يا تعاسة القاضي اذا كان الرجل الجبان هرب يعني عارف نفسه غلطان تجي انت تعالجه و تعطيه تعويض كمان؟

ياشباب كدي براحة .. وختو الكوره واطه … القاضي من مغستو علي الراجل غرموا .. لان مرتو دي مابتستاهل ينطوا ليها حيطه … لكن الماانتبهوا ليهو كل الناس وهو مشكلة كبيرة جدا جدا خصوصا مع الاطفال والنساء والبنات … هو بيووووووت العزااااااااابة وسط الحلة .. يااما الناس تتفق انو مايأجروا ليهم .. او يكون في قانون ( ولو اني اشك في كده) يحرم التأجير للعزابة وسط العوائل .. مش عشان المشكلة زي دي بالذات .. لكن صدقوني سلبياتها كتيره شديد .

احتمال الخبر مبتووووووور للتشويق ………. المرأه تكون غير متزوجة ومصاحبة الحمقنجي ده وعائشة معاه علي طول ولم يستطيع الرجل اثبات انها زوجتة يعني عائش معاها كيري ساكت كما تفعل بعض القبائل دون زكر اثنيات ….. وهي مادام متعودة دائما ….. قالت تشتغل قطاع خاص وحصل الحصل …… وبرضو من خيالي الخصب.

بقيتوا ياااا قضاة السودان تشجعوا على الدعارة ؟؟؟؟؟ الراجل بدافع عن شرفوا ؟؟تبا لكم ولقضائكم!!

كان يطعن القاضى كمان ولو لقى البشير يديهو سكين لانه هو الخرج