صلاحيات جديدة وكبيرة لجبرة وتقليص النفوذ الفني للبرازيلي
الخرطوم ـ مجذوب حميدة:
تواصل الهيجين وازدادت ثورة الغضب وسط جماهير المريخ بعد التعادل الاخير مع الهلال والذي أجمع انصار الاحمر على انه بمثابة خسارة للفريق، خاصة وان هذه النتيجة اضعفت امل المريخ في المحافظة على لقبه. وقد أجمع الجمهور المريخي على فشل المدير الفني للفريق وطالبوا برحيله فورا، ووجهوا رسالة لرئيس النادي بهذا الخصوص من منطلق ان استمرار ريكاردو يعني مزيدا من تدهور الفريق، قد يصل الى خروجه من البطولة الأفريقية.
وفي هذا الصدد فان مصادر «الصحافة» الخاصة تشير الى أن هناك اتجاها قويا برز داخل مجلس الادارة فحواه تقليص النفوذ الفني لريكاردو ومنح المدرب العام فاروق جبرة مزيدا من الصلاحيات حتى يتمكن من فرض اسلوبه وانفاذ قراراته. ويجيء ذلك على خلفية الاخطاء الكبيرة التي ارتكبها البرازيلي خلال لقاء اليوم الاخير بدءا بابعاده لعدد من اللاعبين المميزين من تشكيلة البداية «فيصل العجب، ساكواها، اديكو» ثم التبديلات الخاطئة «اخراج الباشا، رمضان عجب» اضافة لانتهاجه اسلوب لعب «الرجوع للوراء» قاد المنافس لمعادلة النتيجة.
على صعيد اخر فقد عاد المريخ لمزاولة تدريباته بالامس وأجرى مرانا شارك فيه كل لاعبي الفريق، ذلك في اطار التحضير لمباريات المرحلة المقبلة. ويذكر ان الكاف قد حدد لمباراة المريخ في لواندا امام منافسه الانغولي السادس من شهر اكتوبر المقبل.
وفي تصريح للباشمهندس عبد القادر همد قال خلاله ان المريخ اضاع نصرا كبيرا وتاريخيا كان في متناول يده، مشيرا الى أن واقع المباراة في الشوط الاول كان يشير الى أن المريخ في طريقه لتحقيق الفوز وحسم نتيجة اللقاء، قائلا انه وقياسا على السوانح التي وجدها نجوم الاحمر فان النتيجة الافتراضية في الحصة الاولى خمسة اهداف.
وحمل المهندس همد جهاز المريخ الفني مسؤولية ضياع الفوز وضعف الامل في المحافظة على اللقب، ذاكراً ان ريكاردو فرط في حقوق الفريق وحرمه من تحقيق نتيجة قياسية بسبب تردده وتراجعه غير المبرر واخطائه الواضحة التي ارتكبها في قراءته لاحداث ومجريات المباراة.
الى ذلك، فقد دعت لجنة التعبئة المريخية لاجتماع مهم يعقد عقب صلاة المغرب اليوم وذلك لمناقشة تداعيات لقاء القمة وبحث كيفية اعادة تأهيل الاستاد وفتح صندوق تبرعات لصيانة ما تم تخريبه خلال المباراة خصوصا بعد صدور التقرير الذي اشار الى أن حجم التلف في الاستاد يقدر بثمانية آلاف وخمسمائة كرسي، وضياع اكثر من ألف كرسي الشيء الذي يكلف قرابة المليارين من الجنيهات.
وفي هذا الصدد فقد هاجم جمهور المريخ اتحاد الكرة وحمله مسؤولية الدمار الذي لحق بالقلعة الحمراء.
الصحافة
هذا التصرفات غير مقبوله من الجمهور السوداني الذواق ، أتمني من من الإتحاد العام أن يهتم بالناحية الأمن قبل التفكر في دخل المباراة ، وأيضاً أحمل المسئولية الكاملة لجمهور المريخ الذي سن هذه العادة .
الاتحاد العام للكرة السودانية مسؤل مسؤلية كاملة عن الحصل في استاد المريخ
((خصوصا بعد صدور التقرير الذي اشار الى أن حجم التلف في الاستاد يقدر بثمانية آلاف وخمسمائة كرسي، وضياع اكثر من ألف كرسي الشيء الذي يكلف قرابة المليارين من الجنيهات.)) المجموع = 9و500 كرسي ، يعني تكلفة الكرسي الواحد حوالي 210 ألف (بالجديد) .. ده كلام معقول يا مجذوب يا حميدة ، قوم لف بلا لخمة معاك …..
والله ياهمد حقو بعد دا يحسبو ليك الفزصة الضايعة بنصف قوون عشان خاطر عيون الوصيف … عشان تشيل الدوري بالفرص الضايعة … دا ما كان حال الكورة …
دا حقنا نكسروا ندمروا دا عرق الغلابة التعابة .. التاريخ يشهد جماهير المريخ هم الاكثر اعتدا
واثارة للشغب على كل المريخ ليس هو الخاسر الشعب كله خسران لانها دى حقوقنا نحن وما جمهور المريخ الا مستمتعا وبانانية بحق الشعب قاطبة
والحصل في استاد الهلال ماذا نسميه … طقطقت اصابع … ندين الحدثين بشدة
السن بالسنوالبادى اظلم
الحصل دا شكل من أشكال التفريغ السياسى وتعبير عن الحرمان والقهر السلطوي أسألوا ناس علم النفس أرجو أن يتعامل الإخوة بالمريخ بطريقة هادئة وبلاش نحيب الوضع لم يعد يستحمل المزيد من (الحركات)عودوا إلى رشدكم الهلال والمريخ كورة ما تدخلوا بيها حوش السياسة يا ناس الحكومة ويا ناس ال00000خلونا فى حالنا ليه دة بيحصل دي الوكت ماكتييير الهلال مغلوب والمريخ مغلوب
اسأل الله ان لا يلتقي المريخ والهلال على نهائي الكونفدرالية لانو اذا الان دي مباريات تصفيات عادية فياترى ما الذي سيحدث اذا التقى الفريقان في نهائي الكونفدرالية ؟؟؟انا اتمنى ان الامور تعدي على خير وان يكون جمهور الفريقين عاقل وواعي ويتقبل النتيجة مهما كانت ، وما احداث بورسعيدة ببعيدة اذا ماالتقى الفريقان !!
أعجبني كلام عضو الاتحاد محمد سيد أحمد عندما قال:
إن قوات الشرطة عندما يخرج خمسين شخص في مظاهرة سلمية في شوارع الخرطوم تشرع الشرطة في استخدام البمبان والضرب والقوة المفرطة لتفريقهم وعندما وقع التخريب أمام ناظريها لم تحرك ساكنا…..
اقترح اىمباره بين المريخ والهلال تلعب باستاد الخرطوم واستادنا مريح وجميل ولكن نعمل شنو مع الرهرجة والدهماء من الهلالاب5
اولا العنف مرفوض … والرياضة اخلاق .. ولكن نتساءل لماذا لم تدين ادارة المريخ وصحافته والاتحاد ما جرى باستاد الهلال ؟؟؟؟؟؟؟؟؟؟؟؟؟؟ مشجعين المريخ عاملين فيها اسياد البلد وجمال الوالى رئيسها .. مشاكل وتكسير اينما يحلوا ويلعبوا .. شندى وعطبرة ومدنى والخرطوم كلها تشهد .. والاتحاد الافريقى ادانهم ثلاتة مرات .. يا بلد مافيك الا نحن … عنجهية وتسلط وسلوك سئ وناس سلك ومزمل .. الخ شغالين دلاليك وحكامات .. المريخ هو المؤتمر الوطنى بكل سيئاته وغبائه وعنجيته وسوء ادارته عشان كده ودوا البلد كلها فى مليون داهيه .. الجماعه قايلين جماهير الهلال الصادق المهدى ولا شنو ؟؟؟؟؟؟؟
والله العشر قام ليهو شوك. بالله شوف الناس دي بتحتحت كيف. يعني اسه نفهم من كدا انو المرييييخ دا مفروض كان يغلب الهلال. بس ما في زول يقول [ايوة]
بعدين كسير الكراسي دا. يذهب الحرام من حيث اتى. قروش هاملة وما لاقية زول يلمها المصري الحارس يخم فيها والبدري يخم ويمشي وفلان يخم ويمشي وبعدين كسير الكراسي ليه انتو قالوا ليكم جمهور الهلال وقت دخل المباراة كان لابس عبايات وبلوزات ما انتو عملتوا فيها رجال وكسرتو. عرق الجمهور الهلالي والهلال الكيان. لما بقت الشغلة على استاذكم بقينا نسمع واي واي المتعودين عليها دي عالم جبانةجدا.
بعدين ريكاردو دا يدخل يلعب ليكم يعني ريكاردو دا عندكم منو اللي يفهم خطط النظرية عشان يطبقها داخل الميدان.
ما تويويو ساكت وبطلوا بكاء وحركات الشفع الصغار
بس كلكم تقروا ليكم بمقال لمزمل ابو القاسم وذمرتو وتقعد تولولوا المشكلة ما في مدربكم المشكلة في اللاعبين والاعلاميين.
يا اخوانا شرطة شنو بتحمي نادي المريخ وهي بتلبس كحولي , مع كل اسف اغلبية جمهور الهلال فاقد تربوي حتى اثناء المناقشات وجلسات السمر سلوكهم لا يليق بسلوك تشجيع كرة القدم والتي تهدف الى التنافس والتواصل الاجتماعي وليس نبذ العنف والتلاسن البذيء … الله يرحمك ياكرة القدم السودانية بقت سجم في سجم
الجمهور لازم يوعي شويه
ياخوانا المباراة الجاية (هلال بطيخ) في كاودا والحاضر يبلغ بله الغائب ، اهو بالمرة يصلوا هناك ،ولا الموضوع ده جلوهو خلاص ؟؟؟
يا اتحاد السفر والرماد البنت المضروبة عملتو ليها شنووووووو؟؟
مجنون ليلى والهلال
يا أخى قول كانت نتيجة المبارة 5 صفر لصالح المريخ انتو قايلين ده بحلكم الدورى الممتاز اصبح امره محسوم وكاس السودان محسوم والكونفدرالية محسومة اخيرلكم تستعدوا للعام الجاى وتبلوا رأسكم
المريخ مريخ ولو دمر الاستاد كلها فقط هو حسادة من جمهور الهلال لان استاد بتلك المواصفات لايوجد الان فى السودان وسنغلب الهلال ولو خارج الاستاد فى الساحات العامة
البديو مالو كلامك زي ا سمك بتحكي عن التهذيب والرقي هههههه والحصل كان في استاد الهلال داك كان شنو بعدين مال شعب خلي يكسرو من وين جبتو الفلوس وانت عارف جمال الوالي شغال شنو ؟؟؟؟؟؟؟ ولا ماعارف
أنا ما عارف تقليص صلاحيات ريكاردو دي حتكون كيف ؟؟!! يعني ريكاردو يدير الفريق في الشوط الاول وبعدين جبرة يتولى التدريب في الشوط الثاني ؟؟!! إمكن قصدهم ريكاردو يدرب الدفاع وجبرة يدرب الهجوم !! والله البحصل في الكرة السودانية ده ما شفناهو ولا سمعنابيهو واحد يتمرد على الفريق يجي البشير يعمليهو جلسة صلح مع رئيس النادي !! والجمهور يفلقو اللاعبين بالحجارة و الحكم يواصل اللعب !! وناس المريخ دايرين يعينو مدربين اتنين للفريق !! انتو ما سمعتو البشير حين قال قولته الشهيرة ريسين بغرقوا المركب
والله ياجماعة الخير الموضوع اكبر من مجرد كورة 000دى عبادة 000عبادة الهلال والمريخ 0000والعياذ بالله 0000لانه لايوجد فى هذه الحياة ماتسيل لاجله الدماء الا حب الله ورسوله شهادة وقربانا واذا كان عندكم راى غير هذا فارجو ان تراجعوا انفسكم 000
انتو عارفين صراع الايديولوجيات الميتافيزيقية دايما بقودنا لحالة من الانبعاج في ظل عولمة الامبريالية المطلقة