الرقاص والعصيان المدني

شكراً استاذ ابراهيم الكرسني على هذه السطور المُعّبرة .
نعم العصيان المدني هو الحل لهذه الأمة العظيمة العملاقة .
فالعصيان المدني قادر ان يسقط اي حكومة في العالم مهما كانت قوتها وتماسكها و جبروتها.

إرفع .. إرفع
إنت حاكمنا المدلع..
ما يهمك لو حريق السعر في اكبادنا ولع..
إرفع? إرفع..
يمكن البتسوي ينفع
او يحرك ذرة فينا من المشاعر او تخلي الشعب يطلع..
أو يؤذن في المقابر أو يحرك شعره في الممكون وصابر..
إرفع? ارفع..
لم ?ميتين زيتنا يطلع?..
نحنا في عهدك شحدنا فتافت الفول و المشمع..
ارفع..ارفع..
يمكن المكتولة تسمع..
نحنا نتسول ح ندفع
نحنا نتبهدل حندفع
نحنا نتوسل ح ندفع..
ولو صبرنا و قلنا باكر قلتو هسع..
نحنا لسه اوﻻدنا شفع
ونحنا ندفع انت يا ريس تمتع
ونحنا يوم الحظ تقسم و نحنا يوم الحق توزع
كنت انت نصيبنا من دون الخلايق
جيتنا ولعت البلد شرقا وغربا بالحرايق
جيتنا ياسجم الرماد ممحوق وحايق..
انت تأمر و نحنا ندفع
نحنا نطرح ..نحنا نطرح و انت تجمع
حتى من جيب المقطع..
إرفع .. إرفع
وخلنا نسميك رافع للضرايب
لي عدد لي عدد المصايب
لبلد أصبح موزع فيها رمز الشر ?نافع?
يا بلد منهوكة ﻻمن صوتا ضايع..
إرفع .. إرفع..
يمكن المكتوله تسمع??

رقاص و ما بيغطي دقنو
الناس في شنو و هو بيتفسح بين المغرب و غينيا
و غدآ علي الامارات لزوم الشحدة
التسوي بايدك يغلب اجاويدك