طبيب يكشف تفاصيل اعتداء «مرافقين» عليه بمستشفى الخرطوم

اصلا دي طبيعة اي مرافق جاهل _الطبيب يعالجك لكن يرحلك ولا يجيب ليك نقالة دي مشكلة ادارية وكل زول حضر للمستشفي بفتكر انو قروشو الحايدفعها حاتمشي لهذا الطبيب المعالج ولا يتحمل اي مناقشة _في حين انو هذا الطبيب بيكون عندو فقط حافز شهري لا يزيد عن ٢٠٠ جنيه واحيانا بعد سل روح حتي يحصل عليهو_فالشعب السودان حقيقة يجهل الكثير عن طريقة العمل الصحي في هذا البلد ويعتبر انو الطبيب دة كل شي عند ذهابة للمستشفي_

السلام عليكم.. الناس البتجى تضارب الاطباء فى مكان عملهم ناس غير محترمه و غير مسؤله.. يعنى الواحد لو زهجان من الوضع الحاصل يجى يرمى بلاويهو فى الطبيب.. والطبيب زااااتو بيكون ممكوووون اكتر منهم بس فايتهم بالصبر.. يعنى فى طبيب ما عاوز يشوف شغلو و يكون قاعد الليل كووووووووولو فى المستشفى.. والله الحكومه كرهتنا بعدم الامكانيات و المواطن كرهنا بعدم الصبر و التطاول.. منعول ابو الطب البجيب الذله للواحد.. قوم لف ياخ..

My heart goes with you Doctors. You work in poor condition with almost no financial reward and still you face such arrogance from lay people, really, too much.

…انتو قاعدين تنهروا المرضى والمرافقين ومخاطبتهم بصورة ما كويسة , الكلمة الطيبة جواز سفر,الظاهر ما قاعد تقرأ العبارات المكتوبة خلف الروزات واللوارى والرقشات..!؟؟..وبعدين طبيب توليد لابس ساعة ليه..؟؟..الساعة زمان الداية بتلبسها فى ذراعها فوق ,نفس محل الرجال زمان لمن يلبسوا السكين , هسع عادة لبس السكين انقرضت ,وانقرضت معاها طولة بالنا..!!!

المرافق دايما فى حالة توتر ويحتاج للكلمة الطيبة ليطمئن على مريضه, ووضعه لا يحتمل اى استفزاز او كلمة ما فى محلها ,وهذه النقظة التى يجب ان يفهمها الطبيب

أشك في أن هذه الرواية صادقة في تصوير ما حدث والكل يعلم مدى المهانة التي يجدها المواطن على يد الطبيب السوداني وكلنا جرب تكبر هذا الطبيب وترفعه وازدرائه للناس وتهربه من العمل. ووألله العظيم صادقاً أقول أعرف أحدهم كان يعمل في مستشفى في مدينة صغيرة وكان مناوباً ذات ليلة فاحضروا له في الطوارئ رجل قطع جزء من ذكره وهو ينزف فانف الطبيب وترفع أن يعالج مثل هذه الحالة وسأل عن التفاصيل قبل أن يدخل الى الغرفة التي ينتظر فيها المريض ثم هرب من باب صغير الى داخل عنابر المستشفى وفناءها الواسع المظلم وأختبأ هناك حتى سمع أن المريض الذي كان ينزف بغزارة قد توفي ثم خرج وجاء وكتب له شهادة الوفاة.
لا تجاملوا ولا تغطوا على الحقائق فالطبيب السوداني سلوكه سئ إلا أقلية منهم.

الاطباء و الطبيبات السودانيين في السعودية ناس محترميين و بالهم طويل و يتعاملوا مع المرضي من جميع الجنسيات بكل ادب و احترام و لذا يود معظم المرضي التوجه الي الطبيب او الطبيبة السودانية — و بيطلعوا علي كل جديد في مجال عملهم يعني باختصار ناس محترميين شديد — انا بشتغل في مدينة طبية كبيرة في الرياض في مجال هندسي اكثر من 12 سنة متواصلة لم اسمع اي شئ يقلل من مكانة طبيب او طبيبة سودانية –الا كل الخير والثناء — لماذا هذه التصرفات الغبية التي تحدث في السودان و تنشر علي النت و هنالك كثير من اصدقاء السودانيين من الاخوة العرب يمرون علي الراكوبة تحديدا – نشر الغسيل الوسخ يؤثر جميع المهاجرين .

المشكلة المرتب والوضع الصحى يعنى دكاترة اقرب الى مكنيكى مع اعتذارا للمكنيكى لانه عدم وجود مفتاح اربعطاشر بالكثير بجد مفتاح اخر اما أطباؤنا الأعزاء يعملون فى ظروف قاسية وبعضهم بصراحة تمتم شهادته دولارات ودى الكارثة لكن فى الكويسين بس الأغلبية منتهين وشايفين نفسهم امام المرضى وأهلهم والحالة منتهية عارفين بس المعاملة والاهتمام تغطى كل ناقص

الاخوين … جابر وسواق ابلقطر لقد قالوا الحق اولا كان من صحيفة الراكوبه ان تلتقى بالمعتدى وتعرف الحاصل بالضبط كما فعلت مع الطبيب وثانيا اضافة سنه اخرى لفن التعامل هذا كلام نؤيده لانقول كل الاطباء على درجه واحده من الاخلاق والتعامل هناك الشواذ فى التعامل والتكبر والعجرفه ولقد قابلنا كثير من الاطباء ووجدنا الطبيب الروحى والممتاز والاستفزازى الذى يقهرك وكما قال عاوز تورينى شغلى انا درست كذا سنه خلاص تعال اكتب روشتتك ولكن ما حدث اتوقع ان الطبيب ربما تحدث بلهجه شديده شويه مما اثار غضب المرافق ومن معه .. ولكن هل ثلاثة ما فيهم واحد عاقل انا اعتقد قامالاول بضربالطبيبوقام طبيب اخر بالدفاع وضربالمرافق وتدخل مرافق اخر وجاطت الحكابه والله اعلم .. لو ما كان الامر استفزاى لما حدث ذلك ولكن كان من المفروض من الراكوبه تمليك الحقيقه عن الطرفين حتى لا نظلم احد واعتقد ان هناكاشتباك بين المرافقين والاطباء .نرجو من صحيفتنا الراكوبه باستكمال هذا الخبر من كل الاطراف .مع شكرنا وتقديرنا .

السلام عليكم ورحمة الله وبركاته ….
التحية لكل اخواننا بيب مريض مرافق او اي مواطن سوداني ….
في البداية بحمد الله انو طول الفترة القضيناها في مستشفيات الحكومة رغم تردي الاوضاع فيها التزمت بالمسؤولية التي كان على عاتقي . رغم تعرضي للتحرش مرة من بعض المرافقين سواء مواطن او فرد نظامي( وخصوصا الشرطة الشرطة الشرطة لانهم عن تجربة اسوأ الافراد النظاميين )… ولكن ماتعلمناها ان لا نتعامل بردة الفعل لان الواجب يحتم علينا الوقوف بصف المريض حتى لو كان يهوديا او قاتل ابيك ….
لا احد ينكر الضغط النفسي على المرافق اذا كانت حالت مريضه حطرة وخصوصا اذا وجد تجاهل من الطاقم الطبي فكلنا بشر نعلم ذلك .. ولكن مايؤلمك ان تتعرض للتحرش ببعض المرافقين البعضهم ما بجوا المستشفيات الا ليثبتوا ان الاطباء متعجرفين ولا بد ( من انو نوريهم العين الحمرا عشان يمشوا عديل ) فياتو وهم القضاة وهم الجلادون لينتظرو الهفوات مما تحاك في ضمائرهم واخص بهؤلاء النظامين ممن يثبتون النقص الذي في داخلهم عن طريق ابراز سلطاتهم على الاطباء لنظرتهم الداخلية بالدونية مع العلم انا شخصيا لا انظر لهم بالدونية اوهم اقل منا… ولكن اعتبرهم شخصيا مرضى لذلك احدث نفسي ان لا على المريض حرج … مع الشهادة ان لكل قاعدة شواذ وهناك القليل منهم يعرفون كيف يتعاملون ولكنهم قلة ….. الذي يؤيد هذه النظرية الدونية … ان اغلب الضباط الذين تعاملنا معهم لم اجد منهم الا الاحترام
اذكر ذات يوم وانا نبطشي في قسم الجراحة خلال فترة الامتياز في احد مستشفيات الخرطوم (ابراهيم هالك وبالمناسبة دي لا تصلح ان تكون ورشة خرد خلو مستشفى الله يعين الشغب السوداني ) وكانت الساعة تقارب من ال3 صباحا , واليكم القصة
الساعة 3 صباحا
الاطباء : انا وطبيبتان
الوضع : الناس صاحية وعيونةا واقعة لانو نهاية نبطشية مرة
الواطة صانة
دخل مريض ملطخ بالدم والناس بتضرب فيهو (3 شباب)
الحوار
انا: معليش ياجماعه دي حوادث مافي داعي للاسلوب دا ..
الملاافقين : دا حرامي
انا : وداقسم بوليس و دي حوادث
طلبت النظام العام والشرطة
بعد شوية جابو لي شريك (المريض ) لاني ماقاضي عشان احكم عليهو
الجماعه برضو بضربوهو ..ثبتهم ويا انا يا انتو في العيادة ..
الجماعه طلعو خيطنا للمريضين جروحم
بديت اكتب الادوية لحد ماتجهز اجراءات الاورنيك
فجأأأأأة
دخل علي شاب طويل القامة عريض المنكبين ((((مفتتتتل)))) وبنادي باعلى صوت وين الحرامي … طبعا مارديت عليهو
بدا يعلي صوتو اكتر طيب وين الدكتور دا عشان نتفاهم معاهو …قلت لهو ماشايف البالطو دا …قالي الحرامية ديل ماتهبشم ومايتكتب ليهم اورنيك ولازم نادبم ….
قلت ليهو جدا دا حقك القانوني تم الاجراات وشيل اورنييكك وامشي تم اجرااتم … اتفاجات انو بكوريك فوقي بقولي احنا البنحدد وما عندنا اجرات بنعمل ومسك واحد منهم بدا يكفت فيهو … لحدي ماتدخلت الشرطة العسكرية … بعد شوية بدا يحاول يتهجم علي لانو في رأيو انا ما التزمت بي كلامو … واجمل حاجة طلع بطاقة ورماها لي بدون اي مناسبة … قلت ليهو بكل ادب لم بطاقتك عيك قالي : انت عالرف بتتكلم مع منو …قلت ليهو ماعارف ولاعايز اعرف وجدعت ليهو بطاقتو … قالي ات بتتكلم مع رئاسة الجمهورية. معاك ……….. الحرس الشخصي لرئيس الجمهورية, اها فلنفرض الرئيس زاتو جا ما بوقفني من شغلي ثم تانيا قولي رئاسة لما اجيك في القصر الجمهوري يازول احترم نفسك وابتدت المشادة الكلامية .فجاة انا حاسلمك وانا حاادبك وان حاذلك وانا وانا …. والبلد دي عارفنها حقتنا … المهم كمية من الفارغ …. واحلى حاجة الجماعه الطيبي ( النظام العام والشرطة ) بعاينو .. سبحان اللله غلطي شنو انا ماكنت عارفو لا عرفتو ….
طبعا لا في مدير طبي بقيف معاك
لا مدير عام معاك ..معاك رب العالمين بس والقصص كتيرة والله يطول فيها الحديث تملا كتب

اما بخصوص المرافقين امن اخوانا المواطنين ..فبجد الناس دي بتلقا الاطباء والطبيبات اضعف شريحة وبتفش غلها فيها .. اتحدا المرافقين اصحاب القصة اعلاه انهم يقدرو يرعو يدهم على اي موظف حكومي انشالله في مصلحة المياه خلي عسكري امي …فلاحتكم في الطباء طيب انتو الوضع اذا ضايق بيكم اطلعو الشارع…
اذكر يوم من الايام لما فيني مرافق منظراتي …قلت ليهو مافي شاش ومافي حقن امشي جيبهم عشان اشتغل لي قريبك بكل بجاحة رد علي وانتو قاعدين تعملو في شنو قاعدين تحبو بس.. كاني انا مامون حميدة …. والله مارديت عليهو لانو الجاهل الرد عليهو عيب

وبرضو ماننسا انو في جزء من الاطباء بعاملو المرضى والمرافقين بكل افترا وخصوصا ناس الذرة ومافي داع لي ذكر الاسماء بس ديل كباااااااااااااااااااااار مافي زول يقدر يعلي ذوتو عليهم وفلاحتم فينا احنا الصغار …
وان شخصيا لا اعذر اي طبيب يحمل مشاكلو وضغوطو على اي مريض لانو برضو لو ماعاجبك شغل المستشفيات ياتقعد وتعامل المريض كانو اخوك او ابوك او امك يا تتلما وتترزع في بيتك لانو مشاكل المستشفيات والوضع ما مسؤولية المريضوانتم في النهاية اقسمتم على كدا ….

اسف على الاطالة …. وفي الختام
الحمد لله الحمد لله الحمد الله الذي سخرني لاكون خادم لخلقه