لمن تقول “وينو البديـل؟”
أعرف تمام ذاك السؤآل هو الوهمْ
هو الحبل الفوق رقبتك إنبرم
عشان تعيش خايف ذليل فاقد العشم*
لكن نقول ما تشــــــــــــيلو همْ *
وينو البديل؟ ياهو دا البديل
محروسة تبْ .. مصمومة صمْ
فرسانا جمْ .. ما ليهو كمْ
فاقو العــــــدد .. كسرو الرقم
فيهم عشم .. فيهم فهم .. زايد زخم
حــــــــــفظو العهود .. أخلو الذمم
شحذو الهِمم والفـُـرقا دي بلموها لمْ
جاينكم لا ناس مكاسب لا نِعمْ
جاينكم بس ناس شغل، بس ناس خدم
لا ناس مراسم لا مواتر لا زخـم
وكل الخراب الفينا دا وكل السجم*
نمحاهو بى حبة فهــــــــــــــــم
نســـــــــــــهر عشانك يا وطــن
لمين نختـــــــــــــك في القمم
سودانا دا منذ الأزل ذهل الأمم
كان الحضارة والشطارة والقلم
وما تشـــــــــــــــــيلو همِْ
********************
*
ما تشـيلو همِْ جيشنا الأمين الخاتى ذمْ
جيشنا الأمين حِصــناً منيع ما فيهو رَمْ
جيشنا الأمين حالف يمين حالف قسم
واطـــــــــــــاتنا دى كفاها دم
والجــــدّ وجب والجــــــدّ لزم *
جيشنا الأمين حالف يمين حالف قسم
قــــــــالكم : يا ناس .. يا بلد ..
شايلنكم رآيا وعـــــــــلم
ناس الشرق .. ناس الشمال
ناس الغرب .. ناس الجنوب
ناس الوسط .. عِقــد الربوع الإتنضـم
حارسينكم وطناَ حبيب للناس أعم
وهـــــــو الأهـــــــمْ
عارفينكم أخــــــوان لزم
أما الغشــــــــيم المُعتدي
بنلجموا .. وما تـشيلو همْ
?????????????????????
د. شـــــــهاب طه
7 ديسمبر 2016
نعم للعصيان المدني السلمي في 19 ديسمبر 2016
[email][email protected][/email]
صح لسانك .. كلام بليغ وقصيدة معبرة جد
من البديل فزاعة اطلفها الاسلاميون وكأن السودان عند مجيئهم كان عبارة عن غابة – المهم يرحل الاسلاميون والبديل يكون الشيطان برضو احسن
يعطيك العافية يا دكتور . انشاء الله من ما نشيل هم مادام لدينا امل ورجال امثاللك وشباب نعقد عليهم العزم في التغيير الذى حتما سيأتي ولو كره الكافرون والمشركون والمنافقون .
صديقي دكتور شهاب عرفناك مهموما بشأن الوطن ونعلم أن مثلك يعاف أن يأكل مشبوها ناهيك عن حرام .. أتمني أن تقبل ترشيحي لشخصكم خداما لهذه الأمة بعد بزوق شمس الحرية يوم 19 ديسمبر .. وكلنا حالفين نحجز تذاكرنا ونقبل شايلين البلد .. والله كل بهرج الدنيا لايسوي جلسة في تراب الوطن وسط أحباب يبادلونك المحبة بصفاء وصدق .. علمتنا غربتنا أن خدمة شعبنا وأهلنا أولي من كنوز الدنيا .. عرفنا أن الوطن لا يقبل المقايضة بكل نعيم زائل .. تحياتي يا راقي ودمت زخرا للوطن وسهما في أكباد أعدائه .. وسنتقابل في مدني قريبا وهذا وعد
الناس فى الظاهر مابتنقاس بي تيبانه
مايغرك الشكل ومن الداخلة سجمانه
يوم الحساب تلقها من العدل عدمانه
وقت الجد المتين بفوة الخيل السابقانه
الحكومة واحزاب المعارضة بحركاته زفتانه
الشباب بجميع اطيافة العصيان برنانه
يوم الحكومة والدناصورات تقور بي شيبانه
والحركات والاحزاب ماعايزنهم فى اي خانه
الحزاب الاتحادي والامة والشيوعي والشعبي مامعانه
ياشباب ماعايزين لاحكومة ولا معارضة معانه
وبعض الشباب الفى كل الاحزاب عندنا امانه
الشباب المقيبين الفي الاحزاب من عادي الا من عادانه
سلم تسلم جيش شرطة امن وكل الاحزاب خيبانه
استعداديا شباب الجيش والشرطة وبعض الامن معانه
ود الجيلاني السودان لسودانه
صح لسانك .. كلام بليغ وقصيدة معبرة جد
من البديل فزاعة اطلفها الاسلاميون وكأن السودان عند مجيئهم كان عبارة عن غابة – المهم يرحل الاسلاميون والبديل يكون الشيطان برضو احسن
يعطيك العافية يا دكتور . انشاء الله من ما نشيل هم مادام لدينا امل ورجال امثاللك وشباب نعقد عليهم العزم في التغيير الذى حتما سيأتي ولو كره الكافرون والمشركون والمنافقون .
صديقي دكتور شهاب عرفناك مهموما بشأن الوطن ونعلم أن مثلك يعاف أن يأكل مشبوها ناهيك عن حرام .. أتمني أن تقبل ترشيحي لشخصكم خداما لهذه الأمة بعد بزوق شمس الحرية يوم 19 ديسمبر .. وكلنا حالفين نحجز تذاكرنا ونقبل شايلين البلد .. والله كل بهرج الدنيا لايسوي جلسة في تراب الوطن وسط أحباب يبادلونك المحبة بصفاء وصدق .. علمتنا غربتنا أن خدمة شعبنا وأهلنا أولي من كنوز الدنيا .. عرفنا أن الوطن لا يقبل المقايضة بكل نعيم زائل .. تحياتي يا راقي ودمت زخرا للوطن وسهما في أكباد أعدائه .. وسنتقابل في مدني قريبا وهذا وعد
الناس فى الظاهر مابتنقاس بي تيبانه
مايغرك الشكل ومن الداخلة سجمانه
يوم الحساب تلقها من العدل عدمانه
وقت الجد المتين بفوة الخيل السابقانه
الحكومة واحزاب المعارضة بحركاته زفتانه
الشباب بجميع اطيافة العصيان برنانه
يوم الحكومة والدناصورات تقور بي شيبانه
والحركات والاحزاب ماعايزنهم فى اي خانه
الحزاب الاتحادي والامة والشيوعي والشعبي مامعانه
ياشباب ماعايزين لاحكومة ولا معارضة معانه
وبعض الشباب الفى كل الاحزاب عندنا امانه
الشباب المقيبين الفي الاحزاب من عادي الا من عادانه
سلم تسلم جيش شرطة امن وكل الاحزاب خيبانه
استعداديا شباب الجيش والشرطة وبعض الامن معانه
ود الجيلاني السودان لسودانه