الرقاص.. وبركان (19) ديسمبر
أبشر..أبشر.. يا سودان
بدأ الزحف على الكيزان
زحف شبابنا بدايتو زمان
من يوم قالا شهيد الفكر
يا هذا.. أو يا الطوفان!!
……
شعبنا صامد ماهو جبان
شعبنا رافض مابيتهان
من شذاذ ما ليهن قيمة
زي ننافع وعلى عثمان!!
……
هو السودان مين قسم بلدو؟
غير ناس نافع وعلى عثمان!!
هو السودان مين شرد شعبو؟
غير ناس نافع وعلى عثمان!!
هو السودان مين سرطن أرضو؟
غير ناس نافع وعلي عثمان!!
هو السودان مين جوع شعبو؟
غير ناس نافع وعلى عثمان!!
هم عصابه مع مرتزقة
روعو ناسنا وكتلو أطفالنا
خلو بلدنا فقر وخربان !
…..
شعبنا واعي و”ماهو هوين”
يوم قرر كنس الكيزان
سلاحو مجرب وكيف بتار
مافي سلاح غير العصيان
شعبنا هادر وما بيتراجع
يشيل قدامو الوسخ الطامح
وسخ العصبة من الاخوان
زي النيل زمن الطوفان
……
شوف سودانا تضوى سماهو
بى شابات زي الغزلان
شوف سودانا شوارعو بتضحك
بى شبان زي الفرسان
يومت هدرو هدير الثورة
يومت أعلنو للعصيان
تسعطاشر يوم الطوفان
…….
آخر حاجة حقيقة بقولا
للرقاص وتجار الدين
ديلا شبابنا بدورو دواسكم
فتحو عينكم ….
مافي مناضل أصلو بخاف
ومافي مناضل أصلو جبان!!
…….
ابراهيم الكرسني
فجر الجمعة
2016/12/9
جمعة مباركة يا كرسني ؟
ماقصرت ياكرسنى .
جمعة مباركة يا كرسني ؟
ماقصرت ياكرسنى .