قطبي المهدي يستغرب من عدم خروج المواطنين في تظاهرات استنكاراً للهجوم على كادقلي
الخرطوم: بكري خضر
طالب الدكتور قطبي المهدي القيادي البارز بالمؤتمر الوطني، رئيس دولة جنوب السودان الفريق سلفاكير ميادريت بالتدخل لإيقاف حلفائه قادة قطاع الشمال بالحركة الشعبية ومتمردي دارفور عند حدهم بإصدار قرار رسمي بإبعادهم من دولة الجنوب.
وأشار المهدي إلى أن سلفاكير يستطيع إيقاف حلفائه من استهداف المدنيين في ولاية جنوب كردفان وانتقد الاتجاه لتوسط سلفاكير بين الحكومة وقطاع الشمال، وتساءل كيف يتوسط وهو بيده القرار وهاجم دعوة السياسيين للحوار مع متمردي الحركة الشعبية في ظل قصف الأخيرة لكادوقلي على مدى ثلاثة أيام وقتلهم للأبرياء والنساء والأطفال.
وقال إن المتمردين لجأوا لاستهداف المدنيين بعد فشلهم في إيجاد موطيء قدم لهم في مفاوضات أديس أبابا لإسماع صوتهم، واستغرب قطبي من عدم خروج المواطنين في تظــاهرة في الخرطوم وكادوقلي رفضاً واستنكاراً للأعمال الإجرامية للمـتمردين التي راح ضحيتها النساء والأطفال.
آخر لحظة
ههه..يستغرب من عدم خروج المواطنين في تظاهرات استنكاراً للهجوم على كادقلي
المواطنين الطلعو فى هجوم هجليج ..نالوا شنو؟؟ زيادة أسعار المواد الغذائية والمحروقات؟؟
ألله يحرق حشى أمهاتكم وأبناءكم
ما تستعجل.. المواطنين لما يخرجوا ..إنتا ما حتكون موجود عشان تستغرب ومافى كادوقلى
يا سيد قطبى : الشعب اقتنع بان الحرب مصلحة لتجار الكيزان …الشعب اقتنع بان الكيزان اهل حرب لا يعيشون الا فى جوء الحرب والجوء العكر ….الشعب اقتنع بان الحكومة حكومة حرب لا يطول عمرها الا بصناعة الهجمات الحربيه وتاجيج الصراعات القبليه فى مناطق الهامش وغيرها …الشعب اقتنع بانه لا سلم ولا امان ولا وحدة وطنيه ولا رخاء واستقرار الا بعد رحيل نظام الكيزان .
كادوقلي الجو جو و البر بر رايك شو …….فلم جديد
مكتب الناطق الرسمى
التاريخ: 14/10/2012م
تدمير طوف لقوات المؤتمر الوطنى بجبال النوبة
فى كمين ناجح نصبته قوات الجبهة الثورية السودانية من الجبش الشعبى لتحرير السودان-شمال بولاية جنوب كردفان/جبال النوبة على طريق كادقلى الدلنج يوم 11/10/2012 تمكنت من تدمير وتشتيت طوف من قوات المؤتمر الوطنى بين قريتى انقاركو و حجرجواد و فرت باكثر من 20 جريح وخلفت فى الارض عدد 7 قتيل من بينهم ضابط برتبة ملازم اول، وتم تدمير عربة محملة بمدفع رباعى كما تم الاستيلاء على عربة تايوتا لاندكروزر بحالة جيدة ،هذا وستظل قوات ومليشيات المؤتمر الوطنى اهدافا مشروعة للجيش الشعبى لتحرير السودان اينما وجدت.
أرنو نقوتلو لودى
…إستغرابك ده ح نحولو للأخ عبد الواحد المستغرب ايما إستغراب, لأنو الوحيد المتخصص فينا فى الغرباء من أمثالك ..يا..دعى..!!
:( ألستم
من دعا الناس لحمل السلاح لتحقيق مطالبهم العادلة والحصول على ابسط حقوقهم؟؟؟؟
:( اذا
فلماذا زرف الدموع الان ايها الظالمون الفاسدون المفسدون ؟؟
:( وماذا
سوف يفعل امثالك عندما يصبح الثوار على مشارف العاصمة في مقبل الايام ؟
:( عندها
يفرح الشعب الصابر بالنصر و يحمد الله ان خلصه من ياجوج وماجوج ؟؟؟؟
:( وسوف
تسوء وجوهكم ويغشاكم العذاب من كل مكان وتنقلبوا خاسرين؟
وليه ما تقود المظاهرات انت وتدعو المواطنين للخروج معاك، والا الدنيا حر واسعار الدولار متذبذبة وحضرتك ما فاضي من المضاربة بعد ما حار بيك الدليل وبقيت ما عارف تصنيفك قيادي ولا فرادي داخل عصبة المؤتمر الوثني يا مرفود
والله نحنا برضو مستغربين لكن تفتكر لماذا يا سبع البرمبة!!!
لم يخرج المواطنين في مظاهرة ببساطة لأنهم يؤيدون ضرب الحركةالشعبية لكادوقلي .. هو إنت ليه ما خرجت؟
ثم أن هؤلاء المقاتلين ليسوا في جوبا .. إنت قلت أنهم ضربوا كادوقلي .. يعني هم في ضواحي كادوقلي في السودان .. يعني مش في جنوب السودان .. وهم ماضون إلى الخرطوم لإقتلاعك وأمثالك من الحكم ..و لو شردت إلى الحبشة زي جدك ولا أي مكان آخر حيلحقوك محل ما مشيت عشان يجيبوا خبرك .. أصلو إنت وجدك ما تعرفوا غير الشردان ..
في عهدكم المشئؤم الملعون هذا متى خرج الناس لمؤاذرة اخوتهم في اي كارثة حلت باي بقعة من بقاع السودان وما اكثر الكوارث .؟!.منذ الجنوب مرورا بالشرق ودارفور وجنوب كردفان والنيل الازرق .؟؟..من قال لك ان الشعب السوداني يستنكر قصف كادوقلي .؟؟!!
اقتباس:
“واستغرب قطبي من عدم خروج المواطنين في تظــاهرة في الخرطوم وكادوقلي رفضاً واستنكاراً للأعمال الإجرامية للمـتمردين التي راح ضحيتها النساء والأطفال.”
الزول دا عبيط وللا بيستعبط؟؟
والكتلتوهم انتو والجنجويد في دارفور وكردفان شوية؟؟
وإنت فاكر المظاهرات البتطلع في الخرطوم بتطلع براها ساكت؟؟
الحيكومة لو دايرا الناس تطلع مظاهرات بتقفل المدارس وتعطل دواوين العمل وتجهز البارد، ثم (تأمر) الناس للخروج .. ويبدو أنها في الحالة التي يستغرب فيها المتعاطي غير راغبة في ذلك.
سامعنا.. وللا نقول كمان؟!
اقتباس: وانتقد الاتجاه لتوسط سلفاكير بين الحكومة وقطاع الشمال، وتساءل كيف يتوسط وهو بيده القرار.
تعليق: بما انك تعلم تماما بان سلفاكير بيده القرار… طيب لماذا ترفض وساطته يا غبي. فعلا انكم تتعاملون مع الاشخاص وليس مع القضية ..
دولار ريال يورو شيكل خليك مع ديل وسيبك من الجو اللي بتعمل فيه
نعم لم يخرج المواطنون في تظاهرة إستنكاراً لضرب كادوقلي لأن هذا هو الوضع الطبيعي ، ولأن زباينة النظام فات عليهم أن يحشدوا الناس حشداً لذلك ككل المظاهرات السابقة التي يجر الناس إليها بالقوة من أماكن عملهم والطلاب من مدارسهم وأخذ الحضور والإنصراف لهم .
ده دليل على ان الشعب السودانى ليس معكم
كما قل طبيب الاسنان ابو خشم معوج
ههههههه مسيرات قال لو سمحت ممكن تورينا بيتك البنك وين علشان الحركة تقصفه.
يعنى “حراق الروح” ده كلو عشان الدولار نزل شوية؟ مافى روح رياضية؟
ده دليل على ان الشعب السودانى ليس معكم
كما قال طبيب الاسنان ابو خشم معووووووج
تستغرب ليه ياسيد قطبي من عدم خروج المواطنين لتأييد نظام فقد صلاحيته !!!
ألم تقل بلسانك أن الإنقاذ دواء جيد فقد صلاحيته ولم يخرج الشعب لتأييد
نظام فقد صلاحيته لمّهذا التناقض ولاإنها تصريحات المصالح الذاتيه البحته
دجل وتملق وكل يبكي علي ليلاه والبلد ضحية إفككم ايها الدجالون
عزائنا أن للشعب رب يحميه يمهل ولا يهمل وان الحق سوف ينتصر مهما
طال ليل الإفك والظلم والدجل
لانو الناس الطلعت مسيرات وحرقت السفارة الالمانية ماقبضت حق المظاهرات (الشرتيت يا عمك ) كيف دايرهم يطلعو تاني ؟؟؟
يخرجوا عشان تضربوهم بى الرصاص وتدهسوهم بالعربات يا منافقين؟؟؟ والله لو الجبهة الثورية ضربت القصر الجمهورى مافى مواطن حيتظاهر عشان انتو فيه
طز فيك وفي الانقاذ وفي كل كوز طز
في ظل نظام الانقاذ المخادع ,,,,لا نستبعد هجوم كادقلي من صنع المؤتمر الوطني لزع الفتنة واضعاف الحركة قطاع الشمال حتى يتسنى للمؤتمر الوطني ملاحقة ثوار قطاع الشمال جبل جبل خور خور كركور كركور والقضاء عليها ..وقالها البشير في اكثر من مناسبة؟؟؟؟؟؟؟
أنتم في انتظار البترول ونحن في انتظار المصاريف والباصات والسندوتشات ولا عايزنا نشمي كداري وبدون مقابل ،، حتى ملاليم الهتيفة طمعانين فيها ههههههههههه
بالله شفتوا ليكم ( هبالة ) أكتر من كدا ؟؟؟؟؟
سعادة/ قطبي المتمهدي
مدير عام سلة العملات الاجنبية
الخرطوم
السلام عليكم ورحمة الله وبركاته
وبعد:-
بالاشارة الي استغرابكم عدم خروجنا في تظاهرة رفضا واستنكارا لمهاجمة المتمردين لمدينة كادوقلي بجنوب كردفان سابقا وجنوب السودان الشمالي حاليا نحيطكم علما بأننا لم نعلم بوقوع هذا الهجوم لا من قريب ومن بعيد حيث اننا مشغولين بالبحث عن لقمة العيش – يخرج الواحد منا من بيته من الصباح الباكر ولا يعود الا اخر الليل “عشان كده يطرشنا ما سمعنا” ولكن نوعدك اذا هاجموا الخرطوم سوف لن نسكت بل سندين ونشجب ونستنكر بـ(شدة وجزمة كمان).
كما ارجو ان اطمئن سعادتكم بجاهزيتنا للخروج والدخول متى ما طلبتم منا ذلك ووفرتم لنا الوسائل البديلة للبحث عن لقمة العيش – يعني بصراحة كدة: البارد والطحنية والسندوشات والبصات المكيفة وبكرة كلنا نخرج ويجي قيقم يغني والبشير يرقص وانت تعد دولاراتك يا فالح.
وتقبلوا فائق الشكر والتقدير,,,,,,,
اخوكم في الله/ الشعب السوداني الفضل
السيد قطبى .. لم نخرج فى مسيره .. لان حكومتكم تمنع مسيرات الفرح والابتهاج …
مظاهرات شنو وكلام فارغ شنو وهل المظاهرات سوف تحا المشكلة …. وين الجيش السوداني لحسم هذه الفوضة
وانت يادكتور العملات
مالك ماطلعت الشارع
“استغرب قطبي من عدم خروج المواطنين في تظــاهرة في الخرطوم وكادوقلي رفضاً واستنكاراً للأعمال الإجرامية للمـتمردين التي راح ضحيتها النساء والأطفال”
بالعكس تماماً يا قطبي المهدي ديل هم المدراء والمسئولين وكبار الموظفين في القطاعات والشركات الحكومية هم الأكثر أستغراباً لعدم دعوتهم للخروج في مظاهرات هادرة كما جرت العادة. هؤلاء المسئولين أستبشروا خيراًُ، منذ اليوم الأول للهجوم الصاروخي الذي شنته الحركة الشعبية على كادقلي وخروج نافع من المدينة على عجل، وكانوا (أي المسئولين) منتظرين توجيهاتكم يا سيد قطبي، بالإضافة لأذن لهم برصد ميزانيات للبصات ونثريات الفطور والبارد ومن ثم توجيهة الموظفين للخروج في مسيرات الغضبة المصتنعة كما جرت العاد في أيام هجليج ومسيرات الأستهبال لحرق السفارات الالمانية والأمريكية وأستقبال الرئيس بمناسبة توقيع أتفاقية الحريات الأربعة مع أخوتنا وأشقاءنا بدولة جنوب السودان.
أذن لا تتوقعوا يا قطبي المهدي خروج تظاهرات دون أذنكم وتمويلكم المسبق.
يطلعوا يظاهروا الجياع وعشان منو يتظاهروا ؟؟؟؟ سبحان سرق وعين قويه يتظاهروا الحراميه الزيك اللذين سرقوا اموال الشعب والخائفين من الحساب يا كلب .
دا عبيط ولا بستعبط على الشعب السودانى الفضل ، دا مغفل ولا بستغفل فى الشعب السودانى الفضل، صاحب الصرافة المنزلية ، يطالبنا بالخروج الى الشارع للتنديد بالهجوم على كادقلى ، واعتقد انه يعلم ان الذين يطالبهم بالخروج فى مسيرات هم الان فى انتظار قوات الجبهة الثورية لتهاجم القصر الجمهورى وحى كافورى لتدكهم دكا وتحيلهم الى ركام ثم تخرج هذة الجماهير لتحية اشاوس ومقاتلى الجبهة الثورية ، عليكم الله هذا الاهبل والارعن يطالبنا بالخروج فى مسيرات وهو يعلم اننا لم يتبقى لنا شوية قدرة للهتاف والتنديد واذا وجدت هذة القدرة الشوية فاننا ندخرها للهتاف والترحيب بمقاتلى الجبهة الثورية عند وصولهم للعاصمة
اذا كان الحركة الشعبية هاجم علي كادقلي فقط انت يا مؤتمر الوطني هاجمت علي كل بيت سوداني وتسببت في قتل الملايين من الشعب السوداني ان الشعب لا يخرج للتظاهر مهما كانت الاسباب اذهبوا انت و جيشك لمقاتلة الحركة الشعبية ان كنتم قادرين انت تعلم يا قطبي المهدي العلاقة بين الشعب السوداني و حكومتكم الفاشلة كثير الكلام و صفرا في العمل و اخيرا اريد ان اقول خروجنا الي الشارع يعني ذهابكم الي مزبلة التاريخ
حان الوقت للقبض على الوالى المزور احمد هارون بواسطة ثوار الحركة الشعبية وتسليمه للجنائية الدوليةلينال عقابه لما اقتلرفه في حق شعب دارفور وجبال النوبه
والله الاختشو ماتو يعني الكوز المحترم ده بيسأل السودانيين ماطلعوا ليه طيب ناس جبال النوبة ديل زمان انضربو بطائراتكم مالنا ماسمعنا صوتك ناس جبال النوبة ديل سودانيين الان لاجئين في دولة جنوب السودان وكتير منهم ماتوا في الطريق لما كانوابهربوا من طيرانكم الحربي كنت وين يا قطب المهدي الشعب السوداني العايزه يطلع قبل فترة طلع مظاهرات عشان غلاة المعيشة ضربتوهم واعتقلتواالمواطنين وحاكمتوهم وجلدتوهم وطردتوهم برة السودان ليه ماسمعنا صوتك خلي ناس الامن والشرطة وباقي الموالين ليكم يطلعوا يظاهروا.
مظاهرات شنو ولي منو؟؟؟؟ انشاء الله كان هذه الضوريخ تكون في البرمان السوداني وفي بيتك كمان.
هذه العصابة لا تعرف الحياء هل تحسب ان هذا الطيب طوع بنانك يخرجون بمزاجك؟ ولماذا لم تستغرب قتل مليشياتك اكثر من مائه شخص في منطقة هشابة ولم يخرج احد؟؟؟ لعنة الله عليكم نحن عندما نخرج نخرج لنقتلعكم و عندما نستنكر نستنكر وجودكم علي ماذا تستغرب وانتم لم تتركوا من عجيب الفعال والاقوال الا وفعلتموها بل وادخلتم في قاموس لغة القران كلمات يستحي الشيطان ان ينطقها يا اهل الجحيم شاهت وجوهكم لا تنتظر خروجنا والا سوف تستغرب كثيرا تجلس طويلا وسيفوتك سوق الدولار يا تاجر العملة
اذا الحركة الشعبية وقفت القصف انتو البوقفكم منو تفو عليك وعلى اهلك يا سافل ياقاتل يا مجرم يا مطرود من بيت ابومك تفووووووووووووووووووووووووووووووووووووووووووو عليك الف مرة
الشعب مبسوط وبيكون مبسوط أكثر خاصة لمه تقع طيارة وفيها كم واحد أخوه شيطان وبكون أخر إمبساطة لمه ربنا سبحانه وتعالي يهلكم مثل فرعون وقوم لوط..مابيخل بيقول الشعب ماخرج ؟ تخرجك روحك
والله أنا أكاد أتغيأ إستغراباً من إستغرابك “دع عنك هذا بما صنعت “مسخ عقيدتكم وأخلاقكم واستنساخ معنى الوطن من جانبكم فأصبحو كلأنعام ” والله لو ضُربت بيوتهم ما رفعوا إصبع ..
انت مو مواطن
الشارع ما موجود
ولا ماك سوداني
يا دكتور بطل الإستهبال والإستعباط وعليكم الجلوس مع حركات دارفور والحركة الشعبية لحلحةالمشاكل التي أقعدت السودان( وجعلتة فرجة لكل من يسوي والما يسوي) في أقرب وقت علشان مظاهراتنا دائما تكون للمناسبات السعيدة وليس للقذف والقذف المضاد.وسؤالي لك ولغيرك الي متي نحن في مثل هذه المظاهرات ؟ وهل من المنطق والعقل أن يترك الشعب السوداني أعماله ومصالحه ويقوم بالمظاهرات كلما دارت معركة في أصقاع دار فور البعيدة أو في جبال ووديان جنوب كردفان والنيل الأزرق؟حلوا مشاكل السودان ووفروا طاقة الشعب السوداني للتنمية والبناء.
هؤلاء الناس لو يقرأون ما يكتبه الشعب عنهم في تعليقاته على المواضيع ويوفهمونه جيداً لهربوا جميعاً قبل ان تطالهم يد الشعب بعدما تخرجهم منجحورهم وتتم جرجرتهم في الشوارع العامة على الطريقة العراقية في سحل الخصوم وهذا ما سيحدث في شوارع الخرطوم في يوم من الايام وتذكروا هذا الكلام……..