الدكتور حسام الدين النصري يفوز بجائزة افضل طالب MBA في العالم

ألف مبروك وجامعاتنا رشحت منو

ألف مبروك يادكتور….شرفتنا ورفعت راسنا

كيف دكتور يشارك مع طلاب ادارة الاعمال لان MBA هو ماجستير ادارة الاعمال؟

يا ناس بالله العظيم و عليكم الله لا تبثوا الجهل و التجهيل اكثر ما يقوم به الملتحون و النساء و الاجداد.مصطلح MBA مهناه ( ماجستير ادارة الاعمال) ، انا عاوز اعرف كيف ( لدكتور) ان ينافس طلاب ماجستير؟؟؟؟؟؟؟؟؟؟؟؟؟؟؟؟ اللهم الا اذا كان السيد ( الدتور) هو طبيب بشري او بيطري ، لم يدرس حراحة او كيمياء حيوية ، بعدها قال اذهب و اعمل ماجستير فى ادارة الاعمال!

بصرف النظر اذا كان الرجل متاسلم او غير متاسلم فهو قد تفوق علي كثيراً من منافسيه الذين توفر لهم الجو السليم للتحصيل العلمي والتفوق منذ ولادتهم .وكونه بيحضر للماستر فهذا لا يمنع ان يكون حامل للدكتوراه في مجال اخر من قبل.المفروض ان نهنئ الرجل علي تفوقه علي العديد من المتفوقين من كل انحاء العالم بدلاً من احباطه والتقليل من انجازه.التبخيس من حق الناس نوع من الحسد وهذه صفه رزيله.الف مبروك يااخ حسام ومزيداً من التفوق يارجل وشرفتنافي زمن الجهل والظلام بالسودان.واخبراً(لا تبخسوا الناس اشياءهم)

الراجل دكتور وبعمل في ماجستير ادارة اعمال .. المشكله وين ؟ يعني الراجل داير يطور مهاراتو الاداريه نقول ليهو معليش انت دكتور ما ينفع ؟ (اي كان دكتور دكتوراة او دكتور بشري او بيطري) .. يعني المفروض نشجع الدكاترة علي انو يعملو شهادات زي دي عشان يرتقو بالبلد مش نكسر مجاديفهم ..

تانيا سؤال (هو دكتور شنو) اساسا ما في مكانو ولا حتستفيدو منو اي شي .. يعني قولوا بشري او بيطري ولا فلسفه .. او قولوا انو تخصصو تاني نهائي .. او قولوا هو عمل ماجستير في نفس تخصصو .. دا في النهايه ما الموضوع .. الموضوع في الشخصية السودانيه الناجحه .. يعني اياً كان المجال او التخصص ما حيفرق كتير ما دام في عمل جاد ورفع لراس السودان

ثالثا: وللناس البقولو (في بلادي يموت المبدعون) احب اقول ليهم انو د. حسام الدين دا عمرو ما طلع برا السودان الا الي مؤتمرات واجازات وكدا .. يعني ما درس في بلاد برة نهااااااائي .. ودي حاجه كويسه لانو بورينا انو النجاح شخصي .. انا لا ابرر اهمال الدوله للمبدعين .. ولكن د.حسام ليس مبدع .. هو شخص ناجح .. شخص موجود داخل إخواننا واخواتنا واولادنا وبناتنا .. ولكن بسبب التربيه والتشجيع والتوجيه الصائب فاز حسام بالجائزة .. يا ريت ما نخلط بين توليد النجاح وبين احتضان المبدعين .. فالنجاح موجود في كل شخص .. لكن الابداع محصور علي الموهبه

اسف علي التطويل وشكرا

ياجماعه والله الانسان السوداني ده ماهايناه الا الحكومه دي.اللهم اذهب عنا هذه الحكومه التي يقودها خريج ثانوي!!!سبحان الله

الف الف مبروك يا حسام
دكتور /حسام الدين طبيب بيطرى خريج جامعة الخرطوم 2001 وهو دفعتى

المهم انو سودانى وفاز ودا شرف كبير لينا بغض النظر عن ميولو السياسية او الدينية خلونا فى الحدث

MBA(ماجستير في إدارة الأعمال)أى درجة الدراسات العليا التي تمنح للطلاب الذين اتقنوا دراسة الأعمال. ويعتقد أنها واحدة من أرقى الدرجات في العالم فى هذا المجال.

برامج الماجستير في إدارة الأعمال دراسة نظرية مع تطبيق مبادئ الإدارة والأعمال. هذا النوع من الدراسة يزود الطلبة بالمعرفة التي يمكن تطبيقها على مجموعة متنوعة في مجالها.
مبروك حسام

ماعارفه السبب شنو بعض الاخوه شانين حمله علي الدكتور (دكتور) دي يعني هو بكالوريوس بيطرة والمفهوم الخاطئ عندنا وبالذات في السودان خريج البكالوريوس لو طبيب بشري صيدلي او بيطري يطلقون عليه لقب دكتور فحين ان الدكتوراه درجه علميه فهو دكتور بفهمنا الخاطئ ولكنه طالب ماجستير في ادارة الاعمال وممكن اكون واصل في مشواره وحصل علي ماجستير ثم دكتوراه في مجاله وبعدها تفرغ لادارة الاعمال وهي ما صعبه

ألف مبروك حسام النصري،،، شرفتنا كتير،،، و مزيد من التفوق و الإبداع

ألف مبروك حسام لقد كان الشاب منذ أيام الدراسة بشمبات مثالا للأدب والتهذيب والسلوك الراقي وللسادة هواة الإنتقادات إرحموا أنفسكم وإذا وصلتم إلي نفس المرحلة فمن حقكم الإنتقاد ولكن الآن تنطبق عليكم المقولة المشهورة المابتلحقوا جدعوا شكرا حسام شرفت السودان وكل الشمباتة زراعية