المذيعة النجمة

الاخ عيد الرحمن جبر..الرجاء الالتزام بمبادئ العمل الصحفي التي من الواضح انك تجهلها بشكل تام. بدل عن بث احقادك الشخصية، قم بتوجيه نقد بناء و بشكل موضوعي توضح من خلاله الجوانب السلبية أو النواقص في هذه المذيعة أو تلك وما يجب عليها القيام به لتعويض هذه النقص وتطوير مستواها أوحتى اعادة تاهيلها بشكل عام، حيث تكون بذلك قد قمت بدور فعال وبناء في مسيرة تطوير العمل الاعلامي في هذه البلاد المنكوبة…يا صديقي، كانت وما زالت مشكلة السودان هذه النوع من النقد السلبي غير المهذب الذي يعبر عن اسقاطات نفسية و شخصية اكثر من كونه نقد نابع من الاحساس بالمسؤوليةو هموم الوطن. ان ما تمارسه ما هو الا تكرار لما حدث ويحدث على الساحات السياسية السودانية منذ الاستقلال من مكايدات وهجوم ونقد نابع من الانة والاحساس بالذات وليس من روح وطنية وحزن على هذه الوطن الذي مزقه الحاقدين ( لا اريد أن اقول امثالك)

الزول دة شغال في الحريم ملطشة الظاهر داير يصنع لي نفسو نجومية مرة افراح مالها ومرة اسراء مالها ياراجل شوف ليك موضوع

والله كلنا ما عندنااهتمام بالوقت الناقد ولا المشاهد ، ما دام البنية بالروح الطيبة والمظهر الجميل ، وهي الكل في الكل لبرنامجها وعندها المقدرة تعد وتحزف وتربط وتحل نرجو منها ماتجييب لنا المولنين بتاعين جده شي وجهه احمر وشي برتقالي وشي بنفسجي لاتعرف تضحك ولاتزعل ، والا انها بتعرض نفسها ، الاخ عبدالرحمن على حق

ماشاء الله بناتنا سمحات

تحية موصولة لكل سوداني شريف همه كله تطوير السودان وإنتشاله مما فيه ، كاتب ومعلق وصحفي وناقد بناء وان تعلموا كلكم انكم مسؤوليين امام الله فيما تقولون .

يا جبر صدق كلامي فيك امس المدام طردتك من البيت بدون عشاء

يا افندي ما تخلي بنات الناس في حالهم

ياخي الم تسمع بقول رفقا بالقوارير

ياخي انتقد لينا الكيزان و امثال امين حسن عمر و الطيب سيخه المجنون وغيرهم
والله شنو يا شخي جبر افندق

صحفى ضد الجمال زى جماعة المؤتمر الوطنى أجمل حاجة عندهم السروال أبو تكة .

ياخي انت شكلك كدة ماعندك حاجة تكتبها غير الفنانة فلانة صوتها ماسمح والمزيعة فلانة طلتها ماحلوة ياخي خلي البنات في حالهن ـ انقض لينا حاجة نستفيد منها ـ وخليك من شغل المشاطات دا
ـ تقبل تحياتي

غايتو يا جبر عملتها ظااااهرة … انت الشينين ما بتهبشهم مالك يا معقد

الليلة يا ناس الراكوبة مافي كلام قومتوا لينا نفسنا ……….. كتروا من اخبار السمحين

و قللوا من اخبار اللمبي و ابو العفين

وهل برنامج أفراح أفراح برنامج؟!!! لك الله يا وطني

منو اسراء دي.

يا عبد الرحمن جبر..تقديم مثل هذه البرامج الترفهية الخفيفة لا يحتاج الى مؤهلات ولا خبرة كبيرة… كل المطلوب هو وجه جميل وطبيعة في التعامل والتقيدم ومثل هذه البرامج موجود وتبث عبر معظم قنوات التلفزيون..هذه شريحة مختلفة من البرامج ولا يفترض ان يكوم المذيع او المذيعة التي يقدمها ملم بالفية ابن مالك التي لا اظن انك قد قرات سطر واحد منها..اما فيما يتعلق بالنجومية..فهي امر يقرره الجمهور والمشاهدون اي أنه و مدى وشعبية المذيع او الفنان او المغني وبالتلي التقدير في هذه الامر للمتلقي وليس لشخصك الحقود….
نرجو منك ان توجه نقدك البذئ و غير المهني لسدنة الانقاذ .

الصحفى البليد ده شكله جاى من مستنقع ولا يفهم ابجديات التطور ولا يفهم ماذا يريد المواطنين فى هذا الزمن. احنا ياخى بنجلس تقريبآ بالكتير نصف ساعة او ساعة على التلفاز لانو الناس كلها ما فاضية زيك. وفى الوقت البسيط ده بصراحة عاوزين نشوف اشكال حلوة تنسينا يومنا التعيس . انا ح اعمل شنو لما افتح التلفاز واصادف مذيعة شينة مثقفة؟؟.. أكيد ح اقفل التلفزيون طوالى او اقوم اشيلهو واكسره فى الواطة. الحياة بقت كده وافتح اى قناة عربية وشوف المذيعات البيفتحوا النفس. وخلونا من الفلسفة الفارغة

الصحفى الحصيف موهلاته ونقد هدام ونبش جات نيله يا فقر

الحاقد جبر خلى شماراتك و كلام النسوان البتعمل فيه ده
والمابتلحقوا جدعوا

حقو تنتقد بموضوعيه، انا شخصياً اختلف معها لو فرضنا انها قالت كده

لكن بختلف معاك في طريقة توصيلك لرأيك

ممكن تنتقد لكن بلطف وموضوعيه بعيد عن التجريح

ياخ انت زاتك شغال في جريدة – آخر لحظة – اللي هي كلها تجريح وإساءات

اذا ساءت جريدة المرء ساءت كتابته

يا أخوانا متر السراميك بقي بي كم أخوكم مغترب عاوز يبني ؟؟