بسبب طه وشريف الفحيل.. منع اقامة حفلات التخريج خارج اسوار الجامعة.!
فلاشات : دوكة
رفضت وزارة التربية والتعليم العالي والبحث العلمي اية خطوات لاقامة تخريج الجامعات المختلفة خارج اسوار الجامعة، وأكد البروفسيورعمر أحمد عثمان المقلي وكيل الوزارة على رفض الوزارة القاطع لإقامة إحتفالات التخرج خارج حرم الجامعة، مؤكداً على وضع قوانين ولوائح لإتمام هذا الأمر مع الجهات ذات الصلة، معرباً عن أمله في تفهم إتحادات وروابط الطلاب لدورهم الطليعى فى إقامة وإعداد برامج التخرج داخل حرم الجامعة، مشيراً أن إحتفالات التخرج أصبح يصاحبها بعض السلوكيات التي تتنافى مع القيم وتقاليد المجتمع السوداني.
الجدير بالذكر أن الفترة الاخيرة شهدت على ظهور(تقليعات) جديدة للجنس الناعم يعبرون من خلالها عن اعجابهم بأحد الفنانين، وتلك الطريقة لا تتوافق مع عادتنا السودانية ولا مع ديننا الاسلامي، وتلك الظواهر كانت بالدول الاخري ولكنها تسربت رويدا الي المسرح السوداني الذي كان معافى من تلك (التقليعات) التي لا تمتد الي عاداتنا وتقاليدنا بصلة.
ولعل من ابرز تلك التقليعات هو اقتحام الفتيات للمسارح والالقاء بأنفسهن بين احضان الفنانين، تلك الظاهرة التى تعرض لها اكثر من فنان منهم الشاب طه سليمان عندما صعدت فتاة الي مسرح نادي الضباط اثناء ادائه لوصلته الغنائية وقامت (بمعانقته) من ما جعل كل الحاضرين يفغرون افواههم دهشة مما حدث، بينما شهد الاسبوع المنصرم نفس تلك الحادثة ولكنها مع الفنان شريف الفحيل عندما صعدت اليه فتاة بالمسرح واحتضنته لفترة من الزمن وتلك الحادثة كادت تسبب كارثة.
السوداني
بعد فوات الاوان يا وزير التعليم العالي
اخصصصصص علي التربية ياليتهن تذكرن يوم الحساب عندما تلقي الاجساد في القبور المظلمة الضيقة
الاغتصاب فى دارفور ليست كارثة؟
ياجماعة حاجة عادية اي واحد مباح ليهو في الحياة دي ان يعبر عن مشاعرو.
والسؤال:هل سيمنع اقامة الحفلات داخل حرم الجامعات ظهور هذه السلوكيات؟ لا اعتقد ذلك ولذلك اعتبر ان القرار خاطئ ولا يعالج الظاهرة السلبية- فالفساد ليس فى المكان وانما فى النفس ذاتها-وكل هذه السلبيات من نتاج اسلوب التربية الخاطئ الذى فرضته الانقاذ على الشعب
الانكسر لن يتصلح يا قادة يا كرام..يا من اردتوا انقاذنا فأغرقتونا
المصيبة يكون ولي امر الطالبة موجود في الحفل.!!
البنات بقن كعبات ماصح كده ياناس ياعالم عرسو ليهم يابو البت ياخوها يا اقاربه عرسو ليهم بناتكم ماتخلوهم اجيبن العار والفضائح ربنا اهديكم واهدى جميع المسلمين
انتو من مادخلتو لينا التعليم الاهلي دة جبتو لينا البلاوي الجاب50% والجاب98% يدرسو في جامعه واحدة دة عدل عليكم الله ياناس زول تعب وساهر واجتهد لامن عينو طلعت يجي واحد ماناقش كوعو من بوعو يدرس
معاهو في نفس الجامعه والباقي يتمو قروش اي عدل هذا؟؟ياخي عليكم الله اسكتو سااااااااااااي طلعتو عينا وكرهتونا القرايه ذاتو دموتو اي شي وجايين تقولوا البنات بحضنن الفانين في الحفلات انشاءالله يجيبو منهن عيال ماكلو منكم ياانقاذ اقصد ياغتاس اغطس حجركم انشاءالله شحدت ربي وماني خاتي عليكم؟؟؟
اتمنى ان يكون الامر عادي وتستمر الحفلات كماهي ولكن مثل هذه التفلتات ان تعرضها الشئون الاجتماعية على الملا على اليتوب حتى تحرج اهلها واقربائها وتكون عظة لغيرها ، والمطلوقة الماعندها والي يتم توقيفها وتأديبها ، لكن الحاجة المؤسفة اصبحنا التربية والسلوكيات نعلقهاعلى الانقاذ ونرفض ننتقد انفسنا بالتقليد الاعمى الذي اصبحنا ناخذه من الفضائيات .
هل هذه هي الشريعة حفلات خيعة وتبرج ؟ الشريعة عند اهلنا الغبش فى ارياف السودان ياسارقي قوت الشعب بأسم الدين
دا المشروع الحضاري
دي نتائج التمكين
دي نتائج التشريد
انحلال الاسر وتمكين اسرة المجرمين
لعنكم الله يا الترابي والكيزان في السودان
الله يورينا نتائج مشاريعكم الفاشلة دي في اولادكم وبناتكم في الداخل والخارج فضائحهم تملأ الصحف
مثل هذه المظاهر السالبه دخيله علينا فى مجتمعنا السودانى وكمان من خريجات جامعيات
هذه انفلاتات للغير المتربيين والناس الما عندهم اهل والمفروض يتم معاقبه مثل هولائى البنات ومعاقبتهن
بحجب شهادات التخرج بعمل مظاهر فاضحه تخدش الحياة امام الملأ دون خجل ولا اكتراث بقيم المجتمع
الى الجحيم انتن وفنانيكم كلاكما الى جهنم وبيئس المصير
المجاهره بالرزيله
هو الفحيل دا فنان عشان البنات يحضنوه !
البنات عندهم حركات ساكيت وبحبوا يجيبوا التخليعات للمجتمع وطيب لو كان بغنى عمرو دياب ولا راغب علامة ولاتامر حسنى اكانوا انتحروا ولاشنو ؟ ديل بنات ما عندهم موضوع ياوزير التربية والتعليم ويمكن يعملوها فى الحرم الجامعى وتبقى المصيبة كبيرة ؟
البنات عايزات العرسان
الرجال كلهم اغتربوا وهربوا
المشكلة ما في الحكومة المشكلة في التربية الأسرية والوازع الديني ،ودى لو بنتي كانت اصبحت في اليوم التالي في “أولاد عمران”
هذه أحد بدع الانقاذ التي عندما حلّت بنا كان المجمتع معافى تماماً وكنا نوصل بناتنا إلى بيوتهم أيام الخميس والجمعة ولم ترقص بنت احده مع أحد في الجامعة لكن وفي عهد المشروع الحضاري ها نحن كل يوم تطلع بدعة من بدع الإنقاذ يعنى باختصار كل شيء إنهدم وإنهزم لأنه بعدما تروح الاعراض وتروح الأخلاقيات ماذا بقي ؟؟؟؟ يبقى البشير ونافع وطه (وطه الفنان) والله العظيم سوف تحاسبون عن كل كبيرة وصغيرة وأنتم المسئولون أمام الله يوم لا ينفع مال ولا بنون إلا من أتى الله بقلبِ سليم.
شريف الفحيل ده شنو … مايكون بتاع نجوم الغد هو ده لو ماغني شرحبيل وخلافه كان يكون بطق في الهشاب والسمسم …. احب الابيض واموت في بارا ..
دي حركات تامر حسني بقومو بأستاجار بنات يعملو الحركات دي حركة قدييييمة عشان يمثلو ويظهروا
للاعلام والناس تصدق انها تفاعل جمهوري وانهم عندهم معجبين ياخ حيرتونا … هو شريف الفحيل دا هسه في السلام بحضنو ؟
هههههههههههههههههههههههههههههههههههه محن
كان عملتوا الحفلات فى اى حتة حيحصل اللى حيحصل الكلام مش المكان الكلام خلاص الجيل الجديد عايز كدة و الدنيا ماشة و ربنا يكضب الشينة
واذا واخيرا تظهر وزارة التربيه بقرارات بعد شاب ودو الكتاب ياحليلك يا بلد , هل انتهت كل مشاكل التعليم ليكون هم الوزاره حفلا ت تقام هنا او هناك وبعض الفتيات الجميلات الفاتنات يتراقصن ويتمايلن ( خلو عنهم خلو الشعب التعبان دا يتنفس عليهم هموم الرسوم الدراسيه والمدارس الخاصه وما ادراك وفشل الكادر التعليمى وما ادراك وفشل المقرر التعليمى وما ادراك وفشل المدارس الحكوميه وما ادراك وفشل المعلم وما ادراك وفشل التعليم فى بلدنا وما ادراك – هم وغم وحزن – مصيبه والامر والادهى وحياتى دينى انا ما عارف وزير التربيه اسمو منو ؟ طيب يا جماعه نا طه سليمان واللور احمد الصادق واخوانهم وشكر الله واعوانهم الكريمات والبودره تانى يظهرو بيها وين . البلوزات الملونه تانى يلبسوها وين مام كن يا وزير التربيه شكر الله وطه سليمان يلبسوها فى حرم الاهليه لاكن ممكن داخل الاحفاد ووووب علينا من الاحفاد وحسس الاحفاد لما تكون فى حفله فى الحفاد شكر الله وطه سليمان بيتنافسو فى لون البلوزه والورده الحمرا تكون وين بالجمبه دى ولا دى .هذا زمانك يا مهازل فامرحى.
ياريت كمان تخريج الروضه البقى كمان مسخره المساخر وتكاليف باهظه على الاسر وفى الفاضى
الفائت حده ينقلب لي ضده اللهم استر علينا وعلى اعراضنا
انا قررت ابقى فنان أعمل شنو ياشباب ولا شكلي ما مقبول ؟؟؟؟ بس لو حضنتني واحدة انا ما بكذب ولن تكون تمثيلية
الوش دا مبروط ولا دي الكهارب!
نؤيد هذه الخطوة ونشد على ازركم ياوزارة التربية والتعليم العالى لانه التربية قبل التعليم وحفلات التخرج صراحة علمت شبابنا وشاباتنا عادات وسخه عادات دخيلة على مجتمعنا لذا نرجو بترها بترا تاما ولان ياتى القرار متأخرا خيرا من ان لاياتى وربنا يوفق الوزارة ويكفيها شر المثبطين والمتخازلين ومن هم يريدون الشر لهذه الامة بدخول مثل هذه العادات الضارة .
ابو داؤد زمان كان بيحضنوا وبوسوا(انماء الامم الاخلاق مابقيت!!!!!!!!!!!ده بلد اتحاضنوا فيه
وطلاب الجامعات ديل فرحانين ليهو شنو بالتخريج؟؟؟
وبيرقصوا ويحضنوا الفنانيين عشان شنو؟؟؟؟؟
مساكين ما عارفين الحيحصل ليهم
مرحبآ بهم بعد التخرج فى تلفزيون الواقع المرير !!!!!!!
أهو ودالامين ركب ليهم طقم بدل السنين المارقات زمان ما سمعنا لينا بزول حضنو
حرمتو الحب والريدة ……..يااااخي انتو دايما ناس ما عندكم موضوع مالكم …الحصل قاعد يحصل يوميا واخطر من كداا شنو يعني لو بت طلعت المسرح حضنت الفنان ….
ماقال ليك فنان في مسرح وفي واحد انطرب شديد مشي باس لي في جزمتة واالفنان قااام طلع المنديل ومسح الجزمة …اشااان وسخ لي جزمتو …بتفااافو …
والقصص كتيرة برضو قالوا في فنان جاا من مصر وغنا في الهيلتون وقالوا اتلمو الاولاد والبنات ..ومشو ليهو اشان يوقع ليهم في ورقة ..يعني يشخبط ليهم في الورقة قال ليك اول ما جاا مارق في بنات خمرن ..اهاا زي ديل يعملوا ليهم شنو
انتو خلو الناس في حالهم والممنوع مرغوب خلو الناس تعيش حياتها على سجياتها مش باسلوبكم ياااخي انتو عااارفين قاعد يحصل في المجتمع والله دايرين تعملوا ليناا فيهاا انو انتو ناس الشئ زاتو خلو الناس في حالهم كرهتونواا السودان
أى واحد مايستنكر الكلام دا مفروض يراجع نفسو عند أخصائى نفسانى
بالاحضان وامام الجميع ماتت الرجولة والله!!!!!!!!!!!
طيب عرفنا البنات مشن وحضنن الفنانيين ومافي حاجه حصلت .. طيب لو ده ولد وطلع المسرح وحضن فنانه ذي أفراح وله ريماز ده البحصل ليه شنو
على الطلاق دا عدم العرس ساى
الناس ما تزعل ديل بنات الشهادة العربية الواحدة ابوها معصور بهنا والبت جايطة الواطة بهناك
القفلة الحاصلة 18 سنة مقفولة .كان جاء ود عمها ما تشوفوة الا بالرقراق او مشى يغسل يدية والود ذاتو يتمحرك داير لية كحلة .
ما ترموها فى البنات فى السودان ديل يا دوبك فتحوا عيونهم جاء الداشرات ديل تربية الحوارى والكرتينة وغيبرا.زادوا الطين بلة هههههه بلة دا بتاع اتحاد الشباب
اللكلكة مابتنفع يا الكل فى السودان يا الكل فى الاغتراب لكن الواحد يرسل لية بنت عمرها ما شافت ولد فى فصل تنط طوالى تلاقة فى المدرج الحيطة بالحيطة يعنى حايكون شنو الناتج
كفاية ما يزكر فى الراكوبة من فظايع ……
ابقوا عشرة على اولادكم ديل هم الرصيد فى الدينا
يا اخوانا البنات تحضن الفحيل او غيرو الحكاية نسبية امكن عاجبة ما قصة انو وجيه ولا غيرو بتعرف 50 سنت وجارول الحسناوات من امريكا الجنوبية بعبدوهو عبادة زي مافي واحد شين تلقي احلي بت في الجامعة بتحبو وخلت كل الشباب الوجيه وغيرو المهم القصة قصة تربية البت دي ماربوها اهله
نحمد الله إنا كنا سودانيون واليوم لا نعرف من نحن فهل يا ولي الامر ترشدنا الى الطريق القويم ام ماذا؟ سيحصل
اخر تقليعات التخريج عرفتوها….. هي حنة الخريج يحنن الولد رجليه ويديه كانه عريس وتتحنن البنت بالرسم في اجمل حلة لعروس الماساة حصلت في احد التخاريج بتاعت الروابط المقصودة بالقرار… طالبة خريجة دعت اهلها للتخرج من احد الجامعات وعندما حضر الاهل كان من بينهم والدة الطالبة الخريجة عندما نظرت الي ابنتها صدمت من هول المفاجاءة (حنن وكوافير وغيره) وبعد رشها الماء افاقت وقالت لابنتها انتي ناديتنا لتخريجك ولا عرسك فا البنت بقت تتحلف بان الموضوع عادي وكل البنات راسمات والاولاد متحننين وجابوهم للام المكلومة لتنظر بنفسها للمحن الحاصلة دي ….. في النهاية قالت الام وبصوت منكسر يابتي انا اكان اقتنعت البقنع ناس البلد بكرة شنوا ويشوفوك بالحالة دي وانت لسع فتاة …… طبعا الزواج العرفي وغيره بقا راقد وعقل الانسان بودي وبجيب… اوقفوا هذا العبث فورا.
قراية الطب حااااااارة خلوهو يفرح في تخريجو
YouTubeادخل علي الرابط لتري احد نماذج التخرج من جامعات الاستثمار وكمان دكتور قال ,ليهو حق البشير يهرب يتعالج ف السعودية ويخلي زي ديل يلعبو ف المواطنين الغلابة, لك الله ياسودان
كان على شريف وطه ما منهم خوف
بشبهوهم
يا جماعه الخير الموضوع ما وحدي طلعت المسرح وحضنت الفنان القصه انو الظاهره دي ما جميله التخريج دائما بيكون في جو اكاديمي
ولحظات مليئه باحساس المسئوليه وحزن علي فراق الدفعه واللهفه لاستلام الشهاده يكون الحضور في قمه الجديه ياعتبار ان هذا المتخرج ينتظره الوطن
سواء ان كانة طبيبا او اي شي اخر لكن رقيص وحنن ومسخره والله دي جبتوها من وين ما عارف يا جيل الانقاذ فشلتو في الثوره وعملتوها حنن ما بتخجلو
البلد بتضيع وانتو عاملنها حنن وتخارج ورقيص اصحو لي وجه الله حركو الثوره بدل المياصه الانتو فيها دي
الجامعات دى بقت ناقصه غرف نوم
اصله الفكره كانت ملهاة للشباب وبند صرف لا مبرر له اغلبه يكب فى جيب الهدف الامنيه لرعاية الحفلات
وكله على ايه كا دام فى النهايه مافى شغل وان وجد لا يغطى مصاريف صاحبه.
اي لانو برضو كان في فنان ماشي خفلة تخرج منعووووووووووووو