طلاب جامعة كسلا يخرجون في تظاهرات تضامنا مع الاستاذة جليلة
محمد طاهر
في خطوة ليست هي الأولى من نوعها خرج طلاب جامعة كسلا للشارع في تظاهرة تضامنية مع الأستاذة جليلة خميس المعتقلة منذ 8شهور حاملين بوسترات تعبر عن تضامنهم وتطالب بحريتها مع عبارات أخرى مناوئة للنظام وسط هتافات تنادي برحيل نظام المؤتمر الوطني وهذا بعد مخاطبة طلابية حاشدة للتيار الطلابي العريض علت فيها الهتافات .
والجدير بالذكر أن التيار طوال الفترة الماضية ظل يصنع الأحداث مما كان له تأثيره الواضح في الحراك الطلابي ضد نظام الخرطوم وقد شهدت الجامعة حضور كثيف للأجهزة الأمنية .
ياناس كسلا مالنا ومال المراة دي خلونا في حالنا ماعندكم مليون قضية الشغال بيكم منو
دي حركات الشماليين الوهم الناس ديل ذاتو ماعارف المغعدم معانا شنو دلتا القاش و انتهت
او بمعني اصح انتو السبب ما تدخلو في حاجة الا وتخربوها اافففف ناس خيرا قليل
(كشكول) جليله خميس مناضله سودانيه مسجونه ظلما علي يد عصابه الكيزان و الشباب الكسلاوين الابطال ديل طلعوا تضامنا مع امهم جليله خميس النوباويه لانهم كلهم سودانيين و همهم واحد و البلد دي حقتنا كلنا و انشاء الله بعد اسقاط النظام اخوانا المهمشين و المظلومين في كل مكان حيأخدو حقهم و يشاركوا في حكم بلدهم ، عليك الله بطل عنصريتك دي و انطم يا غبي يا مريض ، و اعرف انه الشعب السوداني كله واحد كان من الشرق و لا الشمال و لا من اي حته كلنا ضد الرقاص و عصابته .
كسلا أشرقت بها شمس وجدى فهى فى الحق جنة الإشراق…
تسلموا ياجنيات طوكر والقاش يا صخور التاكا, أثلجتم صدرى العامر بالغبن على المتخازلين والسلبيين بوقفتكم هذه, وطمنتونا بأن فى الوطن قلة من رجال يصيحون فى وجه الظلم لا…
ياجليلة…
يلا غنى ولاقى عيدك
ولى ثمارك لقّى إيدك
جيل مكافح حلّ جيدك
وحلّ قيدك
ومن غضبنا الحره لافح
يا ما باكر
ومن زنازين العساكر
نبنى مجدك ومهرجانك
وكل قطرة دم عشانك
ولى جديدك يا جميلة
ياجليلة…
المظالم والمحاكم
مابتثبت كرسى هتلر
وباقى أتباعوا اللئام
كل يوم إيمانا يكبر
وصوتنا يجهر
وما بسكت صوتنا غاشم
وأمن قومى وأمن عام
الصحوة دارك
وجدلة النيلين ضفايرك
التحية لأمهات الوطن الباسلات من سميرة 1989 والى سمية 2012…
التحية والتجلة للمناضلة جليلة خميس والتحية لكم شرفاء كسلا وانتم تتشون عين الضلام بالضوء – لقدام ولا نامت اعين الجبناء اشباه الرجال
اول الغيث قطرة,والنار تبدأ من مستصغر الشرر.تمام يا جامعة كسلا وان شاءالله تنتشر المظاهرات مرة تانية فى كل مدن السودان حتى اسقاط الكيزان