الاولمبي على طريقة الكبار يفرض التعادل السلبي على نظيره الصومالي امس بجيبوتي..الصحافة الغانية تقتحم غرف ملابس الصقور

يا جماعة هذا الوزير وجد الراتب العالي والمخصصات الكثيرة وبيت الحكومة والكهرباء المجان والتلفون والعربات والعلاج على حساب هذا الشعب المغلوب على امره المطالب بزيادة رواتبه.. نسى انه كان عائش على حد الكفاف ونسى بذلك معاناة العاملين الذين يتقاضون مرتبات قليلة!! ويتبجح بمطالبة النس بالرجوع لبعواسة الكسرة التي نسيها واهله ..وبستعبط ..

كيف ترفع الدعم عن سلع ضرورية مقابل زيادة رواتب العاملين والذي بدوره يعني زيادة اسعار كل السلع في السوق؟؟؟ وما فائدة المطالبة بزيادة المرتبات يا سعادة الوزير الذي يتعالج ابنه في امريكا من الم في اذنه؟؟؟

نسأل الله العلي القدير ان يعذبكم ثم يزيلكم من على الارض يا كريم انه على كل شيء قدير ..

والله دا اغبى وزير مر على السودان وياحليلنا انحنا الله لينا بس
هو لو ماقادر على الشغلة وماقادر يوفر شى احسن يتخارج وزير العواسة دا

هو وزارة المالية دي ادها كوزين موية عليكم الله دا شكل وزير مالية والله تشوفوا بتكلم في التلفزيون تطرشوا عووووووووووووووووووووووووع من اللجييغ

يا اتحاد السجم هل تتم مناقشة زيادة الاجور بعد اعداد الميزانية ورفعها لبرلمان الرماد لاجازتها فعلا اذا تكلم الغبى فليستمع العاقل انتم يا قيادة الاتحاد لا يهمكم العامل بقدر ما يهمكم استمراركم فهذا الاتحاد (البقرة الحلوبة ليكم)اذاكان اقل عامل معكم فى الاتحاد يصرف اعانة شهرية اتنين الف كما تزعمون ومليون كما نعرفه نحن الغلابة مفروض تكونوا عارفين العلاقة بين زيادة الاجور وارتفاع السلع علاقة طردية ويا ريت لو الزيادة بتكون بنفس نسبة زيادة بل تكون اضعاف اضعافها طبعا بحصل هذا فى البلد ما عندها وجيع وليس فى كل بلاد المعمورة الاجور تم اعدادها بنفس اجور الاعوام السابقة ولم يتم اضافة اى مبلغ لمقابلة اى تعديلات قد تحدث خلال العام وانتم تعرفون ذلك جيدا لهذا بلاش حركات منكم فالاجور ثابتة ورغم انفكم الزىادة فى الوقود والسكر وغيرهم حاصلة حاصلة يلا نشوف اخرتها معاكم

ما هم لقوا الناس ..منبطحة..ومنبرشه..ومن ينبطح يمكن لأى كان أن يدوس عليه وهو يراه ولايحرك ساكناً.

هذا الشعب؟؟ ..ألا يرى ما يحدث فى الأردن بعد زيادة المحروقات؟؟الشارع هناك فى حراك دائم مصممون على رفع الزيادات ..

ألا يشاهد هذا الشعب ما يقوم به المصريون بمليونياتهم لإنتزاع حقوقهم؟؟

ألا يشاهد هذا الشعب ما يقوم به التونسيون لإسترداد خطف ثورتهم من الذين سرقوها ويعملون على إذلالهم بإسم الشريعة؟؟

يا لهذا الزمن الذى جعل مثل هذا الرويبضة يتحكم بقوت ومستحقات البلد الملعون أهله

بالله عليك عن أي دعم تتحدث …وسعر جالون البنزين 15 جنيه وقطعة الخبز لا تشبع ولا تسمن من جوع وكيس السكر زنة 50 كيلو -بسعر 270 جنيه ….عن أي دعم يتحدث هذا المأجور !!!

قال وزير المالية أيضا في برنامج مؤتمر إذاعي بأنهم سيقوموا بتعيين 30000 خريج في العام القادم ، وفي نفس الوقت يقول الوزير إنو الدولة ما عندها موارد لزيادة المرتبات وإكمال طريق الإنقاذ الغربي .. ودفع مستحقات سلام دارفور ومياه بورتسودان.. طيب حتجيبوا مرتبات الوظائف الجديدة من وين؟؟؟ من إيران ؟ّ!!!!

ليه دائما الوزير ده الحلول الاقتصادية عندو رفع الدعم وفرض الرسوم والجبايات ….وين النظرة الاقتصادية في فتح افاق الاستثمار الزراعي الصناعي التجاري …وين العقلية المنتجة عند هؤلاء ياخي كل المؤسسات الاقتصادية في دول الخليج وراءها سودانيين يفكرون وينتجون ويصنعون من الفسيخ شربات ولكن اهل الانقاذ كل نظرتهم وعينهم في خشم المواطن …ياخي بدل رفع الدعم عن السكر اعمل على زيادة انتاجه وبدلا من رفع الدعم عن الكهرباء اوجد وسائل طاقة بديلة وعززو وسائل الدخل و النمو الاقتصادي …كل تفكيركم رفع الدعم وفرض الجبايات ياخي ده وزير مالية ولا مستعمر انجليزي …

الزول دا ورل

هى اصلا كانت مدعومة عشان يرفع الدعم؟
وبعدين رفع الدعم المزعوم ربطها بزيادة المرتبات…
تعداد السكان يفوق ال 40 مليون يعنى كلهم شغالين فى قطاع حكومى عشان تزيد ليهم مرتبات؟
والباقين يعملوا شنو الماعندهم ظهر واتوظفوا فى الحكومة وهم الغالبية؟..
ان شاءاللة يدعمك قطر زى قطر أسيوط . قول امين

ياريت يا سيادة الوزير تحدد لينا أسعار البترول والكهرباء والسكر والدقيق بالدولار بعد ماترفعو دعمكم تماما وبدون أى دعم ، وتحددو سعر صرف الدولار سوق اسود ولا سعر بنك السودان …عشان ما كل مرة تشبكونا رفع دعم بالكذب علما بأن سعر الكهرباء بالسودان يفوق سعره سعر أى دولة بالمنطقة مع العلم بأن توليد الكهرباء مائى يعنى ارخص توليد…دا واحد وسعر السكر خلوهو الدعم الحكومة مدخلة فيهو ستمية مليون ضريبة وجباية ماعندها اى علاقة بالسكر دا غير انو سلعة السكر محتكرة للمصانع السودانية وأنا اسع لو بدونى تصريح ممكن اغرق السوق بى سكر من البرازيل أقصى بلاد الدنيا وبربع الثمن ،ولكن الله غالب وحسبنا الله ونعم الوكيل ولكل ظالم نهاية والمسلسل دا لابد ليهو من حلقة اخيرة حتى لو كان مسلسل مكسيكى بايخ وثقيل وزمن الحلقة الواحدة خمسة ساعات