المغتربين في السعودية: أركزوا للبجيبها الريح..

كلام مجافي الحقيقة وفيه ظلم لفئة اعطت وما ظلت واصلا المسئوليات لاتعطي فرصة للبوبار ومنزه نفسك من الاخطاء مسئوليات والتزامات المغترب لاتعطي فرصة
والواجب الوقوف معهم بدل التريقة وشبه الشماتة التي تطفح بها بعض مواقع التواصل
ففي كل بيت مغترب وستلقي اي ازمة علي المغترب بظلاللها علي اي بيت
ونصيحتك ليس هذا وقتها فالقرارات الحالية لن تدع فرصة لاحد ليطبقها والارزاق بيد الخالق يدبرها كيف يشاء

يا دكتور تاني مافي وقت لجمع المال زي ما بيقولو البقت بقت نسال الله حسن الخاتمة

كلام فى السليم بس للأسف فات الأوان لأنو دمرونا النسوان وأدخلونا فى ديون يعلم بها الله ودا بسبب البوبار فى بيت الإيجار رغم أنى والحمدلله ماعندى إيجار شقة (تابعة للشركة) عايش فيها مبسوط ومستور ولله الحمد قرابة عشرون عام لكن الصرف معظمه عشوائى يعنى بالدارجى كدة (فاكيها للأخر ) رغم محدودية الدخل إلا أنه بقليل من التدبير تمشى الأمور الآن وبعد وقوع الفأس فى الرأس قمت بتسفير الأسرة لبيت إيجار فى وطنى وياللغرابة ففى الغربة ساكن ببلاش وفى بلدى أستأجر والعيال (داقين جرس ) إلا يرجعوا مما إضطرنى إلى عمل تأشيرات خروج وعودة كلفتنى ماكلفتنى ومفكر ألغيها قبل أن تنتهى بس قلت أشوف آخرها لحدى بداية العام 2018م لأنو عند تجديد الإقامات يجب دفع مبالغ لا حيلة لى بها الآن أفكر فى تسليم شقتى العزيزة إلى الشركة للإستفادة من بدل السكن البسيط لأن الشقة أفضل من المقابل المالى فهى فى مجمع سكنى تجارى فى قلب العاصمة السعودية ومؤمن بحراسات وخدمات ممتازة مجمع رائع وماممكن كمان أسكن براي فى شقة بها أربع غرف ومطبخ وأتجدع فيها زي المجنون رغم أنى مرتاح وماكل وشارب ونايم فى هدوء بس عدم وجود عائلة مشكلة كبيرة ووجودهم كمان فى ظل المستجدات دى صعب شديد وبصراحة تراودنى فكرة الإرتباط بزوجة تانية محلية ( نظام سترة وكدة) الحل شنو ياناس ؟ أخوكم مجهجه ماتقولو لى ألحق عيالك أنا لحدى الآن ولله الحمد مستقر فى وظيفتى وما فى زول قال لى كانى مانى رغم أنى زهجة ساى قدمت إستقالتى مرتين ورفضوها يعنى كنت عايز أطبزها براى لكن الظاهر اللقمة ماإنقطعت الأبقي راجل وأقدمها الأيام دى ؟ لكن برضو صعبة لأنه لابد من دفع مبالغ مستحقة غير كدة الواحد ماقادر يستوعب فكرة العمل فى السودان مع جيش الخريجين العطالى خاصة وأنا بلغت من العمر عتيا (داقى فى الخمسين ) مع السكرى وود عمو الضغط شفتو المحن دى بس الحمدلله وآخر دعائى ( زوجة يامحسنين )

فااااات الاوان والانكتب علي جبينا الليلة بان ااهداء لكل المغتربين السودانيين

واحدة مكرهانا كل ما تنزل اجازة تلم ليك فى النسوان اللازورد البلازما الموول واخر قشرات وگأنها السيدة الاولى وراجلها مرة نازل اجازه بمارسدس ومرة كوري وفى النهاية طلع عاطل وبتاع ترحيل ومراسلة لكفيله.
الذى ارجوه من المغترب ان يعتبر فترة الاغتراب دى عبارة عن مأمورية.وعلى نسوانهم ترك الفشخرة الفارغة.

,hggi udk hgurg

والله عين العقل وهذا واقع سوداني وسوداوي كمان يعيشون الحاضر كما لو ضمنوا المستقبل
احسن تعيش اليوم موزون ولا تعيش غدا مذلول
تخيل مغترب له ثلاثين عاما ولا منزل له اما يعيش اولاده معه بالغربة او في السودان بايجار او مع اسرته الكبيرة
ما مصير هذا اذا انهيت غربته وزاد عدد افراد اسرته ؟
ناس مغتربة كثيرة سارقه الزمن

كلام علمي وواقعي بس من يفهم ويدرك وينفذ

الغريب من ما طلعت حكاية الرسوم دي ظهرت فئة من المغتربين تقول ليك نحن كنا عايشين مقتصدين ويلوموا بقية المغتربين على الصرف زي كاتبنا الهمام ده قال عندي قبل سبع سنوات سيارة مارسيدس موديل 83 حاليا سيارتك موديل كم؟ غير كده بتلوم في المغتربين الشالوا الهدايا لأهلهم وأصحابهم !!!! ويتكلم عن غياب التخطيط والتركيز لو إنت بتعرف تخطط ومركز ما كان قاعد في الغربة عشرات السنين للأسف لا استمتعت بغربتك ولا واصلت أهلك …. عودا حميدا يا دكتور