الكل ينتظر ليلة الارتواء من عبق ابوعركي
الراكوبة: عازة
الكل ينتظر بشغف حفلة الرائع ابو عركي البخيت المقررة يوم 18يناير، وعدد من المعجبين اشاروا الي تواجدهم في المسرح القومي في وقت مبكر حتي يتمكنوا من حجز مقاعد امامية تمكنهم من الاستمتاع بفن القامة ابوعركي البخيت، فالحديث هذه الايام عن ماذا سيغني ابو عركي في تلك الامسية التي وصفها البعض بليلة الارتواء من عبق الفن الاصيل والكلمات الرصينه والحس الوطني الذي يتملك حنجرته التي طالما انتظرها محبيه، الاهتمام الذي وجده الحفل يؤكد ان الذوق السوداني مازال بخير بالرغم ماشاب الساحة الفنية من اضمحلال وانزلاق مرده اختراق الاصوات النشاذ التي لاتحمل اي محتوي او فكرة. فالرجل له مواقفه التي ظل يتمسك بها في زمن جل ما يقف الرجال علي مواقفهم. وتوقع عدد من المراقبين ان تشهد الحفلة حضوراكثيفاتعجز ردهات المسرح القومي عن احتوائه.
الامبراطور احمد الصادق فقط ولاغير ……………………
والله يابت ام درمان الله يكبر فهمك وعمرك قالت احمد الصادق قالت .
واحشنى… أضحكى… بخاف… لك الله أيها المناضل والماسك على جمر القضية بكل صبر وبشجاعة الأسود.. أتحف الشعب الصابر بموسيقاك التى تهز الوجدان وأضع أجمل الألحان أيها المسيقار الواقف كالطود لاتهزك محاربة الأوغاد لك فأنت من مدرسة النضال التى لا تهاب فحيح الثعابين . لكم كل السودانيين عشقوك لأنك لم توطىء رأسك لأقزام غدروا بالبلاد. ليت كل فنان نهل من أخلاقك الفاضله وسلكوا الدرب الذى تسير لأنه درب الخلاص من بنى كوز ومن شايعهم.
و الله كان أفضل لك أن لا تعلقي علي هذا المقال ي بت أمدرمان أين أحمد الصادق من القامات الفنيه و الرائعين أمثال أبوعركي ووردي وودالأمين و مصطفي سيد أحمد و الكاشف و أحمد المصطفي ووووو و كثير جدآ من القامات الفنيه حتي تلصقي بأحمد بتاعك لقب الإمبراطور و الله تلقاك من أخوات نسيبه الكوزات الصغار
واووووا ليه الحملة على بنت ام درمان كده يعني الا تكون بتستمع لابرعركي بتاعكم عشان بتكون بتعرف الغنا انتم بكييفك احضر الدايرين تحضروه بس اياكم من ناس[طه سليمان واحمد الصادق وحسين الصادق واحمد بورتسودان. ديل نحنا عاملين صفحات في الفيسبوك ومعجبينهم كترين. وبالذات عندنا في الجامعة نحن قروب كامل معظمنا معجبين بيهم وبوسامتهم وبفنهم انتو دخلكم شنو يا شنين يامابتشبهو الناس
ابوعركي ومصطفى سيد أحمد-الله يرحمه -والعضبراوي -الله يرحمه- ولحد ما وردي *الله يرحمه- وحمد الريح هم أعظم من غنى للسودان وشعبه ومن الشعراء محجوب شريف-هاشم صديق -محمد الحسن حميد-ازهري(أولأحد حكام سحر القوافي) والرعيل الاول من الشعراء شاعر لا لن أحيد (معليش اسمه راح علي) …………………..الخ.
ياجماعة نوعية بت امدرمان بتقصد تلفت الانظار وتطلعكم من الموضوع الاساسى وفعلا جاريتوها – الحركات دى مفهومة وقديمة – ومفروض تطنشوها –
كل عمالقتنا كانوا عند اللزوم والحاجه وبمجرد انتهاء الحاجه ينتهى كل شىء … الان ابو عركى قامه وينتظر دوره الوطنى المنتظر ولكن عند اللزوم فقط ويكفيناامبر الاباطره حسن خليفه العطبراوى يرحمه الله الذى تغنى بنشيده انا سودانى كل الفنانين وكل زول رد هذا النشيد حتى مع الراديو ولكن ما هو رد الجميل لقد قضى معظم شباب فى سجون الاستعمار بسبب اناشيده الوطنيه فى المناسبات الاجتماعيه وما كانت تزيده السجون الا قوة ومناعه ليعود وينشد للوطن وكذلك تغنى عثمان حسين وابراهيم عوض والشفيع وحسن جمه وميرغنى المامون والكابلى وسيد خليفه ووردى ومحمد الامين لثورة اكتوبر وكلهم اباطره ومازالت اناشيدهم ترددم نوقت لاخر … وهذه فرقعه اعلاميه وسيذهب هو الاخر كما ذهب الذين من قبله كأمثال شهداء اكتوبر والميل 40 وغيرهم من الشهداء … بعد الخروج من المسرح الكل سيغنى على ليلاه وينسوا ما تغنى به ابوعركى
ههههههههههههه مياده شن جاب عمالقه الفن والطرب لي عماله الهبل و الخرف اتاريهو الجيل كلو ضايع يا حليل الفن في بلادي
ابوعركي ده مامكن اتكرر
كل يوم يقول احمد الصادق عندو اغنيه جديدة هو نحن عارفين ليه قديم عشان نعرف جديدو__واحشنا يا ابوعركي فنك الجميل
أخشى أن على الحفل من الفتاوي وبحيث أن ظروف البلد لا تسمح وأخاف عليه من الإلغاء