كم تبلغ أعلى عشرة رواتب للرؤساء في العالم؟ شاهد الترتيب والصور
كم تبلغ أعلى عشرة رواتب للرؤساء في العالم؟
كم يبلغ الراتب السنوي للرئيس؟ وما هي الرواتب العشرة الأعلى[COLOR=#FF0064] المعلنة [/COLOR]؟ .. الإجابة عبر الصور التالية :
في المركز العاشر ديفيد كاميرون رئيس وزراء بريطانيا ويبلغ دخله 174 ألف يورو سنويا
في المركز التاسع رئيس الوزراء الايرلندي أيندا كني ويحصل على 200 الف يورو سنويا
في المركز الثامن رئيس الوزراء الكندي ستيفن هاربر ويكسب 226 ألف يورو سنويا.
في المركز السادس المستشارة أنجيلا ميركل رئيسة وزراء ألمانيا ويبلغ راتبها 230 ألف يورو
ويأتي رئيس الوزراء الفرنسي فرانسوا أولاند في المركز السادس أيضا بـ230 ألف يورو
وفي المركز الخامس باراك أوباما ويحصل على 300 الف يورو سنويا
327 الف يورو هو راتب الرئيس الكيني مواكي كيباكي مما يضعه في المرتبة الرابعة عالميا
وفي المركز الثالث رئيسة وزراء استراليا السيدة جوليا جيلارد 368 الف يورو سنويا
رئيس الوزراء في هونج كونج يسمى بالمدير التنفيذي واسمه سي واي لونج ويحصل على 420 ألف يورو
الرئيس السنغافوري لي إسين لونج في المركز الأول عالميا ويبلغ راتبه 1.8 مليون يورو[/CENTER]
كنت قايل الفي الصورة علي الحاج بتاع خلوها مستورة
نسيتو البشكير ياجماعة الخير
أقل هلفوت اكان والى ولاية و لا دستوري يطلع الاول على الجماعة الفوق ديل وخليك من بشبش و نوابه و حريمه ورئيس البرلمان ووزاء المركز و الاقاليم , اتاري الميزانية محملة بمخصصات الدستوريين والذين بلغ عددهم اكثر من ماتين الف من وزير ووزير دولة و مستشار وعضو مجلس وقيادي بالمؤتمر الوطنى وهلم جرا
طبعا المخصصات زادت هذه السنة و كلام النائب الاول امام البرلمان العام السابق طلع فشوش (لاسكات الغلابة) ويا حليلك يابلد والفجر الجديد طريق الخلاص
باين عليكم كزابين نسيتو البعير حقنا ؟؟؟؟؟
وراتب الرئيس السوداني “خذ كيفما تريد من الخزينة” وهو بذلك في المرتبة الوثيرة بين رؤساء العالم.
…لو أضافوا التجنيب والمجنبات جنبا,لكنا الاوائل ..لكن ما بتدى حريف..!!
تعليق من مواليد 1990 ( حوش بانقا _ كافوري ):
(الرئيس السوداني 300 مليون جنيه بالقديم في السنة أي ما يعادل 30 ألف يورو في السنة .)
طبعا الاخوة العرب وبقية الافارقة ليس لديهم راتب معين لان البلد كلها راتبه ، الواحد ابرطع زي ماداير
الرئيس السوداني في المرتبةالممتازة لأن أموال الشعب والدولة كلها في يده فراتبه مفتوح يغرف كما يشاء هو وزوجاته واخوانه واخواته وناس حوش السجم حوش بانقا
بشه الكم
اللة يعينك يالبشير مدنك ملاليم وشايلين حالك
إلا كمان فى ناس (راتب المهدى ) ما لامين فيهو..والدنيا أم قصر إلا وراء القبر
وناس عندها رواتب مولولة وناس رواتبهم ملولوة
وناس رواتبهم قانونية وناس روابهم (آل كابونية)
وناس خامين الرواتب وناس ما لاقين مراتب
عوووك.. نسيتو نافع المنافق…..هو الاول راتبا من حق الغلابة و المساكين.؟
ربيع عبد العاطي كم راتبه؟
إذا جمعنا الولاة, ومستشاري الرئيس, ونوابه, والحكامات,
والمهللين لغير الله, والتابعين لهرطقة الرئيس,,, وكلابه,
ثم حسبنا ما يتقاضونه في شهرواحد, مقابل حماية الكرسي,
لكان الناتج راتب سنة للشرفاء من رؤساء العالم.
الكلام دا فقط للرئسة المنتخبين وميزانيات بلدانهم معلومة لدى الغاشى والماشى مش دول زى السودان والصومال وافغانستان ودولة حماس
اما رواتب الكيزان اكيد بغير حساب.. الميزانية مفتوحة وكده.. بعدين كلهم تجار ومستثمرين داخل وخارج السودان يعنى ما فاضيين اصلاً للرواتب آخر الشهر.. تتذكروا لما وفد من وزارة الاستثمار وجهاز المغتربين مشوا الامارات يشحدوا فى السودانيين المقيمين هناك وقابلوا حكومة امارة دبى وطلبوا دعم لمشاريع تنموية؟.. الاماراتيين قالوا ليهم فى مسؤولين سودانيين اشتروا عقارات فى مشروع النخيل بمبالغ اضعاف المبلغ اللى انتو بتشحدوا فيهو ده!!.. ووزير خارجيتنا بعد خروج البترول من الميزانية مشى بكى للاتحاد الاوروبى كيف تسيبوا الاقتصاد السودانى ينهار وما تساعدونا.. اول سؤال وجهوه ليهو انت اشتريت فندق الصداقة بتمانين مليون دولار يعنى ثروتك مقدارها كم ومن وين ليك الاموال دى؟.. وباقى المتنفذين فى الحكومة عندهم كم؟.. يعنى السودان فيهو قروش ليه جايين تشحدوا؟..
كل موارد البلد تحت تصرفهم يسرقوا وينهبوا ويفسدوا.. ناسين انو الدنيا ما دوامة..
اتقوا الله في التعليق لانهو اتهام بدون دليل وكذب وافتراء سوف تسألون عنه
nice
دى الشفافية الصح
هههههههههه البشير بشيل من الخزنة المركزية عشان كده . ماعرفوا يصنفوه وين
الله ليه كده وين اسمي أنا ليه ما مكتوب 2 مليون في السنه
إذا كان سعر اليورو بتاريخ اليوم 2013/1/21 (حسب البورصة السودانية) هو :
1 يورو = 5.8702 جنيه سوداني
1 جنيه سوداني = 0.1704 يورو
1- الرئيس السنغافوري 1.8 مليون يورو = 10.56636 (10 مليون و نص ) ج س جديد
2- رئيس الوزراء هونج كونج 420 ألف يورو = 2.465.484 (2 مليون و نص تقريبا) ج س جديد
3- رئيسة وزراء استراليا 368 الف يورو = 2.150.2336 (2 مليون و حبة ) ج س جديد
4- الرئيس الكيني مواكي كيباكي 327 الف يورو = 1.919.5554 (مليونين إلا شويه) ج س جديد
5- باراك أوباما ويحصل على 300 الف يورو = 1.761.06 (مليونين إلا ربع) ج س جديد
6- الوزراء الفرنسي 230 ألف يورو = 1.350.146 (مليون و 350 ألف ) جس جديد
7- رئيسة وزراء ألمانيا 230 ألف يورو = 1.350.146 (مليون و 350 ألف ) ج س جديد
8- رئيس الوزراء الكندي 226 ألف يورو = 1.326.6652 (مليون و 326 ألف ) ج س جديد
9- رئيس الوزراء الايرلندي 200 الف يورو = 1.174.04 (مليون و 174 ألف ) ج س جديد
10- ديفيد كاميرون رئيس وزراء بريطانيا 174 ألف يورو = 1.021.4148 (مليون و 21 الف) ج س جديد
ـــــــــــــــــــــــــــــــــــــــــــ
لو الحساب دا صاح :
أنا رأيي نجيب ديفيد كاميرون ( أنجليزي و رخيص) نجنسه زي لعيبة الهلال و المريخ و الملكة نعمل ليها إقامة و تأشيرة خروج و عودة لسفرات متعدده بالمجان !!!!!
و بكدا نكون رجعنا البلد لزمن الإستعمار و ( نجدع) لما نجيب الإستقلال و(Reterospectively) نعالج مشاكلنا !!!
أتذكر جيداً عندما جاءالبشير للسلطة وفى أول أيامه جرى معه لقاء تلفزيونى فى تلفزيون السودان وليتهم ما زالوا يحتفظون بهذا التسجيل الذى قال فيه بالحرف الواحد ( أنا عارف بكرة حا تطلع إشاعات يقولو ليك فيها غمر البشير سوا عمارة وعمر البشير عمل بيوت وأحب أؤكد إنو نحنا ما جينا للحاجات دى ) !!!
بشة نمرة واحد بدون منازع الله يقلعوا مننا جاي ولا جاي
يا جماعة بشه و وداد مرة ابراهيم ……..هاهاهاها الحراميه اولاد الحراميه
هذا الكلام غير صحيح لانو الاول معرووف ومافي زووول بنازعوا في المرتبه دي عشان كده حقوا يعيدوا النظر فيها
هذه الشعوب عارفه رئيسها قبل الرئاسه عندو كم واثناء فترة حكمه بصرف كم وبعد نهاية حكمه عنده كم أما نحن الله ورسوله اعلم
الأول هو عمر حسن أحمد البشير ,,, وبشيل سااااااااااااااااااكت