شاب يردي شقيقته رميا بالرصاص بسبب محادثات منتصف الليل ..

طلقلة قبل العرس ابوها جايب ليها موبايل وجايب مسدس وما جايب عريس

تخلف شديد يمكن قاعده تتحدث مع زميلتها او حتي مع راجل مافيها مشكله حتي قاتل تلقوه بتكلم مع بنات بالليل

…المحاداثات الطويلة بالموبايل من الجنسين صارت الان فى اغلب بيوتنا ,اذا بالليل او بالنهار,هناك خلل ما فى كيفية تربية الاولاد والبنات , يجب تعليم الاولاد ان اخواتكم زيكم واحد ما فى واحد احسن من التانى,والوالدين يجب ان يتعلموا كيفية بناء العلاقة بين الاخ واخته على اسس سليمة وصحية منذ الصغر,وخطأ كبير ان تعطى البنت عروسة لعب ,وتعطى الولد مسدس بتاع موية,وياهو ده حصاد ما نزرع.لها الرحمة وللوالدين الصبر..!!

اه اسع قتلت اختك في ساعه قضب كان ممكن تتكلم معاه بي رواقه وتقول ليها ماصح تتكلمي بعد منتصف الليل صدقني كانت سمعت كلامك فورا الله يرحمه وبعدين هي بتتكلم بعد منتصف الليل لان المكالمات مجاني او ارخص وممكن تتكلم مع صديقتها تفكيرك مشي بعيد

القاتل احق جداً وربما يعاني من اشياء لا نعلمها تسببت في ارتكابه لجريمة قتل اخته
(1) الحديث في الموبايل ليس عيب ونفرض انها كانت تتحدث مع شاب وما المانع والعديد من الشباب يجكس هكذا بل البعض يتحدث لمن له علاقة غراميه معه ربما تتطور الي زواج …واطفال..
(2) لدي حماتي معي في منزلي وهي مولانه وشيخه وكده ( اقصد ماتزمة تصلي وتصوم وتخاف الله ) وهي شابة عشرينية كلما اصحي بليل اجدها تتكلم في الموبايل فكل ما افعله امزح مع زوجتي بان اختك دي شكلها قربت تجيب لينا العريس.

فليحزر الحمقاء فامر الحديث في الموبايل لا يمثل ازعاج

الكلام دا كلو من شركات الاتصالات هي الجابت المشاكل دي وبعضها بيعمل اتصالات مخفضة في منتصف الليل وقت الهجعة وفي الوقت داك الحبيب المزيف بكلم حبيبتو المزيفة والشركة ما قصرت رخصت الفاتورة عشان العشق الممنوع يسخن والسخانة جابت جبخانة والله يعينا على ما ابتلانا

عالم وهم ياخى هو التلفونات دا عملوها ليه يمكن يتكلم مع زميلتها او حتى مع رجل شريف لترتيب اومورهم والاتفاق على الزواج من المستقبل والان اي شخص اراد الزواج من الجنسين لابد من التلفون ليلا كان ام نهارا والحمد لله هناك احترام واحتشام كبير بين البنات واسرهم داخل السودان ودول الخليج اما البت السودانية او بنات العرب والمسلمون المولودين فى اوروبا وامريكا فارائهن تختلف تماما الا من رحم ربى فانت ممكن تشيف اختك عديل كدة ماشة مع واحد وما تقدر تكلمو ولو كلمتها ووقع شجار بينكم ودقيتها وهي قامت بلغ عليك البوليس فيكون قيامتك قامت وممكن البت يقول لابوها او امها او خوها انو هي ماشة لحبيبو عديل كدة فى الحتة الفلانية حتى لو كانت المسافة زي بين الخرطوم وود مدنى مثلا مافى زول من الاسرة يقدر يفتح خشمو عليها

لا يزال المؤمن بخير ما لم يسفك دماً حراماً ، في الدين الذي ندين به إذا كانت بكرة وزنت البنت مائة جلدة وتغريب عام العقوبة يعني يودوها ويعلموها انو الزنا حرام ، كلام موبايل يحصل للقتل اللهم الطف بالشعب السوداني وابعد عنه دين التكفيريين الذي يقتل فيه الاخ اخيه واخته وامه وابيه ، والسودان ماشي إلى مزالق مالي والصومال لان الكيزان عقدوا حلف مع التكفيريين امثال محمد عثمان صالح وعبدالحي ومحمد عبدالكريم ومن والاهم لكي يعبث هؤلاء بالشعب السوداني حسب دينهم ويمرمطوه وياخذوا مقابل ذلك حفنة ملاليم من الكيزان ، ويصبح الشعب لا يقوى حتى على السير ليلاً ، يمكن تكون ماشي مجرد مشي فقط على الشارع مع زوجتك يقيموا فيك حد الرجم عقوبة الزاني المحصن من غير تروي ، والكيزان ياخدو راحتهم في السلطة بالكامل هذا هو السيناريو المتوقع والذي فتحت له القنوات الفضائية والصحف التي تاوي التكفيريين لتنفيذه في السودان، اللهم عجل برحيلهم كيزانهم وتكفيريينهم من سوداننا وانعم علينا بلطفك واحسانك وان نكون على سواء الصراط المستقيم، واحفظ اعراضنا من هؤلاء ياحفيظ.

كنت في اجازة في العاصمة وانا قادم من احدي ولايات السودان الغربية وفكرت بالاستقرار في الخرطوم لوجود كثير من خدمات التنمية ولكن الذي اخافني هو سلوك الشباب والشابات وخاصة الطلاب الجامعيين هل ترضي ان تعامل اخت بهذه الطريقة وانت تنتهك اعراض الاخرين بحجة الوعي والفهم والتكنلوجيا ايجوز لكي ان تجلس مع بنت حرمة واجنبية وتتلصق بها ولا مسافة تفصل بينكما وتمسك يدها هذا حرام واغلب الشباب لديهم برود جنسي يعني ليست لديهم احاسيس هذا من تربية كلا الطرفين وهي مسئولية الاباء والاخوان وقرات من كولا الذي يقول ليس لديه مانع هذا انسان ديوس وليست لديه غيرة ولا تربية اسلامية صحيحة فاليراج نفسه
ولاحظت ايضا في ليلة راس السنة اتخيل نفسك في اوربا وارفريقيا علماً بانني زرت اوربا وامريكا وايضا اغلب دول افريقيا هذه هي عدم مسئولية الاباء والامهات والاخوان والله الواحد بقي بخاف علي نفسو اللهم اهدي شباب وشابات المسلمين واهدينا جميعا

سؤال .. ماذا لو وجد أحد أخوته وليس أخته في تلك الوضعية ؟ أم أن كل الأمر محصور في الدوافع النفسية التي أنتجتها العفلية الذكورية المسيطرة على المجتمع؟
حقيقة الجهل مصيبة ولكنه نسبي .. سابقاً كان هناك بعض الأباء يمنعون بناتهم من الذهاب للمدارس أو الجامعات للتعليم ومن تخالف كانت تقابل بنوع من العنف النوعي، الآن اختفت تلك الظاهرة ولكن هناك بعض الظواهر مازالت مسيطرة وستنتهي بعد تحقيق المجتمع قدر معين من التعليم والثقافة .. أخيراً مواقف مثل هذه لا تحل بالأسلحة وأنا استغرب حقيقة في رجل يرفع السلاح أياً كان نوعه في وجه إمرأة .. الرجالة ليست بالإستعراض على النساء ولا هي قوة الذراع .. لـو كان رجلاً حقيقياً لحاول فهم الموضوع ولو اتضح له تورط شقيقته في علاقة ما مهما كان نوعها عليـه محاولة إصلاح الوضع بأقل الأضرار وأخف الخسائر فإزهاق الروح لا يمثل الدين ولا يعني الرجولة في شيئ والعنف لا يفيد إذا لم يكـن يخدم الدين .. فمن الواضح أنه الآن سيحاكم وسيحاسب وهذا يعني أنه لا الدين ولا القانون سيقف في صفه .. حكموا عقولكم أيها الرجـال وأحفظوا غضبكم وطوعوه انتصاراً للدين وليس تشفياً للنفـس أو تذرعاً بالشرف .. تحياتي

ربنا يرحمها ويغفر ليها يا جماعة الزول متخلف ما ممكن تقبل بالكلام يحصل فى بنات الناس وما ترضه فى اختك غالبية الشباب الواحد بجكس وبتكلم بالتلفون ويحاول يظهر انو زول عديل مدام والد موجود فابوه احق بحل المشكلة ربنا يسترنا من بلاوى الانقاذ

والله مكمل الرجالة ياود ابوك
الله يرحمها