حفلات السيد آل حاكم

والله ياطارق شريف صدقت انامقيم بدبي منذ 14 عاماًوعمري مادخلت يوم واحد حفلة من الحفلات الهزيلة والتي يصورها المخدوع وماخذ مقلب في روحه المدعو مبارك حاكم والله عنوان للمسخرة وقلةالحياء والمصيبة تشوفه فرحان وماخذ الفنان ويترقص معاه والناس البهائم بزوجاتهم واسرهم اخر مسخرة والمصيبة الكبيرة يوجه الدعوات لبعض الضيوف الإماراتيين لمشاهدة الخزي والعار وبهرجة وتكشف السودانييات ولوك اللبان ووضع كرتونة من المكياج على وجوهم الشينة والسمحة مع العلم بان الإخوة في الإمارات تقام حفلاتهم للنساء فقط والرجال لحالهم بس المصيبة في المتخلفيين الشفيع عبد العزيز وراس هرم التخلف المنافق حسن رئيس القناة بالله ارحمونا من مهازل مبارك حاكم وامثاله

فى الغرب يدعمون الفاشل حتى ينحج اما نحن فنحاصر الناحج بالحسد والغيره حتى يفشل….

أستاذ طارق, مع الإحترام, ولكن نقدك مشوه !

حفلات آل حاكم فيها جهد واضح ظاهر على الشاشة, إدارة, تخطيط, تسويق, تصوير محترف وتنظيم للحفل, أما إذا أتت بعض السودانيات بزي غير محتشم, دي ما مشكلة آل حاكم, وإذا الفنانين البيجيبوهم ما أقنعوك, هم جابوا فنانين السودان المعروفين والمحبوبين كالقامة أبو الأمين وعقد الجلاد وطه سليمان وإنصاف مدني, وإذا التلفزيونات بتركز على الحفلات وتتجاهل علماءنا الأفاضل بدبي وغيرها, دي ما مشكلة آل حاكم..كل إعلام الدنيا مشغول بالفنانين والرياضيين ومتجاهل العلماء ..

بالله شوفوا القميص المسطر دا.. ياجماعة حتى العاملين فيها فنانيين ديل بلبسوا من الملابس البفرشوها في العناقريب وفي الشوالات.. عشان تعرف السوادنين ديل ما انيقين اسه الناس ديل لو زول ما بعرفهم بيقول منتظرين المواصلات.. وحتى البت الوحيدة دي عايين ليها كيف احمر × احمر (دستوووووووووووور.. عاين الجنز دا راقد قرض كيف… يعني الاقمصة دي كلها لو عجنوها ما بتطلع قميص كدا عليه الرك وممكن تقول قمبص… [فرفور وعلى ما ظن ابوهريرة قمصانهم [أولاد حفرة واحدة] يعني من كنتين أو دكان واحد… شكرالله ومعاهو الوراهو من وواحد من أولاد الصادق [قمصانهم برضو] جبانة شوية.. بالمناسبة كرهتي في الدنيا دي القميص لمسطر العامل زيي الملاية دا… والله لو بدوروا [الحس المكواة حارة] قميص كان زمان موضة زمان في السبيعينات وكانوا بسموه [تحرمني منك وكان سطور كبيرة وسطور صغيرة راسيا وافقيا ودائرياً.. وكان يلبس مع الشارستون والخنفس.. بالمناسبة والله أنا شخصيا ما لبست لانو الوقت دا كنا في الابتدائية وليدات صغار.. لكن كنا شايفين الشباب اللي كانوا اكبر سناً منا.. ومعه حاجة كان بيقولها [دبابة] وكانت تلبس موضة حذاء للرجال والنساء.. وكان في الوقت دا في غناء البنات بغنيى للناس البعرسوا عرس الكورة عرس المفلسين[ عرس الكورة عرس اليابا لا مضغوط ولا دبابة.. والمضغوط اظنه كان توب في السبعينات..

نرجع تاني لقصمان الاخوان ديل… تصدقوا بعاين للصورة دي زيادة من عشرة دقائق عشان اشوف حاجة مميزة احلى لون شفته بتاع علبة البيبسي اللي في خشم الزول دا أبو فنيلة أم زيك دي.. أم خمسة ريـــال… بالله شوفوا ريماز دي لابسة لها ستارة.. وبعدين بنطلون فرفور دا جابوه زمان قماش ووزعوها كان لناس السكة حديد [الدراسة] واسمو كاكي لو ما اكون كضاب. والغريبة انو الجزم الظاهرة كلها بيضاء ما عارف السر في كدا شنو… هم قايلنها جائية مضبوط مع ملابسهم دي ولا الفهم شنو…. والبت اللي قاعدة في الكرسي الوراء دي اللابسة ابيض دي ما عارفها حادة على منو!!!

المهم في النهاية… القميص المسطر دا ولو انو حرية شخصية ومن حق اي شخص يلبس ما يريد لكنه موضة قديمة وجبان شوية… وبشبه الملاية

قروش الحفلات دي كان يجيبو لينا بيها دوااااااااااااااااااااااااااء او يدوها لطالبي الزكاة ……ز