شهد المهندس : التسوق متعة وأحبذه خارج السودان ..وإفادات خاصة لدينا صلاح..!!
*الخرطوم:تفاؤل العامري
هوس الشراء يعتبر ظاهر منتشرة لدى عدد كبير من النساء و المرأة فطرت على عشق الزينة وحب العناية بمظهرها ولكن أحيانا يصبح هذا الحب مسألة مرضية وهوس فلا تستطيع المرأة مقاومة المغريات الكثيرة في المحلات التجارية، ووصفت الفنانة الشابة أفراح عصام نفسها بـ(مدمنة التسوق) لافتة الي أنها تقضي الساعات في شراء مقتنياتها، أما مذيعة قناة النيل الأزرق الفضائية شهد المهندس فقالت في حديثها لـ(فنون) أنها تحبذ التسوق خارج السودان ،مشيرة الي إنها لا تأخذ راحتها بالمحال التجارية بالسودان لأنها صارت وجه مألوف لأصحاب تلك المحلات،وأكدت المذيعة دينا صلاح خلال تقرير ينشر بالداخل أن التسوق لديها يعتبر إدمان صعب الفكاك منه وأنها كثيراً ما تغادر لشراء إحتياجاتها من إمارة دبي.
فنون
يعني المذيعات الجميلات ديل لا يتسوقون في السودان
القروش راقدة ومن كل مكان وبكل طريقة
التسوق في دبي في لندن
نحن نعيش في عالم آخر
قال من امارة دبى قال؟؟؟؟ يعنى حتكونى بتتسوقى من فرساتشى وقوتشى ولويس فوتون؟؟؟؟ ما من مركز المنال وسوق نايف وشارع السبخة!!! بوبار فى الفاضى التقول الواحدة فيهن بقت خديجة بن قنة او منتهى الرمحى!!! صحافة عاملة للرواكيب سباليق
يا افراح عيشى واقعك وارجعى لى ورا حبه اتذكرى اول طهور ليك فى نجوم الغد والبسه الغنيته بيها بلاش نعره كذابه . هي بالله البت الفى الصوره دي اخت هبه ولا بسابيح؟
سمحه القروش والله كان ماعندك قرش تكرهي السوق وناس السوق (فاحمدن الله على نعمة القرش )
والله كان مفلسات السوق دا يبقى ليكن اضيق من خرم الابرة
دا الشي المضيع السودانيات البوبار و الفشخرة على الفاضي
هسي الزول لو عرس لي صينية ولا هندية كان قوم لي عمارة لكن وين للتياب و العدة دي
والله يا افراح العريبيه لقيتيها حليل ايام زمان
هو عليك الله يا افراح عصام ولو ما الزمن دا اغبر وزمن سحيق ومقرف انتي بتكوني فنانة ؟
الحروم ديل شغالات شنو
عاوزه تظهري البسي اصفر
اتذكرى لبستك الاولى الظهرتى بيها فى نجوم الغد يا افراح الفستان الطالع ونازل وطرحتك المعولقةالنسى قديمو تاه ختى الكورة واطه لانك ولاشى
اما بنات المهندس ديل عندهم تقل دم فطرى وعدم قبول وعدم حضور من ديك اسما منو بتاعت مشوار المسا كانت بايخة وصوتا كعب …….وهسى شهد دى زى التقول اضانا تقيلة ولبسها بلدى جدا وهى غير متحضرة وطريقة كلاما شينه وشابك لينا فى المشاهدين الاكارم حقت تسابيح …….بالله ما شفتو تسابيح هى ومادين كانوا راقيات كيف
ا
انتو البت دى منو؟؟؟؟
في تلفزيون السودان الكل بشكي من عدم القروش وفي النيل الازرق بتسوقو دبي بلاهي عليكم الله مش حقو نحط الف علامة استفهام للبفهم فقط
الله قادر ،،، والبيدفع الحساب منو ؟ وبتلبسوا من وين الله يكرمكم ؟ حروووم اخر زمن ، بس مايكون الشريف مبسوط مني
هههههه واللة جنس فسخرة بنات اخر زمن
شنو تسوق وكلام لا بودي ولا بجيييييييييييييب، شوفو هموم المواطن المأسور يا جماعة من الكيزان.
سوق سته ده مالوا و سوق ام دفسو وسوق تنبول ده مالوا الله يهديك يابنت الناس قولي امين
ياجماعة كل انسان يكسب رزقه بالحلال يجوز له ان بستمتع به- والمذيعة كان ابوها مغترب وكفاها متاعب الحياة فلماذا لاتتسوق فى الداخل او الخارج؟وانا صراحة شفت اسلوبها جميل فى حواراتها مع من تستضيفهم من الناس وخففوا عليها شوية ولاداعى للتهجم على الناس الابرياء
الراكوبة منبر حر ومتنفس للمقهورين ظلما والباكين على ضياع الوطن والمناضلين الشرفاء- فيا اخوتى قبيلة الراكوبة ينبغى ان نتسامى فوق سفاسف الامور وان تكون تعليقاتنا فى مستوى تحدياتنا- هاجموا الكيزان الطغاة الحرامية اما المذيعات والفنانات التى لم تتلوث ايديهن بالمال الحرام فارحموهن يرحمكم الله
يااخوانى الشافعه الاسمها افراح دى ماخده اكبر من حجمها بكتير صوتها المقروش ده هو فى الكلام يزهج الله يرحم اول ماظهرت فى نجوم الغد ؛؛؛؛؛؛؛؛؛؛؛؛؛وبالنسيه للتانيات ماحااعلق لانو من الاساس نحنا ماعندنا مذيعات ديل فرحانات بالكاميرا والظهور فى المجتمع زى البتنبسط لما يجيها المصور فى الحفله وتقعد تصلح فى توبها!!!!!!
اسي الموضوع ده مهم فى شنو يتسوقوا انشاءالله فى تكساس شنو بخصنا موضوع تافه حبيت اعلق لانه لفت نظري العنوان الفارغ ده
اللبسك ما عندكم شي من دبي وشي من كرستيان دايور معليش للمساكين شي من سوق الشمس وشي من سوق الجمعة
انتو بنات الويكه بتتفلقصو كدا في بلد شعبها جيعان مال لو مشيتو هوليود تقولو لينا بتحبو شنو فكونا ياخ ودي كلها بلاوي الكيزان بي ضجة الكوره وتسجيل هيثم في بلد كوكو في جبال النوبه ياكل صفق اللالوب وصفق التبلدي بالدكوه تحليه0
نسأل الله السلامة والعافية وستر العفاف!!!اقال الله تعالى،أعوذ بالله من الشيطان الرجيــم،،بسم الله الرحمن الرحيم((وقرن في بيوتكن ولا تبرجن تبرج الجاهلية الأولى))صدق الله العظيم.