صاحبة مطعم تضرب رجلاً تناول (دجاج) ورفض الدفع
باشرت محكمة جنايات حي النصر بمايو إجراءات محاكمة صاحبة مطعم بتهمة ضرب رجل. واستمعت المحكمة أمس للشاكي وكما استجوبت المتهمة التي ذكرت في اقوالها ان المتهم حضر للمحل وطلب وجبة ( دجاج ) وعندما طالبته بقيمة الوجبة رفض الدفع بحجة انه لا يملك المال مما اثار حفيظتها فأخذت (المقعد) وضربته به مما سبب له كدمات على وجهه وأسعف المجني عليه بموجب اورنيك (8) جنائي لمستشفى بشاير وأكد تقرير الطبيب الواقعة. ورأى القاضي عبدالله عبد الباقي فى حيثيات توجيه التهمة ان المتهمة مذنبه تحت المادة (139) من القانون الجنائي تسبيب الاذى الجسيم.
الاحداث
يعنى عمك ده عارف نفسه مفلس وكمان يطلب دجاج؟ كان يطلب صحن بوش .
بس عفارم على صحبتك طرشته ليهو.
كان من الذوق يستأذن منها من الاول يمكن كانت تشفق عليهو وتديهو ورك دجاجة بس
يأكل دجاجة كاملة !!!!!!!!!!!!!!!!!!!!!!!
يا أخوانا الزول قال قبل كسرة الوزير اخم الرماد بجدادة فيها شنو يعنى؟
عينو قوية يا كل وهو مفلس ياخي كان توريها اول حاجة دا واحدمستنكح
يكون شاف صورة المتعفن المامتعافى وهو بيقضم ونفسو انفتحت لعضة كده
المسكين قرف من اكل الفول قال ياكل دجاج وبعد داك يستشهد مافي مشكلة بس انا اذا كنت صاحبة المطعم كنت طخيتو بالنار دي دجاجة مكرفسة ماحاجة بسيطة
عافى منك والله هو قلة الادب ليهو شنو ما عندو وياكل جداد ؟؟ مفروض من الاول يكلمها واكيد بالكرم السودانى حا تخليهو ياكل لكن القصة بقت استنكاح واستهبال
لله درك يا وطن
ابــــــــــوعــــــــــمـــــــــــــر
اول حاجة الدجاجة دي ماسودانية والياكلها زي الاكل التور الهولندي- عفيت عنك مراء ونص والله
الجداد كتير علي قفا من يشيل (0) زمان كان الشعب السوداني لايراه الا في المسلسلات الاجنبية (0) وعلي الاقل كان في مطعم واحد في نمرة (2) اسمو البوادي (0) بعدين الزول دا يمكن افتكرها كمساري … مساكين الكماسرة
المتهمة مذنبه تحت المادة (139) من القانون الجنائي تسبيب الاذى الجسيم……
طيب الراجل ده مش تسبب في الاذى الجسيم للفرخة وعمل ليها ابادة،، وكمان الاذى النفسي لصاحبة المطعم !!
اها ده مذنب تحت الماده كم؟؟
المتهمة مذنبه تحت المادة (139) من القانون الجنائي تسبيب الاذى الجسيم……
طيب الراجل ده مش تسبب في الاذى الجسيم للفرخة وعمل ليها ابادة،، وكمان الاذى النفسي لصاحبة المطعم !!
اها ده مذنب تحت الماده كم؟؟
انا غايتو ماعارف لكن الجدادة دي لو زي الخاتينهاا لينا في الصورة برااا مفروض الزول المستهبل دة يدوهو اربعين سوط واللة انااا زاتي لمن جوعتاا ههههههه
والله ياسوداني تعلقيك يضحك قال خم الرماد قال وانا متاكده لو كان عزمك كان خميت معاه والجايات اكثر من الرايحات