موردو السيارات المستعملة يستنجدون بالبشير لإدخال (1096) سيارة
أبدى مستوردو السيارات المستعملة استياءهم الشديد من رفض سلطات الجمارك دخول (1096) سيارة مستوردة من كوريا صادفت قرار حظر دخول السيارات المستعملة وهي فى طريقها الى البلاد. وقال الأمين العام لشعبة أصحاب معارض السيارات، خالد الشيخ، إن السلطات حددت لهم يوم غدٍ (الأحد) آخر موعد لوصول السيارات الى ميناء بورتسودان، مؤكداً أن الرحلة من كوريا تستغرق أربعة أسابيع. وناشد أسامة إبراهيم، مستورد سيارات، رئيس الجمهورية التدخل لإنقاذ تجارتهم والسماح بدخول السيارات. ومن جانبهم أكد وكلاء النقل البحري أن سلطات كوريا رفضت استرجاع السيارات المشحونة الى كوريا واضطروا الى تفريغها بميناء العقبة، مشيرين الى أنه فى حال لم يسمح بدخولها السودان فسيتوجهون بها الى جيبوتي وبيعها بأي سعر.
الاهرام اليوم
خلو عرباتكم معاكم الحرامية ديل منعوا ادخال العربات لانو ناسهم عندهم عربات عايزين يتخلوا منها وبع شوية يفكوها شوف كلامى ده لو ما حصل0000بعدين يكون فى علمك الحمار ده ما عندو حاجة يسويها ليكم ده رقاصة جيبو ليهو مغنواتية ويرقص
بتستنجدوا بمنو؟؟؟ ياخى ده قاعد ساكت ماعنده اى صلاحية ____ الصلاحيات عند ناس عوض
الجاز ومصطفى اسماعيل وحتى عبدالرحيم حمدى البرة الحكومة عنده صلاحية ____ ياخى ديل
باعوا السودان واشترونا بأبخس ثمن ____ قال الرئيس قال 😉 😉 😉 😉 😉
هو البشير زااااااتو في تولا .. وبعدين القاعد يسمع كلامو منو البشير ؟؟ كدي شوفولكم مباصرة مع وزير المالية او انشاء الله ضابط برتبة عقيد ساهي في الجمارك بحلها ليكم الا كان اتكلتوا على البشير اماتكن اتعشن ….
البشير ده زي ديك البطانة ما عارف الحاصل شنو في البلد دي وزول شغالبو من المسئولين مافي ..
هنالك لوبي داخل مصفاة الخرطوم مسيطر على كل مجريات الادارة، خاصة في ما يتعلق بالتعيين و الترقيات و الحوافز و السلفيات و التدريب؟وعمل الترزية بالتنسيق مع لوبي وزارة الطاقة و التعدين سابقا و وزارة النفط حاليا (رحم الله شهيد الوطن و الحق و الواجب الباشمهندس : طارق بازرعة لما قدمه من كريم جهد و عمل وطني من الطراز الفريد التي لم تستوعبه تلك العقول الخربة وذلك اللوبي النتن بالمصفاة و وزارة النفط ).
والله الذي الا اله الا هو الكلام ده صحيح 100% نحن بنعرف قطاع البترول اكتر من معرفة نائب مدير المصفاة الشايقي نفسه (لانه دائم السفر) ومعه النواب ( التقول برلمان ناقص الموهوم احمد الطاهر) في التعيين وحتي في الترقيات وعمل اللجان الوهمية التي ينهبون بها اموال االمصفاة كحوافز ومكافأت لهم و لحارقي البخور و عليه يجب القبض على تلك العصابة و اللوبي بقيادة الامين العام بوزارة النفط و المدير الاداري بمصفاة الخرطوم قائد اللوبي بالمصفاة ؟؟؟ والامر يطووول لان الحرام و الباطل هو سيد الموقف و على الاخوة الجنوبيون اخذ العظة و العبرة من دولة الشمال الفاشلةو ستحدث هزة انشاءالله وسينجلي لكم الامر ولو بعد حين …
عليكم بفرفور الله في يكون في عونكم0