خليك زول عميق .. القصة ما قصة محطة ..!!ا
إليكم ……………………….الطاهر ساتي
[email protected]
خليك زول عميق .. القصة ما قصة محطة ..!!
** صباح الأربعاء قبل الفائت، توجه وفد حكومي برئاسة وزير بوزارة سيادية إلى مطار الخرطوم للسفر إلى الفاشر، واختار الوفد السفر بإحدى رحلات شركة سودانير المعتادة، وكانوا قد حجزوا مقاعدهم ? قبل يوم – بالدرجة الأولى. .استقبلوا بصالة كنانة، وأكملوا إجراءات سفرهم وسلموهم تذاكرهم ومعها بطاقة الرحلة وأرقام المقاعد، ثم أكرموهم بالشاي والقهوة لحين موعد الإقلاع.. بعد خمس وأربعين دقيقة من الانتظار، ذهب إليهم موظف بتلك الشركة معتذرا: والله آسفين يا جماعة، طيارتكم طارت قبل نص ساعة، ونحن بصراحة كدا نسيناكم .. والله هذا ما حدث، وإذا راجعت إدارة سودانير – أو أية جهة أخرى – تلك الرحلة، سوف تجد أن كل مقاعد الدرجة الأولى هبطت في مطار الفاشر بلا ركاب، لقد نسوا ركابها ? بمن فيهم الوفد الحكومي – بصالة كنانة، علما بأن صالة كنانة ليست في ولاية الجزيرة، ولو كانت هناك لوجدنا لهم عذر النسيا..!!
** و ليس في الأمر عجب، إنها سودانير وإدارتها وذاكرتها التي لم تعد تنسى وتتناسى مواعيد رحلاتها فحسب، بل صارت تنسى وتتناسى الركاب أيضا..ما حدث ليس بمدهش، ولكن المدهش في متن الخبر التالي .. فيصل حماد، وزير الدولة بالنقل، يصدر قرارا بتشكيل لجنة تحقيق لمعرفة ملابسات فقد شركة الخطوط الجوية السودانية حق وزمن الهبوط في مطار هيثرو الدولي بلندن، ويجب تحديد مسؤولية الجهات المتورطة في هذا الفقدان، وذلك خلال شهر، أو هكذا القرار الوزاري المدهش.. هذا القرار يذكرني حكاية يونانية مفادها أن رجلا منهم فقد مفتاحا في إحدى غرفه المظلمة، فخرج يبحث عنه تحت أعمدة كهرباء الشوارع.. لجنة التحقيق التي شكلها وزير الدولة بالنقل ما هي إلا محاولة للبحث عن ملابسات تلك المحطة المفقودة تحت أعمدة كهرباء الشوارع، رغم علم الجميع ? بمن فيهم وزير الدولة بالنقل – أن تلك الملابسات مخبوءة في غرف وقاعات مجلس إدارة وإدارة سودانير .. نعم يا وزير الدولة، معرفة من؟ وكيف؟ ولماذا ضاع محطة هيثروا؟ ليس بحاجة إلى لجنة تحقيق.. إذا راجعت كل اتفاقيات السودان الثنائية في عالم الطيران، ثم راجعت عقد بيع سودانير لشركتي عارف والفيحاء، سوف تعرف – بكل سهولة ? أن إدارة عارف والفيحاء هي التي تنازلت عن محطة هيثروا إلى شركة (بي.أم.آي)، وهي شركة بريطانية.. وبنص الاتفاقيات الثنائية الموقعة بين الخرطوم ولندن، تلك الإدارة ? عارف والفيحاء ? لا تملك حق التنازل عن تلك المحطة ? أو أية محطة أخرى – لأية جهة أجنبية إلا بأمر وموافقة مجلس الإدارة .. وعليه، لكي لا تصرف أموال الناس على لجنتك، ولكي لا تهدر من زمن أعضاء اللجنة ثلاثين يوما، أفيدك يا وزير الدولة بالنقل أن الجهات التي أسميتها بالمتورطة في هذا الفقدان، هي (إدارة ومجلس إدارة عارف إير .. سودانير قبل وبعد الاسترجاع)..أي هم الشريف أحمد عمر بدر و العبيد فضل المولى وبطانتهما.. ولم أصل إلى هذه المعلومات بلجان التحقيق ولا خلال شهر، بل فقط بالاطلاع على الاتفاقيات الثنائية ثم عقد بيع سودانير في ساعة ضحى .. فاطلع على هذه وذاك يا وزير الدولة بالنقل، ثم اقفز بالقضية إلى المرحلة الثانية، أي ثم ماذا بعد معرفة الجهات المتورطة والمعروفة ? أصلا ? للقاصي والداني؟ .. يعني ح تعمل ليهم شنو ..؟؟
** المهم ..تلك قضية محتواها أفرغ من فؤاد أم موسى.. نعم فقدان سودانير لمحطة هيثرو قضية إنصرافية .. لم تفقد سودانير تلك المحطة فحسب، بل فقدت كل محطات عواصم ومدائن دول أوربا أيضا، وكذلك فقدت منذ زمن بعيد محطات: أسطمبول، نيروبي، مورني، لاغوس، بانقي، و..المساحة لن تسع.. قرار الحظر? الساري المفعول ? والصادر قبل عام من مفوضية الاتحاد الأوربي أفقد سودانير وأخواتها كل محطات أوربا، ثم تدهور سودانير أفقدها محطات أخرى مهمة بأفريقيا وآسيا.. بالله عليك، هل الأجدى والأنفع للناس والبلد وسودانير، تشكيل لجنة تحقيق لمعرفة ملابسات ذاك القرار الأوربي وملابسات ذاك التدهور المريع، أم تشكيل لجنة تحقيق لمعرفة ملابسات ما حدث لمحطة هيثرو فقط ؟..هب أن لندن سلمتك اليوم قبل الغد تلك المحطة ومعها مائة محطة أخرى بدول الجوار – هدية – ماذا ستفعل بها وأنت المحظور منها بقرار قاري ثم أنت الذي لا تملك ولا طائرة تصلح لالهبوط في تلك المحطات؟.. يعني بالبلدي : انت أصلا حاظرنك من أوربا كلها، وأصلا ما عندك ولا طيارة، هيثروا – ولا غيرها – ح تعمل بيها شنو؟.. وعليه، كن عميقا في رؤيتك لأصل الأزمة يا وزير الدولة، لتكن حلولك أكثر عمقا..هذا ما لم تكونوا – كلكم، على بعضكم – تدمنون البحث عن مفاتيح حلول الأزمات تحت أعمدة كهرباء الشوارع، رغم علمكم بأنها ضاعت في غرف عقولكم المظلمة ..!!
………….
نقلا عن السوداني
فاقد الشئ لا يعطيه
ما علاقة كل الأشخاص المذكورين فى الموضوع أعلاه بصناعة الطيران
هى علاقة ( سأستعمل نفس مفرداتهم ) هى علاقة المتمتع بفضل الظهر لا يهمه ان احترقت أو انقلبت سيارتك بعد أن وصل لمبتغاه
الناس ديل ضربوا ضربتهم فى البيع وما يهمهم السودان يفقد محطة هيثرو ولا نهر النيل
الناس ديل لازم يختونا ولا حايفقدونا ما تبقى من رجولة
تعرف يالطاهر المحطة بيعت بواسطة عارف ب60 مليور استرلينى وسودانير بيعت لشركة عارف ب40 مليون استرلينى .
وكيلك الله ديل لو لقوا من يشترى شعب السودان الماوطنى لباعوه خاصة وأراضيه بيع ما بيع منها وتركت للمحتل ما ترك منها حتى أصبح لا يوجد محتل راغب والان بنعرض على الأحباش أبيي وعلى الامريكان جنوب كردفان والمليون فدان فى الشمالية دى هدية للمصريين عشان نغريهم للشراء وعشان ما أنطو من ارض مشروع الجزيرة
الوطن إتباع يالطاهر ووزير النفط بسأل عن محطة مطار هثرو .
رئيسنا عسكرى لا يعرف حرمة التراب ووزير دفاعنا لا يعرف مكان ساحة المعركة ومحمد عطا مشغول بعدم قيام مظاهرة سلمية فى شوارع الخرطوم .
اخخخخخ يالطاهر إنت كل يوم توجع فيناوتذكرنا فتح الخرطوم
اديهم في التنك اولاد الك………. قله حياء
ابو الزفت ………….!!!!!!!!!!!!!!!!!!!!
الشريف أحمد عمر العبيد فضل المولى وبطانتهما
الناس ديل ضربوا ضربتهم فى البيع وما يهمهم السودان قال شريف قال
يا سلام عليك يا ود ساتي – انت بتمرق الغايسة – وبعدين خليك شويه في المطار لتعرف مدى حد الذلة التي تنالنا في صالة مطار الخرطوم فقط على الخطوط السودانية وحتى الرحلات الاجنبية بمجرد دخولنا الصالة ( اذلاء في اوطاننا ومكرمون في الغربة )
يعني ح تعمل ليهم شنو ..؟؟
: انت أصلا حاظرنك من أوربا كلها، وأصلا ما عندك ولا طيارة، هيثروا – ولا غيرها – ح تعمل بيها شنو؟.. وعليه، كن عميقا في رؤيتك لأصل الأزمة يا وزير الدولة، لتكن حلولك أكثر عمقا..هذا ما لم تكونوا – كلكم، على بعضكم – تدمنون البحث عن مفاتيح حلول الأزمات تحت أعمدة كهرباء الشوارع، رغم علمكم بأنها ضاعت في غرف عقولكم المظلمة ..!!
الغريب والعجيب فى هذا المقال ان الطاهر لم يذكر ان اللذين يحتلون كل هذه المواقع من مؤتمر وطنى وغيره هم اشخاص فاشلين وفاقد تربوى وليس لديهم مثقال ذرة من الذكاء فالكتابة عنهم مضيعة وقت لا تفيد بشئ فكل هم هولاء هو كم من المليارات سوف يجنون فى فترة توليهم هذه المناصب اما الشعب وحقوقه فليذهب الى الجحيم صدقونى هولاء ليس ببشر هولاء اسوأ انواع الابالسة والشياطين ديل يا استاذ حتى موية المطر باعوها فى الغرب وما فضل ليهم الا الهواء
اللـــه أكـــــبر …اللـــــه أكـــــــبر
الآن حصحص الحق…كتمتها عنا طويلاً يا طـــــــــاااااهر
الشريف أحمد عمر بدر والعبيد فضل المولى…وبطانتهما…ياوزير الدولة بالنقل الكلام واضح وأداك الأسماء …وقطعت جهيزة قول كل خطيب ووراك الخطوات التى يجب عليك متابعتها من دون لجنة ولا هم يحزنون.ووفر على نفسك عناء البحث.
ولوزير المالية أضيف: شوف تعبير إنصرافية بيتركب كيف فى صياغة الإنشاء
والله فقر وعنطظة ….ماعندهم حمار مشتريين بردعة…وفى نا س يقولوا ليك مافى فساد ومافى سرقة والناس ديل منزهين.
يا أخوانا
مسؤولين من الخير….وزير الدولة بصحيفة التيار …من درفرة جبال النوبة تانى ما ظهر!!
يامندى ..يا ابو أمين ..يالمستغرب جداً…يا الساير …يا سلايمان قش …يا زاهى …
ماتشوفو الحاصل شنو..ولو لقيتو شمار ورونا
والله الطاهر ساتي ماقصر أداكم ليها المرة دي بالأسماء !!! ورونا حتعملو شنو؟!!!
وفقك الله فى كشف الاعيب شياطين الانس
الاخ الطاهر
احييك علي مقالاتك الرائغعة دائما وابدا.
وبحكم حسك الصحفي المرهف , ارجو ان تبحث لنا عن حقيقة بيع الموميات السودانية وبيع تاريخ السودان للمتلهفين لجعل السدوان بلا تاريخ.
نسمع من القادمين من شمالنا الحبيب ان هنالك اشعات قوية بانتشار عصابات لبيع الموميات الي اطراف خارجية.
نامل التاكيد او النفي بارك الله فيك .
والله يا الطاهر ساتي مقالاتك بالجد تطمم البطن وتجيب السكري والضغط والطحال الله المستعان بس على الناس ديل
عزيزي الطاهر والله بقينا ما قاعدين نندهش من فعائل بني كوز
انا الآن في مدينة الابيض و صلتها قبل ثلاثة ساعات قادما من الخرطوم
هل تصدق جميع البصات و الحافلات تفرغ و تشحن الركاب في ميدان كورة يبعد
لأنو الميناء البري او موقف امدرمان زي ما اعتدنا علي تسميته الليلة فيهو حفلة
تصدق الموقف مقفول و اصحاب المكاتب السفرية ممنوعين من الحجز ليوم بكرة
دا كلو عشان شركة زين بالتعاون مع المحلية عاملين مهرجان غنائي ب عبد الرحمن عبد الله و شكر الله داخل الموقف
بدل كان يعملو المهرجان في الاستاد او المسرح او حتي في ميدان واسع
حفلة يقفلو ليها موقف عام دي ما بتحصل الا في البلد دي
الاهم للناس والبلد في هذه المرحلة يا الطاهر ساتي هو تجنيد الشباب في معسكرات الخدمة الوطنية الاختيارية والاجبارية للزود عن الحدود المفتوحة للقاصي والداني و التي صارت بلا رقيب.
قال سودانير وهيثرو قال
استميحك عذرا الاستاذ المكرّم الطاهر ساتى
ردا لندا ء اخونا الحائر الزول الكان سمح ……………….. و……….الله …..جـنـس………شـمـارات !!!!!!
الغياب ………زولك قـاعد لـقـضـاء فــتـرة الـعـده !!!!!! زولك ما مات ليهو زول بعد الشر!!!!!! لكن صاحبو الوالى ود الخدر ….المابنظلم عندو احد…….. و الما رجع للزول الما انتحر…. كشكو …و اولادو….. الطشو…… اداهو الضربه القاضية و تحت الحزام على كلام الملاكمين رماهو مجندل على الارض غمران و يمكن شويه كدا يدخل فى كوما عديييييييل الله يستر !!!!!!
القصه جبتها من جهات حوش ود بانقا كرعينى ودونى لفاتحه !!!!!!!!! لقيت ناس معرفه كتيرين فيهم صحفيين و جرنالجيه الكده و الكده ؟!! واحد منهم دار بينا كلام و سالتو عن حال الصحافه الايام دى ……. فى كلامو وعن سلوك بعضهم …الكلام جا عن عثمان !!!!!!! كلامو كان سالب عنو ……. ابسطها انو خوّاف !!!! فقلت ليهو يا خى دا مسنود…….. الوالى ود الخدر شخصيا الما بنظلم عندو احد صاحبو شديد …………. الراجل برّق عيونو ………وقال لىّ تتصور قبل كم يوم الوالى دعا لمؤتمر صحفى لشرح ما تم بخصوص المخطط العمرانى المقترح للولاية و طبعا كالعاده الحضور كان كثيف … و الوالى تحدث و افاض وشرح و فى النهايه ادى الفرصة للصحفيين لابداء الراى ويعد اتنين تلاته زولك عثمان رفع صباعو وطرطش كلام كتير ياهو نفس البكتبو دا كله لف و دوران لغاية الوالى نهرو ايوه نهرو قائلا ( يا عثمان انت معاهم و اللا معانا ؟؟ انت مش فى اللجنه دى العملت التقرير بتاع المخطط المقترح دا والايدتو شفهيا لىّ !!! انت مش كنت بتاخد الحوافز مع الجماعة اللجنه و كمان كلما تطلب بزيدك ؟؟؟ دا كلام شنو البتقول فى هسع احسن كدى راجع نفسك ؟؟؟ و العصفوره قالت عثمان همهم بكلام غير مفهوم ثم سكت و بعد الاجتماع جرى وراء الوالى لكن الله وكيلك قال جا طاير فى الهوا زى الجدعو بنبله !!!) وحسع تقول لى شنو الفيللا الملياريه دى من وىن؟؟؟؟
و لو ظهر عثمان ساروى لك يا صديقى الزول الكان (وما زال) سمح وللاصدقاء عبد الواحد المستغرب جدا و مندى و سلايمان قش و الساير و زاهى و ود صالح و الاخرين باقى الشمارات خاصة نتيجة التحقيق فى مسالة البيض الفاسد و شيكات المحامى الاستاذ ط ص …..أبقى أظهر يا عثمان وانت ما راكب عدلك كدى ؟؟!!!!!!
لعمري ان مايكتبه هذا الطاهر ليفضح هواننا على انفسنا ،هؤلاء القوم افتضح امرهم و ظهرخطلهم ما عاد فيهم من يبالي ، باعو و سيبيعو كل ماله ثمن وما ليس له ثمن ، باعونا بكل ثمن مرات و مرات ، باعو صحتنا و مرضنا باعو علمنا وجهلنا باعو غنانا وفقرنا باعو الرجال والنساء و الأطفال باعو الدين والدنيا والآخرة حتى موتنا باعوه ، الأمر ماعاد فيه دهشة أو خوف و حتى خشية ، لا تفرحو بما يكتب عن هذا الفساد بل ابحثو بين الأسطر عن نعينا ، و ابحثو فيه عن رائحة موتنا ، سيسيل المداد يفضح بعض ما يحدث ولكن هل من بقايا حياة تعيد املا" منسيا? غطته الدماء..
تخصيص سودانير هي قضية احتيال و فساد واضحة لا لبس فيها ابطالها "الشريف" بدر و متنفذي المؤتمر الوطني … ابتداءا بتسجيل شركات عارف و الفيحاء قبل حوالي عام فقط بالكويت ثم تسليم سودانير لهما من قبل اعضاء العصابة الاخرين ثم ارجاع سودانير بعد ان فشلوا في ادارتها و نهبوا اصولها و خطوطها و محطاتها….
فساد في فساد في فساد و ….. فمن يحاسب من و كلهم شركاء في الفساد و الافساد ؟………هي لله و خلوها مستورة …. تلك " شريعة " الانقاذ
KAMAL ABDELLATEIF AND HIS PARTENER BOTH OF THEM ARE SECURITY OFFICERS ARE RESPOSIBLE FOR ARIF SCANDEL……. THEY ARE THE CRIMINALS
الشريف بدر اينما حل حل الفساد…يا اخوانا ناس الانقاذ ديل ماعندهم غير الشريف بدر وعبدالرحمن سرالختم وعبدالرحيم والمتعافي وكرتي وباقي السلسلة الذهبية دي…ياخي خلاص جيبو لينا اشكال تانية خلوهم برضو إشبعو فوق اجسادنا …ياخي متر اوف تغير…الله لاكسبكم
ابو امين سلامات
شمارك حاااااااااااااااااااااااااااااااااااااااااااااااااااااااارررر
نحن في انتظار زول التيار
وقد طال الانتظاااااااااااااااااااااااااااااااااااااااااااااررررر
صدقني اخشى عليه من الانتحاااااااار
او ان يعمل كشكا امام تلك الدار
ويكسر في التلج الانقاذي الضار
اظهر ياعثمان عليك الله تجي وبصراحة صعب نديك الامان .
يا أبو أمين
أنا كان حدسي مظبوط لما كتبت لى عثمان ميرغنى
لكن يا عثمان ما قلت لى الفيللا المليارية الممولها منو؟؟ ود الخدر..واللا المتعافى؟؟
بالهه قت لى الذى لايظلم عنده أحد فضحو فضيحة قدام الناس.
يا أبو عفان تعيش وتاخد كتير زيها
ما رضيت كلامنا….. ومشيت براك…. أهو ده التهزيئ إتحملوا….. ( إعتذار بالكوم يامحمد ميرغنى )
عليك الله يا ود ساتي ناس هيثرو ديل كانو متحملين سودانير دي الزمن ده كيف خليك من يبيعو محطتهم ولا لأ ,, سودانير دي المصريين بيسموها ستهم … تيجي وقت ما تحب وتروح وقت ما تحب … البصات هنا بتتقيد بالزمن خليك من طيارة تتاخر ساعة ساعتين وايام عديل كده خليك من الفساد اللي حصل فيها ,,,, هي اصلاً من زمان خربانه
ويا سيادة الوزير قدامك خيارين اما انك تحاسب الجماعة المذكورين اعلاه او تأمر الناس ديل يحاكمو استاذ الطاهر لانو اتهمهم زور وما اظن تقدر تعمل اي واحدة منهم عشان كده امسك خشمك عليك وما تصرح باي حاجة من الليلة ولي قدام لانو في ناس زي استاذ الطاهر ده بيدوك ليها في عينك
حفظك الله يا استاذنا من كيد هؤلاء
تخريمة:
يادووووووب عرفت المكان الحقيقي لكلمة (انصرافية)….
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
السيد رئيس رابطة الكشكة
عناية الزول الكان سمح وأصبح اسمح
صورة للسادة :
مندى .. ابو أمين ..المستغرب جداً…سلايمان قش …ازاهى
نرجو التصديق لي بكشك جوار الكشك حتي أتمكن من بناء الكشك وأستطيع دفع اقساط الكشك وأتبرع للوالي بالكشك . كما أرجو تسليم موافقتكم للكشاك الأكبر عصمان ليقوم بالأعلان اللازم ضمن الحملة الأنتخابية للوالي .
بالمناسبة
العيال جو ولا لسه طاشين
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
:eek: احييك علي مقالاتك الرائغعة دائما وابدا.
وبحكم حسك الصحفي المرهف , ارجو ان تبحث لنا عن حقيقة بيع الموميات السودانية وبيع تاريخ السودان للمتلهفين لجعل السدوان بلا تاريخ.
نسمع من القادمين من شمالنا الحبيب ان هنالك اشعات قوية بانتشار عصابات لبيع الموميات الي اطراف خارجية.
نامل التاكيد او النفي بارك الله فيك .:crazy: ايوه ينصر دينك ياهو الكلام البندور عليه الله يستر:lool: :lool: :lool: :eek: :eek: