السودان يحرز المركز الأخير..في تقرير رسمي صدر عن الأمم المتحدة أمس .. عُمان الأولى ..إنجازات المملكة تقودها إلى المركز الخامس عالميا في التنمية البشرية.

فدية من لاجئ لا يملك قوت يومه ؟؟؟ الحقيقة يعلمها جيدا القائمين بامر امن المعسكرات ومسؤلي المنظمات واشباح سيناء الذين يقودون السيارات المجهزة باحدث ماتوصل اليه العلم من التكنلوجيا الطبية وتجار الاعضاء البشرية مافيا المليارات والله يمهل ولا يهمل وحسبنا الله ونعم الوكيل

الارتريين عندهم وزير كامل فى الحكومة السودانية ماتشوف اهلك ياوزير الداخلية

الارتريون في السودان مواطنون درجة اولى ليس هناك تضييق عليهم بل يعيشون نفس حياة المواطن السوداني جيران الحيطة بالحيطة في كل المدن السودانية من القربة الى كسلا الى مهلة جهة سنار وباقي مدن السودان لم نتعامل مع الاخ الارتري على انه اجنبي بل هو مواطن مثلنا يحق له ما يحق لنا ويجب عليه ما يجب علينا تجدهم في كل الوظائف الحكومية من الجيش الى الشرطة والجمارك وغيرها من اجهزة الدولة رضينا بهم دون فرضهم علينا ولا فرق بينهم بين مواطني شرق السودان للشبه الكبير بينهم حيث ان القبائل مشتركة اللهم إلا بعض اللاجئيين يأتون وهم بطبعهم نافرين من الناس ينظرون اليهم اما بتعالي او بنظرة يشوبها الجهل والتوجس وعدم الثقة وهؤلاء غالبا ما يأتون الى السودان باعتباره نقطة عبور الى اوروبا او الى اسرائيل ةهم يعيشون على ذلك الحلم حتى يتمكن الواحد منه من الهجرة او يبق منعزلا وسط المجتمع السوداني حتى يقرر مصيره……..

نحن شعب طيب مضياف وحاجة الاجنبي عامة مقدمة على حاجتنا فما بالك بالاخ الارتري وقد وجد التعليم لأبنائه في مدارسنا والصحة في مستشفياتنا والسكن والمواصلات ورغيف الخبز في مدننا و”طرقة الكسرة” في اريافنا وقرانا ولكن للأسف الشديد قد ساءت ظروفنا بعدما تحطمت دولتنا في العشرين عام الاخيرة وخيم علينا البؤس واليأس والاحباط حتى صرنا مثل السمك نأكل بعضنا والاخ اللاجئ معنا في نفس السفينة فكيف يرتاح ونحن ذاك هو حالنا…….

منظمة العفو الدولية في ذلك التقرير فشلت ايما فشل…….

يجب على المنظمة ان تبحث عن شبكة الاجرام بين السودان ومصر واسرائيل الذين يتاجرون باعضاء البشر في صحراء سيناء ويمكن لكل شخص البحص في قوقل تجارة الاعضاء البشرية في سيناء وهنالك تسجيل كامل لتلك القصص في اليوتوب

يا شباب كدي بالراحة.. الارتري جعلوه في الخدمة المدنية والوزارات وغيرها الخ آخره زيما كتب سيسي السعودية وديفيد وغيرهم….

تتكلموا عن شنو ولا عن منو انتو؟؟؟

البني عامر او تحديدا ابراهيم محمود وغيره طيب والله أنا ماشفت ارتريا بي عيني وفاهم من كلامكم كانو البني عامر ارتريين.. الصحيح انو البني عامر منهم ارتريين ومنهم سودانيين كذلك وما نلخبط الكيمان..
لو جينا للسودنة البني عامر موجودين في مكانهم دة ذاااااتو قبل بناء الأهرامات شنو الجديد يبقوا اليلة حدهم ارتريا أو يبقى اي بني عامرواي غير سوداني.. قبل تفتشوا في تغيير البشير غيروا الفي انفسكم من أجل سودان افضل….
البني عامر في ارتريا اقرب الناس للبني عامر الفي السودان .. النوبيون في مصر اقرب للنوبيين من بقية اهل السودان .. الزغاوة في تشاد اقرب للزغاوة السودانيين من بقية قبائل السودان ومافي داعي نتم…
الان نحن كلنا سودانيين فقط لا يهمنا بما في دول الجوار الا الجوار الحسن فلا في وزير اجنبي في وزارة سودانية ولا شي من الخزعبلات الكاتبينها ناس هنا وليهم العذر رضعوا فهم معين وما قادرين يتخلصوا منو .. نتفق على من هو السوداني وبعد داك نقدر نتكلم عن لاجء ارتري او غير ارتري مع خالص الاحترام للجميع..