الشاعر ابنعوف يتعرض للضرب والتعذيب ظهر اليوم

حرام…..ما ضاع حق وراءه مطالب…اضعف الائمان..

لو الكيزان يا هو ده حالهم لو ما الكيزان معناها ما في حكومه

لو تمعن الشعب السوداني قصائد هذا الشاعر البطل لوجد انها تمثل حقيقة مايعانيه الشعب السوداني من ماسئ جمة من قبل ذلك النظام الظالم ، لاعرف هذا المناضل الا من خلال قصائده المعبرة ولم ارى شكله الا اليوم واصابنا الياس من الانتكاسة اوالكبوات الكبيرة التي يعاني منها مما سببه النظام ومن استكانة وخضوع الشعب لذلك الواقع المزري ، هذا الشاب يمثل السودان الحقيقي الذي اصبح خيالا بالنسبة للشرفاء،يناضل بسلاح الكلمة الذي ارجف هؤلاء المرتزقة الذين اصبحوا لايدافعون عن فكر وانما عصابات مجرمة زعيمها الكلب الضال نافع علي نافع ، ياعبد الرحمن المهدي ويا الصادق المرغني ويا مريم الصادق ، اخاطبكم اليوم واعلم تماما بان هنالك اتفاث خفي معكم من اجل محاصصة مستقبلية في الحكم ، مارايكم في هذا التعذيب الذي نشاهده الان مع اجواء اطلاق الحريات التي تحلمون بها ، بصمتكم عن ادانة تلك الجرائم تعتبر مشاركة مع هذا النظام بارتكابها ، اما مايسمى بمحمد عثمان المرغني فلنبتعد عن الطبطة والحديث عن طائفة الختمية فيجب كنسهم مع هذا النظام الذي اجرم في حق هذا الشعب السوداني ، قطاع المظلومين الذين ينتظرون اخذ الثار من هذا النظام (مفصولي الخدمة المدنية والعسكرية ،التجار الوطنين،ملاين العاطلين عن العمل، مزارعي الجزيرة والمناقل،متضرري السدود ، والمناطق الطرفية المهمشة ومن ضمنها كل الحركات المسلحة ،المراة السودانية، الكتاب الادباء والاعلامين، والمغتربين ، اللاجئين ، يعني الشعب السوداني كله )، فوصيتي للاخوة المناضلين في الجبهات المختلفة ادراج الاحزاب الطائفية ضمن منظومة المؤتمر الوطني من غير اي مجاملة اذا اردنا سودان جديد ومعافى من امراض الماضي

اقسم بالله العظيم ، سياتي اليوم الذي تنال في فيه القصاص
من ضاربيك ، وياتي اليوم الذي يزرفون فيه الدم والدمعات
الضربة بعشرة امثالها? والركله بمئة امثالها ، والتاريخ
لا يرحم
سر بعون الله وقل ما يروق لك فالشعب جميعهم خلفك ،وسيعلم الذين
ضربو اي منقلب ينقلبون

هذه افعال المخنثًون واشباه الرجال
الواحد فيهم براه يمشي زي البت ولمن تلمه مع بقية المخنثين يمثل فيها دور الراجل
ليكم يوم ياكيزان وياكلاب الامن

تسلم يا ابونعوف من كل شر …
أرجو من الجميع الاستماع لهذا الشاب الرائع في اليوتيوب ( الشاعر محمد الحسن مسدار النصيحة للريس عمر البشير )
ربنا إغطيك و إحفظك من شرور أصحاب المشروع الحضاري ….و ليهم يوم.

الزول دا مالو يا جماعه يا دوووب وصلو راس الصوت نحنا اتجلدنا زماان لما ظمتنا طلع بس نقول ليييك سلامتك وكفاره يا اخوي الناس ديل ………..؟؟بس ربك يستر سااااي

ان صبح الخلاص اتي لامحال ويوم الحساب قريب

لاحول ولاقوة ال بالله. منظر يدمى القلوب . ربنا يعافيك اخى اصبر ان الله سينتقم لك انه هو المنتقم الجبار

محمد الحسن أبنعوف .. مسدار النصيحة

هبة ريح نصايبك يا المقوله بضري

كتري في المحن من شينه ما تنصري

إن جيتك مدنقر (وشي) ماني موري
تبقي نضال معيبه .. وبت قريد مي سري

يا ريس صباح الخير وياها الحالة

خمسة سنين نجابد في القراية رجالة

خلاص كمل الصبر والأمور بطالة
وإحنا ولاد رواعيه وعقبال ترباله

قضينا الخدمة في الميدان كتال وبساله

ومضغنا الصبر في صي نسايمو علاله

بعد جبنا الشهادات البوظف شاله
ود ناسك مدير … إلا الكفاءة عطاله

الدكتور وحاتك جوكي سايق الرقشة

وأب شنبات مصاقر البيت مع ناس عشه

يا حرس ام مسور الا كديب لا حشه
ولـ أنقد بالسنبك تجيبو الكشه

أكلو لحمنا ناس الحله قالو عطاله

مراتاً طلب مرات كتار عتاله

بعد ما رضينا يا ريسنا نبقى عماله
فتحولنا الحدود للحبشه والبنقاله

بطانتك خمرت فوقنا القبيله فطير

واقع المغصه والغبنه الملازمو خطير

شباب أتلزم العركم ودوا وقصطير
بعد ما عيشو فتق ليش بتدي الطير

يا ريس جزم شعبك رقد موجوع

ولا هماهو تاني حضارة المشروع

الظلم المرض علمنا لحس الكوع
والسد أبره في قش للمضايقو الجوع

جوامع الفشخره البتصلو فيها براكم

تسو كم مدرسة لشعب جاري وراكم ؟

الحرص المدجج اهس كان ضاراكم
يوم البعث قابلني ان بقيت باراكم .

جت استوزرو الكيزان وملكو السوق

ناسين ساقية الدنيا الدوام بتسوق

الصفاقه اسه والنقايزه عسوق
ما ببروكه ساعة جره الواسوق ..

ما بتتوظف الولد الحكومة اتخلت

شومالك ضهر ساساق وروحن سلت

خلاف الطلبه والمهن الحسابه مخلت
إن الجيش أباك ضعت وقنيصتك جلت
■

ـ

بنات العفه والعزه وسترت الحال

إن أبن العوج والشين تراهو الحال

إما يخوضن العوجه ومشي الأوحال

ولا تحفي ساساقه جري وترحال

■
ـ

وزير الداخلية سلام الليلة يوم منكورك

أولاد الكبار خربوهو جت مشكورك

ما دام العوج والشين مرق من كورك
تبقى العوجه فيهم ولا في عسكورك

عسكور المرور أدو البسوقو إشارة

وقوفو ناضمم ضحكو وغمتلو صرار

أنا والقاعده جنبي العوحه ما بتتضاره
قالت فوق قصد غايتو المعيشه بصاره

شرف الكاكي في الغرزة وحكرتو غريشه

وتلقاهم جامعات في قهاوي الشيشة

اضان الشرطة طرشت ولا عينها عميشة
أما الدولة فاهمة والمواطن كيشة ..

الدورية تمرق والعساكر شاده

والسارينه تنبج في الظلط مي راده

أولاد الكبار بالثابتة في كم ماده
فد تلفون يدق ترجع تقبل صاده

التقرير بجيك كل يوم تمام يا ريس

والمؤمن فطن قالك رسولنا وكيس

اسه بقولك الحق إن لحقت العيس
قبل ما يمرقوك أبان دقون متيس

الهيروين زرد جامعااتنا عرض وطول

والفنان بغني مع الوزير مسطول

لوري البنقو يا ريس بخش على طول
قصر يد حكومتك والحكاية تطووووول

شريف نجيريا مبسوط من ندى وصاحباته

وفي ماي دوقري فرشولهم شرفنا سباته

بعد ما كنا في كرن أم لبوس همباته
يات من فينا ديوس راسو تحت الباتـــــــــا

في جده ونواحي دبي بقينا حكاية

وجرن بنوت مهيرة على الرزيلة حفايه

جوازنا أب صقر كسرن جناحو بغايا
والسوداني قوادن غفير أندايــــــــــــه

وخابر نضمي يا ريس بجيك في محلك

وراجين فوق جمر بندور نشوف راس حلك

يا فشيت غبينتنا أم ضلامنا حلك
ولا نوارك الوجعة ونصد ونخلك

واسندي علينا يا بلد ام تنايه نصايبك

وعضي علينا في ساعة الوجع بي نايبك

أقدلي وشيلينا هموم صغيرك وشايبك
رجال في الشينة والوجعة المغبي حبيابك

ما بنفوتك إن بخلت وطاتك وجفت

وما بنزحزح أن تقلت يمين وإن خفت

كراعن ما مشت في حر هواك وإتحفت
إن كال الرماد فيها الضحيوه وسفت

أبينا السفر والاغتراب في جده

وعهداً يا وطن إن شاء الله مافي مرده

بنوم في التراب ونخت ضراعنا مخده
بنعيش في هواك إن شاء الله نأكل رده ..

أنا اعرف هذا الشخص عن قرب ولا اشك في شاعريته ….. ونعم مسدار النصيحه عبر عن بعض القضايه … لكن التذبذب في المواقف لا يصنع الرجال فبعد ضجة مسدار النصيحه ذهب الي هجليج مع المجاهدين فنسف ما يقوله في المسدار … بالاضافه لعنصريته المعروفه لكل المقربين منه …. فبقول ليهو ده حصاد الجهاد يا ودالحسن ونحن كقبيلة شعرا نرفض هذا المسلك من حيث المبدء وجمعية الشروق ارث لكل طلاب الجامعات السودانيه نرفض التصريح بحظر نشاطها كما اعلنو الامنجيه بس انت خليك وااااااااضح في مواقفك وخلي الباقي علي جمهورك الانا بعرفو … وبالمناسبه رقم راينا السياسي في ود الحسن لكن كيذان جامعة النيلين بيكونو خسرو كل طلاب جامعة النيلين …. والله كريم

ال?لام اوضع من الشمس.
عندما یقع مثل هذا الفعل یجب استهداف من اصدر الامر به.
بعد ذل? یاتی دور الذین نفذوا الاوامر. اذا لم تجد من نفذ الفعل علی? باقرب واد فی الامن.
تا?د انه لن یحدث مثل هذا الفعل مره اخریً.

المشكلة وين كوز ضربوه الكيزان والبباري الجداد بوديهو الكوش من زمان يطبل للكيزان وينشد بملء فيه عن امجاد وانتصاراتهم وقد ان الاوان ان ينال ما جادت به حنجرته وغير ماسوف علي دمه السال لان الناس تسيل دماؤها كل يوم,كان يذعم انه سوف يصبح امير الشعراء في قصر قيصر الرئاسي كما كان البرمكي يحيي ربما لم تطاوعه الحروف فارتمي في حضن الحقيقة فألبت علية القبائل فضرب وشق راسه وهذا مصير كل من يجاري مياه المجاري فالمصير واضح تباً لك ايها المغني المكلوم

الله يا ود ابنعوف ما تستاهل لكن المشكله انك متحرك فى مواقفك من الحكومه اثبتلك على حال ولكن بما انك شكرى انا معك حتى الموت او نرد لك حقك جمعنا وشوف والله ما تشوف الا ما يسرك

ده رابط القصيده الجابت الهواء لابنعوف

http://www.youtube.com/watch?v=oPxTzHYzHAk