هيئة علماء السودان : بيع أو إهداء المصحف الشريف للكافر حرام ولا يجوز حمله إلى أرض العدو..نطالب باسترجاع المصحف من استافورد،
أصدرت هيئة علماء السودان فتوى، حرمت بموجبها تمليك المصحف الشريف للكافر، بيعاً أو هديةً، وقال رئيس لجنة الفتوى بالهيئة الشيخ الدكتور عبد الرحمن حسن أحمد، إن الفقهاء حرموا إهداء المصحف للكافر، لأنه من غير أهل الطهارة، وبذلك يخشى عليه من أن يدنسه أو يسىء إليه إذا انفرد به.
جاءت هذه الفتوى على خلفية إهداء الرئيس العام لجماعة أنصار السنة المحمدية بالسودان الدكتور إسماعيل عثمان المصحف الشريف مؤخراً للقائم بالأعمال الأمريكى بالخرطوم جوزيف استافورد.
وجاء فى نص الفتوى، “إن ما قام به بعض المنتسبين للدعوة الإسلامية من إهداء المصحف لبعض الكفرة أمر محرم شرعاً، وذلك لقول الله تعالى “لا يمسه إلا المطهرون”، وقوله تعالى “إنما المشركون نجس” وقوله صلى الله عليه وسلم “لا يمس القرآن إلا طاهر”.
وأوضح رئيس لجنة الفتوى بهيئة علماء السودان، فى تصريح لصحيفة (آخر لحظة)، الصادرة اليوم الخميس، أنه ورد فى الموطأ أنه لا يجوز حمل المصحف إلى أرض العدو كى لا تناله أيديهم، ووصف ما قام به الرئيس العام لجماعة أنصار السنة بالفعل المستغرب.
وطالب رئيس اللجنة باسترجاع المصحف من استافورد، وقال يمكن إهداء المصحف المترجم إلى لغات أخرى لأنه يعتبر تفسيراً.
وكالات
و هو حيعرف ويغتنع بالدين الاسلامى كيف لو ما قراء القران و تدبر معانية
كافر !!! الناس دى فى كامل وعيها وبتقوله علنا كده كافر
ياخى الكافر ده بيعرف الله وبيخاف منو
قبل ان تسلمو اليس كنتم مثله؟
يا صبحانا الله اولا المصحف متاح في اي مكان وليس سري , طيب لو عايز يعرف القران يقراة من وين , اعطونا اية تحرم زلك. سرة جبرة جميع الاوراق صناعة كفار الحبر الورق الة الطباع الالوان كلها صناعة كفار ليس لكم فية الا الغة العربية ياعلماء الحيض والنفاس كفاية غباء
انهم علماء السلطان, ما فتئوا يسيئون للاسلام بفتاوى لايقبلها عقل ولا منطق ولا ذوق السليم.
العام 2006 كنت اعمل فى شركة
هندية بالسودان ..وقد اقام
صاحبها مصلى للمسلمين داخل
المصنع..وهو هندوسى الديانة
طلب احد مدراء الاقسام
وهو هندى الجنسية
مصحفا باللغة الانجليزية
فذهبت الى دار مصحف افريقيا
واحضرت له نسخة من القران
الكريم..
بعد سفره الى الهند فى اجازة
عاد الى السودان وقد هدى
الله قلبه الى الاسلام..
ثم يا علماء السلطان كم من
مسلم بالفطرة يأتى من الافعال
التى يندى لها الجبين من كذب
وناق وغدر وخيانة
عودوا الى رشدكم اثابكم الله
ياهيئة علماء السلطان … صكوك الكفر دي عندكم بالمجان …تكفرو في الناس شمال ويمين (ناس الفجر الجديد كفار … واليوم ناس انصار السنة كفار)…وبكرة مامعروف ناس منو
الا كان يكون عندكم دين تاني غير الاسلام بتقيسو بيه الناس وتصدرو فتواكم دي
للعلم المصحف الذي تم اهداءه للسفير هو عبارة عن مصحف مترجم باللغة الانجليزية يعني شرح للقران الكريم باللغة الانجليزية …. وحسب علمي ليس فيه شئ ان تهدي لمن تشاء لعل الله يهديه للاسلام .. والله اعلم
طيب ناس الفتوي ديل هم وين من احداث ام دوم التي ازهقت فيها الارواح وين من الظلم الذي يقع يوميا على هذ الشعب ووين
العربات البتركبوها,,,,,دي صنعوها الكفار يامتاسلمين
الموبايل ,,,صنعوهوا الكفار,وكل ماينفع البشريه
والكفار,,,ديل بطبقوا منهج الاسلام بحذافيره من عداله
اجتماعيه وصدق وامانه ووفاء العهد ,,بس انا عاوزكم تقولوا
انتم عملتم شنو?
= بيت الكلاوى كلو فى الجملة الأخيرة:
(…وطالب رئيس اللجنة باسترجاع المصحف من استافورد…) انتهى!!
*** أها…ده الكلام…لكن ياشيخ عبدالرحمن حسن أحمد حامد يارئيس لجنة الفتوى بهيئة علماء السودان….البرجع المصحف من الأمريكى ده منوووووووو!!!! انت عارف الجماعة ديل…أول حاجة منو البقدر يدخل السفارة عشان يرجع المصحف؟؟…والسفارة بتحرسها فى سوبا شركة اسمها..(ACADEMI)…ودى بلقطو الواحد وهو لسه ما اتحرك من سوق كركر!!!….وبعدين شرعا دى مسئولية منو انو يرجع المصحف؟؟؟الزول الأهدى المصحف للقائم بلأعمال…ولا أمير المؤمنين؟؟؟أكيد أمير المؤمنين…لأنو شيخ اسماعيل عثمان ماكان عارف انو الموضوع لايجوز…ولذلك يسقط عنه التكليف بارجاع المصحف!!فالتكليف يكون ليك انت لأنك انت عارف ورئيس أنصار السنة ماعارف انو الموضوع لايجوز…بكرة من الصباح…أها…كمان بكرة الجمعة السفارة قافلة!!والسبت برضو قافل?…يعنى المصحف ده حيقعد عند الاجل ده لحدى يوم الأحد…ويمكن لحدى اليوم داك يعمل الحاجة الانت خايف منها!!!أها…نتصرف كيف؟؟؟وبعدين السفارة أرض أمريكية…وأمريكا لايمكن يجيهات أمير المؤمنين لحدى بيتها فى سوبا ويدخل وماتسلمو للمحكمة الجنائية الدولية!!!شفت المصيبة الوقعتنا فيها بشلاقتك دى!!!طبعا عبد الحى يوسف ح يقول الريس مايمشى السفارة…والتكليف ح يقع عليك انت يامولانا عبدالرحمن…يوم الأحد تفقوم الصباح بدرى تركب البرادو والسفارة الأمريكية توش…ياغرق…ياجيت حازمة!!
= وبعدين يامولانا عبدالرحمن يعنى ستافورد ده ماكتابى وبيؤمن بعيسى..برضو مشرك وكافر ونجس عندك!!
=وبعدين شوف الفرق فى الفهم…القائم بلأعمال أهدى شيخ اسماعيل بتاع انصار السنة كتابين عن أوضاع المسلمين فى أمريكا…المفروض بنفس الفهم شيخ جماعة انصار السنة يكون محضر كتاب عن أوضاع المسيحيين فى السودان!!لكن الفرق فى الفهم والهدف من المقابلة…والقايم بلأعمال يجيد العربية وأستاذ جامعى متخصص فى شئون الدول العربية ..يعنى ما حيكون مسك المصحف وشاف فيهو شنو…اذا كان فى السودان بس ليهو أكتر من عشرة سنوات!!غايتو عالم تفقع المرارة وسايبين نهب الأموال بتاعت الأوقاف الفى السعودية وساكتين…ووزير الأوقاف السابق حرامى…والطيب مختار حرامى وناس أمراء الحج حرامية وده كلو خليتو ياشيخ عبد الرحمن ومسكت فى موضوع المشرك ده…كدى انت بلأول شوف لينا ناس الأوقاف والمتأسلمين اللصوص ديل…لأنو ديل أخطر على الدين من (المشرك)ده!!
= وبعدين كلامك…(… أنه ورد فى الموطأ أنه لا يجوز حمل المصحف إلى أرض العدو كى لا تناله أيديهم،…)…طيب الجماعة الكان بيحاربو (الكفار !)فى الجنوب ناس زمرا…و خاتين المصاحف فى جيوبهم وهم فى أرض العدو…!!يعنى هم برضو جاهلين بالموطأ!!!…هسع نافع ماشى أمريكا (اذا سمحو ليهو الأمريكان!)..أمشى كلمو مايشيل معاهو مصحف!!عشان مايصل لأيدى الأعداء…ولا أمريكا ماعدو لكن القائم بأعمال أمريكا فى السودان عدو فى فقه هيئتكم!!حجتكم أعجز منكم…خلونا فى المهم…والشال بتاع الكباشى لازم برضو ناس الكباشى يرجعوهو مافيهو آيات قرآنية!! أها ده كلو هين…البغاشة الشربها ستافورد ده عند الكباشى هسع مرت عليها 3 أسابيع كيف يرجعوها منو بعد شربها!!!والله رضيتم بالدنية…واستبدلتم الذى هو أدنى بالذى هو خير…أرجو حسابكم بس!!!
حسه الفرق بينكم و بين دفع الله شنو؟؟؟؟؟؟؟؟
ما هذا ياعلماء السلطان المصحف متاح ويباع في اي مكان حتي في بلاد من اسميتهم بالكفار وهم الذين يصنعون الورق والأحبار وأجهزة الطباعة والكمبيوتر ويمكنهم أيضاً تحميل المصحف وطباعته من الكمبيوتر والمصحف موجود حتي في مكتبة الكونجرس لو أرادوا عمل اي شئ مما تخافون منه لعملوه ولكن الله كفيل بحفظ كتابه ( وانا نزلنا الذكر وانا له لحافظون ) صدق الله العظيم
نريد منكم فتاوي واضحة وقاطعة عن فساد الحكام وأكل أموال الناس بالباطل من غير اورنيك 15 وفساد الأوقاف والحج والعمرة وسفر الوفود للحج والعمرة علي حساب الدولة وبيع اراضي الأوقاف واستعمالها في غير ما اوصي الواقف وصر ف أموال الزكاة في غير المصارف المحددة وسيبونا من عنترياتكم الفارغه وفتاوي ارضاء السلطان من اجل المناصب والامتيازات
سبحان الله
الناس في شنوا وانتوا في شنو…
ما شايفين الفساد الاداري ؟؟؟؟
ماشايفين الحرب في دارفور وقتل المسلم لاخيه المسلم؟؟؟؟؟
كلوا خليناهوا اطفال المايقوما ديل جوا كيف ؟ يكون انتاج بيوت محميه؟؟؟؟؟؟
وانت مصحف تشوفي خط هثروا ما تشوفي
هيئة علماء السودان تنفي صدور فتوى حول إهداء المصحف الشريف للدبلوماس الامريكي
الخميس 22 جمادى الثانية 1434 هـ 03:49 مساءً
02 مايو 2013 م
لمصدر:
سونا
نفت هيئة علماء السودان صدور أي فتوى من الهيئة حول إهداء المصحف الشريف للدبلوماسي الامريكي.وقال د. حيدر خضر التوم مساعد الامين العام للهيئة في تصريح لوكالة السودان للأنباء إن الخبر الذي ورد في الصحف حول هذا الأمر يقلب عليه الطابع الشخصي بعيداً عن الهيئة وعبر الهاتف.
وأضاف سيادته أن الفتاوى حول القضايا تخرج من دائرة الفتوى داخل الهيئة وبصورة رسمية ممهورة بتوقيع رئيسها .وقال إن المصحف الشريف اليوم يباع في دول الشرك ويطبع في بعضها ويمكن تحميلة على الموبايل والكمبيوتر وهو واحد من أكثر الكتب مبيعا من الغرب.
التصنيفات:
محلية
سبحان الله يعنى هم عاملين فيها افهم من انصار السنة وبالله هسه لو كان بفكر يدخل الاسلام بى كلامكم دا حيخليهو يا خى فكونا يا علماء السلطان انتو الرباء حللتوهو
طيب يا ناس الهيئة لو جاء احد الكفرة لمحل بيع الكتب واشترى عشرة مصاحف يكون الحكم شو ؟؟؟؟
ياشيخ الجماعة إنت مكلف بتلبغ الدعوة لغير المسلم هها إنت قاعد في الخرطوم وشكلك غير العربي مابتعرف شئ والعربي ذاتوا تأخذ ماتشابه لك لو ما قعدته مع الناس الأنت بتقول عنهم كفار ديل تقنعهم كيف؟ أخير ده أداه المصحف ﻷنه بعرف عربي ورينا أنت دورك شنو في (ﻷن يهدي الله بك رجلا خيرا لك من حمر النعم )بمعنى قمت بشنو ؟ ﻷن غيرالمسلمين راقدين في السودان .
وأوضح رئيس لجنة الفتوى بهيئة علماء السودان، فى تصريح لصحيفة (آخر لحظة)، الصادرة اليوم الخميس، أنه ورد فى الموطأ أنه لا يجوز حمل المصحف إلى أرض العدو كى لا تناله أيديهم،
*** يا انجاس وهل اراضي الاعداء تخلو من المصاحف ثانيا وهل تعدم من المسلمون ***
وقال رئيس لجنة الفتوى بالهيئة الشيخ الدكتور عبد الرحمن حسن أحمد، إن الفقهاء حرموا إهداء المصحف للكافر، لأنه من غير أهل الطهارة، وبذلك يخشى عليه من أن يدنسه أو يسىء إليه إذا انفرد به.
وهل فتحتم قلب سعادة السفير ***بالمناسبة كل العلوم و خاصة الفضائيةاستخرجت من كتاب الله الكريم هولاء الانجاس نهلو منه وفسروه وشرحوه وخرجوا لنا بمعجزات القران عمليا ماذا فعلتم انتم ونترككم في دي غلفاء عفنة وهل تبطل ظرطة البعوضة الوضوء انهم يقدسون القران اكثر منكم يا نجس وباقي الخنازير
الاخوة اصحاب الفضيله الغائبه فى هيئة علماء السودان .. بكل اسف قرر الامريكان اصدار فتوى امريكيه بحرمانكم من تداول الورق الاخضر(الدولار ) كرد فعل لفتواكم هذى .. خموا وصروا .
كالعادة ما خذلوني
في الفارغة و.. و .. ويتصدروا
الشيخ الذى اهدى المصحف للامريكى من المركز العام لانصار السنة المحمدية وهؤلاء حسب معرفتى غير اللصيقة بهم غير متشددين يفهمون تطبيق السنة بمرونة لا يكفرون لايؤيدون الهجوم على النصارى او استباحة وممتلكاتهم فاهمين للقران ويطبقونه بمرونة وهم ابناء واخوة شيخ الهدية رحمه الله وهناك جماعات محسوبة على السلفية تكفيريين ومطلعين روح الناس بتشددهم وسيكونوا اسباب للفتنة الطائفية لا قدرالله وهؤلاء معروفين وقد تقربوا للسلطان عن طريق الخال الرئاسى الذى صادقهم لشىء فى نفس يعقوب وبسلطاته الاسرية قرب هؤلاء لود اخته فاخترقوا هيئة علماء السودان واصبحوا يصدرون امثال هذه الفتاوى لاثارة الناس على انصار السنة المعتدلين فى تطبيق تعاليم كتاب الله وسنة رسوله صلى الله عليه وسلم ان انصار السنة المركز العام منهم المرحوم محمد سيد حاج فما قولكم فيه ؟؟؟ارجو من اخوتى وابنائى فى الراكوبة ان يفرقوا بين هذه الجماعات من خلال ممارساتها حتى ان استمعتم لخطب هؤلاء والئك ستجدون فرقا ما حادثة عباس الذى اعتدى على مسجد الجرافة وهم يصلون التراويح وساجدين ببعيد نعم انه ينتمى للسلفية الارهابية واعتدى على مسجد انصار السنة وهو هجوم مخطط لانهم يعتقدون ان انصار السنة لا يطبقون تعاليم السنة كما يرونها هم (التشدد التكفير اهدار دم المسلمين الخ ) واحتمال كبير ان يكون المصحف مترجم المهم انا متاكدة ان كان فى اهداء المصحف حرمة لما اهدوه وسيحدث ويتكرر مثل هذا التحرش بانصار السنة المحمدية تذكرون اصرار قرن على حضور المرحوم شيخ الهدية لتوقيع اتفاق نيفاشا وممازحته لقرن طالبا ان يساعدهم فى تسهيل العمل الدعوى فى الجنوب فرد قرنق ضاحكا (هوى ياشيخ الهدية لكم دينكم ولى دين )
نحن و هم!!.. او نحن والآخرون!!.. اخلاقنا واخلاقهم!!.. ديننا ودينهم!!.. الى متى؟؟.. اذا لم نفهم ونقرأ معتقدات بعضنا فكيف نحترم بعضنا؟؟..
سؤال برئ يا علماء آخر الزمان: كيف أسلم سيدنا عمر ؟ مش مسك ورقة مكتوب عليها سورة كانت أخته بتحفظ فيها؟! يعني مسك مصحف وهو كافر وقرأ بتدبر فنطق الشهادة وأسلم ! اللهم كماعزيت الإسلام بعمر, أعزه بأفول شمس هذه الهيئة المريبة وكل من يتاجر بالدين مثلها…آمين
و عندما زار السقير نفسه الطرق الصوفية جميعا و دخل المساجد و لبس العباية كنتم نائمون أم في إجازة ؟؟ أو يكون السفير أخذ إذن منكم ؟؟؟
يا جماعه السودان فيهو علماء ديل كيزان ما اكتر
هيئة علماء السلطان فالحين يتصدروا في الفارقة أين هم من مناقشة امور الناس الحياتية, اتقوا الله فينا و حسبي الله فيكم.
جماعةماعارفةتهدى شنوولمنو وهيئةماعارفة تفتى فى شنو ولاشنو وللاسف ناس بتعلق وماعارفة فى شنو