الجنسية الهاملة
07-12-2010 07:03 PM

الجنسية الهاملة

امجد عمر
[email protected]

كل انسان يعتز بجنسيتة ويفتخر بها وانا منهم اعتز بسودانيتي ومؤكد كلنا من شتى بقاع السودان نحب بلدنا .. لكن المؤسف ان جنسيتنا متاحة للجميع ومنذ الصغر نسمع ذلك من البلد الفلاني اخد الجنسية (باللفة) وذاك اصلة من كذا ودفع واعطي الجنسية ؟؟ وخلال السنوات الاخيرة قيل انه تم ضبط موضوع الجنسية ولن تعطى لغير السوداني ولكن ما حدث ومثبت امامي خلاف ذلك .
احد الاشخاص واعرفة بالاسم من دولة افريقية مجاورة ذهب قبل شهران الى السودان زيارة وعاد ومعه الجنسية والباسبورت السوداني ويتبجح امامنا بذلك ؟؟ واخبرني ان اربعة من اقربائة في طريقهم خلال الاشهر القادمة الى السودان لاخذ او شراء الجنسية والكل يعرف المشاكل الكثيرة والمعقدة التي دخل فيها الشعب السوداني نتيجة اعطاء جنسيتنا لكل من هب ودب وهذا يشعرنا بالدونية والله لو تدفع مليار دولار لن تعطى جنسية دولة خليجية ؟؟ واسم الشخص كاملا موجود (وراسلنا موقع الشرطة ولم يعيروا الامر اهتماما) ؟؟ ولكن هناك العشرات يوميا ممن ينتسبون الينا ويتبجحون باسمنا وهم ليسوا منا .
فاين وزير الداخلية واين الشرطة التي وضعت كاميرات مراقبة في اشارات المرور ( شاطرين في اي شغلة تزيد قروشهم) ولم تضع كاميرات لمراقبة ضمائر من باعوا جنسيتنا لكل من هب ودب .
واين التشريعات والقوانين التي تتيح مراجعة من منح الجنسية وامكانية سحبها من اي شخص حصل عليها بطرق ملتوية .. الا تغيرون على بلدكم اليس لديكم وطنية ..؟؟ ولن تحصل على جنسية اي دولة بسهولة ولن تحصل عليها الا بطرق رسمية وليس تحت الطاولة .. شي لايصدق شخص يحصل على الجنسية في شهراين وسوف يرسل اقربائة للشخص المعين او الاشخاص حتى يستخرجوا جنسيتنا ؟؟ وبعد كده يجوا يتفلسفوا علينا ويتكلموا في السياسة وفي مشاكلنا ( مش سودانيين بورق رسمي ) .. مالذي يمنع من مراجعة الجنسيات التي تمنح سنويا ولماذا لا تسن قوانيين لذلك ؟؟ والكل يعرف ان كل سوداني له اصل ومنطقة من الجنينة في اقصى الغرب الى بورتسدان في اقصى الشرق .. وغير ذلك معروفين اصولهم ومناطقهم وشيوخهم وهناك حالات اخري معروفة ايضا .. وليس الامر صعبا ؟ وان كنت مخطئا فيما قلت فصححوني .. لكن اري ان نرفع من قيمتنا برفع قيمة جنسيتنا فلنجعل الحصول عليها لغير السوداني مثل الحصول على النجوم في السماء .. ولك الله ياوطن .

امجد عمر
السعودية - جده

تعليقات 22 | إهداء 1 | زيارات 4538

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#22925 [طرطيعة عيد]
0.00/5 (0 صوت)

09-12-2010 02:30 AM
الدول الاوربيه فيها كثيرين متجنسين لمواكبة ظروفهم والجنسيات ياخذوها ببلاش و تعرفو كيف الاوضاع هناك ..... وعادي مااشوف فيها شيء لو شخص اخذ الجنسيه السودانيه او غيرها عشان يمشي امورو بالعكس الحكومه مستفيده من الاموال اللي تجيهم ومافي جواز ولا جنسيه تنسي الشخص اصله.... وفي سودانين كثيرين ماخذين جنسيات اخرى ..

في النهايه كلها اوراق لاراحت ولا جت وكلنا عباد الله



#14517 [السوداني ]
0.00/5 (0 صوت)

08-09-2010 03:06 PM
تسفاي أدم
الله يديك العافية حبشي زغاوي والام مصرية والجنسية سوداني

كل المعلقين بيكون عند الواحد اكثر من جنسية واحدة وجواز ( خارج الخدمة ، وبمهن مختلفة ) والواسطة هي السبب وربنا يعدل الحال


#11451 [عاطف]
0.00/5 (0 صوت)

07-31-2010 09:50 AM
هنا فى الرياض احد الارترين المعارف يعمل فى بقالة بجوار السكن الذى اسكنة وفى احدى المرات حضر وفتح البقالة متاخرا فسالته عن السبب قالى انه كان فى السفارة الارترية لتجديد الجواز وبدا يشكى لى من الضرائب عندهم وانها خيالية جدا وطلب منى ان اساعدة فى جواز سودانى وبدا يحكى لى ان كثير من معارفة الارترين يذهبون للسودان ويعودون بجوازات سودانية وان الامر يتطلب دفع بعض المال وانه مستعد وبدا يستفسر اذا كان لدى سخص يستطيع يساعده وانه سوف يسافر للسودان , تعجبت من هذا الامر وقلت سبحان الله . بلد فوضى .


#10386 [احمد]
0.00/5 (0 صوت)

07-27-2010 10:01 AM
الكثير من الاريتريين من بني عامر يحملون الجنسية والجواز السوداني ويمتلكون العقار والمحلات التجارية بكسلا وبورتسودان النوبيون المصريون يستغلون اللهجة النوبية علي اساس انهم سودانيين ويستخرجون الجنسية االسودانية
الاخ/ ابوداود، انا نوبي سوداني لم اسمع او اري اي شخص نوبي مصري يستغل لغته لاستخراج الجنسية السودانية، بل اجزم لك بان اقسام الجوازات بالمنطقة النوبية هي الانزه، وليس يتم اصدار الجنسية او الجواز كما تظن فقط بناءاً على اجادة النوبية، بل لي تجربة بمدينة دنقلا سئلت فيها عن قبيلتي والعائلة والمنطقة وتحقيق لايوجد مثله في موقع بالسودان.
على العموم مشكلة منح الجنسية للغير بالسودان قديمة بدأت مع مشاريع وسط السودان الزراعية حين منحت لقبائل معروفة للجميع اتية من اقصي غرب افريقيا من نيجيريا والكمرون وتم منحهاللعمال بالمشاريع من قبل مجموعة السيد/ عبدالرحمن المهدي ليضمن تصويتهم له بالانتخابات.
اما عن القبائل الحدودية والمشتركة ففي رأيي شئ يصعب التحكم فيه وخاصة للقبائل التي تعمل بالرعي مثال قبائل دارفور مع تشاد وافريقيا الوسطي.
الحل يكمن في اعادة مراجعة كافة الجوازات واعادة التحقيق مع كل من صدر له جواز سفر او حتي جنسية بدون استثناء.


#8894 [ابوداود]
0.00/5 (0 صوت)

07-20-2010 11:24 AM
الكثير من الاريتريين من بني عامر يحملون الجنسية والجواز السوداني ويمتلكون العقار والمحلات التجارية بكسلا وبورتسودان النوبيون المصريون يستغلون اللهجة النوبية علي اساس انهم سودانيين ويستخرجون الجنسية االسودانية /الاثيوبيون يستغلون الثوب السوداني والممارسات الفاحشة ويستخرجون الجنسية السودانية/لوكنت وزيرا للداخلية لاصدرت امرا بتقييم الوضع السابق لمن حملوا الجنسية السودانية سابقا واعادة اصدارها لهم بعد عملية فحص وتدقيق دون مجاملات اومحاباة /شاهدت الكثير من الافارقة الذين يحملون الجواز السوداني دون ان يستخرجو الجنسية / علي وزير الداخلية اذا كان فعلا لديه احساس وطني ان يذهب بنفسه ويشاهد الوساطات والمخالفات التي تحدث في اروقة مباني الجوازات/ قبل شهور قليلة وفي عهد الجواز اللالكتروني حاولت تبديل جوازي القديم بجواز الكتروني ولكن واجهت صعوبات كثيرة لعمل ذلك ولكن احد السماسرة طلب مني مبلغ 600 جبية وهوسوف ينهي المهمة بسهولة وانا جالس في البيت والله هذا ماحدث والله علي ما اقول شهيد/ اعرف اشخاص لديهم جوازات ليست باسمائهم الحقيقية وذلك بغرض السفر بتاشيرات باسماء محددة فيستخرجون جوازات حسب الاسماء الموجودة بالتاشيرات / شاهدت اشخاص لديهم اكثر من جواز سفر واحد / حكي لي احد الموظفين باحدي السفارات الخليجية بانه يعرف امراه تم القبض عليها في احد الاعمال الفاحشة ولكنها رجعت بجواز سفر آخر وباسم مختلف والغريب في الامر بانعا خلال سنتين اصدرت ثلاثة جوازات باسماء مختلفة .


#8211 [ د.عبدالمنعم احمد]
0.00/5 (0 صوت)

07-17-2010 07:42 PM
أشكرك أخي أمجد وموضوع الجنسية السودانية يحتاج لاكثر من مقال وكل واحد منا قصة فجاري حبشي يحمل الجنسية السودانية ويملك بجانب هذا البيت بيوتا اخري في قلب الخرطوم ويستجلب اقرباءه من الحبش بنين وبنات باطفالهم وفي هذا البيت وحده يعيش اكثر من 20 شخصا يتوالدون ويمارسون حياتهم وكأنهم في بلدهم بكامل حريتهم حاولنا مرارا ان نفعل شيئا لما يسببونه لنا من ازعاج ومشاكل اقلها الاوساخ والمياه الاسنة التي يلقونهافي الشارع ولكن لا شيئ يحدث ما دامت معهم الجنسية وقد نصحني البعض ببيع بيتي والانتقال لمكان اخر بس وين؟ فعلى رأي عادل امام لو كل واحد يعزل علشان جاره حبشي فالبلد كلها ح تنام في الشارع !


#7850 [عادل ابو حباب]
0.00/5 (0 صوت)

07-16-2010 11:41 AM
الاخ امجد لك التحيه والتقدير
اخى موضوع حمل الجنسيه من غير السودانيين الاصل ده موضوع قديم ومن زمان جدا جدا اسرد ليك واقعه حصلت وانا مسؤل من الكلام البقولو ده امام الله وامام اى جه تحب ان تحقق من ذالك.
فى عام 1987 كنت احد افراد الشرطه واعمل بالجوازات الخرطوم وفى قسم شئون السودانيين تحديدا وفى قسم الملفات وترتيبها وكان معى قوه فصيله كامه مع ضباط صف وجنود وبدانا فى ترتيب الملفات بالحرف الابجديه بدانا من الخرطوم بحرى مرورا بكل الولايات وعند ولايه البحر الاحمر حدثت المفاجاه وجد اكثر من مائتين جنسيه لحبشييات والمتحرى معاهم الزمن داك كان رائد تقريبا وفى 87 كان عميد ورئيس ششؤؤن السودانيين اسمو سمير ضرغام اى ملف بتاع حبشيه فى الفقره او بند التوصيه يكز هذا العميد من الاسره الضرغاميه تخيل عميد ومسؤل يدى الجنسيه لحبشيات وينسبم الى اسرتو؟وغير كتير وكتير.
والموضوع التانى تخيل انا كنت من ضمن افردا الشرطه وفى الجوازات ابوى كان عايز يجى الحج وعندو جنسيه وفى الوقت داك كان اى شخص من افراد الجوازات من حقو بان يستخرج جواز لابوه او امو من المكتب الخاص وشلت جنسيت ابو ودخلت الى مدير الجوازات عشان يصدق لى جواز لابوى مع العلم كنت لابس رسمى الميدر وقع على املف وانا كنت متوقعو بانو صدق لى جواز لابوى تخيل كاتب شنو فى الملف؟؟ يحول لقسم الجنايات للتحقيق لحملو الجنسيه السودانيه تخيل ابوى وانا كنت شرطى واعمل بالجوازات يتم تحويل ابوى لقسم الجنايات للتحقيق !بمعنى اخر انو انا ذاتى غير معترف بى كسودانى مع العلم ابوى مولود فى امدرمان حى العرب وانا مولود فى امبده زمن كان اسسمها امبده واعمل فى الشرطه .فتخيل انو ناس ذى ديل كانو مسولين من السودانيين وسودنتهم ترجى منهم شنو يعنى لو كنت حبشييه كانو ضمنو للاسره الضرغاميه او الاسره الشاقيه لكن مع الاسف كنتا من الاسره الزغاويه المغضوب عليهم فى الوقت داك وحالينا.......
ولك منى كل تقدير واحترام وياريت تورى الناس اسماءء هؤلاء الخونه عشان يحاسبو فى الدنيا قبل الاخره ودمتو


#7837 [ابو اوسم]
0.00/5 (0 صوت)

07-16-2010 10:51 AM
والله يا جماعة اظهرتو وطنية خالصة ولكن منقوصة وهناك الاخطر اتدرون
المصيبة ان السودان بداء في مشوار البيع لاخطر جنسيات وهي فلسطين ولبنان والاردن تلكم الجنسيات معروف عنها حب التسلط على الشعوب وامتلاك اقواتها حتى لو يستعملون الجرارة والقوادة بالمناسبة علمت من تقرير بريطاني ان مصنع الشفاء اختير زمن الضربة العسكرية من تحديد فلسطينيين على الارض متعاونيين مع الاستخيارات الامريكية. و اذا تمعنتم في هذه الجنسيات مستحيل تستفيد منها بل انك ستكون في مشكلة مستقبلية انك غير ابيض حتى لو كنت جعلي


#7765 [babo]
0.00/5 (0 صوت)

07-15-2010 11:21 PM
اخي امجد لك التحية والتقدير المجرم عمر البشير وباقي السفاحين جلبوا الاجانب من كل فج عميق و وطنوهم في السودان انظر من هم الموجودون في دارفور اليوم الا وهم عرب من النيجر ومورتانيا وانظر الي شرقنا الحبيب الي من يدعون انهم بني عامر اليس هم اريترين اتوا نازحين وكانوا بمعسكرات اللجوء ثم تسللو للمدن واصبحو سودانين و وزير الداخلية اقرب مثال ثم سوبا ارض التاريخ والحضارة قدمت هدية للفلسطينين حلايب الحبيبة مصرية مية المية والله اخاف عندما يرد الله غربتك تجد اسرائيلي يقول ليك انت من مين مع خالص شكري


#7355 [زكريا]
0.00/5 (0 صوت)

07-14-2010 04:02 PM
وااسسسسسسسسسسفاى علي الجنسية السودانية والاخ عمر يسال عن وزير الداخلية والوزير كان ريس رابطة الطلاب الاريترين في مصر


#7145 [سودانى على السكين]
0.00/5 (0 صوت)

07-14-2010 03:11 AM
اليك قصة حقيقية حصلت وانا كنت شاهد عليها سنة 1984 على مااعتقد واحد نقادى جارنا فى حى المسالمة بامدرمان طلب من عمى ان يطلع له جنسية بحكم ان عمى يعمل بالجيش والله العظيم على مااقول شهيد عمى رفض ان يساعده وقال له انت اصلا قبطى من مصر ومعك الجنسية المصرية امهم بعد يومين جاء جارنا ومعه الجنسية وقال الى عمى انا مشيت عملتها والله اليوم هذا النقادى اولاده معهم الجنسية ويسكون بيت ملك نص سوق امدرمان ولهم عدة بيوت فى الثورة الحارة ال21 ودكان فى المنطقة وياامجد جنسيتنا دى اسال منها السودانين فى جدة بالسعودية اى داعرة من دول الجوار لبست ثوب وقالت سودانية والمشكلة ناس الشرطة ولو كنا دولة مواسسات كنا اول شىء رجل الشرطة وفرنا له عيشة ومرتب وامتيازات حتى لايفكر يترشى او يخون المهنة وده كلام نظرى وتنظير منى وعارفين لماذا لان وزير داخليتنا اصلا من سودانى وهو اريترى بس انه منضمى الى الجبهة زمن الدراسة وبقى سودانى وده كلام ترابيهم فى ندوة


#7080 [=))))))))))))))))))]
0.00/5 (0 صوت)

07-13-2010 07:29 PM
ما ياخذها لو اخذ جنسيه امريكيه و الله انا هسع عايز اتخلص منها لكن ما لاقى بديل الجنسيه السودانيه يعنى بطاله و حروب و عنصريه و جوع و عطش و تدنى تعليم و فساد و رئسها مطارد من المجتمع الدولى احسن حاجه تفتخر بانك سودانى الطيبه الفينا كمجتمع لكن كدوله اعوز بالله


#7050 [Ali daffallah]
0.00/5 (0 صوت)

07-13-2010 05:16 PM
لمادا باسغراب طالما انه جمال الوالى يجنس لاعب الكرة قبل ان يصل السودان ولا يفرق بين امدرمان والحرطوم وام د فسو ايهم عاصمة السودان


#7048 [السوداني ]
0.00/5 (0 صوت)

07-13-2010 05:04 PM
هذه المخالفات ترتكبها ادارة الجوازات وبعلم السلطات وهناك جيش من السماسرة لهذه المهمة لان هذه الادارة بعد موت ضميرها تدري ان لا احد يحاسبها على هذه الافعال التي تسئ للوطن وامنه 0وزارة الداخلية تسمع بكل هذا ولكنها لم تتحرك لمحاسبة منسوبيها 0000ومن امن العقوبة اساء الادب0


#7015 [عثمان موسى]
0.00/5 (0 صوت)

07-13-2010 02:43 PM
امجد اشيد بحسك الوطنى والغيرة على بلد بيع زمان زى ماقال اخونا اولاد بن لادن يعطوهم جنسيات سودانية باى حق يمكن بالتجنس كما كان سابقا..حتى الاستثمار مجانا للاجانب ويقفلوها امام السودانيين ..والله شعب بلا وطن ..ووطن لشعب اجنبى مهازل


#7014 [سروب اور]
0.00/5 (0 صوت)

07-13-2010 02:42 PM
كلام ده صح جدا بس تكون اجنبي لكن العبد لله
عشان استخرج الجواز الموضوع ده اخذ اكثر من شهرين
مع انو عندي بطاقة شخصية وجنسية
ربنا يكون فى العون


#7012 [Ashy Adeefan]
0.00/5 (0 صوت)

07-13-2010 02:38 PM
يا اخ امجد انا معاك الجنسية و الجواز من سيادة البلد لكن حكومتنا الرشيدة لا تفرق بين ما هو سيادي و ما هو سياسي و المثال على ذلك تمزيق جوازات الدكتور خليل و مجموعته في مطار انجمينا و هي جوازات سودانية و الحكومة كانت فخورة بذلك ما رايك


#6993 [صدقي]
0.00/5 (0 صوت)

07-13-2010 01:31 PM
منح الجنسية السودانية ليست بامر سهل المنال كما تدعيه وحتى هنالك سودانيين ماخذين جنسيات تشادية واثيوبية في السابق عندما كانت التاشيرات السودانية صعبة فلا نلقي اللوم على الوزير بانه مشكوك في جنسيته واذا بها الشك لدي الكثير من السودنيين باحقيتهم لهذه الجنسية والسودان حسب المصطلح تاريخيا ارض ممتدة حتى الاثيوبيين وغيرها من الدول الافريقية ضمن دولة السودان قبل تقسيم المستعمرين وثم ثانيا لماذا يحمل ابناء بن لادن المتطرف الجنسية السودانية ؟


#6965 [سودانى]
0.00/5 (0 صوت)

07-13-2010 12:05 PM
هل هو أجنى واحد من إشترى الجنسية السودانية هناك كثير من الاجانب من تأتيه

الجنسية السودانية وهى تمشى الهوينة وهو داخل بيته لم يقف حتى فى الصفوف

الذى يذل فيها السودانين . وكل هذه سيدى سببه التعينات السياسية لأهل الولاء

ونبذ الكفاءاة وتطردها من الخدمة وإحلال المنتفعين مكان الوطنيين


#6951 [سوداني محروق]
0.00/5 (0 صوت)

07-13-2010 11:28 AM
الاخ امجد
السلام عليكم
ياسيدي وزير الداخلية بتاعنا زااااااتو مشكوك في سودانيتو
فما تستغرب اذا كان رب الدار بالدف ضارباً فشيمة اهل الدار ......


#6873 [القنصل]
0.00/5 (0 صوت)

07-13-2010 07:47 AM
اخي امجد موضوعك جد خطير وظللت اتحدث مع عدد من ضباط الشرطة في هذا الامر خاصة مسالة مراجعة من نال تلك الجنسيات من دون وجه حق


#6806 [أبوخالد]
0.00/5 (0 صوت)

07-12-2010 09:21 PM
هذا الأجنبي الذي سافر إلي السودان و عاد و معه الجنسية, لم يحصل عليها إلا بترتيبات سابقة تمت قبل سفره. أي يعني أن هناك شئي ما يحدث في الخفاء و لا نعلمه.
نرجو أن يوافينا أولي الأمر بهذه الحقيقة. منح الجنسية ليس بالأمر الهين, و لكن ما حدث حسب ما أورده الكاتب , يشير إلي أن هناك شئي ما يحدث في هذا المجال الحساس.


ردود على أبوخالد
Sudan [تسفاي ادم] 08-08-2010 03:42 PM
السلام عليكم
اضافه بسيطه .هل يعلم كل من علق علي هذا المقال انو قانو 96 للجوازات والجنسيه اعطي الحق للاجنبي المقيم في السودان لمده 5 سنوات متواصله الحق في الجنسيه السودانيه .
عسان كده الزغاوه والحبش والارتريينوالفلاتا والتشادي استفادوا من هذا القانون وبالمناسبه المصريين فضل ليهم سنتين عشان يطالبو بالجنسيه.

مع تحياتي
حبشي زغاوي والام مصريه والجنسيه سوداني


امجد عمر
مساحة اعلانية
تقييم
7.62/10 (65 صوت)





الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة