المقالات
مكتبة كتاب المقالات والأعمدة
الطاهر ساتي
اقالتهم أواستقالتك يا والي الخرطوم ...!ا
اقالتهم أواستقالتك يا والي الخرطوم ...!ا
07-24-2011 02:17 PM

إليكم

الطاهر ساتي
[email protected]

اقالتهم أواستقالتك يا والي الخرطوم ...!!

** قبل ثلاث سنوات، عندما عندما اشتكى الأهل بمناطق جنوب الخرطوم من بعوض مصانع اليرموك، خرج اليهم وزير الصحة ليطمئنهم وينصحهم قائلا : ( لقد شرعنا في اعداد خطة لمكافحة البعوض والقضاء عليه تماما في المستقبل القريب، والي ذلك الحين اطمئنوا فان الناموس الذي تشكون منه لا يسبب الملاريا، نعم هو مزعج ولكنه لا ينقل الملاريا )، أوهكذا قال للصحف.. فأقترحت للأهل هناك بأن يتصالحوا مع الوضع، خاصة أن وزير الصحة يؤكد بأن بعوضهم محض مزعج فقط لاغير وليس بناقل للملاريا، ثم ختمت الزاوية باقتراح اخر لسادة وزارة الصحة فحواه : يجب نشر أية وثيقة هي بمثابة عقد بينهم وبين البعوض، بحيث يلزم الطرف الثاني بعدم نقل الملاريا لسكان تلك المناطق، ويكتفي فقط باللسع والطنين..!!
** واليوم يبدوا أن السادة بهيئة مياه ولاية الخرطوم بحاجة الي اقتراح كذاك، فلنتأمل حديث محجوب محمد ادريس ،المستشار الفني لهيئة مياه الخرطوم، حيث يطمئن أهل العاصمة بالنص القائل : ( العكارة التي في المياه الآن عبارة عن طين طبيعي، ولا تأثيرات صحية منها - على المواطنين - كما أثبتت تحاليل معامل الهيئة )، هكذا وثق المستشار افادته بالرأي العام - عدد البارحة - حين سأله زميلنا التاج عثمان عن أثر العكارة في صحة الناس، علما بأنه مهندس وليس بطبيب..ومع ذلك، تلك افادة تعني - حسب منطق المستشار وهيئته - بأن (الطين الطبيعي) لايضر بصحة الانسان - وكليته - حين يكون مخلوطا بالماء، كما نراه حاليا، وعلى المستهلكين أن يتجرعوه - كوبا تلو الأخر - وهم في كامل الطمأنينة، وخاصة أن تحاليل معامل هيئتهم العريقة فحصت ذاك (الطين الطبيعي) ثم أثبتت - بما لايدع مجالا للشك - صلاحية تناوله ك(مشروب طبيعي)، ولايضر الانسان..ربما ينفع، موش كدة يا مستشار الهيئة ؟..وبالمناسبة، كان يمكن للهيئة أن تبرهن فوائد طينها الطبيعي بتصريح من شاكلة ( أثبتت معاملنا بأنه أجود أنواع الطين المستخدم في أوساط النساء المتوحمات )، وهكذا يصبح شرب الطين الطبيعي طبيعيا في مرحلة الجمهورية الثانية، وخاصة أن عقول الناس - كما تتوهم الهيئة - في إجازة مفتوحة..!!
** وكما يطمئن المستشار أهل الخرطوم، ها هو الناطق الرسمي باسم الهيئة يطمئن إدارة الهيئة أيضا، حيث يبرر القطوعات وطينها المصاحب بال( القدر)، حيث يقول : ( ليس هناك قصور فني أو إداري، ولكن شاء القدر بأن تكون نسبة العكورة في النيل الأزرق عالية ) والسبب كما يقول المستشار الفني وليس الناطق الرسمي: ( الكورنيش الجديد تسبب في النحر والردم، وهذا غير مجري النيل وأدى الي زيادة العكورة )..تأملوا بالله عليكم ما بين القوسين، أي ذاك هو تبرير التلوث، (الكورنيش غير مجرى النيل بسبب النحر والردم)..كورنيش طوله بضعة أمتار يعكر صفو الماء بحيث تعجز محطات عاصمة السودان عن تنقيته ويتسبب في أن يشرب أهلها (كدرا وطينا طبيعيا )، بيد أن هناك كورنيشا أخر طوله مئات الكيلومترات بالقاهرة - و كل مدن مصر المجاورة النيل - ومع ذلك يشرب أهلها الماء (صفوا)..تبريرات فطيرة تعكس بوضوح ( العقلية التي تديرالمرافق العامة )..خبرونا بالله يا عالم : أية دولة في هذا الكون - غير دولتنا هذه - لايزال سكانها يشكون من قطوعات المياه وتلوثها؟، ناهيك عن الارياف التي انسانها لايزال يشرب - مع انعامه - من البرك الآسنة..الدنيا من حولنا طوت وتجاوزت ملفات المياه والكهرباء وغيرها من الحقوق والخدمات منذ زمن بعيد، الا نحن بحيث لانزال في محطة ( الطين الطبيعي مابيضر، الكورنيش عكر النيل ، نحن ما كنا متوقعين و..)..على كل حال، المؤسف أن ادارة الهيئة لن تحاسب ذاتها بالإستقالة، وكذلك لا نأمل في أن يحاسبها الوالي بالإقالة..(من يحاسب من ؟)، صار نهجا يجب (تغييره)..!!
...........
نقلا عن السوداني

تعليقات 49 | إهداء 0 | زيارات 5760

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#185048 [wedhamid]
0.00/5 (0 صوت)

07-26-2011 10:50 AM

الناس ديل يا الطــاهــر المتقمصين ادوار المتخصصين ( شاكلة مدير فنى..... خبير وطنى ......ما عارف شنو ؟؟ ) وهم اساسا فاقد تربوى و اصحاب القاب .....زى ما تقول للملتحى يا شيخنا و يا مولانا فى الانقاذ بيقولوا ليهم الدكتور و البروفيسور و يعجبك الاختصار يا بروف!!! و يدوهم مسئوليات و وظائف لا قدرة لهم عليها لانو تعيين بالولاء و بيعتقدوا ان الامور بتمشى بالبركة و المشيئة الالاهيه زى الظواهر الطبيعية !!! ديل ماذا تنتظر منهم ؟؟؟ إلا الخيبه و تحميل (القدر ) كل ما جهلوا مسبباته و اسبابه ..... و أديك يمكن اول مثال للقدر فى عصر الانقاذ !! او ما يمكن ان نفول عليه الصدفه و الناس ما فكرو فيهو الزمن داك !!!
تتذكر لما تقرر تطبيق تعديل الساعة للبكورة و المدعو د ك ت و ر عصام صديق كان ذكر ليؤكد انو القرار دا جاء بعد دراسة و تمحيص بواسطة ورشة عمل متخصصه درسوا المسالة من كل جوانبه !! واوصوا ببداية التطبيق اول يناير و كان صادف يوم عشرين من رمضان ( اول ايام الثلث الاخير من رمضان و بداية ايام التهجد ) و ذاك اليوم تاجل التطبيق الى ما بعد العيد .... ليه؟؟؟ الرجل برر ذلك بانهم فوجئوا بالثلث الاخير من رمضان!!!! اتصور الرجل فوجئ برمضان !!!!!
دا ما قدر يا ود ساتى ؟؟؟؟؟؟ الله فى ...



#184806 [محمد علي]
0.00/5 (0 صوت)

07-25-2011 11:03 PM
الزول دا طياني ولا شنو؟


#184424 [sudani]
0.00/5 (0 صوت)

07-25-2011 12:56 PM
انتم بس شبكتم فى حكاية (التين ) مفيد وخليتوا الكلام التانى العلمى المفيد القالوا سعادة المستشار ........الراجل قال نسبة العيكورة بلغت 37درجة ضوئية كلام علمى رهيب زى دا تخلوهوا وتمسكوا فى أمور تانية ؟؟؟عيب الكلام دا انتم ا قايلين هو بيتكلم ساكت ؟؟؟هسع فى زول فيكم فاهم حكاية النسبة الضوئية فى العيكورة؟؟؟؟وتظلموا الرجل ساكت ....قاعد يقيس ليكم فى نسب العيكورة الضوئية اليوم .كله يموت يعنى ؟؟؟؟يعمل شنو ولا شنو ....خلوا عندكم انسانية


#184411 [صبر الدين ]
0.00/5 (0 صوت)

07-25-2011 12:34 PM
من إرتضى بالذل والهوان ، عليه أن يشرب الطين وهو ساكت وما يفتح خشمه ولا كلمة ، فاهمين يا جماعة ؟؟
البنقو ما بياثر ، شوية طين مابيأثر ، البعوضة دي ماعندها مشكلة وما بتنقل ملاريا ، مسؤلينا الوازع الديني عندهم عالي وعشان كدة ما بيسرقوا ، الجنوب إنفصل وفي الطريق جهات أخرى ، شوارع الخرطوم كل يوم عشرات اللقطاء ، ابو العفين يصرح كل يوم ويهدد بتجربة لحس الكوع على محاولة إسقاط النظام ، آلاف العقود بالمليارات في أضابير الأدراج ، يعني عاوزين أكتر من كدة إزلال ؟؟

طيب إنتظروا التقيل جاييكم ..


#184336 [أبو عادل]
0.00/5 (0 صوت)

07-25-2011 11:12 AM
أنا عندي إقتراح للحيكومة مادامت فشلت في أزالة العيكور تضيفليها بلح مخمر وتديها شوية زريعة وتضخها في الموسير ليسكر كل سكان العاصمة وساعتها ماحدي يدري أو يحتج على الحصل لأنها حتكون مريسة أو قام زُلط وسكرتها أقوى من الفودكا الروسية.
والسبب إن غلإنقاذ يجلب الضغط والسكري لكل إنسان واعي فالغبي أحسن .
زمن المهازل ياود ساتي.... يستقيل قلت ...... ويخلي اللغف ليمين !!!!!!


#184332 [الزول الكان سمح]
0.00/5 (0 صوت)

07-25-2011 11:09 AM


قال الإمام الشافعي


إذا نطقِ السفيه فلا تجبهُ فخيرٌ مِن إجابته السكوتُ
فإن كلمتـه فرجتَ عنهُ وإن خليتــهُ كمداً يــــــموتُ

للفاهمين.....وال على راسو بطحة يحسس عليها



#184317 [أبو وليد ]
0.00/5 (0 صوت)

07-25-2011 10:55 AM
ياجماعة لماذا كل هذا الضجر ... ما عادي الكلام دا والسيرة دي كل سنة بتحصل علينا .. بس السنة دي العكارة مزبطة شربات للشعب في الخرطوم بمناسبة تدشين الجمهورية الثانية !!!

بلد حكامها ما قدرين يوفروا موية نظيفة للشرب في العاصمة المثلثة ، مثلثة بأكبر الأنهار في العالم ... وبرضو يقولك إستخرجنا للسودان خيرات باطن الأرض .


#184250 [أحمد عثمان طاهر]
0.00/5 (0 صوت)

07-25-2011 09:30 AM
تأكلو نيم وتشربوا طين..

والما عاجبوا يخبت رأسو في أقرب حيطة..

والراجل يطلع الشارع عشان يعرف أن الله حق.

جاتكم البلاوي

لا صبر أيوب ولا أخلاق يوسف!


#184189 [مهزومة في بلدي]
0.00/5 (0 صوت)

07-25-2011 08:12 AM
ما مستغربة من الطين....... لكن مستغربة من ناس الخرطوم منتظرين شنو يعني ........ يكونوا منتظرين السيليسيون المسموم عشان يعدمهم نفاخ النار.... اصبح الشعب يعبد جلاده هل هنالك حالة مرضية مقززة اكثر من دي ........ز..... عجبيييي


#184185 [الزول الكان سمح]
0.00/5 (0 صوت)

07-25-2011 08:08 AM

ههههاا...ههههااا

الكورنيش الجديد تسبب فى النحر والردم!!!! دى أثبتت فكرة الشاعر فى التشبيه

والنهر يشبه مبرداً...فلأ جل ذا يجلو الصدى

ويا فنى السجم ومهندس الرماد...ما العيكورة إلا وهى الطمى الذى يحمله النهر الخالد منذ خروجه من بحيرات المنبع..ويكون مشبعاً بكل ما يصادفه فى مجراه من جيف البهايم وروثها وجضول الأشجار والأسماك والطيور النافقة والكثير من مكونات التربة.

يا طـــــاااهر ..هؤلاء ليس مطالبون بالإقالة أو الإستقالة ..هؤلاء يجب إعدامهم فى رمضان لإذلالهم النفس البشرية


#184155 [الجعلى البعدى يومو خنق ]
0.00/5 (0 صوت)

07-25-2011 03:33 AM
العِكوره وقرية العيكوره .. مزاجنا بقى معتكر .. والبيت بقى معكر للمزاج العام .. أصبحنا ناس عِكره ذى ابوعكر .. والسبب تعكير العلاقات البينيه مع أم العِيال المعتكرة المزاج ..
انعطافه صغيره لعمنا (غوغل) سترى وتسمع وتقرأ ما يُعكر المزاج ياطاهر ساتى .. وأجمل ما قرأته ( عكورة الاداره أخطر من عكورة الماء )

الجعلى الدندر


#184087 [ashref]
0.00/5 (0 صوت)

07-24-2011 10:54 PM
اضم صوتى للصوت الاخ الطالب للطحالب

احنا نرفض ان المويه تجى من غير طحالب وطحاب لون اخضر داكن الطحالب اللونها اخضر فاتح دى مافيها فايده


والله دى مهزله واحد يقول ليك الطين مابضر والتانى يقول ليك البنقو احسن والتالت يقول ليك الكسره دى مالها


شويه مساطيل بيحكموا بلد كبير لكن

بنستاهل نشرب طين طالما ساكتيين


#184057 [hijazee abdel]
0.00/5 (0 صوت)

07-24-2011 09:51 PM
انت يا خوي يا واد ساتي بما انك دنقلاوي زي بتعرف تمام انه نحن كنا زمان بنشرب من موية الجدول اللي جابها القادوس عديل من النيل في عز الدميرة وكمان منبطحين فوق الجدول. يعني الجديد شنو انت قايم على الراجل كدة انت نسيت ان اهم فلسفة المشروع الحضاري هو التقدم الى الخلف. يعنى لمن نطرح 22 من 1989 يبقى نكون فى عام 1967 وبالتالي ما في غرابة في كلامه لاننا وراء العالم الثالث ذاته بمقدار 44 سنة. كلامي وقع ليك ولا لسع


#184052 [علي]
0.00/5 (0 صوت)

07-24-2011 09:39 PM
مافهمت الرجال هو ماقصد طين هو قصدو تين(معليش عربي جوبا)!!ده بيخلطوه بمناسبت شعبان هدية للشعب!! عشان الصحه وتوفير للسكر!!


#184040 [الواصل]
0.00/5 (0 صوت)

07-24-2011 09:20 PM
يشربون الماء صفوا ونشربه كدرا وطينا


#184030 [فتحي]
0.00/5 (0 صوت)

07-24-2011 09:04 PM
ماهو الفشل اذن ان لم يكن ما يحدث في أمر مياه الشرب بالعاصمة ؟؟؟


#184023 [neema]
0.00/5 (0 صوت)

07-24-2011 08:49 PM
انا اقترح على ناس الخرتوم انو كل واحد يخت ليهو تلاتة ازيار كبار في الحوش وبناتم يلبلسن طرحن بالعصرية وينزلو البحر ويملو الازيار بعد داك يضربو فيها فول مدروش الموية تكون نضييييفة زي ما بنعمل في الشمالية أما الحمام فالرجال والنسوان والاطفال كلهم ياخدو بوخة طلح والامور تمشي مالكم موجعين راس الحكومة


#183999 [wahied]
0.00/5 (0 صوت)

07-24-2011 07:48 PM
من يحاسب من ؟؟؟؟؟ البلد اصبحت غارقة فى الفوضى والفساد من كبيرها الى صغيرها والله لا يفلحون الا فى جلب الجبايات والضرائب وضريبة النفايات وغيرها من جبايات الفساد المنتشرة كل شخص يسعى الى اصلاح حال اهله وعياله والمسؤلين جارين خلف الاعمال التجارية وبيع وشراء العقارات والمشاريع الزراعية رجال الدولة اصبحوا كلهم تجار بالدولة وطردوا المواطنين واستأثروا بامتيازات كبيرة فى التسهيلات الجمركية والحصول على مواقع تجارية استراتيجية ا.


#183998 [Kunta Kinte]
0.00/5 (0 صوت)

07-24-2011 07:48 PM
استقااااااااااااالة عدييييييييييييييييل كدة ياود ساتى ....

والله تلقوها عند الغافل ....!!! عايزو يتولى يوم الزحف يعنى زى ما قال الصحابى مدير الهيئه ..؟؟



#183946 [الاعيسر]
0.00/5 (0 صوت)

07-24-2011 06:02 PM
بقينا نشك انو الجماعة ديل بدرنو ونسوانهم بساحقن دة قرف اخير الواح يمشى يقيف فى صف السينما وياخد كاوية من شماشى عشان يعرف الفرق بين المستشار والناطق الرسمى والعلاقة بين الطين والعيكورة


#183945 [حلفاوي]
0.00/5 (0 صوت)

07-24-2011 06:01 PM
التحية لك اخي الطاهر ساتي

قائمة التبريرات التي لا تقنع احدا طويلة وبطول نهر النيل .. اعلم انك اسقطها لدواعي الممنوع من النشر وما يتبعه من مضايقات قد تصل الى حد الاعتقال والمحاكمة كما حدث لاستاذنا القراي واخونا ابوذر وغيرهم ...ومنها على سبيل المثال :
تبرير عجز وزارة الداخلية في مكافة آفة المخدرات التي استشرت وسط الشباب المحبط والمغلوب على امره .... فقد دعانا الوزير للاطمئنان لان البنقو غير مصنف عالميا ((( كمخدر ))) وانما يصنف كمهلوس (( والخبر منشور بكل المواقع بما فيها الراكوبة ))
التبرير الثاني كان من وزارة الدفاع وتديدا على لسان الناطق الرسمي للجيش تبريرا للغارات الاسرائيلية على شرق السودان ... فقد جاء على لسانه ان الغارات جاءت مفاجئة وان الطائرات جاءت على ارتفاع منخفض ... وان المنطقة غير استراتيجة ((( رغم ان الهدف كان بالغرب من مطار استرتيجي المطار والميناء الرئيسي ))) قد نجد المبرر للناطق الرسمي للجيش فهو لا يملك رصيد معرفة بالتكتيكات العسكرية على اعتبار انه مدني استوعب بالجيش السوداني قبل فترة وجيزة وان كل مؤهلاته ((( الانتماء للمؤتمر الوطني )))
اذا وجدنا العزر لاخونا الصوارمي فهل نجد العزر لمبررات غزوة قوات خليل فقد قالوا لنا انهم كانوا على علم بتحركات القوة واتدرجوهم حتى دخلوا الخرطوم ليكشفوا نواياهم ... يعني استدراجهم وسط المدنين الامنين ...
وغير ذلك الكثير من التبريرات


#183898 [الساير]
0.00/5 (0 صوت)

07-24-2011 04:43 PM

مسعولين من الخير

وين الطحالب ؟؟؟؟

يا جماعة نحن ما ( جحمانين ) ولينا زمن مستنين الطحالب تفك لينا الجحمة .
بالمناسبة الطحالب مفيدة للأذن
والطمي مفيد للعيون
والبعوض مفيد للأسنان
والنفايات مفيدة للمفاصل ( هسي في زول جاب سيرة المفاصلة )

مادام عندنا مهندسين يفتون في الصحة
وأطباء في الدبلوماسية
وضباط في الأقتصاد
وقضاة في الزراعة

البلد ماشة وين ؟؟؟؟؟؟؟؟؟؟؟؟


ردود على الساير
Sudan [طحلب صالح] 07-24-2011 05:26 PM
قال ليك المعامل اثبتت انو الطين ما مضر وبالتالي فهو مفيد .. مين جاب سيرة الطحالب؟
اذا كان لابد من طحالب لسعادتك فارجوك اصبر بعد ان تنتهي وجبة الطين ....ما ممكن وجبتين في جغمة واحدة؟ انت قايل نفسك تاكل في مائدة من السماء؟
بعدين الطحالب دي دخلوها المعامل؟
اشك في ذلك.. لانها لو دخلت المعامل كان دفعوك بدل بروتين في الفاتورة ... ايوه تفك الجحم بدون رصيد؟ انت قايل نفسك والي ولاية في زمن الانفلونزا؟
سؤال
الجداد الاكلو الوالي بتاع انفلونزا الطيور الدفع حقو منو؟
دي قضية جانبية وانصرافية خلينا مع الطين والطحالب.
قال ليك اشرب على بركة الهيئة فلن تجد طين كثير واذا وجدته فلن يزعجك واذا ازعجك فلن يضرك واذا ضراك فلن يمرضك واذا امرضك فلن يقتلك واذا قتلك تموت شهيد
هو انت لاقي


#183884 [عبد القادر اسماعيل]
0.00/5 (0 صوت)

07-24-2011 04:12 PM
ما يحير تماماً .. هو أنه لاأحد يسأل أحد .. هذا أمر غريب حقاً

حتي و إن كان هنالك فساد أو محسوبيات أو سرقة أو تجاوزات أ,و سحت أو كذب أو جبن أو مسح جوخ أو حتي ... لولوة أو ... لوا .... .. إلخ .. مهما كان نوع النقص أو الدونية في الفكر والسلوك .. فلا يمكن مثل هده ( القهارة ) أو هذه ال ( فوة العين ) .. ( طيب ياخي كشكرة ساكت .. بس عشان قدام الناس ... الموظف التحتك ده أديهو قرصة .. أو قول ليهو عيب يا ولد .. )


#183880 [عمارة]
0.00/5 (0 صوت)

07-24-2011 04:06 PM
يا أستاذ ناس الحكومة ديل دمهم تقيل وماعندهم ذرة إحساس والنوع الذي يقول الإستقالةفي هذه المواقف تولي يوم الزحف لن يستقيلوا_إلا بمظاهرات قوية في جميع أحياء الخرطوم _وبالمناسبة ناس الخرطوم يستحقواأكثر من ذلك لأنهم الي الآن ماقادرين يعملوا مظاهرة واحدة جامدة تفتح عين الحكومة-والغريق قدامكم ياناس الخرطوم إذا واصلتم سكوتكم هذا


#183879 [زاد الطين بلة]
0.00/5 (0 صوت)

07-24-2011 04:06 PM
ديل ناس دمهم تقيل ما بحسوا

وطرش ما بمسمعوا ديل ناس اغبياء بستغبوا وبلعبوا بي عقول الناس بي تطريحاتهم وتبريراتهم التي تدل على غباءهم كيف نسمح لهم ادارة دفة البلاد هل كل ما في السودان هذه الفئية الغبية من القادة والوزراء يا الله فكنا من القادة الاغبياء ديل

انا مستغرب دولة فيها عم يرفرف في السماء ويعاني مواطنيها في مشاكل حلها ابسط من بسيط . دنيلين ما قادرين يحلوا مشكلة الموية , وبعدين شابكننا طمي وتروبينات كل سنه من ما قمنا على وجه الارض نفس المشاكل طيب وين دراساتكم المستقبلية لحلة المشاكل لمدى بعيييييد الناس تفكر في حل مشكلة يتوقع قيامها بعد خمسين سنة وجماعتنا ما قادرين يحلوا مشكلة كل سنة

اغبياء غباء مركب
لعنة الله عليكم لعنه الله عليكم وربنا ينتقم لينا منكم في الدنيا قبل الاخره


#183877 [سليمان قش]
0.00/5 (0 صوت)

07-24-2011 04:01 PM
الوالي البيطري حيقول الطين الطبيعي مغيد للحيوان والانسان يعني مافي مشكلة ممكن نمشي نشرب من حوض السباحة بتاع كرتي !!!! ونستاهل اكتر من كده


#183876 [داموك]
0.00/5 (0 صوت)

07-24-2011 03:59 PM

زمااااان زمن انفلونزا الطيور طلع علينا المتعافي يمعط الدجاج معط غرائب الابل فيا ساتي لا استقالة و لا اقالة بس دايرين الوالي و مدير المياه و الزول الاعلامي بتاعهم يطلعوا لينا في العلن وندي كل واحد منهم كوز من الموية دي علي الريق عشان تتطمئن العامة و السابلة و سكان الجالوص
دي موية دي واللا نشأ ؟


#183869 [عباس عمر ]
0.00/5 (0 صوت)

07-24-2011 03:49 PM
الاخ الطاهر

ارسلت لك قبل مدة بريدا لكنك لم تكلف نفسك بالرد علي

وطالما جاءت سيرة بعوض جبرة وانا من سكانها ان شاء الله ستكون الجمعة القادمة

هي جمعة البعوض وقد كانت الجمعة الفائتة هي جمعة جمعة الماء المافي مش المعكر


#183858 [lصاد ميم]
0.00/5 (0 صوت)

07-24-2011 03:37 PM
`لن يستطيع الوالي اقالتهم ولا ان يستقيل و حتى رئيس الجمهورية ليس في استطاعته اقالة الوالي فكلهم يعرفون عيوب بعضهم البعض وكل واحد منهم لديه ملفات كاملة عن فساد الآخر وخوفاً من نشر غسيلهم القذر للجميع فهم جميعاًً يتبعون سياسة احسن تخلوها مستورة والا...


#183854 [عثمان محمد صالح]
0.00/5 (0 صوت)

07-24-2011 03:35 PM
لستاذ الطاهر ما تزعل شديد كده , اصلو الجماعة ديل بحبو الطين اكلا و شربا


#183848 [جهينة]
0.00/5 (0 صوت)

07-24-2011 03:31 PM
ارعو بى قيدكم د ى قالوها ليكم زماااااان قال طين والله اليفتح خشمو ياكل نيم والان مكتول هواك يا اديس قال ايه يلحس كوعو نشرب طين ناكل عجين ما ناكل من اصلو ما يفرق المهم السفينة مبحرة الله يستر من العاصفة وكمان هوجاء


#183846 [nasreldeen ]
0.00/5 (0 صوت)

07-24-2011 03:29 PM
الهيئة القدرية لمياه الطين الطبيعية التى لا تضر انس و لا جنّية
هذه هى العقول التى تحكمنا
ندرسهم العلم ليحكمونا بالقدر
كان قدر الخرطوم بالأمس أمطارا قدرية لذلك لم تفتح الجداول لتمريرها
فصار قدر شوارعها أن تصير طينية ككل عام تأتى فيه الأمطار قدرا فى كل خريف منذ بداية الدنيا والى قيام الساعة
قدرنا أنتم لذلك نسأل الله أن يلطف بنا


#183834 [ود الهميج]
0.00/5 (0 صوت)

07-24-2011 03:18 PM
أشرب سااى يا أستاذ ما تلاوز طين بسيط من الخور كبينا


#183815 [منكوب]
0.00/5 (0 صوت)

07-24-2011 02:53 PM

والله يا الطاهر الحيطة الجنبك دى فاهمة المقصوط ولقد ناديت اذ اسمعت حياُ و لكن


#183807 [saifalhag]
0.00/5 (0 صوت)

07-24-2011 02:46 PM
ياسلام


#183806 [بت الخرطوم]
0.00/5 (0 صوت)

07-24-2011 02:45 PM
والله يا ود ساتى وكل المعلقين وكمان انا معاكم بنتكلم ساكت ساعة الجد سنقول عفى الله عن ما سلف اما حكاية الاستقالة ما تعشم فيها ثقافة الاستقالة عند الفشل غير واردة اما الاقالة دى بقى مستحيلة عملا بفقة السترة وخلوها مشتورة فكما قلت فى مقال سابق ديل مجاهدين وبصوم الانثين والخميس وكمان بمشوا العمرة فى السنة تلاتة مرات وسنويا بمشوا الحج وهى لله هى لله لالسلطة ولاللجاه


الطاهر ساتي
الطاهر ساتي

مساحة اعلانية
تقييم
2.84/10 (22 صوت)





الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة