مطلوب مربعات جديدة..!ا
08-07-2011 03:24 PM

حديث المدينة

مطلوب مربعات جديدة..!!

عثمان ميرغني

المرحوم طه حمدتو.. أشهر معلق رياضي كان يذيع على الهواء مباشرة مباريات كرة القدم في عصرها الذهبي.. هل تذكرون ما كان يقوله في بداية التعليق على أيّ مباراة؟ حسناً للأجيال التي لم تسمعه.. كان طه حمدتو يبدأ بأن يطلب من المستمع أن يرسم أمامه مربعات.. ويرقمها.. هذه المربعات تقسم الملعب بحيث يحدد المذيع موقع اللاعب حسب رقم المربع.. فيستطيع المستمع تخيّل ومتابعة المباراة كأنّه يراها أمامه.. فيسمع عبارة (جكسا الآن في مربع 8) .. فيتخيل موقع اللاعب بدقة كاملة.. سأستخدم نفس الطريقة لوصف ملعب آخر.. ملعب السياسة.. ألا تلاحظون الطريقة التي يتحرك بها اللاعبون في ملعب السياسة.. الملعب مقسم بصورة ثابتة إلى مربعين فقط.. مربع المعارضة ومربع الحكومة.. ولا يمكن إلا القفز من هذا المربع لذاك والعكس صحيح.. خذ مثلاً.. بعد أحداث جنوب كردفان.. وتورط الأطراف في حرب مجهولة المصير.. جميع سكان الملعب السياسي السوداني إمّا في مربع المعارضة.. أو في الحكومة.. لم نسمع أو نقرأ (ولو بالغلط) عن زعيم سياسي تحرّك في مربع آخر مختلف.. تخيّلوا معي.. بالله عليكم.. لو قرأنا مرة في الصحف أنّ الزعيم السياسي (س) غبّر أقدامه في سبيل السودان وسافر من الخرطوم إلى جنوب كردفان.. ثمّ إلى الدمازين حيث الفريق مالك عقار.. وتباحث معه للتوسط بينه والحكومة لمنع اندلاع أي حرب (ولو بالخطأ).. مثل هذا التصرف من جانب الزعيم (س) يعد بدعة تمزق تقاليد العمل السياسي.. لأنّ (س) هنا يتحرك في مربع آخر غير مربعي المعارضة و الحكومة.. هو يتحرك في مربعات طه حمدتو الأخرى.. إذ قد ينجح الزعيم (س) في نزع فتيل القنبلة الموقتة لو وفقه الله في تنفيس ما في الصدور.. وهنا يصبح الزعيم (س) فعلاً من أصول Assets الدولة السودانية النفيسة التي يجب أن نحافظ عليها.. لكن الواقع الآن أنّ الملعب مقسوم إلى اثنين.. ليس في قضية التوتر السياسي في جنوب كردفان والنيل الأزرق وحدهما.. بل في أية قضيّة أخرى.. ما أن تظهر في الأفق بوادر أزمة حتى ينقسم الساسة تلقائياً إلى مربعين.. معارضة وحكومة.. كأنّما هم تحت طائلة الشاعر نزار قباني (إنّي خيرتك فاختاري.. ليس هناك منطقة وسطى بين الجنة والنار).. لماذا.. أيّها الساسة.. لا نقسم الملعب إلى ثمانية مربعات كما كان يفعل طه حمدتو.. فيتحرك الساسة في مربعات أخرى غير مربعي (حكومة ومعارضة).. لماذا لا يزور الترابي أو الميرغني الصادق المهدي أو نقد (شفاه الله) أو مبارك الفاضل جنوب كردفان والنيل الأزرق ويحلّون محل الوسيط الإفريقي .. أجاويد سودانية محلية الصنع والهوى.. لنزع فتيل الأزمة.. لماذا يكتفون بالتصريحات الهوائية.. من مقاعد المتفرجين.. أليس هناك مربعات أخرى.. غير مربع معارضة.. ومربع حكومة..؟!

التيار

تعليقات 15 | إهداء 0 | زيارات 3415

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#192481 [محمد احمد]
0.00/5 (0 صوت)

08-09-2011 11:55 AM
اركز واملا كراعك في الارض

وين هتافك اصلب العناصر لاصعب المواقف

بطل الجرسه


ناركم اكلوها براكم

الفيلا جميله ربنا يطول عمرك فيها



#192067 [الساير]
0.00/5 (0 صوت)

08-08-2011 01:37 PM

إذا كان الصحفي أو الأعلامي يكتب مثل هذا المقال
فأنا( حتمن ) سأكون صحفي درجة علا !!!!

يا عثمان فلقتنا بمقترحاتك

عن أي وسيط تتكلم ؟؟؟

ناسك ما مستعدين يطبقوا المتفق عليه مع عقار داير وسيط تاني ؟؟؟؟
بالله عليك نافع الما نافع يقول إتفاق غير موفق وأنت عايز ود حلال يتوسط ؟؟؟؟؟

أنت ما سمعت باتفاق القاهرة أبوجا جبوتي الدوحة الخرطوم الحلة الجديدة سوق ليبيا الردمية الكشك ( الكشك ) الماسورة وبالعكس ؟؟؟؟؟؟
ما ذا تم فيها ؟؟؟؟؟


#191935 [ابو ابراهيم]
0.00/5 (0 صوت)

08-08-2011 10:26 AM
يا عثمان ناس الحكومه ديل ناوين يقسموا السودان الي دويلات اكثر من مربعات طه حمدتو وهذا الامرليس عن جهل او تخطيط خارجي ولكن عن معرفه وسؤ نيه وتخطيط لذلك


#191907 [abdo]
0.00/5 (0 صوت)

08-08-2011 09:29 AM
يا خوي عثمان بالله عليك قبل ان تكتب مقالك دا ما سمعت بالاجندة الوطنية التي قدمها سيدك الامام
ثم ثانيا هل الناس ديل بسمعوا النصيحة

وين مقررات موتمر كنانة

وين التراضي الوطني

وين اتفاق القاهرة

وين كاربينو

ويييييييييييييييييييييييييييييييييييييييييييييييييييييييييييييييييييييييييييييييييييييييييييييييييييين الناس الكانو بشدوا

هوالاء يعرفون لغه واحده وبس لحس الكوع وحد السيف وقطع الاوصال


#191897 [عكاشة]
0.00/5 (0 صوت)

08-08-2011 09:04 AM
المشكلة في التهميش ! الحكومة او المؤتمر الوطني همش الاحزاب وهمش الاطراف وبقي زي تيس الطريفي لا قادر يرحم ولا عايز يخلي غيره يرحم!والكشك خبره شنو!


#191819 [سليمان قش]
0.00/5 (0 صوت)

08-07-2011 11:46 PM
اتفق معك ياعثمان مرغني لكن !!!!!!واه من لكن دي ياخي ناسك ديل اتفاق موثق من اقيادتهم ما بعترفو بيهو تجي تقول لينا الساسه يتوسطو وما عارف اجاويد وشنو؟ ياعثمان مرغني المربع واحد بس والحكومة ما شيفة غيرو ودا اصل المشكلة ...... وطولت ما سالت عن الكشك ياشيخ عثمان


#191782 [ناصحين]
0.00/5 (0 صوت)

08-07-2011 10:02 PM
يا باشمهندس لو الناس القلتهم ديل جابو الحل انتو بترضوا بيهو ...... وبعدين الناس ديل الانت بتكلم عليهم ديل انتم مقتنعين بيهم .... وفى يوم من الايام كنتو بتقولو ديل سبب مشاكل السودان الجد شنو


#191773 [الاقرع بنحابس]
0.00/5 (0 صوت)

08-07-2011 09:21 PM
اانى خيرتك فاختارى......مابين الموت على صدرى.او بين دفاتر ا شعا رى .. اختارى الحب او اللاحب فجبن الاتختارى ..................................................لاتوجد منطقة وسطى مابين الجنة والنار ...ياعثمان ميرغنى....نرجوكم لاتشوهوا اشعار عمالقتنا ...كما شوهتم اشياء كثيرة جميلةفى حياتنا


#191764 [ابو عــــــــــلاء]
0.00/5 (0 صوت)

08-07-2011 08:53 PM
ياعثمان ايها الكوز ألم يذهب نافع المانافع وجلس مع عقار وكل الحادبين ولما رجع باتفاق اطارى يعنى قولة خير فقط هاج الخال والابن ومن شايعهم ورموه باقذر العبارة ولولا انو اتفنس سريع كان لحقوه امات طه

عثمان دع عنك ان تفهمنا بان الدوله قائمة ومتماسكه وان الحكم شرعى ويقبل الجهود ياخى انت مابتقتنع الاسلوب ده اتعرف من زمااااان والناس وعت

حيرتنا معاك


#191760 [سوداني ]
0.00/5 (0 صوت)

08-07-2011 08:18 PM
ياخوي عثمان انصح ناس الحكومه قبل ناس المعارضه لان هم من بيدهم الامور والسلطه ... وبعدين ناسك ديل مجربين أي نصيحه او تحرك من جانب المعارضه هو في نظرهم مؤامرة للأطاحة بالنظام عشان كده وفر نصائحك للحكومة فقط .


#191729 [mohamad]
0.00/5 (0 صوت)

08-07-2011 06:19 PM
مع احترامى الشديد لك اخى ,الا انك نسيت ان الذى يتوسط فى اى نزاع هو طرف يحظى بالحترام والقبول لدى الطرفين .ولكن هل تجد الاطراف التى ذكرتها آنفا ابسط آيات الاحترام من طرف الحكومة؟؟؟.
بعدين طرحك هذا طرح عاطفى وليس سياسى على الاقل فى بلادنا هذه. فعدنا عندما يشرع حزب بعمل اى مشروع او أنجاز فيه فائدة للمواطن والوطن تقوم الاطراف المعارضة بمحاولة تعطيله حتى لا يحسب كأنجاز لذلك الطرف رغم قناعتهم بفائدته للوطن .وعلى العكس الذى فيه الضرر يزكونه ويزيدونه حتى يحسب كمنقصة . للاسف هذا حال ما يسمى بالسياسيين عندنا ...


#191714 [alameen]
0.00/5 (0 صوت)

08-07-2011 05:33 PM
يا باشمهندس كلامك ده ما بيشبهك لانه يظهر كتبته علي عجل وبدون تفكير كتير وانت خير العالمين بما يدور داخل السودان من صراع سياسي عنيف وكلي ثقة بان الامور كلها ماشه للحرب فلا ينفع معها وساطات او غيره لانو يا باشمهندس عقلية السياسي السوداني تعيش علي الوهم والوضع عموما مازوم فلابد من حرب لكي يعرف اي طرف ماهي قوته الحقيقية بدون وهم كتير وتخيلات ..ورمضان كريم


#191671 [السودانى المبتور من كوز]
0.00/5 (0 صوت)

08-07-2011 04:16 PM
كلامك ده رميناهو البحر وكلام كيزان ومابقنعنا لانك انت مثل الترابى الترابى عمل انقلاب وانت كنت بوق لهم وكل كلامك ده رميتو البحر بس خبرنا عن نقد مالو مورود مالو صحتو كيف الرجاءمن يعرف عنه خبر يطمئنا عليه وغايتو حسنتك الوحيدة ياكوز جبت لنا اخبار نقد الرجل الشريف العمره ماضاق مال السحت ولك منى الدعاءيانقد بعاجل الشفاء


#191657 [كاكوم]
0.00/5 (0 صوت)

08-07-2011 03:53 PM
مبتكر ياحمدتو ؛ ناس يشتمو فيها صباح مساء ، يمشو يقولو شنو ؟ وناس رافعين ليها السيف يفاوضو منو ؟ يا اخى كلّم ناسك سرا بالمطلوب ، شايفك ياحمدتو نسيت دار فور ، وبقيت على كردفان والنيل الازرق ، ملفها خلاص حليتوه ، [ الاباه سيدنا ؛؛؛؛]


#191655 [jah]
0.00/5 (0 صوت)

08-07-2011 03:48 PM
انت في ياتو مربع


ردود على jah
Saudi Arabia [الطاشي] 08-08-2011 10:46 PM
علي الطلاق السؤال ده جامد جدا

Saudi Arabia [مظــلووووووووم] 08-07-2011 04:52 PM
بالله دا كلام زول قلبو على السـودان , ياخي بلا كلام فارغ معاك لأنو في كورة حمدتو كانت الكرة تمر من لاعب لآخر ومن فريق للفريق الضـد , لكن ناسـك ديل شــالو الكورة وجروا بيها , اها الناس تلعب بي شــنو وكورة مافي , كلامك سـاذج وتناولك فطير


عثمان ميرغني
 عثمان ميرغني

مساحة اعلانية
تقييم
1.08/10 (11 صوت)





الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة