المقالات
السياسة
ارشيف مقالات سياسية
انتباه وزارة الداخلية..!ا
انتباه وزارة الداخلية..!ا
09-21-2011 05:50 PM

أجــندة جريــئة.

انتباه وزارة الداخلية..!!


هويدا سر الختم

المملكة العربية السعودية ممثلة في وزارة العمل قررت توقيع اتفاقية مع السودان لاستقدام عمالة سودانية في المنازل.. الحمد لله أن السفارة السودانية بالمملكة (فشتنا) وردت بلهجة حاسمة أن السودانيات لا يعملن خادمات في المنازل في بلدهن ناهيك عن العمل في منازل المملكة.. والشقيقة المملكة العربية السعودية يعلمون تماماً أن العمالة التي تخدم عندهم الآن في المنازل باسم السودان هي من الجارتين إثيوبيا وإرتريا.. الحروب التي أنهكت الدولتين منذ السبعينيات أنتجت أعداداً كبيرة من النازحين إلى شرق السودان طيلة سنوات الحرب التي توقفت باستقلال دولة إرتريا واقتلاع نظام منقيستو هيل مريم وتسلّم الرئيس أسياس أفورقي للحكم في إرتريا.. فاستطاع هؤلاء النازحون استخراج الجنسية السودانية بكل سهولة ويسر.. بل أن السودانيين كانوا يجدون صعوبة في استخراج الجنسية السودانية أكثر من الإرتريين والإثيوبيين الذين كانت توصل لهم جنسياتهم (دلفري) إلى منازلهم. بل إن أغلب منازل السودانيين بشرق السودان اشتراها الإرتريين الذين جرى القرش في أيديهم بنيلهم حق اللجوء السياسي إلى دول أمريكا وأروبا.. وأصبح السودانيون هم اللاجئين الآن في بلدهم.. طبعاً هنا لا أقصد إهانة إخواننا الإرتريين والإثيوبيين الذين أفقدتهم ظروف الحرب الطاحنة سنوات طويلة أموالهم ومساكنهم وأعمالهم.. ونعلم أن فيهم عزيز قوم ذل وهم كثر.. غير أن السودانيين وبحمد الله على الرغم من الحروب الطاحنة بين الشمال والجنوب.. لم يتأثر بها شمال السودان ولم يحتـَج إخوتنا في الجنوب إلى الهجرة خارج السودان للعمل في دول أخرى.. ورغم الضائقة الاقتصادية التي يمر بها السودان ومنذ سنوات تزداد وتيرتها كل يوم إلا أن أهل السودان قادرون على حمل بعضهم البعض وتجرع صبر أيوب. ولكن دعونا الآن نقف قليلاً أمام بوابة وزارة الداخلية التي لم تستطع ضبط شهادات إثبات الهوية الخارجة منها.. منذ سنوات خلت كنا نحس بألم عميق ونحن نرى الجنسية السودانية تباع لمن يدفع أكثر مثلها مثل أي سلعة في السوق.. ووزارة الداخلية تعلم ذلك.. لذلك تشدد الآن على التحري من الجنسيات المستخرجة من شرق السودان.. وبعض اللاتي يحملن الجنسيات السودانية الآن بالمملكة العربية السعودية ويدعين أنهن سودانيات تصبح المخافة الكبرى منهن في أعمال أخرى تخل بالشرف والأمانة تنسب فيما بعد للسودانيات. ورغم أن الخدمة في المنازل تعد عملاً شريفاً لا معابة فيه.. لكن أنفة السودانيات تمنعهن من امتهانها. فالسودان ينفرد بثقافة (شيال التقيلة). وقد مسنا رشاش أعمال مخلة بتقاليدنا ترتكبها بعض الفتيات في جمهورية مصر العربية وتنسب زوراً وبهتاناً لفتياتنا السودانيات.. الأمر الذي مسنا بالشبهات. لن نبكي على اللبن المسكوب، ولكن ليت وزارة الداخلية تحاول إصلاح ما يمكن إصلاحه. وأعتقد أن بطاقة السجل المدني الجديدة فرصة لكبح جماح الانتساب للسودان بالزور. والمحافظة على هويتنا من الذوبان.

التيار

تعليقات 14 | إهداء 1 | زيارات 4299

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#213815 [جمال]
1.00/5 (1 صوت)

09-23-2011 06:48 PM
والله يا هويدا الشغل ما عيب العيب الدعارة وذي ماقالو ليك القراء امشي شوفي المايقوما واطفالها الابرياء.. ثم ان من اكبر الاخطاء ان تتوهمي ان الجنسية السودانية تباع وتشترى واذا كان كلامك صاح عن البيع فلايمكن ان يتحدث الشخص عن انه سوداني اصيل وغيره تقليد لأن الناس هنا تتساوى فالكل اشترى الجنسية وهنا نقترح اضافة مصطلح (سوداني بالشراء ) ذي ما نقول سوداني بالتجنس.. بعدين الدول العظمى والمتقدمة بتمنح جنسيتها لمن رغب دون ان تسأل عن دين أو نسب أو حسب أو قبيلة حتى الذين نفذوا هجمات 11 من سبتمبر كانو ا يحملون الجنسية الاميريكية وتدربوا في معاهد طيرانها فهل شغل بنت اجنبية بجنسية سودانية اخطر من هجمات سبتمبر.. ثم انه وعلى حسب كلامك فان الجنسية السودانية كانت تستخرج لهؤلاء قبل وزير الداخلية م.ابراهيم حامد منذ الثمانينيات فلماذا الهجوم على هذا الوزير .ز واذا كان بعض الراءوالمعلقين ان وزير الداخلية ارتري عليهم ان ياتو بالبرهان ويكشفوا عن صورة جنسيته الارترية وإلا فاليصمتوا .فهذه امريكا رئيسها كيني يحكم اسياد العالم الآن والشعب الأمريكي يعلم أنه( افريقي اسود وشين ومن كينيا كمان).وفي حكومتنا الآن هنالك وزراء اصولهم من تشاد وافريقيا الوسطى و...و..فلماذا الهجوم على الاثيوبيات والارتريات وهن على الاقل من الشعوب ذات الأصول العربية والبشرة الجميلة وكما ( سمحين وزينين..) أخير من يشيل الجنسية ناس وارغو وقودوين وكلتشي وديمبا ويفوسا وتوريه واتوبونج ولفياني وايداهور و.......و...( والشينين الأفارقة) الذين منحتهم ادارات الكرة بالتعاون مع الداخلية الجنسية السودانية قبل ان تطأ اقدامهم الخرطوم بل ( شالو دولارات ناس جمال الوالي وصلاح ادريس ) ولم يعينونا على احراز كاس الابطال او الكونفدرالية او حتى كاس سيكافاأليس هذا من باب الحقيقة يا قراء


#212986 [محسيه]
1.00/5 (1 صوت)

09-22-2011 09:31 AM
موضوعك جميل يا ستتازه


يا جماعه الاخت ما قلطانه كلامه صاح هي بتتكلم علي الغلبيه العظمه من دول المجاوره

انو هم ماسودانين وسودانو وشغالين فعلا في دول الخليخ في البيوت خادمات حقيقه والحقيقه

المره انو نحن السودانيات شغالين في الدعاره فهم اشرف مننا لانهم في النهايه كا يسين لقمت عيشم بغض النظر عن المضايقات والتعب والاهانه البلقواها من الخدمه

في النهايه الكاتبه بتتكلم عن الاهم من هم منو بتتكلم عن سهوله حصول الجنسيه السودانيه

لكل من هبه ودبه

يااخ ابو محمد فعلا المحس والدناقلا اكتر فئه شغاله في القصور شغل شريف وهم عشان شريفين وامينين اقل واحد محسي ولا دنقلاوي بشتغل 30 سنه مع الامراء في القصور
لكن ما عندهم بت من بناتم بشتغل في البيوت دا لو ما لبيت اصلا ما شفت السعوديه بعينه وابواها واخواها وراجله يكون في السعوديه

بعدين الموضوع بتكلم عن الشغل البنات السودانيات خادمات الجاب موضوع المحس والدناقلا شنو شفته محسيه ولا دنقلاويه شغاله في بيت في السعوديه ولا في اي حته الشعب السواداني بعرف يعني شنو رطانه يعني ناس عنصرين -عنصرين يعني بساعده بعضم


#212927 [كوكو داجو]
1.00/5 (1 صوت)

09-22-2011 07:08 AM
يا ناس هوى إنتو دايرين الجد ولا الجنبو؟ ناس الداخلية ديل ضباط وجنود بلقاء عاطفى مع واحدة من ديل بس يطلعوا ليها خمسمية بطاقة وجواز ليها واللمعاها و إن شاء الله البلد تولع بجاز بلد ماسكنها كيزان عايزنها تكون كيف يعنى؟؟ الله يكون فى عونك يابلدنا


#212915 [سومي العسل - الدمام]
1.00/5 (1 صوت)

09-22-2011 05:22 AM
التحية للمعلق (لقهران من الخاسة)
كفيت ووفيت ولن أزيد عليك ..


#212792 [ابومحمد]
5.00/5 (1 صوت)

09-21-2011 08:48 PM
اولا التحية لك ولموقع الراكوبة
ثانى شئ منو القال ليك انو ديل ارتريين او اثيوبين ياما فى جنسيات تانيه من تشاد وغرب افريقيا اشتروو الهوية بحر مالهم؟ليه دايما اللوم على جنسيتين فقط؟انا مقيم فى الخليج وشاهد عيان على بعض الاجناس المتسودنة وبل بالعكس فى سودانيات الان بيشتغلوو فى مهن عاملة منزليه واعرفهم حق المعرفه من كل القبائل واكترهم محس ودناقلة واسئلو ناس السعودية من يدير قصور الامراء والشيوخ فى الخليج؟معظمهم محس ودناقلة وبعض قبائل الشمال؟بعدين فى وروبا الجنسية بيدوها للمقيم لمدة خمسة سنوات فقط.البيمنع شنو للتجنس اذا كان مقيمين اكتر من خمسين سنة؟اتقى الله فى ماتكتبين..تحياتى


#212789 [معاوية عثمان]
0.00/5 (0 صوت)

09-21-2011 08:46 PM
ممممممممممممممممممممممممممممم


#212784 [معاوية عثمان]
0.00/5 (0 صوت)

09-21-2011 08:39 PM
الي الامام ىا صحفية يا رايعة مواضيعك ممتازة بس الشغل ماعيب


#212779 [الصابري]
0.00/5 (0 صوت)

09-21-2011 08:33 PM
الأخلاق ليست شيئاً معلقاً في الهواء بل ترتبط بالأرض، بالحرك الاقتصادي الاجتماعي السياسي، بل هي انعكاس لحالة المجتمع، لا تتوقعوا أن يتمزق النسيج الاجتماعي وتغوص البلد في الفساد السياسي والفوضى الاقتصادية والفقر ومع كل ذلك تبقى الأخلاق كما هأذكر وأنا طفل عشت في السعودية مع أسرتي ودرست الابتدائي هناك، كان التلاميذ السعوديين يحكون عن مغامراتهم مع الخادمات الآسيويات المسكينات، حتى في تلك السن كنت أتألم جداً لتلك القصص وأتعاطف مع الخادمات دون التصريح بذلك، يبو انه سيأتي يوم تكون فيه السودانيات موضوع (التعليم) لصبيان الخليج.
ويا بني السودان هزوا وأعرضوا في دلوكة الحماسة!


#212778 [mustafa]
0.00/5 (0 صوت)

09-21-2011 08:30 PM
ياهويدا مساء الخير
يظهر عليك ماشاربة
شاي الصباح
اتمني ان تبحثي عن احصائيات توضح عدد اساتذة الجامعات الذين فروا من هذا الوطن المنكوب يفيزة الراعي وبعدين نتفاكر


#212776 [اسامة شريف]
0.00/5 (0 صوت)

09-21-2011 08:26 PM
انتى عايشة وين يابت الناس ماقاعدة تشوفى الحاصل فى البلد طيب اطفال المايقوما ديل جو من ويييين من دول الجوار الحاصل فى الجامعات بالله امانة فى ذمتك شفتى زى ده قبل ده ولا سمعتى بيهو الانقاذ دمرت كل شي فى انسان السودان قيمنا عملت ديليييييت للمجتمع السودانى المعروف عنه الشهامة والكرم وكان شيال تقيل اليوم الا من رحم ربي يازولة وزارة داخلية شنو ديل اس البلاء
كونى واقعية ولا نتنكر للواقع حتى لانفسد المستقبل وجب علينا تغير هذا النظام لنعيد للسودان سيرته الاولى


#212766 [قهران من الخاسة.]
1.00/5 (1 صوت)

09-21-2011 08:08 PM
بخصوص موضوع الجنسيات والاثيوبيين والارتريين اقول وبكل صراحة وزارة الداخلية بقسم الهجرة والجنسية ببورتسودان ساعدة كثير من الارتريين وبالاخص ما يدعي الخاسة هذه الملة هي ما تعرف خلاف الاستغلالية وهم من يدعون انهم سودانيين داخل السودان ويعترفون بانهم ارتريين خارج السودان والامثلة كثيره تجد هولاء القوم يطوفون في مدن بورتسودان القضارف كسلا وفي خارج السودان تجدهم في مصر والسعودية ودبي وهولا لا ينتمون الي الارتريين ولا ينتمون الي السودانيين واغلبهم يسكن في بورتسودان في ديم النور ودار النعيم و القاديسية هم لا ارتريين ولا سودانيين وهم من اشعل الفتنة بين السودان واريتريا واسالو ناس بورتسودان عنهم وفي عهد حكومة الانقاذ الغالبية العظمة منهم نالت الجنسية السودانية لان وزير الداخلية في نفسه خاساوي مش ارتري وكلمة خاسة معروفة في بورتسودان وفي الاقليم الشرقي عامة وهم يتخباؤون في اواسط السكان واغلبهم ليس له مهنة مهنتهم بيع المياه في المناطق التي لا تصلها شبكات مياه ولهم عقل مدبر الا وهو وزير الداخلية.


#212756 [ابو النصر]
0.00/5 (0 صوت)

09-21-2011 07:49 PM
الاخت هويدا سر الختم بنسأل بكل سذاجة عن اصول وزير الدخلية الموجهة اليه خطابك نرجو الافادة


#212744 [وردة]
0.00/5 (0 صوت)

09-21-2011 07:36 PM
اختي هويدا انت صحفية وواجب عليك ان تكون صادقة في كتاباتك
اسألك كم نسبة السودانيات اللاتي يمارسن الدعارة في السودان بالمقارنة بزميلاتهن الاجنبيات
النسبة التي تحدديها اما كان لها الانسب ان تعمل خادمة
لذا لاداعي للكبرياء الزائف


#212703 [gashrani]
0.00/5 (0 صوت)

09-21-2011 06:06 PM


يا أستاذة العمل الشريف ما عيب سواء كان شغل بيت أو صحافة أو طب. شيال التقيلة في السودان هذه الأيام هن بنات حواء بكافة سبل العيش بما في ذلك عبيد ختف.
لا تدفني رأسك في الرمال و ترمي اللوم على الاثيوبيات و الأرتريات ففي كل مجتمع هناك الصالح و الطالح. انظري حولك داخل السودان و المغالطنا يسأل المايقوما و دكتور عبدالهادي واقترح عليك زيارة القاهرة و عجمان و دبي عشان تشوفي العجب. لهذا السبب هناك كلام عن أنو الامارات وقفت التأشيرات للسودانيين!!!!!!!


هويدا سر الختم
هويدا سر الختم

مساحة اعلانية
تقييم
2.97/10 (6 صوت)





الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة