09-23-2011 09:06 PM

مفاهيم

نادية عثمان مختار
[email protected]

العطالة يطلعوا برة .. الوالي جادي ؟!!!

الزميل يحيى كشة الصحفي بجريدة (الرأي العام) أورد تصريحا منسوبا للدكتور عبد الرحمن الخضر والي الخرطوم جاء فيه: (أن الوالي أعلن رفضه لتخفيض الأراضي بالولاية، ونصح العاطلين عن العمل بها إلى الرحيل إلى الولايات. وقال: ما بنخفض واطة في الخرطوم، وما بندي زول بيت مجاني، وزول ما عنده شغل في العاصمة لو عاقل يرحل، وأضاف: دا واقع)!!(انتهى التصريح) ! فتأمل عزيزي القاريء حديث المسؤول الحكومي، ولغة الاستفزاز التي تخرج من بين ثنايا حروفه حرفا حرفا؛ واستفزاز لمن ؟! للشباب! أولائك الذين نسميهم أمل المستقبل والذين ينتظر منهم السودان أن يعمروه بسواعد الرجال !
الشباب الذين باتت تخشاهم أكثر الحكومات جبروتا وطغيانا بعدما انتفضوا في عدة دول من حولنا وحولوا أحلام حكامها بالبقاء والتشبث في كراسي السلطة لأضغاث وكوابيس مزعجة، وبعدما غيروا واقع دولهم السياسي، وصار الحكم بكلمتهم المسموعة طوعا او خوفا !!
الوالي ينصح (العاطلين) عن العمل بمغادرة العاصمة طالما أنهم لايشتغلون بها؛ بل ويقول: إن العاطل ( العاقل) عليه ان يرحل بحسبان أن ذلك (واقع) وكلمة (واقع) هذه كانت ختام التصريح ولكننا لم نفهم (واقع من وين)؟ و(وقع براه ولا في زول لزاهو) ؟!
سبحانك اللهم يامثبت العقل والدين؛ بأي حق يطرد سيادة الوالي الشباب من عاصمتهم؟!
وهل خروجهم من (جنة) العاصمة والعودة الى أقاليمهم النائية سيحل مشكلة الدولة في عطالة الشباب؟ وهل يعلم سيادته كم عاطلاً في العاصمة وحدها؟
هل العودة غير الطوعية للشباب العاطلين لأقاليمهم هي أمثل الحلول التي ارتآها السيد الوالي لتجميل وجه العاصمة (الحضارية) من (الرمتالة) والعاطلين عن العمل ؟!
ثم إن قوله ( مابنخفض واطة ومابندي زول بيت مجاني) هل مقصود به العاطلين الذين طالبهم بالرحيل لو كانوا عقلاء؟! ومن اين للعاطلين بثمن الأرض سواء خفضها لهم سيادته ام لم يخفضها ؟!
وهل هؤلاء الشباب العاطلين أبناء لهذا البلد أم انهم مستوردون من الخارج لتمارس الحكومة عليهم جبروتها، وتقوم باذلالهم بهذه اللغة المهينة والغير كريمة ؟!
أليست مسؤولية الحكومة إيجاد فرص العمل للعاطلين، بل بناء السكن الشعبي المخفض جدا من أجلهم وتمليكهم أراضي الدولة الشاسعة مجانا لتعميرها بدلاً عن حرمانهم وإعطاء الغريب بدون مقابل وبمقابل لايملكه (ود البلد) ؟!
مثل هذا الحديث المستفز لسيادة الوالي موجها للشباب ألا يمكنه أن يثير حفيظتهم وحنقهم وكامل غضبهم لدرجة (الثورة) التي قد لا يتوقع عواقبها سيادته ؟!
كفوا عن استفزاز الشباب والناس، يامن تجلسون على سدة كراسي الحكم في بلادنا ولاتعتقدوا أن الكلمة تمر مرور الكرام دون أن تذبح بحاد نصلها قلوبا وأرواحا صابرة على الكثير من الابتلاءات ومحتسبة لله رب العالمين !!
و
ما بضر إلا الكلام المُر !!

الاخبار

تعليقات 8 | إهداء 0 | زيارات 2524

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#214507 [عبدالسلام مخنار]
0.00/5 (0 صوت)

09-24-2011 08:30 PM
يا أستاذة الواطة فى الخرطوم أغلى من لندن و القاهرة ومكة المكرمة بسبب سوق الهوامير بالسعودى والمواسير بالسودانى والمغتربين باعت لهم الحكومة الوادى الاخضر صقيعة وصى ا0العاطل كيف يحلم بيها 0كلام الوالى خارم بارم


#214106 [المسلم]
0.00/5 (0 صوت)

09-24-2011 09:47 AM
ديل نسو عذاب الخالق عذبوا المخلوق لكن الله يمهل ولايهمل الظالم ان ما السلطه فتنه لكن من نسيه العقاب اساء المعامله حيات المسلم بين الى73 يكون من سقط المتاع ان مات يدفن فى التراب خوفا من يعفن تشهد فيه الجوارح لو كان يعلم لتصدق بمايملك لكنه لايعلم يستحوز على مالايملك!


#214083 [majid]
0.00/5 (0 صوت)

09-24-2011 09:14 AM
مستغربين ليه . . . الحقارة صفة أصيلة لدى جميع الحكومات التي تعاقبت على شعبنا وهي سمة لدى معظم رجالنا ونساءنا . . . العيب في تربيتنا نحن السودانيين تربيتنا غلط ومجتمعنا غلط . . . وما الحكومة الا جزء من واقعنا القبيح وطبيعتنا التي تحتاج للتغيير بيد الشباب العاطل الذي لو تعلم الايجابية في البيت أو المدرسة . . . كان سيستطيع أن يبني وطنا عظيما أو على الأقل أن يغير الواقع كما فعل شباب مصر العظيمة وليبيا الشجاعة واليمن الأصيل وسوريا الصامدة


#214036 [مونتي رغلو ]
0.00/5 (0 صوت)

09-24-2011 06:24 AM
والله يا ناديه انا ما لاقي حته عشان اتكلم معاك فيها غير الموقع ده وعندي طلب خاص منك
عليك الله ووحيات امك لو ما استضفتي لينا الاستاذ عمر دفع الله فنان الكركتير ذي ما استضفتي لينا منعم حمزه وبجد انتي قامه بحجم بلادي الكانت اسمها السودان


#213942 [اها واللي بحرثه منو ]
0.00/5 (0 صوت)

09-23-2011 11:58 PM
هههههههههههههه الحديث للعاطل العاقل

طيب العاطل المجنون ما بتخاف منه يزيد عليه جنه وعطاله ويشيل ليه حجر يقذفه في بيتك ولا سكين .. لازم تطرد العاطل المجنون ولا اللي قرب يجن معاه علشان تفضل انت وحاشيتك في العاصمـة ...

و يا خضر انت ليه ما تمشي انت وناس المؤتمر الوطني بعيد من العاصمة امشوا من حيث ايتيم كما قال لكم الراحل الطيب صالح .. امشوا للجحيم عيشتو الشعب السوداني في الجحيم تقتلو القتيل وتمشو في جنازته .. قتلتو الشباب في الجنوب ومشيتو في جانزته وجنازته اهله كمان بتصريحاتكم دي

اشم في التصريح ده رائحة حملة و مخيمات والرجوع ( للكشة) من طرف واي شاب يلقوه حائم عاطل يقوموا يركوبه في العربات العسكريه بحجة اننا حذرناكم وطردناكم بالقول الصريح الان مكانكم في المواجهة العسكرية في مناطق العمليات دارفور وجنوب كردفان والدمازين .. لان وجودكم يا شباب في العاصة وقريب من القصر الجمهوري خطر علينا غذا اشتعلت وبدأت لحظة الشرارة

و اطلعوا يا شباب يا عطالى سريع اسمعوا كلام الوالي


#213913 [مامون]
0.00/5 (0 صوت)

09-23-2011 10:45 PM
البلد دي حقت ابوهو هو
هو اللي يطلع بره
ولك يوم والحساب عسير يالخضر وستكون كمبارك والعادلي واتباعهم يوما ما
ونسأله تعالى ان يكون قريبا


#213887 [ابوعـــــــــلاء]
0.00/5 (0 صوت)

09-23-2011 09:53 PM
بجزعك من استفزاز الشباب ياستى انت خايفة على الوالى اكثر من الوالى نفسه
الوالى تيقن تماما ان جيل شباب الانقاذ ميت وشبع موت بل منكسر الهمه والحركه لاتؤثر فيه كل خطوب السودان التى تمر هذه الايام من عنصرية وانفصال وتشريد واعتقالات فله الحق ان يزعل وينفر ويقول مايقول فيهم وزجرهم وطردهم انا من الوالى اطردهم بالشلوت واحد واحد لانهم يستاهلوا اكثر


#213886 [موجوع شديد]
0.00/5 (0 صوت)

09-23-2011 09:51 PM
غزافي اخر والله والينا دا زي ديك العدة لو هشوهو يكسرا ولو خلوهو....واطة شنو البتكلم عنها بلد كانت مليون ميل مربع والواحد مالاقي فيها راكوبة يسكن فيها وبعدين مفروض يبدا بي نفسو يرجع الاموال التي الت اليه بدعوي التمكين وهي من عرق الغلابة يرجع البيوت البناها ويرجع الفارهات البركب فيها حايلقي نفسو بالعراقي والمركوب القبيل دخل بيهم الخرطوم.
اقتراح:-
حقو كل السودانيين يطالبو بي حق اللجؤ السياسي انشاء الله في جزيرة الشيطان ونخليها ليهم النشوف بطردو منو تاني غايتو كلام زي دا يطرشنا من الله خلقنا ماسمعنا بيهو


نادية عثمان مختار
نادية عثمان مختار

مساحة اعلانية
تقييم
9.92/10 (8 صوت)





الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة