من أساسو
11-28-2011 10:26 AM

ساخر سبيل

من أساسو

الفاتح جبرا

رغم توافر الظروف المواتية للخروج من التيارات المنعكسة على منعطفات واقعنا المظلم إلا أن هنالك فرصة للتأقلم على المؤثرات غير المرئية التى تشكل هذا الواقع طالما أن هنالك اختلافاً على عدم الاتفاق في كل القضايا ذات الجدوى الحقيقية والتي يمكن بواسطتها التوصل إلى حلول تمنع الإنهيار وتصنع نوعا من المصداقية بين كافة الأطراف ليظل السؤال قائماً : كيف يمكننا أن نجعل أمريكا تلم جدادها وأن نعلن رسمياً دنو عذاب روسيا ؟!
وللإجابة على هذا السؤال ينبغي علينا أن نستصحب معنا كل التجارب التى أدت لزيادة منسوب الفقر الذي لو كان رجلاً لقتلته وذلك بالطبع يلزمنا ان نستقرأ التاريخ بحيادية تامة ودون الوقوع في شباك الدغمسة وصولاً إلى الأسباب الحقيقية والفعلية التى أدت لأن نكون فيما نحن فيه الآن مستلهمين في ذلك إرادتنا القوية من أجل إصلاح الوضع دون التأثير على مسار المؤامرات الدولية التي تحاك ضدنا بداية باختفاء الأدوية المنقذة للحياة من أرفف الصيدليات مروراً بفقه السترة ونهاية بتزايد حالات الطلاق لعدم الإنفاق .
بداية يجب أن نبحث عن قوى الطرد المركزي التي تخلفها فلول المرتزقة والعملاء والتى تؤثر على معيارية الأداء الكلي للدولة مقارنة مع أسباب الشد العكسي الداخلي اللا معياري الناتج من ترهل الأوعية السياسية حتى نؤسس لفهم مرحلي يقودنا إلى معرفة حجم القوى المتزامنة التي تجعلنا في هذا الوضع المزري الذي يقضي بأن يستمر الوضع كما هو عليه دون لجوء المواطن إلى القضاء بعد ان يقوم منتشياً بلحس كوعه .
العبد لله ? يحسب- أن المسألة في غاية السهولة فطالما أن هناك تقارباً غير متزن لكنه متوافق إلى ابعد حد مع كافة القوى الوطنية فإن إمكانية عودة الأدوية المنقذة للحياة إلى ارفف الصيدليات تحتاج فقط إلى توافر النية الصافية من غير سوء وكذلك إلى تكاتف جميع التيارات الموجودة في الساحة الخالية إلا من المنصة (وكم كرسي كده) وذلك من أجل فرض هيمنتها من أجل الضغط على بقية العناصر الأخرى التى غادرت الساحة إلى غير رجعة وهى تهتف وتغني : حبيبي سافر والمنام أبى ليا والعجب حبيبي !
أما عن إشكالية تزايد حالات الطلاق لعدم المقدرة على الإنفاق ,فمعظم العلماء أن الطلاق سبب رئيسى للإصابة بسرطان الأمم الليمفاوية لذلك فالعبدلله يقترح على المسئولين التفرغ من أجل البحث عن حل لهذه المعضلة وترك أعمالهم وشركاتهم الخاصة في ماليزيا ودبي وكوالا لامبور فقط عليهم مراعاة فروق الوقت وشعور الآخرين !
أعزائى القراء الكرام : اكاد اسمع تعليقاتكم وانتم تقرأون .. البعض يقول (جبرا ده طلعت ليهو الملاريا تااانى فى راسو وقعد يهضرب) أما البعض الآخر والذي يعتقد مخطئا بان هذا من بركات (حسن كابوس) فيقول (والله بتاعت الليلة دي شديدة جنس شدة) .. أما الغالبية فأسمعها تقول الهضربة دي شنو والكلام الما مفهوم ده؟ وهؤلاء أجيبهم بكل بساطة (بس مقالي ده الما مفهوم؟) هسه المفهوم شنو؟ .. أي زول يمسك ليهو أى حاجة في البلد دي ويقول ليا فاهم شنو؟ لو في زول فاهم فيكم حاجة يورينا .. ! أمسك تقرير المراجع العام وورينا فاهم شنو؟ الفساد زاد وللا قل ؟ وما دام الناس متدينة وبتعرف ربنا طيب يزيد ليه؟ الوازع الديني راح فين؟ في الحالة دي نحنا نفهم أيه؟ بيقولوا ليك في تجاوزات في واحدة من مستشفيات وزير الصحة .. طيب التحقيق في المسألة دي ح يتم كيف ؟ الوزير ح يقعد في كرسي القاضي شوية .. وفي كرسي المتهم شوية وللا أيه؟ نحنا نفهم ايه؟ يقولو ليك الميرغني يوافق على المشاركة في الحكومة ! ويعني ايه؟ شارك أو ما شارك .. حد يفهمنا الفرق ايه ؟ قول كل الأحزاب شاركت في الحكومة يعني ايه ؟ مش كده قول الأحزاب ذاااتا بقت هي الحكومة يعني ايه ؟ قول الحكومة أبت تدخل معاها زول الحكومة برضو يعني ايه؟
كسرة :
.. ده مش نحنا فقدنا البوصلة .. ده مافيش بوصلة من أساسو !!


الراي العام





تعليقات 29 | إهداء 1 | زيارات 6057

خدمات المحتوى


التعليقات
#248257 [ابوعلي]
0.00/5 (0 صوت)

11-29-2011 10:14 PM
انت عارف ياجبرا انا الوحيد الفهمتك لانو سيجارتك دي انا شلت باقيها من مختار وقال لي هم سيجارتين جبرة شاال واحدة ودي التانية


#247995 [منكوب]
0.00/5 (0 صوت)

11-29-2011 12:49 PM

ده كلام امين حسن عمر


#247958 [نادر محمد]
0.00/5 (0 صوت)

11-29-2011 11:51 AM
يا جبرا عمك الشريف اليومين دى موجود فى العاصمه المثلثه لزوم البحث عن وجوه جديده وشديده وكمان معاه حجبات موديل 2012 حقو تستعين بيهوفى مسالة الفهم دى


#247724 [محمد]
0.00/5 (0 صوت)

11-29-2011 01:22 AM
قوىه.... كلم صاحبك بشبش من وين بتجيب الصنف بتاعك ده؟ تكون خدمت الشعب السودانى بدل الدراب حقو ده...


#247668 [kaka]
0.00/5 (0 صوت)

11-28-2011 10:01 PM
الشئ الجديد الوحيد في السودان هو تغيرات المناخ (المتقلب طبعا) ولا قدر الله الكوارث الطبيعية ,,


#247613 [ابوخالد]
0.00/5 (0 صوت)

11-28-2011 08:14 PM
ياعمك ارجو ان تصطبح كل يوم كابوس عشان بكرة تورينا ان الباع خط هيثرو الشريف بدر وانه الدمر مشروع الجزيرة وسرقه الحرامي بدر والدمر ولايتي الجزيرة والقضارف هو الشريف وانا اديك واحدة والله العظيم حقيقة في احد الايام استقبلت في متزلي احد اصدقائي وهو شريك لشقيق ابو كبير البشكير عبدالله وانه كان متغدي يوم عندهم في القصر وحاول يفهمني انهم ناس بسطاء وانه فرش البيت عادي ونزل ابو كبير يتغدى معاهم وقال ليهم الناس بقولوا الكيزان حرامية شوفوا المشاريع يعني الكيزان بسرقوا 50 في المية وبعملوا للشعب بي 50 المية وقلت ليه كان تقول انت مدقس الكيزان بسرقوا 150 في المية لانه بتموا الباقي ضرائب وجبايات وعندما اشتد النقاش قال لي وريني الحرامي في الحكومة دي منو قلت ليه انت وريني الما حرامي منو وزعل صاحبي وحلف طلاق ما يتغدى وحتى الان بفتكرني حاقد ومخاصمني وبكرة تعال قول لينا ما فاهم يا عمك


#247590 [habbani]
0.00/5 (0 صوت)

11-28-2011 07:32 PM
افرض فهمت يعنى ايه؟ انحنا شبعانين فول ونايمين ومخنا ليه 23 سنة فى إجازة مفتوحة !!! وأنصحك يا جبرا أوع تسأل نافع وهو فى زيه الصحابى ولسانه متبرىء منه قبل ما تشاور فتحى الضو !!!


#247571 [sudanihar]
0.00/5 (0 صوت)

11-28-2011 06:52 PM
يا عمنا جبرا من اساسو بركات (حسن كابوس) ما ظابطة (والله بتاعت الليلة دي جلت شوية كدا )...
غايتو يا عمنا قول لحسن كابوس يتصلح معاك شوية و يديك واحدة شديدة. و جامدة كدا ..عشان ما تفقد البوصلة من اساسو...
يا عمنا جبرا انت ام العيال اصلو مرة كدا ما قالت ليك السودان بقت مساحتو كم؟ ولا ما حصل قالت ليك انو دافور دي سلطنة ولا تابعة لدولة السودان وانو النيل الازرق كان فيها سلطة الفونج...و الجبال بتاعة النوبة دي الزحاها من مكانا منو؟ وناس الجزيرة قالو انهم ماشين الجزيرة الام ماشين جزر هاواي....
يا جبرا اصحي شوية ...المسئولين الفي الخرطوم ديل دايرين ليهم (حمرا) لكن المواضييع البتهم المواطن الساكن بره الخرطوم دايره ليها (خضرا) ...لانو الخضار لو ملا المكان تاني ما حيكون في مشكلة زي ما قال وزيرنا الهمام وزير الداخلية...


#247557 [sudani]
0.00/5 (0 صوت)

11-28-2011 06:23 PM




و الله يا بروف
قفلتها عديل


#247535 [abu rama]
0.00/5 (0 صوت)

11-28-2011 05:24 PM
اخونا جبرا ..حقيقه مقالك جميل كما عودتنا ادائما ..والله فعلا كل الناس بقت ما فاهمه حاجه لكن صـــــــــــــــــــــراحه شـــــــــــــــــــــــــــــديـــــــــــــــــــــــه


#247519 [Nagi]
0.00/5 (0 صوت)

11-28-2011 04:39 PM
اصحى يا جبره

واكتب عن الناس البموتو بالقصف الجوى فى الجبال ودارفور والنيل الازرق

البلد محتاجه ليك


#247445 [ودالفاضل]
0.00/5 (0 صوت)

11-28-2011 01:26 PM
ياجبرا هضربتك منطقية وانت عارف الناس بقت تقرا وماتفهم حاجة وزي ما قلت مافي حاجة الشغلانة جايطة كلها وبالطريقة شوية شوية مابتلقى زول اتابع ولا اقرا


#247444 [صريح]
0.00/5 (0 صوت)

11-28-2011 01:24 PM
يا استاذنا الكبير جبرا يعني انت عملت حكاية :عينك للفيل تطعن في ظله


للأسف النوايا الطيبة وحدها لا تكفي و الدليل أن الشعب السوداني من اطيب الشعوب في المنطقة \"اللي ما عارفنها عربية ولا افريقية\" وبشهادة الجميع و لكن ايضا من أكثر دول المنطقة فسادا ماليا و اداريا و ياريت ما يزيد عن كده

و للاسف الشديد النوايا الطيبة في أماكن العمل و في الاسواق في بلدنا الحبيب أصبحت نادرة زي العملة الصعبة و الدليل على ذلك ان العمالة المنزلية مستوردة من الجيران الاعزاء


#247435 [wedhamid ]
0.00/5 (0 صوت)

11-28-2011 01:05 PM
أسـتـاذنـا الـمـذهـول الـفـااااااااااتـح جبرا اليـــــــــــوم..........تبرا .من كل بليه........

و الله قمنا منتشين فعلا لا قولا بعد أن لحسنا كوعنا لحسه .... و للتأكيد قويه ,,,,,,و أول تبادى بدأنا نبحث عن قوى الطرد المركزي نفسه بتاعتك دىك و التي تخلفها جحافل المرتزقة والعاملين عليها و السابلة فرادا فرادا فى نخاشيش سفطلاطنا المدهمشة أصلا .........والتى تؤثر على معيارية الأداء الكلي لـذاتنا فى مدغمساتنا الصلبه مقارنة مع أسباب ذات الشد العكسي الحلزونى الداخلي اللا معياري الناتج من ترهل الا أوعية السياسية حتى نؤسس لفهم مرحلي مترادف و مهترى يقودنا إلى معرفة مساحة حجم القوى المتزامنة المتوطدة الكامنة التي تجعلنا في هذا الوضع المزرييييييييي الذي يقضي بأن يستمر الوضع ديمه كما هو عليه دون لجوءنا كرعايا سلطان بهلول إلى القضاء كالمستجير من الرمضاء بالنار ............
و لو فهمت دا أأكد ليك أن حالتك كانت جلطه دماغيه عابره و مرت بسلام .....و حمد الله على السلامه ..........


#247434 [wedhamid ]
0.00/5 (0 صوت)

11-28-2011 01:04 PM

أسـتـاذنـا الـمـذهـول الـفـااااااااااتـح جبرا اليـــــــــــوم..........تبرا .من كل بليه........

و الله قمنا منتشين فعلا لا قولا بعد أن لحسنا كوعنا لحسه .... و للتأكيد قويه ,,,,,,و أول تبادى بدأنا نبحث عن قوى الطرد المركزي نفسه بتاعتك دىك و التي تخلفها جحافل المرتزقة والعاملين عليها و السابلة فرادا فرادا فى نخاشيش سفطلاطنا المدهمشة أصلا .........والتى تؤثر على معيارية الأداء الكلي لـذاتنا فى مدغمساتنا الصلبه مقارنة مع أسباب ذات الشد العكسي الحلزونى الداخلي اللا معياري الناتج من ترهل الا أوعية السياسية حتى نؤسس لفهم مرحلي مترادف و مهترى يقودنا إلى معرفة مساحة حجم القوى المتزامنة المتوطدة الكامنة التي تجعلنا في هذا الوضع المزرييييييييي الذي يقضي بأن يستمر الوضع ديمه كما هو عليه دون لجوءنا كرعايا سلطان بهلول إلى القضاء كالمستجير من الرمضاء بالنار ............
و لو فهمت دا أأكد ليك أن حالتك كانت جلطه دماغيه عابره و مرت بسلام .....و حمد الله على السلامه ..........


#247426 [ادروب]
0.00/5 (0 صوت)

11-28-2011 12:51 PM
فاهمين كل حاجة المشروع هو ابادة نصف الشعب والباقي يكون تابع ليهم والابادة شغالة من زمان في كل انحاء السودان تمنع الذره الفيترية من ناس توكر عشان يكون المشروع الحضاري ماشي بنظام وكده وهذه اول منطقة في القارة الافريقية تصدر القطن ولايعرف تداول بورصة لندن الي بخول المنتج من توكر حسبنا الله ونعم الوكيل


#247396 [Yassir]
0.00/5 (0 صوت)

11-28-2011 12:09 PM
100% ... و لا زيادة .. بقينا بناكل كلام ..


#247385 [abu ameera]
0.00/5 (0 صوت)

11-28-2011 11:47 AM
قويه يا أستاذ جبرا


#247382 [قرفان]
0.00/5 (0 صوت)

11-28-2011 11:43 AM
يا دابك فقدتها نحنا فاقدنها من زماااااااااااااااااان


#247379 [خالي من الدغمسة]
0.00/5 (0 صوت)

11-28-2011 11:36 AM
كفاية قرفنا الروب وقلناهو واى كلام بقينا مافاهمين معناهو


#247376 [Alshaik]
0.00/5 (0 صوت)

11-28-2011 11:31 AM

ياعمك


#247373 [وحيد]
0.00/5 (0 صوت)

11-28-2011 11:24 AM
اساس المشروع الحضاري الانقاذوي الاسلاموي انه مافي زول يفهم حاجة و مافي زول \" يملك\" حاجة... اساس المشروع انه كل زول يرعى بي قيدو و مسالة الفهم و \" الملك\" دي خلوها للجماعة ليفهموا نيابة عنكم و يقرروا نيابة عنكم و يمتلكوا نيابة عنكم و ياكلوا نيابة عنكم و يسكنوا في القصور الفارهة نيابة عنكم و انتو طلقوا ليهم للاعسار! و خلوهم \" ينكحوا\" نيابة عنكم كمان مثنى و ثلاث و رباع .. و بعد القضاء على الدغمسة ان شاء الله يزيدوا العدد مما ملكت يمينهم و يمينكم انتو التنقطع!


#247369 [moha]
0.00/5 (0 صوت)

11-28-2011 11:19 AM
شكلها الليلة يا جبرة بي ستة كروت و السادس احمر عديل وضربك هواء الصباح البارد والشغلانة ربطت .. ولك التحية .


#247366 [محمود]
0.00/5 (0 صوت)

11-28-2011 11:17 AM
او كما قال


#247359 [ود ابوشوارب]
0.00/5 (0 صوت)

11-28-2011 11:01 AM
صحيح


#247354 [زول من الشعب الفضل ]
0.00/5 (0 صوت)

11-28-2011 10:51 AM


رب قوم ذهبوا إلى قوم ,, ولما القوم الأولانيين مالوش القوم التانيين خدوا تاكسى ورجعوا على طول .


#247353 [زيزو]
0.00/5 (0 صوت)

11-28-2011 10:46 AM
جبرا.. الله يجبر بخاطرك..

جبرت بي خاطري...


أنا كنت قايل نفسي أنا بس المافهم..


وفي الحقيقة الشعب كلو من أساسو ما فاهم..

وأقطع دراع الكديسة الجمبي دي.. لو الحكومة زاتها فاهمة حاجة..


يا عم.. لو في حد فاهم.. في الخمسمائة وزير واستشاري.. كان عملو حاجة إسمها (استفساء) أقصد استفتاء..

ما هو نحنا لسه في المربع الأول..

مربع الحرب.. وحين ينطلق الرصاص..

لن تسمع شيء.. وبالتالي لن تفهم شيء..

هسع عليك الله في حد بذاكر في ورشة حدادة..

شفت الحكم دي كيف..

قرض على كده..

الحرب.. ولا شيء غير الحرب..
هو البهدلنا.. وشردنا..

وبرضو قرض على كده..


#247348 [Wyoming]
0.00/5 (0 صوت)

11-28-2011 10:39 AM
الاستاذ جبرة لك وللقراء الف تحية
المقال غريب شوية وعشان الواحد يفهم عاوز يقراه كذا مره المهم في الموضوع انو لاحياة لمن تنادي والواحد حاسي انو الســـــــــــــــــــــــــــودان ماشي للهاوية والله حتي الواحد بقي يفكر انو نمن يموت يندفن خارج السودان لانو الدفن ذاتو بقي فيه تعقيدات
الحكومة حال غريب جدا تقول ما عايشة في السودان وما عارفين الحاصل في البلد شنو والله انا كل يوم بدعو علي الحكومة (المؤتمر الوطني)انو ربنا سبحانه وتعالي
أن يشتت شملهم
ويمزق جمعهم
ويبليهم في اموالهم وانفسهم
وان يسد عليهم الهواء
ويعطشهم
ويجوعهم
وبعد ينزلوا المعاش يعاكسهم واحد وما يديهم ليهم الا بعد سل روح
ويهد بيوتهم
ويمرضهم
ويشلهم
ويعميهم
ويطرشهم
ويبكمهم
أميـــــــــــــــــــــــــــــــــــــــــــن انك سميع مجيب


ردود على Wyoming
United Arab Emirates [ريري] 11-29-2011 05:46 PM
اااااااااااااااااااااااااااامين


#247345 [Abu fatemah ]
0.00/5 (0 صوت)

11-28-2011 10:34 AM
يالفاتح جبره الليلة فعلا قوية اوعه تقربا تاني لانها المرة الجاية بتلحقق امات طه ?


الفاتح جبرا
الفاتح جبرا

مساحة اعلانية






الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة