12-08-2011 07:04 PM

كلامات

د.كمال عبد القادر

قالت المرأة لزوجها: والله جارنا دا راجل رومانسي وظريف. تصور يشتري لزوجته هدية كل شهر ويقبلها كل يوم وهو خارج للشغل وأيضاً عندما يعود من العمل وأنا عايزاك تعمل زيو. هنا قال الزوج: والله موضوع هدية كل شهر دي ممكن نباصرا ليها لكن حكاية أبوس جارتنا مرتين في اليوم دي إنتي ما بتزعلي منها؟.
المعارضة تحرض الشعب السوداني للخروج والتظاهر ضد الحكومة وأن ينضم للربيع العربي بالقول: (شايفين الشعب السوري دا شجاع كيف؟ مستمر في التظاهر ضد الحكومة ونحن عايزنكم تعملوا زيهم..
الشعب السوداني استجاب لنداء المعارضة وخرج في مظاهرة تطالب بسقوط (النظام السوري).

السوداني





تعليقات 12 | إهداء 0 | زيارات 3209

خدمات المحتوى


التعليقات
#254350 [namlawi]
0.00/5 (0 صوت)

12-10-2011 10:07 PM
كمال عبد القادر والله انا كنت فاكرك راجل وملو هدومك لكن بعد مابقيت دلدول الله يلعن قدومك وعامل فيها دمك خفيف ومترجم ليك نكته ياخي جاتك وكسة.


#254283 [عبدالماجد مردس أحمد ]
0.00/5 (0 صوت)

12-10-2011 06:55 PM
أنتبهوا يا ناس الراكوبه !!

إخوتى كتاب وقراء ومعلقيين الراكبوبه لاتظلموا أخونا د/ كمال عبدالقادر ، راجل محترم ومهذب ، وود أصول ومامحتاج عشان يسرق ، وأنا شاهد لما قدمه وقدمته أسرته قبل أن يتقلد مهام وكيل وزارة الصحة يكفي فقط وحدة الغسيل الكلوي بمستشفى الحصيحصا ، وهاكم ميثال واحد لعلوا كعبه وأخلا قياته وعندما تم قبوله بكلية الطب جامعة الخرطوم كانت هنالك إستماره يملأها الطلب عن وضعه المالي وبماذا يعمل الوالد كتب بأن والده تاجر ويسطيع دفع رسوم القبول ، وكانت له عربة تاكسي وهو طالب ينام في صفوف البنزين أيام حكومة مايو ، فأنا أعرفة وهو لايعرفني إلا شكلاً
فأرجوكم أخوتي الشرفاء لاتطلقوا السب والإتهامات الغير مسنوده ولو كانت هنالك مستندات ضده كان الجماعة رسلوها ليكم ، فلاتحرمونا من كلامات


#253847 [مدحت عروة]
0.00/5 (0 صوت)

12-09-2011 10:00 PM
الشعب يخرج ضد الانقاذ ليه و هو شعب مرطب بعد الانقاذ الطلعت البترول و النهضت بالزراعة و الثروة الحيوانية و الصناعات المرتبطة بهما و خلت صادراتنا غير البترولية اكبر من صادرات البترول و كل البترودولار الخليجى عندنا هنا فى السودان من خلال صادراتنا الغذائية لهم و الرجعت الجنوب بعد ما فصلوه ناس الصادق و الميرغنى و حلت مشاكل دارفور و جنوب كردفان و النيل الازرق و المناصير الاشعلوها برضه ناس الصادق و الميرغنى و طردت الجنود الاجانب الملو البلد قبل الانقاذ و رجعت حلايب و الفشقة و مثلث الليمى لحضن الوطن بعد ما فرطوا فيهم الصادق و الميرغنى!! هسع موظفين الدولة كل تلاتة اربعة سنين كدا يغيروا موديل سياراتهم!! فى حاجة انا نسيتها من منجزات الانقاذ يادكتور كمال عبد القادر؟؟؟ فالشعب الذى ارجعت له الانقاذ حريته و كرامته من قمع الصادق و الميرغنى له معقول يتظاهروا ضد الانقاذ ؟؟الا غايتو يكونوا مجانين او عايزين يتسلوا ساكت!!!!!! ( ما شفت قمع الصادق لمظاهرات السكر كانت كيف و زاد السكر غصبا عن عين الشعب المسكين ) ما لازم يتضامنوا مع اشقائهم السوريين حتى يطيحوا بحكم بشار الاسد و يستلم الاسلامويين السوريين السلطة عشان السوريين يرطبوا زى اخوانهم السودانيين!!!!!!!!!!!!!!!!!!!!!!!


ردود على مدحت عروة
Oman [ozna] 12-10-2011 02:22 PM
يا جماعه نازلين هجوم فى الزول ده ساكت الكلام دى ماكويس والله بسالكم


#253757 [مجدى محمد حسين]
0.00/5 (0 صوت)

12-09-2011 06:40 PM
ليس للرجل اى انجازات لا فى تاهيل مستشفى الخرطوم و لا غيرها و لا حتى فى تدريب الاطباء . تاهيل و صيانة مستشفى الخرطوم بدا فى عهد دكتور صلاح عبدالرازق مدير مستشفى سوبا الاسبق و مدير الطب العلاجى بالوزارة الاتحادية السابق و مدير عام الوزارة الولائية الحالى و الحقيقة يعرفها القاصى و الدانى و لكن المؤامرات حيكت ضد الدكتور صلاح لازاحته من منصبه و حل محله كمال عبدالقادر الذى حل مديرا لمشتشفى الخرطوم ثم انتقل وكيلا للصحة و فى تلكم الفترة قام بارساء عطاء تشغيل المستشفى الجنوبى على شركة باجعفر اخوان التى يمتلك فيها نسبة 25 % و اخوه الدكتور حسن عبدالقادر يمتلك 10%
فضيحة توطين العلاج بالداخل قام بها اللصان عبدالله سيد احمد وكيل الصحة الاسبق و مالك عبده على مدير ادارة المستشفيات الاسبق الذى تم استيعابه كمكافاة على حرمنته برتبة العميد بمستشفى الشرطة و جامعة الرباط . ما قام به كمال عبدالقادر هو مشروع المراكز المتخصصة بالخرطوم و الولاياتو فيه نهب و سرقة واضحين اشار اليهما الاستاذ ابوبكر عبدالله مارن مراجع عام السودان السابق فى تقريره السنوى و لكن لا حياة لمن تنادى . اما عن حكاية تاهيل الاطباء بالمجان التى ذكرها الاخ وحيد فاحيله الى نفس التقرير للعام 2009 / 2010 و قد ذكر فيه المراجع العام ان السيد الوكيل الهمام و معه الوكيل الحالى عصام محمد عبدالله قاما باختلاس ما قيمته 12 مليار جنيه (بالقديم) هى تكلفة دراسة الاطباء فوق الجامعية فى كل من مصر و ماليزيا هذا غير فضائح كمال عبدالقادر فى الاجهزة منتهية الصلاحية التى جلبتها الشركة الطبية التابعة له شخصيا للمستشفيات المختلفة منها حوادث الشعب الجديدة التى ستفتتح فى العام القادم و التى بسببها اقيل دكتور نزار محمد ادريس نائب مدير مستشفى الشعب من منصبه لانه تواطا مع كمال عبدالقادر فى السماح بشرائها و غيرها و غيرها من الفضائح , و تجى بعد ده كلوا تخفف دمك ؟ الهى ينحرق دمك يا شيخ قال كلامات و لا كمالات قال


#253736 [Nagi]
0.00/5 (0 صوت)

12-09-2011 05:56 PM
يا كيمو اى احسن تواصل فى موضوع الضحك على الناس

لحد على عملات البشير الضحك يشرطك


#253630 [shah]
0.00/5 (0 صوت)

12-09-2011 01:30 PM
بقيت كمان تحكى النكت؟ وإنت اكبر نكتة. وكيل وزارة و فطاحلة الطب برة؟ زمان الوكيل لما يعرف قرى و بلدات السودان واحدة واحدة حتى يجلس فى مكتب الوكيل. جاى إنت بالولاء تمسك مسؤلية زى دى؟
الإختشو ماتوا


#253466 [وحيد]
0.00/5 (0 صوت)

12-09-2011 07:00 AM
يا اخوانا د. كمال دا زول مروق و مرطب و علمان و شغله الطبي ماشي زي الحلاوة لانه راجل مؤهل بمستوى عالي و ما محتاج للحكومة و هو مسك وكيل في محاولة لاصلاح الحال لكن غلطته الكبيرة ساب ديناصورات الوزارة و الوطاويط الفيها الماخدينها مقطعية و ديل الغتسو حجروا و حجر برنامجه الاصلاحي... توطين العلاج ما عندو فيهو يد لانه جا بعده
و الرجل ليهو انجازات واضحة في تاهيل مستشفى الخرطوم و علاج الفقراء بالمجان ايام كان على مستشفى الخرطوم و دور مهم في تدريب الاطباء و تاهيلهم برضو بالمجان ...


#253376 [wedhamid ]
0.00/5 (0 صوت)

12-08-2011 11:24 PM

يا دكتور سيبك من نكاتك دى و قول لينا أها قلت شنو فى الإتهامات بالفساد و المحسوبيه التى وجهتها الصحف إليك أيام توليك وكالة وزارة الصحه ؟؟؟( بس عايزين نعرف ردك للأتهامات البتخص المستشفى الصينى و القسم الجنوبى و المعدات و الآليات المضروبه الدبست بيها المستشفيات و ضحكت بيها على الحكومه الغافله دى بقصة توطين العلاج بالداخل يا إبـن جــلا!!!!)

و الله ....بصراحه نحن ما حنخليك حتى لو الحكومة سامحتك أو تعاملت معاك بفقه الستره


#253354 [ابوالمكارم]
0.00/5 (0 صوت)

12-08-2011 09:59 PM
يا أخ اختشى واخف عنا واظن من شاركت فى الاجرام فى حقهم لن يغفرو لك لو اعتذرت سبعين الف مرة ......


#253321 [د.وليد ]
0.00/5 (0 صوت)

12-08-2011 08:27 PM
والله سبحان مغير الاحوال................. وين كان الكلام دا لمن كنت وكيل وزارة الصحة وطردت الاطباء من وزارتك واعتقلتهم وفصلتهم ...؟؟؟؟؟؟؟؟؟
والله كلام ....
طيب لمن الاطباء كان بطالبو بشروط تحسين الخدمة وحق المواصلات ليه (ما بكيت) واستجبت لمطالبهم ؟؟؟؟
ليس لدى علاقة لا بهذا ولا هذا ولكنى اكره التملق والظهور باكثر من وجه
اقبلها منى او لا تقبلها: انت شخص لاخير فيك لانك تنكرت للمواطن السودانى والطبيب السودانى عندما توليت مقاليد السلطة والان تتنكر للكيزان (دمرهم الله) لانهم لفظوك وطردوك .... ولن تجد من يأويك لانو ببساطة كدة الفيك اتعرفت

كانت (الكبسولة) التى تكتبها هى السبب فى تقليدك منصب وكيل الوزارة ..... ولكنى لا اظن انك ستفلح ب(كلمات) لتولى منصب جديد .... والله اعلم
لن نسمع منك ولا كلمة بعد اليوم فانت كرت خاسر

الله يلعن الكيزان ويدمرهم هم واتباعهم وهؤلاء الديناصورات الذين يدعون انفسهم بالاسياد
لك الله يا وطنى ..... لك الله ايها المواطن السودانى
ملحوظة: هذا التعليق مكرر . وسوف يتم ظهور هذا التعليق على طول المدة التى يحاول فيها هذا ال.... التحلى بمعانى النضال وقول الحق

.... طفشتنا من السودان وشردت كل الاطباء وجاى تعمل فيها بطل .


#253292 [grfan]
0.00/5 (0 صوت)

12-08-2011 07:22 PM
كمال عبدالقادر ده فاكر القصة نكات ومضحكة ياخي نحن ناقصنك بعدما كنت جزء من الحكومة وفسادها وفاحت ريحتك انت واخوانك وولد خالتك بتاع المستشفى الصيني وبعت للحكومة السكراب بتاع اوروبا مستشفيات كلو ياخ قوم لف


ردود على grfan
Saudi Arabia [مظلووووووم] 12-09-2011 08:09 PM
و الرجل ليهو انجازات واضحة في تاهيل مستشفى الخرطوم و علاج الفقراء بالمجان ايام كان على مستشفى الخرطوم و دور مهم في تدريب الاطباء و تاهيلهم برضو بالمجان ....................................................................................................................................



يا وحيد
1 / الزول دا أهل المستشفى الجنوبي و جهزه ليقوم بتاجيره لأخوه حسن و شريكه معتصم جارهم في الحصاحيصا وقد اسـتأجروه بتراب القروش بعد ان اشترطوا ان يكون مجهز و مكتمل
2 / هدد الاطباء ايام اضرابهم بأن لم يفضوا الاضراب فسوف يترك الامن ليتفاوض معهم
3 / قبل توليه الوكالة و بعدها كان يجلب خردة الاجهزة الطبية من اوروبا وبعد ان تكون قد تجاوزت عمرها الافتراضي ( بعض اللجان رفضت استلامها لانها غير صالحة للاستخدام ومثال اجهزة جابها لكردفان
4 / توطين العلاج يا وحيد كان عبارة عن مشروع لبيع الاعضاء عن طريق سمسار سعودي
كمال عبد القادر او كمال الشين ( اسسم الشهرة لاسرته في الحصاحيصا ) زول عمله شين و اثرى من عرق الغلابة


د.كمال عبد القادر
 د.كمال عبد القادر

مساحة اعلانية






الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة