المقالات
السياسة
ارشيف مقالات سياسية
بلاغ على الهواء ضد عمر البشير وزمرته
بلاغ على الهواء ضد عمر البشير وزمرته
12-18-2011 08:37 PM


بلاغ على الهواء ضد عمر البشير وزمرته

تاج السر حسين
[email protected]

أعلم ان هذا البلاغ المقدم على الهواء لن تنظر فيه جهة عدلية داخل السودان فرئيس المؤتمر الوطنى هو (الدوله) ورغبته (القانون).
لكنه سوف يبقى بلاغ للناس والتاريخ.
فرئيس المؤتمر الوطنى أغتصب السلطه وأنقلب على الديمقراطيه فى 30 يونيو 1989 ، ونصب نفسه رئيسا على وطن بدون رغبة مواطنيه وأيد انقلابه الرئيس المصرى السابق (حسنى مبارك) وأمن له أعتراف ودعم دول الخليج العربى وضمن له صمت الولايات المتحده الأمريكيه التى اقرت قانونا يرفض الأنقلابات العسكريه.
هذا كله مفهوم ومعلوم .. وأدخل (رئيس المؤتمر الوطنى) البلاد فى حرب جهاديه غير مبرره ضد أخواننا الجنوبيين وقتل بدم بارد أكثر من 2 مليون منهم، وكذلك فعل بأهل دافور .. وتسبب آخر المطاف فى انفصال الجنوب عن شماله، ولم يكتف بذلك بل زاد من اشتعال الخلافات بين الشطرين بعد أن اصبحا بلدين، بدلا من بذل الجهد لرأب الصدع والعمل الجاد والمخلص لتـأسس علاقه جوار أخوى وصداقه وموده لعل المستقبل يعيد الأخ الى أخيه، (فالدم عمرو ما يبقى مويه).
وقبل ذلك زور (رئيس المؤتمر الوطنى) وزمرته الأنتخابات وزيفوا ارادة المواطنين، ثم اصبحوا يلهثون خلف الأحزاب لكى تتحمل معهم مسؤلية دمار البلد وتدهور اقتصاده نتيجة للفساد ونهب مدخراته.
كل هذا نعرفه ونـتأسف له ونتألم، لكن ما هو غريب وعجيب هو ما نلاحظه من (بلطجه) مرفوضه بخصوص الرسوم التى يريدون أن يتحصلوا عليها مقابل مرور بترول الجنوب عبر خط الأنابيب السودانى.
والجنوبيين اصحاب حق فى هذا الخط مثل اخوانهم الشماليين تماما، لكن اذا قبلنا تنكر (البشير) وزمرته لذلك، فيجب أن يتم تحصيل رسوم المرور حسب الأعراف والقاونونين المتبعه فى جميع دول العالم وأن تحدد (بنسبة مئويه) لا بمبلغ يقطعه (رئيس المؤتمر الوطنى) وزمرته من رأسهم.
فسعر برميل البترول قبل حرب أكتوبر كان 3 دولار ارتفع بعدها الى 30 دولار ثم واصل ارتفاعه بعد حرب العراق حتى وصل الى 140 دولار ثم هبط الى 80 دولار، ومن المتوقع بعد القرارات التى ينوى الغرب اتخاذها ضد ايران أن يرتفع الى 110 دولار كما تؤكد العديد من الدراسات وأستطلاعات الرأى.
ونحن نعلم بأنهم يتصرفون دون علم أو قراءة جيده للمستقبل.
ولهذا فمن مصلحة الشمال والجنوب أن تحدد نسبة مئويه لا مبلغا مقطوعا من الرأس.
واذا تعنت (البشير) وأزلامه واصروا على (بلطجتهم) دون دراسه وقراءة جيده للمستقبل، فسوف يتصرف (الجنوبيون) وسوف يجدوا حلا ودعما من أمريكا ودول أخرى ، على سبيل المثال يمكن أن يتم اقراضهم ما يحتاجونه من مال بضمان بترولهم الموجود تحت الأرض حتى يتم أنشاء خط انابيب جديد عبر أى ميناء من الموانئ الأفريقيه القريبه.
ونتيجة لذلك سوف يعانى المواطن السودانى فى (الشمال) الذى لا يهمهم كثيرا اذا جاع أو مرض أو مات.
وسوف يتسبب هذا التصرف الأرعن فى اهدار المال العام الذى يمكن أن يعود لخزينة الدوله من جريان بترول الجنوب.
أن السعر الذى يصر عليه (رئيس المؤتمر الوطنى) وأزلامه شكل من أشكال (البلطجه) وشغل (شبيحه) نرفضه وندينه، فالسودان ليس مزرعة فى (سوبا) أو (كافورى) مملوكه (لعمر البشير) أو أزلامه.

تعليقات 3 | إهداء 1 | زيارات 2563

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#258963 [فكرى المحسى]
0.00/5 (0 صوت)

12-19-2011 12:36 PM
الاخ تاج السر سلاااام ,,, انت بتقول انو الجنوبيين شركاء معنا فى خط انا بيب البترول كيف يكونو شركا معنا الم ينفصلو ويكونو دولة الجنوب ؟؟ وانت جاى تقول لينا ديل شركاء فى الانابيب عيب عليك الكلااام ده اذا هم شركاء فى الانابيب نحنا كمان شركاء فى الابيار والحقول النفطيه ولعلمك انا ما مؤتمر وطنى والناس ديل عايزنهم يفارقونا (عمر البشير وشلته) بس لايوجد بديل ولا انت عندك بديل ما أظن وانا قلت لينا الاحزاب كلهم حراميه والحكومه زاتا حراميه ايه العمل سلاااااام


ردود على فكرى المحسى
Norway [النابغة] 12-20-2011 01:10 AM
وديني وايماني انت ما محسي ولا اي حاجة .. دة كلام شنو البتقولو دة وديني يسمعك البشير كان ما اعتقلك داير تحرش الجنوبيين يراجعوا الحسابات من اول قطرة ولا شنو ؟؟ هسة يقولوا دايرين تعويض.. أراضي زراهية خربت وحيوانات ماتت والبشر ذاتم ماتو حيقولو اموال البترول دي بالخسارة مشت في موت حاجاتم التلاتة دي ؟؟ انت صلاح كفاوي يبقى ليك شنو؟؟؟؟؟؟؟؟؟


#258782 [ود العمدة]
0.00/5 (0 صوت)

12-19-2011 08:02 AM
الاستاذ تاج السر شكرا لك علي السرد الطيب والافكار المستقبلية بس منو البقنع الديك ديل علي قولك بتعاملوا مع قرارات السودان ذي ما بتعاملوا مع اطفالم في البيت ******* لك الله يا وطني


#258636 [عنقالى]
0.00/5 (0 صوت)

12-18-2011 10:00 PM
الانقلاب وحرب الجنوب من فكر الترابى ;)


تاج السر حسين
تاج السر حسين

مساحة اعلانية
تقييم
2.64/10 (115 صوت)





الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة