في



كلامات
12-19-2011 02:43 AM

كلامات

د.كمال عبد القادر

في شارع السجانة مجنون اسمه \"جيب الله\" يرقد على الظلط ويعيق المواصلات. يصيح ركاب البص فيه لفتح الطريق فيقول \"جيب الله\" بصوت عالي \"يا جيب الله الناس ديل ما قالوا ليك زح\" ثم ينزل الناس ويجدعوه بعيدا عن الظلط فيقول بصوت عالي \"يا جيب الله ما كان اخير ليك تزح براك بدل يجدعوك\" وبعد مرور البص يقول \"يا جيب الله هسي البص دة كان هرس عضامك\" ثم يمشي ويرقد في الظلط بنفس الطريقة الأولى.
عندما اعتصم المناصير قالت الحكومة \"والله المناصير ديل عندهم حق ظاهر بقرار رئاسي\" وبعدما طال الاعتصام قالت الحكومة \"اسع في داعي لي شيل الحال دة في الاعلام العالمي الناس ديل حقهم ما واضح\" وعندما بدأ استغلال المسألة عالميا قالت الحكومة \"الناس ديل حقو ياخدو حقهم بدل ما يجو ناس من برة، يقلعوه ليهم وتبقى زي حكاية دارفور\".
تقول الحكومة كل هذا وهي ما زالت \"راقدة في الظلط\".
جيب الله بتاع السجانة معذور لأنو عندو شهادة من التجاني الماحي فما عذر الحكومة؟
اما بقية الشعب فيقول \"يا جيب الله ما عذبتنا\".

السوداني





تعليقات 12 | إهداء 2 | زيارات 2242

خدمات المحتوى


التعليقات
#259269 [د.وليد ]
0.00/5 (0 صوت)

12-20-2011 06:42 AM
والله يا ابو احمد الشنخابى بعد التحية والاحترام
د.كمال دة اكتر وكيل عمل رايح (قال عمل حاجة قال؟؟؟؟؟؟)
شفتا امثال كمال عبد القادر وهالة ابوزيد وغيرهم ممن عادو ابناء قبيلتهم قبيلة الاطباء لن يجدو لهم ماوى بيننا يوما
المشكلة يا اخ احمد ليست فى من هم كيزان المشكلة فى البتذلو وبياكلو من فضلات الكيزان امثال هذا الكمال والميرغنى والامام وغيرهم من العواليق
لك التحية


#259268 [د.وليد ]
0.00/5 (0 صوت)

12-20-2011 06:38 AM
namlawi
ما تتعب روحك يا خوى ..... هؤلاء الكلاب لا يتعلمون
الكلب بريد خناقو (هذا هو حال اتباع المؤتمر الوطنى) ... نصيحة من اخ : الزمن البترد فيهو على هؤلاء استغلو فى الدعاء عليهم وانو ربنا يدمرهم كلهم ويرينا فيهم يوما
ديل عواليق ..... وفى مثل بقول (ديل الكلب عمرو ما يتعدل) ... شايفهم بحبو الامثال وكدة


#259248 [.زين]
0.00/5 (0 صوت)

12-20-2011 12:59 AM
والله والله يا كمال انت جد منافق انت قريب ده لما كنت وكيل ما كنت اكبر المدافعين عن الحكومه . . . وعندما افسدت الوزاره بفسادك ورفدوك بقيت تنتقد . . . بس بلله اختشى شويه ...


#259087 [namlawi]
0.00/5 (0 صوت)

12-19-2011 05:19 PM
لاخ ادروب
يا سبحان الله هل اصبح التننكيت الفج فن صحفي لم نتعود عليه
بعدين اانت شكلك زعلان من سب الحكومة ايوه حكومتك تستاهل السب والضرب بالشلوت
بعدين انت كان زهجان من الاسطوانة المشروخة ماتشوف حته غيرها
بلا قرف


#259069 [Nagi]
0.00/5 (0 صوت)

12-19-2011 04:49 PM
جيب الله كان عندو صلعه اخدر طويل حرامى درجه اولى

معاو واحد تانى عامل ابو العلم طويل ورقيق وعندو كريشه

الكريشه قامت بعد الهبر

كانو شله من اربعه واحد عجوز فكوهو عكس الهواء

فضل اتنين واحد حريف بنوم فى الشارع




#259059 [ادروب]
0.00/5 (0 صوت)

12-19-2011 04:21 PM
تتحياتى ليك يا دكتور ,,,

فى مثل عربى بقول ... ((( هبله ومسكوها طبله ))

الناس البتكتب التعليقات دى فى لبانه واحده بلوكو فيها وما دايرين تغيروها ... ليه ما تكتب ليهم الشتايم عن الحكومه والبلد عشان يكرروا لينا اسطوانتهم المشروخه دى ويحسو بى طعم اللبانه فى خشمهم ................ وصاحب العقل يفهم كلامى

كلامات فن فى الصحافه لم نتعود على التعاطى معه ......


#258989 [صحراوي]
0.00/5 (0 صوت)

12-19-2011 02:27 PM
المعلقين ديل ما خلوك صفحة ترقد عليها أخير \"جيب الله\" أظرف واحد القال ليك (هدى اللعب يمكن يرجعوك تاني) تاني وين يا قرفان ده اسمو (فراق الطريفي لي وكالة الوزارة) خلى الراجل يربط مع المعارضة يعني أبو قردة حيكون أحسن منو


#258874 [أبو أحمد الشنخابي ]
0.00/5 (0 صوت)

12-19-2011 11:05 AM
شفتوا كيف الأخلاق لم يرد عليكم وعاوزكم تعرفوا حاجة يا معلقين د/كمال ما كوز ولامؤتمر وطني وأكثر وكيل عمل حاجة بعدين عينوا مليانه مش زي أطباء الغفلة خريجي مزارع دواجن الإنقاذ التى تسمى (كليات طب) وهسع جيب الله النايم في الشارع دا لو دفع بكره تلقاه دكتور ولامش كدا يا المستثمر
خلوا عندكم دم خلوا الراجل يكتب طيب الخال الشريك له جريده ومنبر فتتن كثر فيه أمثال الشلبي المنتظرين نهاية


#258815 [قرفان من الكيزان]
0.00/5 (0 صوت)

12-19-2011 09:30 AM
أستغرب لتعليقات دكتور كما عبدالقادر !!!!!!!! أين كانت هذه الظرافة وخفة الدم عندما

كنت ضمن قطار النظام الهلكان ؟؟___ الآن الشعب السودانى كله (جيب الله ) ____

هدىء اللعب شوية وماتبوظ الشغلة احتمال الجماعة ديل يرجعوك تانى ____


#258727 [مهموم بالســـــــــــــــــــــودان]
0.00/5 (0 صوت)

12-19-2011 07:47 AM
وين الحكومة ياطيب ؟؟ بلد ماشه بالبركة من كم وعشرين سنه شلة من الاصدقاء اللصوص
مصابين بالهوس الدينى والجريمة المنظمة وللاسف وجدت شعب طيب ومسالم بالفطرة
قال حكومة قال .. على الطلاق لو كان رئيسها جيب الله السجانة ماكان وصلنا الحال ده


#258724 [shah]
0.00/5 (0 صوت)

12-19-2011 07:37 AM
عذر الحكومة إن أمثالك هم من أيدوها و أستقوت بهم. والنكات بايخة.


#258715 [أبو أحمد-سلطنة عمان]
0.00/5 (0 صوت)

12-19-2011 06:57 AM
جنس قوة عين عليكم يا كيزان ... في قضية اضراب نواب الاطباء الشهير ( وعندما كنت وكيلآ للوزارة ) الحكومة قالت ( والله الاطباء ديل عندهم حق وبقرار رئاسي ) فقام الاطباء بفك الاضراب واعطاء مهلة لوزارة الصحة. ثم عاد الاطباء للاضراب مرة أخرى وانت راقد في الزلط زي جيب الله وقالت الحكومة ( اسع في داعي لشيل الحال في الاعلام العالمي ونحن داخلين على انتحابات ) ... وانت راقد في الظلط زي الحكومة بتاعتك دي .. وحاليآ لما شالوك من الوزارة جايي تعمل لينا فيها محلل سياسي وناقد .


د.كمال عبد القادر
د.كمال عبد القادر

مساحة اعلانية






الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة