كلامات
12-20-2011 09:33 PM

كلامات

د.كمال عبد القادر


موظف صغير في زمان سابق كان يحضر إلى المنزل ومعه مرتب الشهر فيقعد في العنقريب بحضور المدام ويوزع المرتب على صاحب البقالة والجزار والخضرجي وغيرهم وفي كل مرة يتبقى من المرتب ثلاثين قرشاً فكان يشتري بها \"نص عرقي\" ويكون خلص المرتب..
في مرة وزع مرتبه ولكن لاحظ أن الباقي تسعين قرشاً فكرر التوزيع ثلاث مرات بحضور المدام فتأكد أن الباقي تسعين قرشاً. اشترى الرجل زجاجة بيرة لزوم الشرشحة وعندما صب المشروب على الثلج ظهرت الرغوة فصاحت زوجته في جزع \"سجمي نسينا ست اللبن\"..
بعد أن وزع المؤتمر الوطني أكوام الوزارات على الشركاء وأعلن التشكيل سمع صوتاً يقول سجمنا نسينا الأسود الكاسرة جناح العدالة ومازالت التعيينات مستمرة في حكومة \"ست اللبن\" ..
حكومة جات بالكوم في سنتر الخرطوم أكلت قروش كلتوم ست اللبن.

تعليقات 10 | إهداء 2 | زيارات 2254

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#260507 [Nagi]
0.00/5 (0 صوت)

12-21-2011 07:59 PM
قالوا قروش الحرام بتظهر فى الاولاد يا كيمو

رايك شنو فى الكلام ده


#260298 [طبيب بوزارة الصحة]
0.00/5 (0 صوت)

12-21-2011 01:45 PM
هههههها هي فضل فيها لبن مااللبن خميتو وقعتو والله كلام ياد كمال
المدهش الجمل مابشوف عوجت رقبتو


#260173 [أهم زول]
0.00/5 (0 صوت)

12-21-2011 11:01 AM
كدي يا كيمو خلينا من ست اللبن و قول لينا انت خليتهم ولا خلوك
تانيا انت و اخوك خليتو مستشفى الخرطوم لي اسيادا ولا لسه
و برضو قول لينا خليتو تجارة الاجهزة الطبية المنتهية الصلاحية ولا لسة
و عامل معاكم كيف شغل الشية
بعد ما تورينا ده كلو ممكن نشوف نكاتك البايخة دة


#260025 [ودالخضر]
0.00/5 (0 صوت)

12-21-2011 07:16 AM
دكتور انا معجب جدا بى كلامات عشان كدا قررنا نحن معلقين ناس الراكوبة ان نجعلك شاهد ملك بعد كدا ورينا المستخبى فى اروقة حكومة الانقاذ والناس ديل بيسرقوا الشعب السودانى كيف ووين راحت القروش طبعا انت ادري ولاً كلامى ما صح
الاخوة المعلقين ايه رأيكم نجعل دكتور كمال الشين شاهد ملك نرجو الإفادة(لانو الدكتور عندو من الثروة تصلح ميزانية بلد)


#260008 [Shah]
0.00/5 (0 صوت)

12-21-2011 06:55 AM
بالجد كونك تكون وكيل وزارة بدون أن تستحقها وبعدم أهليتك ليها و للتمكين كان أرحم لينا من السخافات الكل يوم مصابحنا بيها دى.


#259970 [امير الحاج]
0.00/5 (0 صوت)

12-21-2011 04:06 AM
بالله شوف الما بيخجل ده .. ولا شكلو حرقتو الفسعة من الوزارة .. ياخ إنت ما سبب البلاء والابتلاء ذاااااااااااتو .. إنت الشردت الأطباء من الســـودان .. يا بتاع ..(( اللبن ))


#259966 [أبو شبال]
0.00/5 (0 صوت)

12-21-2011 02:44 AM
باين عليك كنت بتكشكش لابوقردة... هاردلك ولا يهمك المرة الجاية حا تاخد كوتك من ست اللبن.. بس شد حيلك...


#259955 [Nadir]
0.00/5 (0 صوت)

12-21-2011 12:48 AM
حكومة جات بالكوم في سنتر الخرطوم أكلت قروش كلتوم ست اللبن.
و انت اخدت ليك كم تمنه ؟؟؟؟؟؟


#259939 [د.هيثم مشرف]
0.00/5 (0 صوت)

12-20-2011 11:30 PM
خرجت من \"الوكالة\"الى الهبالة..و أنت من تسبب فى هجرة الطباء..أسريعاً نسيت ماضيك ألمظلم ..ألظالم..أنسيت أنك تسّلقت على أكتاف الرجال ذات يوم\"بالصدفة مديراً لمستشفى الخرطوم و قفزة الى \"وكيل وزارة الصحة\"..أين كانت كتباتك\"التى تسثير الشفقة يوم كنت وكيلاً ؟ أنت طبيب و صرت وكيلاً \"فكنت أعلم بالمضرة\"لزملاء مهنة يقال عنها\" ملائكة الرحمة\"فكنت السبب فى حرمانهم من أي رحمة..و نسيت أن الديان لا يموت..و ألان كما أُدِنتَ تُدان..


#259906 [ابواحمد]
0.00/5 (0 صوت)

12-20-2011 09:47 PM
الظاهر عليك يا كلتوم انتي كنت راخية اضانك لوزارة الصحة لكن تاني عشمك فيها عشم ابليس في الجنة . احسن تنبز قالو الكديس لما ما لحق اللحم قال هو زاتو عفن. بركة الشفنا فيك حرقة الحشا انت قايل ظلمك للاطباء والمرضى ما ح يظهر فيك..يمهل ولا يهمل


د.كمال عبد القادر
د.كمال عبد القادر

مساحة اعلانية
تقييم
5.62/10 (77 صوت)





الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة