المقالات
السياسة
ارشيف مقالات سياسية
مكالمة هاتفية .. بين البشير واْحمد هارون !ا
مكالمة هاتفية .. بين البشير واْحمد هارون !ا
01-12-2012 08:36 AM

بسم الله وبسم الوطن


مكالمة هاتفية .. بين البشير واْحمد هارون !


اْ ضحية سرير توتو القاهرة
[email protected]


عمر البشير : اْلو.. اْحمد هارون
اْحمد هارون : اْلو .. نعم يا رئيس
عمر البشير : كيف حالك واْحوال الولاية ؟ اْنشاء الله الاْمور ماشي تمام ؟
اْحمد هارون : الاْمور تمام وعال العال والاْمن مستدب , وكسحنا ليك الاْلغام ديل كسح , ومسحناهم مسح , في طورجي وبلنجة وكرنقو وحجر عنبة والاْبيض وبحيرة جاوا , بس باقي لينا شوية جيوب كده خفيفة ونكون قضينا علي حاجة اْسمها حركة شعبية !.
عمر البشير : لكن يا اْحمد هارون الاْخبار السرية التي تاْتي اْلينا لا تتطابق اْقوالك وكلامك , نحن عندنا اْخبار اْستخبارتية بتقول الجماعة ديل تعبوكم شديد خلاص , وخسروكم اْرواح كثيرة , ده غير الاْليات العسكرية , وكمان قالوا اْنهم كانوا اْوشكوا اْن يقبضوا عليك حياً لكن الله ستر .
اْحمد هارون : ده منو القال ليك الكلام الفارغ ده ؟ السرب ليك الكلام ده زول منافق وكذاب ومخادع , الاْحوال عندنا تمام لو ما مصدقني تعالي بنفسك وشوف الحاصل شنو في اْرض الواقع !
عمر البشير : يضحك هاهاها.. اْجي , اْجي وين يازول اْنت ما نصيح ولا شنو ؟ من الله خلقك شوفت ليك رئيس دولة بحاله يمشي مناطق العمليات ويعرض حياته للخطر؟ اْنت زول عيان ولا شنو ؟.
اْحمد هارون : لا يا رئيس اْنا زول نصييييح, واْتمتع بالعافية والحمدالله علي ذلك .
عمر البشير :خلينا في المهم , اْمبارح جاءني عدد من يتوهمون ويسمون اْنفسهم قيادات جبال النوبة في الخرطوم ,منهم محمد مركزو كوكو, وجلال تاور كافي , وتابيتا بطرس شوكاي,ومكي علي بلايل ,وقدموا لي مذكرة عريييضة وطويلة , طالبوا فيها بنقلك اْوعزلك من ولاية جنوب كردفان , والاْسباب علي حسب كلامهم بقولوا لاْنك مانوباوي , وقالوا دي عاملة ليهم مشكلة كبيرة وسطهم ,و قالوا , بعزل اْحمد هارون يمكن الاْمور تهديء ..هاهاها.
اْحمد هارون : باْنفعال شديد ,والله دي مشكلة ,شوف يارئيس, الولاية دي اْنا الصنعتها بنفسي لنفسي ,ومن اْجل ذلك قتلت مواطنين واْطفال كثيرين , اْلي اْن اْصبحت والي بدرجة مجرم دولي زي ما بيقولوا , واْنا الاْن مطلوب لدي المحكمة الجنائية الدولية , وجاين العبيد ديل وبكل برود دم كمان يقولوا اْعزلوا اْحمد هارون عشان الاْمور تهديء ؟ويقولوا نصبوا واحد نوباوي عشان الحرب تقف , هم يعتقدون اْن الاْمور بهذه البساطة كده ؟والله مافي زول فيهم يقدر يضع رجله في ولايتي , والله ينطبق عليهم المثل القال (رضينا بالهم والهم ما راضي بينا) نحن يارئيس رضينا بي الجماعة ديل يكونوا معانا في السلطة والحزب , وهم ماراضين بينا نكون حكام لهم ؟ والله حاجة تزعل, لكن يارئيس اْنت راْيك شنو في كلامهم الغريب ده؟
عمر البشير : والله يا اْخوي يا اْحمد هارون اْعتقد اْن كلامهم صح , واْحتمال كمان فكرتهم تحل المشكلة دي شوية ! وبعدين ياهارون نحن صراحةً , والواضح ما فاضح تعبنا خلاص من الحرب دي , مادياً ونفسياً وعسكرياً وعايزين ننهي من مشاكل النوبة ديل , واْمبارح في المساء بعد المذكرة بتاع جماعتك ديل , قعدنا في مجلس الشوري المصغر , وقررنا اْنه , اْنت لازم تسيب الولاية دي لاْي واحد من المواسير القاعدين بينا في الخرطوم , مركزو اْو تاور , عشان الاْمور تهديء شوية .
اْحمد هارون : وهو في حالة صدمة من كلام البشير , قلت شنو ؟ عايزين تشيلوني من الولاية اْنت جنيت يا عمر ولا شنو ؟ اْنت عارف لو شيلتوني من الولاية سوف اْذهب اْلي اْين ؟
عمر البشير: بتعجب , تمشي وين يعني ؟
اْحمد هارون : اْمشي المحكمة الجنائية واْسلم نفسي , واْنشاء الله
تخرب , علي وعلي اْعدائي ! واْنت عارف بعد كده البحصل الشنو , ده نحن يا عمر طبخنا سوي , ولا نسيت ياالبشير تعليماتك لي اْنت وجماعة الشوري بتاعك ديل , لم قلت لي بيد شعب دارفور وجبال النوبة زمان, وكمان اْنت عارف ناس المحكمة طلبوا مني قبل كده اْكون شاهد ملك , يعني اْشهد ضدك واْكون براءة , لو نسيت يازول اْفكرك .
عمر البشير : والعرق يتصبب من جبينه , خلاص , خلاص, خلاص , اْنت اْصلاً زول لئيم وما بتفهم , ومافي فايدة فيك , اْنت عارف حقيقةً يامولانا اْنا قلت الكلام ده لناس مجلس الشوري , قلت ليهم الزول ده هسع لو قلنا نشيلوه ونعزله من الولاية سوف يسبب لنا مشاكل كثيرة جداً و نحن في غني عنه , لكن اْنت عارف صاحبك نافع ده , اْصر علي ذلك , وقال كده اْعرضوا عليه الموضوع يمكن يكون وطني ويقبل , لذلك كلفوني اْن اْن اْبلغك وماتزعل يا اْخي , اْقول ليك حاجة بيني وبينك يا مولانا اْقعد في الولاية دي اْلي تقول كفاية خلاص عايز ولاية اْخري غيرها ! لاْنه اْصلوا النوبة ديل ما فيهم ضمان , هسع نودي واحد من الجماعة ديل هناك يقوم عبد العزيز الحلو ياْكل له راسه , ويقوم يتمرد علينا ويعمل ليك فيها ولا (يوسف كوه الجديد) ونحن ماناقصين , خليك في جبال النوبة واْستمتع بخيرها.
اْحمد هارون : باْبتسامة , كده تمام يارئيس , عداك الخير , الناس ديل زي ما قلت مشهورين بالتمرد والطابور الخامس , وبعدين من مباديء حزبنا الرائد لا يجوز تقليد اْو تنصيب اْي نوباوي في منصب الوالي , ولا وزير في وزارة هامة ذات سيادة , وبعدين اْنت يارئيس الجماعة ديل ما تشوف ليهم اْي حاجة كده تسكتهم بيها , اْنشاءالله وزير دولة باْي وزارة خربانة ! مع اْنه كثير عليهم , ولا اْقول ليك شيء اْديهم شوية ملايين من الجنيهات علي قطعة اْرض تكون ناصية تمام كده , وعربية مظللة , والله تلقاه باع اْهله واْبو اْهله كمان , اْنا عارفهم كويس جماعتك الفي الخرطوم ديل .
عمر البشير : بتنهيدة, حاضر يا مولانا سوف نشوف هذا الكلام في مجلس الشوري المصغر .. مع السلامة يا هارون .
اْحمد هارون : باْرتياح , مع السلامة يارئيس .
اْعزائي القراء : الحوار السابق هو نص خيالي , هل تفتكرون ممكن يكون صحيح؟

تعليقات 4 | إهداء 2 | زيارات 3080

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#273446 [صالح عام]
0.00/5 (0 صوت)

01-12-2012 01:50 PM
كلامك دا كلو حاصل يا ضحيه ما خيال ولا شى


#273393 [ام رزان]
0.00/5 (0 صوت)

01-12-2012 11:45 AM
خليك لطيف البشير حبيبنا وروحنا ؟؟؟؟؟؟؟؟ دا ماخيال دا حقيقة البشير مسكين والمعاه هم سبب التعب والماعاجبو كلامي يشرب من البحر الاسود لان النيل الارزق فيه حرب وطريقة لمويه مافي هههه ا؟ الحياه كلها سياسة الواحد مابعرف اتونس في البيت الا والسياسة والحالة العامة عقدتون عديل ؟؟؟؟؟؟؟؟؟؟؟؟ فررررررررررررج يارب ................


#273370 [قوس]
0.00/5 (0 صوت)

01-12-2012 11:13 AM
ما قلته هو هضربة الرئيس في منامه وكابوس يعيشه احمد هارون يقظة - وياريت تشوف لينا ما يدور في زهن ابوالعفين واخرين


#273362 [Sudanese]
0.00/5 (0 صوت)

01-12-2012 10:57 AM
عفيت منك يا ضحيه دا الواقع ذاتو (خير الكلام ما قل ودل)


اْ ضحية سرير توتو
مساحة اعلانية
تقييم
9.01/10 (69 صوت)





الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة