01-15-2012 06:44 AM


إنطفت كل الشموع .. بأي الدمع نبكيك يا سالم

أسماء الجنيد
[email protected]

حزني عليك لا يوصف . حزن كل الغبش والمطحونين الشلت همهم جواك سنين ,, نارك تحرق في الحشا .., بكتك كل الدروب المشيتها من أجل السلام والمحبة ..بكتك كل الحروف الحضنتها من أجل الحرية
رحلت في صمت تاركا خلفك المر مطبوق و موكر في الضلوع حد الغرق , جرحك مغور يا شمعتنا الضواية , الإنطفت في عز حوجتنا لي نورها البشع في دروب كل الغلابة البتحس بي وجعهم ومرهم ,, خلفت وراك جرح لن يندمل حزن لن تغسله مياه نيلنا الخالد . حزنك لفح الوطن المشتهيك بي ترابه واهله ,,
بأي الدموع نبكيك يا سالم المسالم , يا صاحب القلب الكبير والعقل المحتاجه البلد في زمن التخبط والتوهان , رحلت صامدا جسورا كالجبال لم تهزك رياح السلطة و لا الجاه , عرفناك صبورا صنديدا صادقا عفيفا شريفا لا تخشى في الحق لومة لائم,,
إنطفت كل الشموع يا سالم
رحمك الله يا ابا زكريا
رحمك الله بقدر عشقك للوطن وبقدر حملك لهمومه ,





تعليقات 8 | إهداء 1 | زيارات 3614

خدمات المحتوى


التعليقات
#275349 [د. ياسر الشريف]
1.07/5 (11 صوت)

01-15-2012 02:56 PM
هذا ما كتبته الأستاذ موسى مروِّح في منبر \"سودان للجميع\" :

http://www.sudan-forall.org/forum/viewtopic.php?t=6232&sid=331c9076e7552338b0f0144079273627

((كتبتُ اليوم في منبر سودانيز أونلاين، ضمن تعزية على روح الرجل الشجاع سالم أحمد سالم، أنني لا أعرفه شخصياً. ثم بعد ذلك بقليل كتبت هذه القصيدة.


كيفْ ما بَعَرْفَكْ؟
شعر: موسى أحمد مروِّح


عَلَيْ بالوَطَنْ
الكان بِتاكُلْ وتَشربْ همومو
ما قَطْ شكيتْ مِن أزاهو وسُمومو
ولا أحبَطَتْ يومْ بصيرْتَك همومو
ولمّنْ حواكْ في عُلاكْ الكَفَنْ
بعرفك! بعرفك.

وكيفْ ما بَعَرْفَكْ؟
كان ما بَعَرْفَك، بَعَرْفَ الشّجاعَةْ
بَعَرْف الكلام النجيضْ والوَساعة
الفِي قلبَكْ
وحُبّكْ
لأهلك وشعبكْ
بعرف القناعة
الرّاكزَةْ تَبْ لا اتْلَوَتْ لا تَداعَى
أساسا المتينْ
عليْ باليمين
بَعَرْف السّلام والشموعْ البِتوقِد
عشان ما كمان تحيا بالموتْ بلادنا
ونَكْتُلْ عشان نبقى زي الكتلنا
عشان روحنا لازم نِحافظ عليها
نَضِيفةْ وجميلةْ
وما فيها حِقداً دفينْ
عشان الزمان اللِّجايِ
مايكون كمان امتداد
للوجع والأنين
عشان في النِّهاية المُهمّ هُمْ أهلنّا
وياخي اِنتَ راجِلْ فَرِدْ كالجماعةْ
وكيفْ ما بَعَرْفَك؟


#275348 [د. ياسر الشريف]
1.00/5 (10 صوت)

01-15-2012 02:52 PM
هذا ما كتبه الأستاذ الشاعر موسى أحمد مروِّح في منبر \"سودان للجميع\"

http://www.sudan-forall.org/forum/viewtopic.php?t=6232&sid=331c9076e7552338b0f0144079273627

((كتبتُ اليوم في منبر سودانيز أونلاين، ضمن تعزية على روح الرجل الشجاع سالم أحمد سالم، أنني لا أعرفه شخصياً. ثم بعد ذلك بقليل كتبت هذه القصيدة.


كيفْ ما بَعَرْفَكْ؟
شعر: موسى أحمد مروِّح


عَلَيْ بالوَطَنْ
الكان بِتاكُلْ وتَشربْ همومو
ما قَطْ شكيتْ مِن أزاهو وسُمومو
ولا أحبَطَتْ يومْ بصيرْتَك همومو
ولمّنْ حواكْ في عُلاكْ الكَفَنْ
بعرفك! بعرفك.

وكيفْ ما بَعَرْفَكْ؟
كان ما بَعَرْفَك، بَعَرْفَ الشّجاعَةْ
بَعَرْف الكلام النجيضْ والوَساعة
الفِي قلبَكْ
وحُبّكْ
لأهلك وشعبكْ
بعرف القناعة
الرّاكزَةْ تَبْ لا اتْلَوَتْ لا تَداعَى
أساسا المتينْ
عليْ باليمين
بَعَرْف السّلام والشموعْ البِتوقِد
عشان ما كمان تحيا بالموتْ بلادنا
ونَكْتُلْ عشان نبقى زي الكتلنا
عشان روحنا لازم نِحافظ عليها
نَضِيفةْ وجميلةْ
وما فيها حِقداً دفينْ
عشان الزمان اللِّجايِ
مايكون كمان امتداد
للوجع والأنين
عشان في النِّهاية المُهمّ هُمْ أهلنّا
وياخي اِنتَ راجِلْ فَرِدْ كالجماعةْ
وكيفْ ما بَعَرْفَك؟
))


#275333 [ود صالح]
1.13/5 (11 صوت)

01-15-2012 02:38 PM
إنّا لله وإنّا إليه راجعون.
إلى جنّات الخلد يا سالم.
والقومة ليك يا سالم.
عميق الحزن لفراقك يا سالم.
أنت من رفع شعار \\\\\"القومة ليك يا وطن\\\\\".
أنت من أوقد ثورة الشموع الضوّاية .
لن تنطفئ شمعة أوقدتها يا سالم.

خالص العزاء لنا جميعاً و لأسرتك المكلومة ولا حول ولا قوّة إلّا الله العظيم.


#275213 [سومي العسل - الدمام]
1.00/5 (10 صوت)

01-15-2012 12:44 PM
المعذرة يا أخوان
بس ممكن تعرفونا بسالم أحمد سالم هذا ... حتى يكون لدينا علم بهذا الرمز ..
ولو نبذة صغيرة عن سيرته الذاتية ..


ردود على سومي العسل - الدمام
Germany [د. ياسر الشريف] 01-15-2012 02:44 PM
http://www.sudan-forall.org/forum/viewtopic.php?t=6214&sid=1306c8350f137e56f216016839f2080e

الأستاذ (( الصديق سالم أحمد سالم، لمن لا يعرفونه ، صحفي و كاتب سياسي سوداني يساهم منذ السبعينات بشكل منتظم في المناقشة السياسية على الصحافة المطبوعة و الإسفيرية. ))

بعض كتابات سالم على الرابط
http://sudanile.com/2008-05-19-17-39-36/101-2009-01-12-07-36-57.html


#275100 [د. ياسر الشريف]
0.00/5 (0 صوت)

01-15-2012 10:12 AM
حار التعازي لكل السودانيين والسودانيات وإلى أسرة الأستاذ سالم أحمد سالم. نسأل الله له الرحمة وواسع الغفران وعالي الجنان. نسأل الله أن يلهم أسرته وأهله ومحبيه الصبر وحسن العزاء.
إنا لله وإنا إليه راجعون

مكتبة الأستاذ سالم أحمد سالم في سودانيز أونلاين حيث كتب كثيرا:

http://www.sudaneseonline.com/cgi-bin/sdb/2bb.cgi?board=467




#274995 [حتو]
0.00/5 (0 صوت)

01-15-2012 08:11 AM
مافاهم حاجة دا شنو اولا منو هو سام ومنو هو ابا زكريا وضحي لينا شوية؟؟؟؟؟؟؟؟؟؟؟


#274973 [محمد صالح العميد]
0.00/5 (0 صوت)

01-15-2012 07:46 AM
الله يرحمه ويجعل الجنة مثواه وكل من عليها فان.


#274951 [حمدالنيل]
0.00/5 (0 صوت)

01-15-2012 07:07 AM
إنا لله وإنا إليه راجعون. لا حول ولا قوة إلا بالله,, والحمد لله رب العالمين.
لقد فجعتنا يا أسماء..متى حدث هذا..\"؟
هل حقاً رحل عن دنيانا مبدع ثورة الشموع قبل أن يشرق النور على بلادنا التي أحبها..؟
هل حقاً غاب عنا ونحن لم نزل نرزح في دياجير الظلامات ..؟
يا حسرتاه على شمعة انطفات وما يزال نفقنان المظلم طويل طويل لا نرى له آخر سوى ظلمات بعضها فوق بعض..
ألا رحمك الله يا مبدع ثورة الشموع يا حب السودان الكبير،
اللهم أغفر له وارحمه واعف عنه واكرم نزله ووسع مدخله واغسله بالماء والثلج والبرد . ونقه اللهم من الذنوب والخطايا كما ينقى الثوب الأبيض من الدنس. وابدله الله داراً خيرا من داره وأهلأ خيراً من أهله وانزله منزلة الانبياء والصديقين والشهداء... إنك سميع مجيب.


أسماء الجنيد
أسماء الجنيد

مساحة اعلانية






الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة