أعيدوا لها اعتبارها ..!ا
02-09-2012 12:59 PM

أجــندة جريــئة.


أعيدوا لها اعتبارها ..!

هويدا سر الختم

قضية طلاب جامعة الخرطوم شبيهة بقضية المناصير الذين فُرضت عليهم إدارة السدود للتفاوض حول قضيتهم في الوقت الذي لا تريد فيه إدارة السدود أكثر من فرض أجندتها (الظالمة).! الآن طلاب جامعة الخرطوم يفرض عليهم الاتحاد العام للطلاب السودانيين واتحاد طلاب ولاية الخرطوم للنظر في قضيتهم والتفاوض حولها، والطلاب يرفضون ذلك بحثيات أن هذه الاتحادادت لا تمثلهم.. وكلنا يعلم أن هذه الاتحادات لا تمثل الطلاب بما في ذلك الحزب الحاكم الذي شكل هذه الاتحادات كأداة سياسية تخدم أجندته الأمر الذي حدا بطلاب جامعة الخرطوم إلى تشكيل جسم منفصل يمثلهم.! ما يحدث الآن بجامعة الخرطوم وما يُخطط له بخصوص داخليات الطلاب هو توجه (عقابي!) يستهدف طلاب الجامعة المتهمين بتحريك أجندة تستهدف الحزب الحاكم .. طلاب جامعة الخرطوم يعيشون اوضاعا أكثر من سيئة في سكن الطلاب والطالبات داخل الجامعة وهذا منذ عهد بعيد ومابين الجامعة وصندوق (دعك) الطلاب لم يستطِع هؤلاء الطلاب الذين لا سند لهم الحصول على سكن صحي (آمن) وعلى وجبات صحية كافية ومدعومة.! بعيدا عن السياسة وبغض النظر عن الأجواء التي حدثت فيها ثورة هؤلاء الطلاب فهم في خاتمة المطاف مجرد طلاب يبتغون العلم وسط ظروف اقتصادية ضاغطة يكابدون فيها للإيفاء بالتزاماتهم واحتياجاتهم الخاصة ولا يجدون إليها سبيلاً.! عشرات القصص تروى عن أحوال الطلاب والطالبات الذين يسكنون في داخيات تتبع للحكومة أو داخيات خاصة تدمى لها القلوب.. الفقر يرمي شباكه في كل الاتجاهات وهؤلاء الطلاب هم أكثر الشرائح التي يغتالها الفقر ويطمر أحلامها والحكومة لا تلتفت لهم إلا حينما يهددون عرشها .. اعتقال الطلاب أكثر بكثير من اعتقال المفسدين ..فأولئك لا يجاهرون بفسادهم خشية (الحسد ) لذلك لا يجرحون للحكومة خاطراً ولا يمسونها بسوء.. إنما مجاهرة الطلاب بمطالبهم ولفت نظر الرأي العام هو ما يستوجب الاعتقال وإخراس الألسن.. إذا كان هذا ما يحدث بجامعة الخرطوم التي يسجل لها التاريخ مواقفها السياسية الساخنة وقوة اتحاداتها خاصة في عهود سابقة، ولكنها تبقى الذي يحتفظ بتلك النظرة الكاسرة كإرث تاريخيّ.. إذن ماذا عن الجامعات الأخرى، وماذا عن داخليات الطلاب والطالبات وعن الظروف القاسية التي يطلبون فيها العلم ولا (علم) للآخرين بما يواجهون.! والآن هناك طلاب معتقلون منذ أكثر شهر لم يطلق سراحهم ولم يقدموا لمحاكمة، وهذا يتنافى مع الدستور والقوانين، وهناك دراسة متوقفة وطلاب هائمون على وجوههم دون وجه حق، ولا تعلم حتى الآن أين مركز اتخاذ القرار.. ما المصلحة من إغلاق أبواب الجامعة لأكثر من شهر. لماذا تريد ىالحكومة إلباس القضية ثوب السياسية المثقوب (غصباً عنها). ولماذا غضت الطرف عن القضايا والمطالبات الأساسية للطلاب.! البيئة التي يعيش فيها طلاب جامعة الخرطوم بيئة قاتلة تصيبهم بالأمراض البدنية والنفسية.. بالله عليكم هذه جامعة الخرطوم التي تحاكي بيئة الداخلية (سابقاً) لطلاب دول الجوار الذين درسوا فيها، والذين سكنوا قربها، واستمتعوا بمعينها.. افتحوا أبواب الجامعة على مصراعيها، وأعيدوا الطلاب إلى قاعاتهم وإلى سكناتهم بعد أن تعيدوا إليها احترامها.. جزء يسير من أموال الفساد المستردة يرد الاعتبار للجامعة العريقة.

التيار





تعليقات 2 | إهداء 0 | زيارات 1182

خدمات المحتوى


التعليقات
#292052 [سوداني و بس]
0.00/5 (0 صوت)

02-09-2012 07:51 PM
يا اخت هويدا مع احترامي ليك لكن افتكر انو البلد دي زيتها طالع في مصايب اكبر من اهتماماتك دي . مشكلة السودان الاساسيه هي في النخب المتعلمه بالمجاني دي . و المطلعين عين الناس ما ناس جايين من كوكب المريخ !! ديل سودانيين قرو و سكنوهم مجاني و طفحوا و اتسممو مجاني . و في الوقت داك فكري معاي عدد المدارس و المستشفيات في وطن المليون جن مربع كان كم ؟؟؟؟ يعني شنو تجيبي ليكي قول الف تقريهم و تحشيهم مجاني , اها و بعدين الموعلين ديل ح يعملو شنو ؟ ح يرجعو لي مناطق مع اعتذاري الكلب ما يتربط فيها !! ولا اكيد ح يكونا مرميين بدون لازمه في الخرطوم و المدن الكبيرة ؟؟
انا رايي بعد اذنك انو ماساة السودان بدات مما فات الاستعمار و كان النخب ما فاهمين اولوياتهم و انشغلوا بي افكار كلها انصرافية في حدود دوائر ضيقه حوليهم بس . يعني الافيد شيوعيه روسيه ولا الفكر الاسلامي المصري و لا القوميه العربيه .... الخ و في الوقت داك السودانيين كانوا عشان يشربو يشيلوا المويه فوق ريسينهم اميال و عشان اتعالجوا العيان و لا الدايرة تولد تسافر للحكيم ؟؟؟ و لا كان في انتاج ولا اي حاجه . بس ناس قرو و طفحو مجانا و شغلو البلد بالفارغه ..
انا شمالي وعلي فكره مولود اصلا في الخرطوم يعني ما تقدري مهمش لكن بقول ليك الراحل جون قرنق كان علي حق و يمكن اكتر كلام وطني سمعته كان منو !!! المهم هسه كل حي راح لي حالو لكن ما يستفاد حقو نحنا نقعد في الواطه و نحاول نرتب اولياتنا .
هل نحنا بالجد محتاجين تعليم جامعي ضخم مجاني بتوابعه تملا الواطه عطاله و زياده منظراتيه ولا كدي لمن ربنا يقضي في السلاحف القاعدة دي العملت ليهم الدوله كل البتتكلمي عنو دا و كان رصيدهم صفر !!!!!!!
افتكر الاولي نشوف حل للتنميه في كل الاقاليم و مجانيه تعليم ابتدائي و حل لي مشاكل الزراعه و الصحه و تنميه حقيقية في المناطق بدل ما ننشغل بي قلة ندلعهم عليكم الله ما تنومو فبل ما تشربو اللبن . وين الاطباء او العلماء الفقهاء و الاساتذه الدلعوهم قبل كده ؟ يا اما طفشو لي انجلترا و استراليا و,,, و خلو حاجه نيسه لسه باغة الويه في راسها و ما عارفه تصل المستشفي كيف ؟ اما الباقين قعدو لينا في قلبنا ينظرو و ينظرو و مافي اي جديد . و ياتو بلد في الدنيا دي التعليم الجامعي فيها مجانا و بي توابعو . وهل الفقراء البتتكلمي عنهم بس هم طلبة الجامعة ؟؟ يعني اهلهم ما فقراء و لا بضرو يجيبوهم يسكنو معاهم و تاكلهم برضو الدوله. و اها يسو شنو بعد ما يتخرجو ؟؟؟
يا جماعه خليكم منطقيين الاولي بعد ما ربنا يصرف عننا ناس ياجوج و ماجوج ديل نوفر موارد البلد في التنميه و رعاية 40 مليون سوداني في مناطقهم بدل ما نخرج 10 الف عاطل سمان و طموحهم اكبر من مناطقهم و يدخلونا في الاحلام و الهلاويس الدخلونا فيها القبلهم .
و الله من وراء القصد


#292039 [hazeen]
0.00/5 (0 صوت)

02-09-2012 07:24 PM
وألله يا أستاذة كلامك صحيح، والمسئولين فيهم من تنبني شهرته كلها على انه كان رئيس اتحاد طلاب قوي، عشان كدا هو (أعلم بالمضرة)!


هويدا سر الختم
هويدا سر الختم

مساحة اعلانية






الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة