02-20-2012 06:40 PM


ضل الدليب

شعبان احمد سليمان بيرم /القصيم
[email protected]

حملناك عربا ونوبه يا اعز الناس . ياود بلدى ياحبوب (صوراده تود ) , وردي يا سامى المقام, رحل الطير المهاجر للوطن ,ايها النهر الخالد من غيرك كان يعطى لهذا الشعب معنى ان يعيش وينتصر , ايها الصوت الدافى الذى تسرب الى اعماقنا وسافر فى وجداننا ودواخلنا بلا تصاريح للسفر , من غير معاد رحلت عنا ايها الشامخ ونحن احوج اليك فى هذا الزمن المستحيل , ورحلت معاك عصافير الخريف ,والنسمة الجاية من الوطن صبحت سموم , , معاك عدينا نجم الليل وزدنا حسابه شويه ,شدينا سروجنا فوق الريح نحلق فوق بلاد الله , نحلم بى زمن ماشى وزمن جاى وزمن لسع, نحلم بى وطن بالفيهوا نتساوا نحلم نقرأ نداوى , ياجبل الانسانية ويابحر العطاء تبكيك السنبلاية وذات الشامة والوصية وصدفه وجميلة ومستحيلة ونور العين والحنينه السكره والقمر بوبا ,تبكيك البوادى والحضروكل طائر مرتحل عبر البحر والارض والحجر والطفل الرضيع والشيخ الهرم , وااااسفاي ضاع الكلام وماتت حرووف اللقيا, ما قادر اقول عن حزنى الكبير , لما اكتب لك وداعا وداعا قلبي ينزف اااااااااااااااااااااااااااااااااه ولا الليالى تمر دونك هى الليالى

نرفع ايادينا مبتهلين الى العلي القديراستاذنا محمد عثمان حسن وردي ان يسكنك فسيح جناته مع الصديقين ويلهمنا ويلهم الملايين التى احبتك وعشقت فنك الرفيع الصبر الجميل والسلوان .
ياوردي نحن على دربك سائرون نتوسد قلبك الذى فرشة وسادة وننهل من غرامك الذى وهبته لنا
(انا لله وانا اليه راجعون )

تعليقات 1 | إهداء 0 | زيارات 2351

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#299687 [wedhamid]
2.38/5 (4 صوت)

02-21-2012 07:32 PM

عفارم عليك يـــا أننسين تود

جرت دموعنا من جديد و رحم الله وردى و أسكنه الجنة مع الصديقين و الشهداء و ألهم ذويه و كل محبيه الصبر و السلوان


شعبان احمد سليمان بيرم
مساحة اعلانية
تقييم
2.75/10 (23 صوت)





الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة