المقالات
السياسة
ارشيف مقالات سياسية
سناء الأيام الخوالي والخالدات ..مع ذكرى الراحل وردي..
سناء الأيام الخوالي والخالدات ..مع ذكرى الراحل وردي..
03-01-2012 05:28 PM

أغنية (سناء الأيام )..

كلمات / محمد عبد الله برقاوي..
[email protected]


اهديت للفنان العملاق الدكتور الفرعون الراحل/ محمد وردى فى عام 1993
ولكنها تاهت في ثنايا وركام بطافات رحلات العلاج التي أرهقت فنانا الراحل ..فلم ترى القصيدة النور كغيرها من الأعمال الكثيرة التي ستبقى ذكريات خلف الدموع ! له الرحمة ..وسيظل خالدا كالنيلين ، يجرى في شرايين الناس ويبلل تراب الوطن بعطائه الثر رغم الغياب ..
*** *** ***

صورتك فى الخيال فكرة ..
.وصفك زينة النبرة ..
بكتب فى غناك واقرا
.. اداوى الغصة بالذكرى ..
*** *** ***
حروفك فى دمايا هتاف..
وفى الاعماق صدى وموال ..
بحسك فى شعورى وتر.
. بيسال وين وكيف الحال..
بلقاك فى الليالى حلم ..
وفى صفحة نهارى مقال ..

*** *** ***
زمان كانت مواعيدك ..
مواسم بهجة زى العيد ..
لقياك ياسنا الايام..
مشاتل فى دروب الريد..
كانت لهفتك خطوة ..
و اقابلك وبرضو شوقى يزيد ..

*** *** ***
وفجأ ة البينا امسى حطام ..
وغابت ضحكة الأنغام..
اهازيج الفرح ماتت ..
ماعاد فيهاباقى كلام ..
مواعيدك بقت منية ..
طيوف مرسومة فى الاحلام ..

*** *** ***
مشيت اسال شواطى اللقيا ..
الشهدت زمانا الراح ..
لقيت قسماتها حزنانة..
لابسة العتمة توب ووشاح ..
رمالها الناعمة تتحسر..
وشبّ الموج قلدنى وصاح ..

*** *** ***
سألنى القمرة وين رحلت ..
وين راحت نجوم الليل ..
نورها الكان لجين رقاش ..
مسكوب فوق خدود النيل
وقفت افتش الجواب .
.كان تبريرى ناقصو دليل..

*** *** ***
سحبت النظرة منكسرة..
وحبست العبرة زى جمرة ..
و خذلنى الحيل ..
قلت الملم اشتاتى ..
اجاوب بى غناوى قبيل ..
ابت من تانى قدراتى ..
وصد غناى غلبني عديل..

*** *** ***


لقطة نادرة للاستاذ محمد وردي ومحمد برقاوي والطفل وقتها ماهر برقاوي عام 1983
image

تعليقات 1 | إهداء 0 | زيارات 1437

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#304142 [saifalhag]
0.00/5 (0 صوت)

03-01-2012 08:25 PM
يا سلام على الكلمة النغم نسال الله لكم العافية


محمد عبد الله برقاوي
محمد عبد الله برقاوي

مساحة اعلانية
تقييم
10.00/10 (1 صوت)





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة