03-27-2012 12:24 PM

حديث المدينة

صوت العقل..!!

عثمان ميرغني

مفاجأة لم تكن متوقعة.. أن يعلن رئيس دولة جنوب السودان احتلال قواته لمنطقة هجليج.. ورغم أن الناطق الرسمي باسم الجيش السوداني نفى ذلك كلياً.. إلا أنّ تصريح سلفاكير.. الذي نطق به أمام مجلس التحرير (أعلى مؤسسة داخل الحركة الشعبية).. ثم التصفيق الحاد الذي قابل به الأعضاء هذا التصريح.. يعني عملياً إعلان الحرب.. حتى ولو لم يدخل الجيش الشعبي إلى هجليج. ويبقى السؤال المحير.. إن كان الأمر كذلك.. فلماذا أرسلت دولة جنوب السودان وفداً رفيعاً إلى الخرطوم لدعوة الرئيس البشير لزيارة جوبا وعقد (قمة الفرصة الأخيرة) لحل جميع العقد القاتلة التي تقف أمام تطبيع العلاقات بين بلدين كانا حتى وقت قريب دولة وشعباً واحداً. الجيش السوداني يعرف ما يجب عمله لحماية الأرض.. وقد ظل يباشر هذه المهمة في ظرف أكثر قساوة عندما اخترقت الحدود ثلاث دول مجاورة.. ذلك مسار متخصص ولا أحد يزايد فيه.. لكن مع ذلك كله.. على المسار السياسي.. في تقديري أن تستمر المفاوضات.. وإن كان ما من القتال بد.. فإن استمرار المفاوضات يجعل الحرب أقصر عمراً وأقل فتكاً بالجانبين.. ثم إن استمرار المفاوضات يمنح السودان موقفاً أقوى أمام المجتمع الدولي.. لأن استمرار المفاوضات يبرهن على أن السودان لا يزال يعول على التسوية والحلول الهادئة.. بدلاً من العودة لمربع الحرب الذي ظللنا فيه أكثر من نصف قرن من الزمان فما وضعت الحرب أوزارها إلا بعد الجلوس في قاعة المفاوضات. ورغم أن الدكتور الحاج آدم أعلن عبر الفضائية السودانية إلغاء زيارة الرئيس البشير إلى جوبا وتعليق المفاوضات في كل مساراتها. إلا أن ذلك في تقديري خطوة متعجلة.. كان الأجدر حساب الأرباح والخسائر بعيداً عن العواطف.. فالمفاوضات لا تغلّ يد الجيش عن عمله.. لكنها في المقابل تحمي ظهره من الأجندة الأجنبية.. ثم إن المعارضة المسلحة (الجبهة السودانية الثورية) والتي تنشط في هذه المنطقة كانت تدرك أن التقارب بين الدولتين يعني عملياً شل قدرتها.. بغلق شريان الحياة والقواعد التي تنطلق منها في الجنوب.. وبالتأكد من مصلحة هذه الفصائل المسلحة انهيار المفاوضات واستمرار حالة الحرب بين البلدين.. لأن ذلك يضمن لها سريان حالة المدد اللوجستي والجغرافي التي تعول عليها.. سبق لي في حديث المدينة قبل يومين أن اقترحت أن يسافر إلى جوبا نائب الرئيس الدكتور الحاج آدم أو الأستاذ علي عثمان النائب الأول.. حتى تنضج إرادة السلام بين البلدين في هذا المستوى .. ثم بعد ذلك ترتفع الى مستوى القمة. لماذا لا يستمر برنامج الزيارة الرئاسية.. بمستوى برتوكولي أدنى قليلاً من رئيس الجمهورية . بدلا من قطع الصلات كلياً والنفخ في رياح الصقور من جانب الذين يودون استمرار الحرب. بدلاً عن السلام..!!

التيار

تعليقات 15 | إهداء 0 | زيارات 6300

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#317675 [abumriam]
5.00/5 (1 صوت)

03-28-2012 11:42 AM
بالتاكيد ان دولة الجنوب تعرضت الى استفزاز من قبل بعض المتنطعين في حكومة السودان ... انا اقصد ان منبر الخال الرئاسي لة ازرع عسكرية استخدمها في عملية الاستفزاز هذه حتى يتثنى لة الاستمرار في برنامجة
وسؤالي المنطقي الذي اود ان اطرحة. هل الحركات الثورية هي المستفيد الوحيد من الحرب ، وهل الحركات الثورية لها المقدرة على التاثير داخل دواويين الحركة الشعبية ومعاقلها الاستراتيجية .. اذا كان كذلك ما مقدارة ؟ وهل يقارن هذا التاثير بمثل تاثير منبر الخال الرئاسي ...
انا في رايي ان منبر الخال الرئاسي هو اكثر الاطراف الذين يمكن ان تلتصق فيهم مسؤولية قيادة البلدين الى الاحتراب والهلاك
هذا منهجهم وليس تكتيكاتهم فقط


#317479 [ابو محمد]
5.00/5 (1 صوت)

03-28-2012 06:41 AM
لا اسكت الله لك حساً ساباشمهندس


#317395 [wedhamid]
5.00/5 (1 صوت)

03-27-2012 10:09 PM
يا عقمان ..عفو أطل عليك ثانية.....ـقتبس من مقالك....

(مفاجأة لم تكن متوقعة.. أن يعلن رئيس دولة جنوب السودان احتلال قواته لمنطقة هجليج.. ورغم أن الناطق الرسمي باسم الجيش السوداني نفى ذلك كلياً..)
ثم (الجيش السوداني يعرف ما يجب عمله لحماية الأرض.. وقد ظل يباشر هذه المهمة في ظرف أكثر قساوة عندما اخترقت الحدود ثلاث دول مجاورة.. ذلك مسار متخصص ولا أحد يزايد فيه..)
معلوم إنك تقصد إحتلال المصريون مثلث حلايب و الأحباش منطقة الفشقه و كينيا لمثلث إلينى...تمام ؟؟؟ و أن الجيش السودانى يعرف كيف يرد وأنه ظل يباشر هذهالمهة ورينا كيف.؟؟؟


#317386 [wedhamid]
5.00/5 (1 صوت)

03-27-2012 09:53 PM
يا عثمان ولدميرغنى أرجو أن تبطل إستعباط و إنصرافيات...بالأمس المدعو كمال حسن بخيت و الكل يعرف من هو هذا المنافق و الإنتهازى و لإستناده على خصيمك المعتوه الطيب دلوكه و ما ساب ليك جنبه تنوم عليها وقال فى ختام كلامو ما يهددك و قال ليك ( لو ما إستسلمت ليهم هو و قريبو المعتوه داك حيكشفو أسرارك-- راجع المقاله--)و اليوم شايفك إنبطحت على الآخر !!! مش عيب؟؟و الا عندك سر هم ماسكنو عليك؟؟؟...فبالأمس قلت كلام طيب فى حق وفد التفاوض و الإتفاق الإطارى و اليوم وأنا متأكد أنك مثلى تماما فاهم إنو مشكلةإسترداد هجليج بجيش الحركه أسبابو مكشوفه و دى لعبه وراها ناس من المؤتمر الوطنى و دفعو الأهبل أبو رياله يّحرّك قطاع من الجيش و مهاجمة الجنوبيين و دا العملوا فى زيارتو لجنوب كردفان... ثم الإنسحاب حتى يطاردوا بناس الحركه الشعبية و يقولوا أهو الجنوبيين إعتدوا عليناعشان البشير يلغى زيارته لجوبا (مع قناعتنا التامه إنها أصلا ما كانت حتتم و يخلقوا ليهو عذر لذلك) ....و الدليل على هذا تضارب الكلام من قبل الإنقاذببن و الناطق الرسمى لمليشياتهم و تأكيد العاملين الأجانب فى مواقع الحقول النفطيه لهجمات يقوم بهاالطيران الحربى الشمالى ....و أنا فى رأيى كان تقوم لجنه محايده بالتحقيق فى كل هذا الأمر للتحقق من الحاصل لأنو دعنا نقول ربما هناك فى جهات عملت دا عشان الرئيس يبلع كلامو و ما يمشى جوبا كما أعلن...
وبعدين يا عثمان سؤالى - ليه بعد كل إتفاق مع ناس حكومة الجنوب فى أديس أبابا بالذات.. فى جهه معينه تجوط الدنيا عشان تخرب الإتفاق و يتلغى و الزول الوقع تانى يوم يغادر البلاد لأجل...نافع سافر الى لندن( واقعة الكرسى) و اليوم سمعنا إنو سيد الخطيب غادر لأمريكا و بأسرتو (هل حيكون خروج بدون عوده؟؟؟)-


ردود على wedhamid
Sudan [wedhamid] 03-29-2012 02:11 AM
يا سيد عبد الرؤوف ردا على ردى أسمح لى أن أسألك ...أين هو هذا الجيش النظامى الذى يمكنه أن يقوم بمثل هذا العمل كتكتيك عسكرى مدروس ومخطط وذلك بغرض استدراج وتدمير قوة معادية ؟؟؟هل تقصد الجيش الذى على قمته احمق يرمى القول على عوائنه مثل(يبلو ويشرب مويتو و الدبره الفوق ضهر السودان و الامم المتحده و محكمتو الدوليه و اوربا تحت جزمتى) و الذى وزراءه أمثال ابو رياله هذا و الآخر المسطول ديمه؟؟؟؟؟؟ سبحان الله من الله خلقنا ما سمعنا بطبيب و لواء و تاجر و سمسار و شحات منتمى لجيش و كل القائمين بامره ينظرون لذلك بعين الرضا !!!!! وما وصفته بالفلم الكارتونى هو واقع مستوى تفكير قياداته و ليس موضوع تكتيك عسكرى مدروس و مخطط ولايحزنون .....

United States [عبدالرؤوف] 03-28-2012 02:08 AM
ابو ريالة رسل الجيش ليهاجم الجنوبيين ومن ثم يهرب امامهم حتى يقال ان الجيش الشعبى هاجم اراضى السودان ... انت عارف لو احنا صدقنا فلم الكرتون البتحكى عنه دة نكون احنا البى ريالة الواضح انك ماعندك اى فكرة عن العسكرية وعن عقائد الجيوش .. الجيوش ياسيدى وفى بعض الحالات يمكن ان تقوم بمثل هذا العمل كتكتيك عسكرى مدروس ومخطط وذلك بغرض استدراج وتدمير قوة معادية ولنها لاتقوم به من اجل مهاترات سياسية وانا اتحدث هنا عن الجيوش النظامية وليس عصابات الحركة وجيشها المملوء برتب عقيد وعميد لايعرفون حتى القراءة والكتابة .


#317354 [الزول الكان سَمِحْ]
5.00/5 (1 صوت)

03-27-2012 08:21 PM
الرد على سودانى ( مقيم باليابان )

من جهة أخرى، أكد العقيد الصوارمي خالد سعد المتحدث الرسمي باسم القوات المسلحة السودانية في تصريحات صحافية وقوع اشتباكات محدودة بين القوات المسلحة السودانية وقوات الجيش الشعبي لدولة جنوب السودان على الحدود بين الدولتين في ولاية جنوب كردفان صباح أمس. وقال: «إن مجموعة من متمردي خليل إبراهيم استغلت هذه الاشتباكات وتسللت إلى منطقة هجليج، حيث استهدفت موقعا للقوات المسلحة خارج حقل البترول، وتصدت لهم القوات المسلحة التي ما زالت تتعامل مع بقايا فلولهم وسنفيد بتفاصيل أوفى حال انجلاء الموقف».

وأنا أنصحك تتصل على الأستاذ الفاتح جبرا يوفر ليك فهامة..لو قريت كلام الصوارمى ده ولقيت نفسك مافاهم


ردود على الزول الكان سَمِحْ
Japan [Welli] 03-28-2012 03:51 AM
يا زول جبرة شنو , أقول ليك سلفاكير أعلن قدام أعلي هيئة عندو , و في قاعة كبيييييييرة , و ناس كتاااار , و نقلها التلفزيون بتاعم , و الصور كميات ليهو و للتنابلة في القاعة بصفقوا , و ناسو طلعوا و اعلنوا الكلام ده للعالم كلو, انو قوات الجنوب هي الهاجمت هجليج !!
اها تجي تقول لي الفاتح جبرة ؟؟
و الله دي مكابرة ما حصلت !!
واحد يقول أنا حرامي , ينط ليك واحد يقول ليك لا الحرامي واحد تاني , و يقول للناس انتوا ما فاهمين شوفوا فلان يفهمكم !! ده يسموهو شنو ده ؟؟؟


#317323 [بت الخرطوم]
5.00/5 (1 صوت)

03-27-2012 06:43 PM
انت بفصاحتك وتنظيرك الكثير الا بودى ولا بحيب ما يفوضك انت اصلها عايرة وادوها سوط نشوفك بتعمل شنو


#317271 [kamal]
5.00/5 (1 صوت)

03-27-2012 04:39 PM
وبعدين ياعصمان؟ انتو مودين البلد بالظبط وين عشان نساعدكم ونقصر الطريق وبعدين ياعصمان؟


#317269 [abubakr]
5.00/5 (1 صوت)

03-27-2012 04:36 PM
أها أعصمان متى ترد على مقالة إبن الخال الرئاسي التي كال لك فيها من السباب ما تقشعر منه الأبدان وترتجف منه الولدان. لا بد أن تأثر لكرامتك من الحقير


#317245 [Sudani]
5.00/5 (1 صوت)

03-27-2012 03:43 PM
و الله انت يا عثمان ميرغني تحير !!
تكتب بي ايدك الكلام ده : أنّ تصريح سلفاكير.. الذي نطق به أمام مجلس التحرير (أعلى مؤسسة داخل الحركة الشعبية).. ثم التصفيق الحاد الذي قابل به الأعضاء هذا التصريح.. يعني عملياً إعلان الحرب.
و بعدين داير تعمل فيها عاقل و تكتب لازم المفاوضات تستمر ؟؟
يعني يعلنوا الحرب علينا و نحن نكوس التفاوض ؟؟
و الله أنا حنيت عليك , شكلك ملاوز من الجيش و في نفس الوقت لازم كمان تعاند ناس الطيب مصطفي , طلع لينا الكلام العجيب ده !
حالتك تحنن !!


#317236 [توفيق الصديق عمر]
5.00/5 (1 صوت)

03-27-2012 03:08 PM
يا استاذ عثمان مالكم لا تفهمون ولا تريدون ان تفهموا.
يسافر للحنوب مستوي اقل من البشير كان علي عثمان كان الحاج ادم يعني لازم يقابل مستوي اقل من سلفاكير يعني مشار او باقان . باقان وكان هنا وقدم دعوة للبشير وفومت دنيا المؤتمر الوطني ولم تقعدها
انت نسيت انو سلفاكير لم يعد نائبا للبشير ام ماذا؟
ثم ثانيا الجماعة ديل ما شرحوا لماذا وكيف بدا الهجوم حسب كلام سلفاكير انو الجيش هو الذي بدا الهجوم فالشئ البخلي الناس يصدقوا كلام ناس المؤتمر الوطني ويكذبو الاخر شنو ؟
عندك انت معلومات تثبت العكس هو الصحيح ز


#317168 [TIGERSARK]
5.00/5 (1 صوت)

03-27-2012 01:32 PM
The more i read article for this guy...the more i become certain of his strong connection with the gang of Khartoum...the freedom fighters are exist in Nuba mountains , Darfur, kurdufan , Blue nile and in many other places...they do not launch attacks from South Sudan against the troops and militiamen of albashir as the dishonest writer discribe it...they might get some logistic support from their supporters here and there,...after all they fight to protect their land and families in their own homes
I wonder what is rank of this guy in the regime security forces.....!!!!

SHAME ON YOU TO THE DAY OF JUDGEMENT


#317164 [ودالبلد]
4.00/5 (2 صوت)

03-27-2012 01:25 PM
1`السؤال الذى حير الكثيرين ماذا فى جعبة الدكتور الهارب والذى ما فتأ منذتعيينه نائبا يشد البلاد ويجرها جرا الى الحرب ماهى الاجنده التى عاد بها الى صفوف المؤتمر تصفية حاسابات من الداخل ام انه يطمع فى مذيدا من المناصب فى السودان اتقى الله يا حاج ادم فى الشعب السودانى وتذكر حرب دارفور هل استطاعت آلة الحرب ان تطفيها كنا نعتق ان لك عقل لكن الظاهر الدكتوراه التى تحملها فى عدم الفهم آه آه يا شعب لايقودك الا اقزام.


#317151 [الزول الكان سمِحْ]
5.00/5 (1 صوت)

03-27-2012 01:14 PM
**يا عثمان ميرغنى

***ومالذى يجعلك تجزم بأن دولة الجنوب فعلاً هى التى قامت بذلك الهجوم؟؟ وفضلت تحلل وتنظر؟؟ لحدى الآن هناك لبس فى المعلومات ..وحسب ماجاء فى سردك فإن الناطق ارسمى بإسم القوات المسلة نفى الخبر.

***بقيت نقطة مهمة..هى أن الحركةالشعبية قطاع الشمال هى التى قامت بالهجوم مدعومة بفصائل أخرى

***ثم هناك سؤال طرحته انت..(لماذا أرسلت دولة جنوب السودان وفداً رفيعاً إلى الخرطوم لدعوة الرئيس البشير لزيارة جوبا وعقد (قمة الفرصة الأخيرة)..

أنت تضع نفسك فى مصاف الصحفيين المخضرمين والمحللين السياسيين..فسر ليناوحلل لينا السؤال بالمنطق.

نحن لانستعجل الأحداث فهنك لبث فى الأمور حتى تضح رؤيتها ثم تبان الحقيقة..


ردود على الزول الكان سمِحْ
Japan [Sudani] 03-27-2012 03:47 PM
و الله كلام يحير !
يعني الحركة الشعبية قطاع الشمال هي الهاجمتنا, و سلفاكير يعلن بخشمو و في التلفزيون بتاعو انو قوات الجنوب هي الهاجمتنا !! اسي دي يفهموها كيف !! كدي عليك الله اشرح لينا , يمكن معدلات ذكاءنا متدنية ؟


#317150 [حاجة عجيبة]
5.00/5 (1 صوت)

03-27-2012 01:11 PM
حاجة عجيبة والله....
قلت لينا كيف؟؟ (مفاجأة لم تكن متوقعة.. )
بالله انت رئيس تحرير ... وبعض الفضائيات بتقدمك كمحلل سياسي؟؟؟

هو في قوات بجاي وقوات بهناك يعني المتوقع حيكون شنو ؟؟ سيرة طهور؟؟؟
عالم غريبة و حاجة عجيبة والله...

كدي ورينا كلام كمال حسن بخيت القالو فيك دا شنو؟
وما يكون مفاجأة غير متوقعة ....
حاجة عجيبة والله...


#317145 [علي]
5.00/5 (1 صوت)

03-27-2012 01:03 PM
هو يقول ليك احتليت هجليج انتو تقولو مفاضات يا اخي لو انت خايف خليك بعيد
الناس ده دايره حرب باي طريقه وليست قصة ال35 الف عبد ببعيده
بالمناسبه كلمة عبد ده ما كلامي انا ده كلام باقان


عثمان ميرغني
عثمان ميرغني

مساحة اعلانية
تقييم
8.63/10 (5 صوت)





الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة