03-04-2016 11:18 PM

صديقنا العزيز ورئيس تحرير هذه الصحيفة يحكي لنا ايام اليمن السعيد..عبدالعظيم صالح كان واحدا من الالاف السودانيين الذي هاجروا الى اليمن حينما ضاق بهم الحال..كثير من هؤلاء لم يكن قد وفق أوضاعه القانونية الا ان طيب معشر اهل اليمن كان يتجاوز ذاك الحال..في ذات يوم جاءهم من ينقل لهم الخبر السعيد..ناقل الخبر اكد انه جاء للتو من السفارة السودانية ورأي بام عينيه سفيرنا الأديب سيداحمد الحردلو يتحدث لمجموعة من السودانيين انه التقى فخامة الرئيس عبدالله صالح والذي وافق مشكورا على توفيق اوضاع جميع السودانيين .. هنا فرح الحضور بالخبر وتبادلوا التهاني ..الا ان احد الحكماء سال الناقل الوطني للخبر عن أوصاف السفير الحردلو ..المفاجاة ان الرجل كان يرسم سعد المراسلة المعروف في السفارة بشحمه ولحمه وخدرته المعلومة.
امس الاول كان نائب الرئيس حسبو محمد عبدالرحمن يخاطب مجلس وزراء البحر الاحمر في بورتسودان ..الأخ النائب حسبو تحدث عن مصادفة جمعته مع بيل قيتس في مطار بورتسودان ..وحسب الخبر الذي انفردت بنشره( اخر لحظة) ان اغني رجل في العالم زار بورتسودان بغرض السياحة في ساحل البحر الاحمر..ولو لا مقام نائب الرئيس واجادته اللغة الانجليزية لطلبت منه أوصاف بيل قيتس الذي اعلن بالإمس كاثرى رجل على ظهر البسيطة بثروة تفوق الثمانين مليار دولار .
قبل اشهر اجتهدت الحكومة السودانية غاية الاجتهاد لترتيب زيارة لرجل الاعمال السوداني مو ابراهيم.. حاولت الحكومة استغلال دعوة وجهها الأمين العام للامم المتحدة (لأخينا ود ابراهيم) للمشاركة في مؤتمر دولي عن المعادن بالخرطوم..اعتذر مستر مو واكد ان برنامجه لا يسمح بزيارة الخرطوم في هذا الوقت وبدلا عن ذلك سافر الى دولة غانا في غرب افريقيا..فيما قبل سنوات احتفت الخرطوم بزيارة الامير الوليد بن طلال للخرطوم.. من شدة كرمنا منحنا الامير الثري درجة الدكتوراة الفخرية.
هنا يقفز السؤال كيف فات على حكومتنا ان تستثمر في زيارة بيل قيتس للسودان ..وهل منحته سفارتنا في امريكا تأشيرة دخول دون ان تتبين اهمية ومكانة الرجل..لو لا الظروف المناخية السيئة لما هبطت طائرة نائب الرئيس حسبو ببورتسودان وبالتالي كانت هذه الزيارة التاريخية ستصبح سرا..بالطبع ليس من المطلوب عرض الخارطة الاستثمارية لمؤسس (مايكروسوفت) ولكن الاهتمام بالزيارة وتوثيقها كان سيكون افضل دعاية لبلدنا المتهم بإيواء الارهاب ..على خطى قيتس سياتي آلاف السياح ..بل كان بإمكان الوالي وقتها محمد طاهر ايلا ان يسمى احد شوارع المدينة باسم الرجل الذي تفرغ لاعمال الخير .
بصراحة.. مطلوب باعجل ماتيسر فتح بلادنا امام السياحة.. الان حصول اي مواطن اوربي على تأشيرة دخول يحتاج سلسلة طويلة من الإجراءات ..في خاطرنا ان وراء كل خواجة جاسوس حتى لو كان الزائر في مقام بيل قيتس.
(اخر لحظة)

تعليقات 11 | إهداء 0 | زيارات 3409

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1425079 [ودالفاضل]
0.00/5 (0 صوت)

03-07-2016 05:13 PM
احتمال هو قاصد شاف ( بله دقس ) عشان كده تشابه عليه البقر والبلات ( بله يابله وينو بله لحس الحله ) قال بيل غيتس قال ,


#1424266 [رادار]
0.00/5 (0 صوت)

03-06-2016 06:56 AM
بنتي تعمل في شركة بريكانية كبيرة في دبي وكان زارهم واحد من كبار مدير الشركة في اوروبا وهو إيطالي الجنسية. التقى بنتي صدفة وسألها من أي بلد أنتي فقالت له إنها من السودان وقال لها واو أنصحك أمشي بلدك وتمتعي بالغوص في بورتسودان إنه شيء مدهش. بنتي وعمرها حوالي 24 عاما لم ترى السودان غير 5 مرات وهي لا تعرف من السوجان غير الخرطوم كعاصمة للبلد ولكنها لا تعرف أي شيء عن الخرطوم غير الإسم.


#1424218 [مغبونه]
0.00/5 (0 صوت)

03-06-2016 01:42 AM
غايتو برهنت انك كاتب جبان

لو غالبك تقول حسبو كذاب كان اجسن ما تكتب فى الموضوع من اساسه ولا اقول ليك خت القلم واديه عثمان شبونه

الكتابه دى مسؤوليه ما اى زول بيقدر عليها


#1423961 [faris]
0.00/5 (0 صوت)

03-05-2016 07:06 PM
ههههههههههه
انت الظاهر ملخبط بين النائب الاول بكرى والنائب الثانى حسبو


#1423931 [Abu_Mohammed]
0.00/5 (0 صوت)

03-05-2016 06:26 PM
كضبة ليها ضل.

كيف فات على حسبو ان يعزم الملياردير جبنة او سلات في سلبونا او أبو حشيش؟


#1423820 [زول]
0.00/5 (0 صوت)

03-05-2016 01:24 PM
الحمد لله ما قال ليهم انو كان بيقرأ معاه في الجامعة


#1423811 [عبدالرحيم عيسي]
0.00/5 (0 صوت)

03-05-2016 01:03 PM
إنت قاصد تقول تائب رئيس الجمهورية كذاب وغلبك تقولها عديل يا أخي قول ليه الجااااك وريحنا قال بيل قيتس قال ؟؟؟؟؟؟؟؟؟؟؟؟بيل قيتس بتاع خشمك .


#1423782 [زول]
0.00/5 (0 صوت)

03-05-2016 12:03 PM
يا عبد الباقي حسبو دا لقي ليه خواجة في بورتسودان وسأل منو والجماعة قالو لية دا بيل غيتس وهو صدق لانو ما بعرف بيل غيتس حتى صورته. .


#1423738 [صادميم]
5.00/5 (1 صوت)

03-05-2016 10:36 AM
انت صدقت ولا خايف تقول دللللل الجاك


#1423685 [المندهش]
5.00/5 (1 صوت)

03-05-2016 08:49 AM
كدى قول لنائب االرئيس وصف لينابيل غيتس . يا الظافر اى سائح هذاالذى يسافر الى بلد اقضل مكان فيها هو صالة المغادره


#1423619 [mag]
5.00/5 (3 صوت)

03-05-2016 02:21 AM
بدل بيل قيتس كدي..... بل راسك


عبد الباقي الظافر
 عبد الباقي الظافر

مساحة اعلانية
تقييم
0.00/10 (0 صوت)





الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة