جابت ليها إستحياء؟
05-12-2012 07:16 PM


ساخر سبيل
12 مايو 2012م


جابت ليها استحياء؟

الفاتح جبرا
[email protected]

يقول عن نفسه في لقاء أجرته معه صحيفة الصحافة بتاريخ 4 مايو 2012م ً (أنا اسمي دفع الله حسب الرسول البشير، من «اهلكم الجموعية» في محافظة ام درمان وعضو في البرلمان منذ بدايته وموجود في كل دوراته واعمل استاذا بجامعة افريقيا العالمية في كلية التربية الآن عضو في لجنة العلاقات الخارجية ) !
لمن لا يعرفه فهو العضو البرلماني صاحب المبادرة في إلغاء حفل الفنانة المصرية (شيرين) والذي كان من المفترض أن تحييه بإستاد الخرطوم والذي تزامن مع أحداث هجليج ، الحوار المذكور أعلاه والذي شمل عدة نقاط تستحق كل واحده منها الوقوف عندها طويلاً إلا أن هنالك نقطة مفروض الزول (يعسكر فيها) عديل كده .. إذ أجاب العضو البرلماني عند سؤاله إن كان عدواً للمرأة بقوله :
- انا اتحدى اي زول يقول كدا انا متزوج ثلاث نساء الحمد لله ما زي واحد عمرو 60 سنة ماسك ليه في مرة واحدة وما بستحي.
أي والله – عزيزي القارئ- ومش كده وبس بل أضاف (أكرمه الله) قائلاً (الراجل أصلاً ما مصمم لي مرا واحدة)
كدي تعالوا معاي نمسك حتة (الإستحاء) دي وبعدين نجي لي مسألة (التصميم) .. السؤال الذي يفرض نفسه بالطبع هو (نستحي من شنو؟) وهل مسألة إنو الزول (ما يتزوج كلو كلو خليك من متزوج واحدة دي خاجة بتخجل وتخلي الزول يستحي؟).. وماذا يعيب يا شيخنا (لدرجة الإستحاء) أن يكون الزول ماسك ليهو في مرا واااحده ؟ أليس افضل من أن يكون لدية عدة نساء و(كورجة أولاد) مشتتين هنا وهناك ؟ وكيف يتسنى لهذا (البستحى) أن يقوم بالإشراف على هذه الأسر جميعها والتعرف على مشكلاتها ومتابعة سلوك أفرادها؟ خاصة في هذا (الزمن الردئ) الذي تصعب فيه إدارة الأسرة الواحدة ؟
ألا توافقني يا شيخنا بان الإسلام يدعو إلى الاسرة القوية المتماسكة وأن هذه الدعوة (الآن) لا يحققها (مع مشقة) إلا (الزول الماسكك ليهو في مرا واااحدة) خاصة في هذا الزمن الممحوق حيث اليوم أصبح بضع دقائق .. والغلاء الفاحش (طلب الفول بخمسة ألف) والدخل المتدني (إن وجد) !
يا مولانا ... تعرس تلاته تعرس سطاشر دي حاجة بتخصك إنتا لكن نحنا نعرس واحده نعرس (نص) ليس من حقك أن تطالبنا بالخجل والإستحاء فنحن يا شيخنا – بإفتراض أيماننا بالفكرة- لسنا (نواب برلمانيين) ومخصصاتنا (الما هية؟) بالكاد تكفينا (لحدت يوم خمسة) .. لا تعرف موائدنا اللوزينج والفلوذج والثريد .. نحاول ألا يمرض واحد من الاسرة (الواااحدة دي) حتى لا تنكشف سوءة (فقرنا) وخلو (أرصدتنا) بل (ثقوب جيوبنا) وعند الأعياد (نشيل هم) ملابس أطفالنا الذين لا يتعدون نصف أصابع اليد الواحدة (النص رضيع وكده) .. أما عن (خروف الأضحية) فقاعد (يجرسنا عديل كده) .. فما بالك لو (تلاته خرفان) رعاك الله ؟ وبعد ده كلو القصة جابت ليها (إستحياء) !
لا شك عندي أن الراغبين في التزاوج مع أكبر عدد من النساء لهم في تبرير رغباتهم هذه صور شتي وهي تبريرات كلها فطيرة (وما بتخش الراس) فهم مثلاً يقولون أنهم بذلك يساهمون في تدني نسبة العنوسة مع إنهم لا يتزوجون ممن فاتهم القطار بل ينتقون صغار السن من الأتراب الكواعب ! وبعدين لو أصلو القصة تخفيض نسبة عنوسة مش كان الأجدي بهم أن يقوموا متبرعين بأموال (زيجاتهم هذه) لتزويج أقربائهم أو جيرانهم من الفتيان الذين لا يستطيعون (الباءة) !
عزيزي القارئ .. نجي لحتة (التصميم) إذ أفاد العضو البرلماني (طبعن بعد إطلاعه على الكتالوج) بأن الراجل أصلاً ما مصمم لي مرا واحدة وهذا لعمري زعم (غريب وعجيب) يتطلب منا الرد عليه بصورة لا تؤثر على الهيكل المعدني الذي يغطي عجلة تغيير السرعة حتى نمنع إنزلاق المكابح فيتأثر (الدفرنش) !!
كسرة :
قال أيه (تصميم الراجل) ... هههههه .. والله يا مولانا إنتو لو عاوزين تبرروا ليكم حاجه ما بتعدموا التبرير !!

كسرة ثابتة :
أخبار خط هيثرو شنو(ووووو)؟

تعليقات 41 | إهداء 1 | زيارات 9066

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#362782 [ام الحسن]
5.00/5 (1 صوت)

05-14-2012 06:56 AM
تصميم شنوووو...ماتسمع الجعجة الفاضية دى ساى ...وحاتك ده دافرها بالفياجرا ...والماعندو حق الفياجرا ليهو الله وعيشة السوق...اصبر عليهو بتسمع بيهو بعد شوية دخلو وهو بشخرالعناية المركزة وسلامة قلبك يا استاذ


#362778 [ام محمد]
5.00/5 (1 صوت)

05-14-2012 06:44 AM
فان خفتم الاتعدلو فواحدة..ولن تعدلو وان حرصتم...معنى الايات واضح وهو ان الاستبقاء على واحدة اكثر مأمنا من الوقوع فى فخ (استحالة العدل) بنص الاية...معنى الآيات يذكرنى بالشركات التى تبيع السجائر وتكتب على العلبة بالاحمر التدخين يضر بصحتك...اما اذا كانت القدوة بالرسول (ص)فى مسألة التعدد فان الرسول لديه grantee ليس لسواه من البشر وهو وعد المولى عز وجل له(قد غفر الله لك ماتقدم من ذنبك وما تأخر).


ردود على ام محمد
United States [ود الحاجة] 05-14-2012 12:20 PM
ياأم محمد لا تفتي في الدين بغير علم فأجرأكم على الفتوى أجرأكم على النار أما قوله تعالى " وَ‌لَنْ تَسْتَطِيعُوا أَنْ تَعْدِلُوا بَيْنَ النِّسَاءِ وَلَوْ حَرَصْتُمْ فَلَا تَمِيلُوا كُلَّ المَيْلِ فَتَذَرُوهَا كَالْمُعَلَّقَةِ).. (النساء: 129) "،أجمع المفسرون على أن معناه :أن من كان متزوجا اكثر من امرأة لايستطيع أن يسوي بينهن في المحبة القلبية والاستمتاع بالجماع وما دونه وليس معناه أن الرجل لايستطيع أن يعدل في النفقة والمبيت بين نسائه . فالعدل المنفي في الآيةإنما هو العدل القلبي، إذ الأمور القلبية خارجة عن إرادة الإنسان وطاقته، فلا يتأتَّى العدل فيها و العدل الواجب هو في النفقة و المبيت و الامور الحسية و الوطء و ليس الاستمتاع بالوطء.

ومن ثَمَّ كان النبي ـ صلى الله عليه وسلم ـ يقول بعد أن يَقسِم بين نسائه في الأمور الظاهرة من النفقة والكسوة والمبيت: "اللهم هذا قَسَمِي فيما أَملِك فلا تُؤاخذني فيما تَملِك ولا أَملِك" يعني أمر القلب فأمر القلب هذا هو الذي لا يُستطاع العدل فيه، وهو في موضع العفو من الله تعالى، فإن الله جل شأنه لا يُؤاخِذ الإنسان فيما لا قُدرَةَ له عليه، ولا طاقة له به.


ثانيا : الا تستحين من تشبيه الية الكريمة بشئ خبيث مثل الدخان و بفعل شياطين البشر؟
استهدي بالله و خليك من الغيرة الزائدة


#362751 [KHIDER]
5.00/5 (1 صوت)

05-14-2012 03:19 AM
أثنين اشاكلوا فى شابة جميلة جدا قالت ليهم كل زول يدينا نبذه قصيرة عن نفس
الاول قال ليها أنا الدابى أنا الاسد أنا الصقر أنا ود المك نمر أنا و أنا... قاعد يشكر فى نفس
الثانى قال ليها أنا البجيب مرسدس أنا البجيب الشيلة بالدست أنا الما بياكل ويكة طباقة النـيـ..... فى النـيـ ....
قالت للأول خلاص أنت أمشى هجليج حارب لينا
قالت للثانى شرطى أنو حق يصلنى أن شاء الله تكون معرس ميه


#362745 [محب الأكواز .. !]
5.00/5 (1 صوت)

05-14-2012 02:39 AM
ما أستغرب له أخونا جبرة .. ليس تسطح عضو البرلمان حسب الرسول أو جهله أو سذاجة تناوله لأمر مجتمعي كعلاقة الرجل بالمرأة أو الزواج أو ضرورة رعاية أسرة معافاة و أبناء أصحاء يهتمون بدراستهم و يجدون من يلقنهم السلوك و الخلق و المبادئ .. ليس هذا الفكر و الفهم الضحل بمستغرب أو نادر بين مسؤولي و وزراء و مستشاري و متنفذي حكومة الإنقاذ .. فهذا ما عرف فيهم و عنهم .. حكومة يعرض عليها مراجعها كل يوم نجاوزات التصرف في المال العام و النهب و أكل السحت و يطلب رئيسها شاهداًً و دليلاً علي وجود فساد !.. حكومة يصرح وزير ماليتها أن هنالك بدائل للبترول اليوم وفي الغد ينصح الناس أن يعودوا لأكل الكسرة ثم يراهن علي تصدير ( النبق ) .. لمامة قاعدون أقزام محرومون وجدوا السلطة و المنصب و الجاه فماذا نتوقع منهم .. ؟ و لكن الغريب أن لا يعلم كل ذلك مثقف و صحفي مثلك .. يفاجأ بتصريح هذا الذي ( حسب الرسول ) و يفرد مقالاً و بكل هذه الجديّة ليبرز للقارئ خطله و قلة عقله ؟ و مافي داعي للكسرة .. !


#362626 [azoz]
5.00/5 (1 صوت)

05-13-2012 09:46 PM
الناس ديل دسو مننا الكتلوج ولا شنو


#362553 [اللمبك]
5.00/5 (2 صوت)

05-13-2012 07:44 PM
فى ذمتك اااالسيد العضو لو دفعولك نص دخل حفلة شيرين كان بكون ده موقفك..؟؟؟ قلت لى الراجل مصمم على كم مرة؟؟؟ومنكم نستفيد....صحى المابختشوا قاعديييييييين.


#362533 [ود كترينا]
5.00/5 (2 صوت)

05-13-2012 06:59 PM
أستاذ جبرا..أول حاجة زولك ده هو عضو المجلس الوطنى(مايكون كمان عضو عن دايرتكم)..وبعدين هو عضو لجنة العلاقات الخارجية بالمجلس الوطنى..تخيل البلد والبرلمان قايم وقاعد وزولك عضو لجنة الشئون الخارجية قال التصريح ده بعد أيام من هجليج..يعنى الراجل بدل يقعد يطلع كرتى من الورطة بتاعت مجلسالأمن واللى خلت كرتى بقى قدام الدنيا زى السمسمة..عمك دفع الله ولاعليهو..عضو لجنة العلاقات الخارجية قال!!!طبعا هو ذاتو قبل 3 أيام ماحضر جلسة المجلس الوطنى الاتكلم فيها كرتى عن قرار 2046 بتاع مجلس الأمن..هو ماجا ..لأنو مشغول مع التلاتة..الراجل لابنوم ليل ولانهار..عايز يعمر الدنيا..وهو ذاتو لما قال( الواحد عمره 60 سنة وماسك مرة واحدة مايستحى!)..بس انت هنا فهمتو غلط..يعنى هو قاصد القدرة الجسدية!!!وهوذاتو لأنو عتدو 3 حريم وراجل عضو مجلس وطنى..يعنى من المدسترين..راتبه وحوافزو ومخصصاتو مضروبة فى 3..لأنو ده حسب اللوائح الداخلية للمجلس الوطنى..وبعدين قال أم كلثوم سبب نكسة يونيو..وزرياب سبب سقوط الأندلس..بس ماقالينا منو من فنانينا هنا سبب سقوط هجليج!والراجل حلف طلاق بالتلاتة..والرابعة الجاية فى الطريق.. انو (أم شرين)تانى ماتغنى فى السودان ولا حتى ماتمر بالسودان ترانسيت لو ماشة العمرة..وقال وجه تحذير لقناة النيل الأزرق والشروق لأنو كرعين البنات المذيعات ظاهرة فى الشاشة..(يعنى عندو 3 ولسة بتفرج)!..أنا بس أعرف بيتو وين..عشان أمشى أسأل الصيدلى جارو...!!!!!!!!!!!


#362527 [شامبيون]
5.00/5 (1 صوت)

05-13-2012 06:48 PM
الاخ جبرا واستناذنا المبجل لك التحيه لدى مداخله من عدة اوجه
الوجه الاول ان الاستاذ المحترم نائم برلمانى بعنى مرطب مقضيها كووولها نوم وباين ما بصحى الا لما باقى النوام يصفقوا لقرارات (الطاهر ) اقصد الرجس طبعا نوم وترطيبه مع مخصصات عاليه بتخلى زى التيس ده مايفكر الا زى باقى الجماعه ذوى التهج التعددى بدايه بالرقاص واتهاءا بتيس افريقيا ده
الوجه الثاتى قطع شك الاستاذ ده اثناء تحصيله العلمى درس علم نفس تربوى ومر على موضوع اثر هرمون التيسترون ( هرمون الذكوره او الرجوله) على سلوك الرجل حيث ثبت علميا ان الرجل يولد بهذا الهرمون ويبدا هذا الهرمون فى النشاط لدى الرجل على مر السنوات حيث يصل زروته عند سن الاربعين ويبدا فى التناقص مما يجعل الرجل يتحسس من هذا النقص حيث تقل عنده الرغبه فى النساء والجنس وحينها ليقوم بالتغطيه على هذا النقص وهو احساس داخلى يبدا فى الاتبان باغعال من قبيل المعاكسه والتعدد فى الزواج او جتى الاتجاه للتجارى كل ذلك ليثبت لنفسه انه ما زال بخير وتسمى هذه المرحله ( المراهقه المتاخره ) فالراجل يبدو انه بتحركه عقده التيسترون
اما مساله التصميم دى باين انه صتاعه انجليزيه ونحن صتاعه صينى او تايوان يا اخى عليك الله فكونا قال الرجل مصمم على التعدد ده راجل ولا ديك


#362462 [فيصل]
5.00/5 (1 صوت)

05-13-2012 05:12 PM
مع انهم لا يتزوجون ممن فاتهم القطار . مفروض تكون ممن فاتهن القطار .


#362320 [سمبلة]
5.00/5 (3 صوت)

05-13-2012 02:49 PM
فضحتونافي الدنيا كلها الله يفضحكم ، عليكم الله لما الناس تقرا كلام الاستاذ الجامعي وتشوف مستوي تفكيره المنحط ، حتتعامل كيف مع كل السودانيين المشتتين في الدنيا كلها ، الله يفضحكم زيادة علشان خلاص وصلنا لنهاية طاقتنا علي احتمال القرف


#362300 [ياسين]
5.00/5 (1 صوت)

05-13-2012 02:33 PM
البروف مصمم
Four wheels drive
انتوا زعلانين ليه بعدين برستيجو ما بسمح باقل من 4 في عيون العدو والله يوقفو على كدة عشان بكرة ما يقول لينا ما ملكت ايمانهم ديل اكيد بعلموا الطلبة عدم جواز الصلاة لحامل قربة الفساء والوضوء بدون ماء والتيمم على الرمضاء


#362288 [وليد العمدة]
5.00/5 (1 صوت)

05-13-2012 02:19 PM
سلامات لي نا هيثرو :

اصلا الناس ديل غير مؤاخذين يفعلون ما يريدون


#362285 [عشكبه]
5.00/5 (2 صوت)

05-13-2012 02:14 PM
ياأخوانا الكلام ده ما واااااااضح (( العضو)) برلماني وكده ..والاعضاء البرلمانيه دي لا يمكن تصميمها يكون لي واحده بس ياجماعة الخير لااا تضيقوا واسعا !!!أريتك بالكلب اليعضيك ياالعضو البرلماني !!


#362278 [جادون]
5.00/5 (2 صوت)

05-13-2012 02:05 PM
هذا الشيخ، وان لم تعلموا...... فهو اقرب الى المهرج، منه الى الشيخ العالم الوقور،... والقلم قالو مابزيل بلم..........؟!


#362211 [AMEIR]
5.00/5 (2 صوت)

05-13-2012 12:54 PM
حليل التعليم العالي يا مصيبتنا الكبيرة في الجيل القادم والله ده عندومقياس للرجوله غريب جدا كان حقو يخضعو لمزيد من الابحاث علشان يأخد جائزة نوبل في الهبالة و برضو تقولو الاننتخابات ما مخجوجه


#362189 [أم محمد]
5.00/5 (1 صوت)

05-13-2012 12:37 PM
يعتبر أستاذة الجامعات علماءفحقاهذا
رأى أستاذ جامعي الله يكون في عون من يتلقون
علمه من يتعامل مع المرأة بهذه الطريقة
فهو بالتأكيد لا يثق بنفسه متابعة الافكار
التي تجيب من غير دراية واجبة ياأستاذ جبرة حتى
لا نخرج أجيالا ضالة الطريق


#362166 [عوض محمد احمد]
5.00/5 (1 صوت)

05-13-2012 12:23 PM
اخوى الفاتح متعك الله بالصحه والعافيه وربنا يخليك من المصممين على اكثر من زوجه وكمان يجعلك من المنسبين لعضويه البرلمان لكل دوراته حتى تكون ممن يكونون مصممين على الزواج باكثر من واحده - فقروش البرلمان كتيره يعنى ممكن تضرب كويس وتجيب الكافيار ومشروبات الطاقه لزوم التصميم لثلاث ورباع ويمكن يكون لديك الاستعداد المادى لزيارة اكبر استشارئى (-------) واحدث انواع المقويات من فياجرا وتوابعها مش حاتكون عضو برلمانى ومرطب - لوحصل ليك ده انا متاكد حنشوفك فى لقاء تلفزيزنى مع احمد البلال مدافعا عن الثلاثه والاربه ويمكن كمان زياده شويه تحت تحت لك تحياتى سمعت جديد عن اخبار هيثرو وجماعة شركة الاقطان وجماعة الحج والخمسي الف دولار بتاعت الفادنى ان جاءك خبر كلمنا وما اعتقد حايجيك شى


#362160 [noor]
5.00/5 (1 صوت)

05-13-2012 12:19 PM
if he is a member in the Parliament ask him to discuss the peoples problem poverty,water electricity ,sickness ......etc


#362133 [ubedallawd]
5.00/5 (1 صوت)

05-13-2012 11:46 AM
ههههه هولاء اعداء المراءة واعداء الوطن والمواطن وهذا حضرة النائم وليس النائب زوول لهاط وبس في اي شي النسوان اموال الشعب حتي الدرجات العلمية لهطوها اخوانا الصحابة انا داير ماجستير انا داير دكتورررررررررراة في اصول الدين عشان اذل ليكم الملحدين والشوعين ووقف ليكم ناس الحفلات الشيرينات وداير لي مقعد في البرلمان الي يوم القيامة
كسرة
ياشخينا عندنا ليك مرة رابعة من الكواعب الاتراب يلا علينا جااااااااااي


#362117 [ابو سامي]
5.00/5 (1 صوت)

05-13-2012 11:36 AM
قال تصميم الراجل وخاصة لو كان هذا الراجل محاضر في جامعة افريقيا العالمية وبياخد مرتب ومخصصات ومتفرغ لحريمه ( اقصد متفرغ للبرلمان ) بياخد مرتب عضو برلمان ومفرغ لعضوية الحزب ومفرغ منعضوية الحزب لهيئة علماء السلطان .............طيب دي اربعة مرتبات ومخصصات غير حركةالسوق والشركات المخفية ما لازم يتزوج وكمان ينزل من الحريم من ظهرت عليها علامات الاستعمال ما هي زيها زي العبية حسب الموديل وكدا


#362102 [فخرالدين عبد الجبار]
5.00/5 (1 صوت)

05-13-2012 11:21 AM
يجب علي النائب دفع الله البشير ان يعلم ان كل الناس لا تشملهم سياسة التمكين اللعينة - وليس كل الناس حركة اسلامية حرامية و جبانة - وليس كل الناس مستفيدين من فقه السترة و برنامج حماية الفاسدين المرافق له -و كان الافضل له ان يتزوج الحور العيين اذا جاهد و استشهد في غزوة تبوك اقصد رمبيك


#362084 [د. ام العيال]
5.00/5 (1 صوت)

05-13-2012 11:03 AM
السلام والتحية والاكرام بروف جبرا، ذكرني هذا الشيخ بزوجي وابو عيالي عندما جاء الى البيت وهو مندهش " او سعيد" لا ادري ؟؟؟ عن مقابلته لاحد الشيوخ من معارفه ومن منتسبي الانقاذوهو عريس "جديد لنج"!!!!! ويمضي ابو عيالي في وصف الشيخ وتمخطره في المول مع العروس العشرينية البادية الحسن والجمال وكيف ان عمره يبدو كمن نقص عشرين عاما!!!! وبينما هو يحكي حاولت انا ان اعطي انطباعا قوياوسلبيا على الموضوع ، فطفقت اردد " عيب العدو ، عيب العدو" فيبدو انه زهج جدا من تعليقي فاجابني " والله عيب العدو نحن القاعدين لينا مع مرة واحدة 25 سنة" !!!!!


ردود على د. ام العيال
United States [ابو طارق] 05-14-2012 01:59 PM
واله يا ام العيال شرطة مصارينا بالضحك وزوجك كلامو مية المية صدق


#362076 [يوسف الشريف -جدة]
5.00/5 (1 صوت)

05-13-2012 10:58 AM
كما ذكر الاخ الفاتح جبرة انه الشيخ العزيز الذي يتكلم عن التعددية ان الامكانيات المتاحة لهم المفروض ان يزوجو بها اقاربهم الغير مستطيعين .......وموضوع تبريراتهم ذكرتني قصة ....مفتي مصري ساله جاره قائلا يامولانا انا لدي حائط قد بال الكلب عليه .....فرد الشيخ .....هذه لازم تتبني وتتهد سبع مرات ....فرد السائل ياشيخنا هذا الجدار الذي بيني وبينك ....فقال... الشيخ قليل من الماء يطهرها


#362059 [nader]
5.00/5 (1 صوت)

05-13-2012 10:35 AM
يا جبرا بالبنانى الراجل ده ( نسونجى ) يعنى حتى اهتماماتوا فى المجلس تدور حول ختان الاناث وحفل شيرين وفنانات اغانى واغانى وكده يعنى هو مصمم ومصمم دى جايه من كلمته تصميم الرجل العباره انه مصمم اكون نسونجى هل سمعته بالغلط يتحدث عن مشروع اهله الجموعيه غايتو ان بديت اشك انه جموعى لانى اعرف القوم ديل جيدا وانه المسائل تلكم ليست من اهتماماتهم


#362003 [الحسن فاروق]
5.00/5 (1 صوت)

05-13-2012 09:36 AM
المذكور فاز عن المؤتمر الوطنى فى إحدى دوائر أمدرمان الجنوبية, لكنه ٌٌُُُوٌُجد بالدليل الثابت أنه صوت فى مركزين بنفس إثبات الشخصية


ردود على الحسن فاروق
United States [عثمان سليمان] 05-13-2012 01:15 PM
ياالحسن يافاروق ما قاليك الراجل أصلاً مصمم عشان يعرس أكتر من إمراة واحدة و هو معرس من 3 نسوان يعنى الراجل برضو كتر خيرو صوت فى مركزين بس و بعدين ياالحسن بعد ما طلعت لينا من الموضوع حسى نحنا نصدق منو إنت و لا على كرتى اللى أقسم قدام الدنيا كلها و قال الإنتخابات ما مزورة غايتو يا شيرين بالغتى!!!!!!!!!!!!


#361987 [ود عويضة]
4.00/5 (2 صوت)

05-13-2012 09:26 AM
كبر دماغك يا راجل ( الحكاية بزنس ) ديل تجار فياغرا


#361924 [M. Ayyoub]
5.00/5 (1 صوت)

05-13-2012 08:46 AM
الرد على هذا النائب عند حمدونة بنت الرشيد يا جبرا (ودي حقو تعملها كسرة متحركة)
من كتاب نواضر الأيك للإمام الحافظ جلال الدين عبد الرحمن أبي بكر السيوطي المتوفي في 911 هـ تحقيق وتعليق طلعت حسن عبد القوي طبعة دار الكتاب العربي بدمشق صفحة 38 :
... وقال أبو الجاموس البزاز مضيت وأنا غلام مع استاذي إلى باب حمدونة بنت الرشيد ومعنا بز (أي حرير) نعرضه للبيع فخرجت إلينا دقاق تقاولنا في مرج (أي تحاورهم بخلاعة) وفي يدها مروحة على أحد طرفيها منقوش: الحر (بفتح الحاء) إلى أيرين أحوج من الأير إلى حرين كما أن الرحى إلى بغلين أحوج من البغل إلى رحيين ... أ. هـ )


ردود على M. Ayyoub
United States [ود الحاجة] 05-13-2012 05:00 PM
الحر (بكسر الحاء ) يا Ayyoub أي العضو المؤنث و الحر عكس الأير و كله كلام قلة ... عشان كده أبيت تشرحو و لا أنا غلطان .

طبعا هذا الكلام المنقوش على المروحة غير صحيح .

ملاحظة :أغلب الاخبار المذكورة في هذه الكتب لا يوجد ما يؤكد نسبتها الى علماء مثل السيوطي

United States [عبد الواحد المستغرب اشد الاستغراب!!] 05-13-2012 03:31 PM
(ايرين أحوج من الايرالى حرين كماأن الرحى الى بغلين أحوج من البغل الى رحيين000أ0ه) يعنى يا ايوب إنت شايف نحن ناقصنك ؟ يعنى ما بديت كويس تقول الكلمه ومعناهانقلا عن ابو جاموس البزاز ولا جات على السطر الاخير وغلبك تترجم ويبدو لى إنك نقلة كلامك من كتاب مفقود منه صفحه00والكلام الاول كله كوم والجمله الاخيره كوم تانى خالص والرجاء من كان معه نسخه مكتمله ان يوافينا بشرح الجمله الاخيره لانها من الواضح ان لها معانى خطيره وطبعا نحن يستهوينا كل ما هو ممنوع او غير واضح وخلوا عمكم إستاذ الجامعه يحك (عوينو) أى نسائه حسب تعريف (ابو ايوب الزمخشرى بتاع هنا!!) ونحن نحك كلام ابو الجاموس البزاز والله يكون فى عون الحريم بمختلف تعريفاتهم اللاتى لهن القدره على إحتمال البلاوى!!0


#361918 [زول قرفان]
5.00/5 (2 صوت)

05-13-2012 08:42 AM
العرس سمح بس الواحد الا يبقى كوز عشان يعرس اتنين ولو تلاته الا كوز شديد وطبعا اربعه دى الا كوززز شدددددددددييييييييييييد


#361842 [سامر المدنى]
5.00/5 (2 صوت)

05-13-2012 06:41 AM
نجي لحتة (التصميم) إذ أفاد العضو البرلماني (طبعن بعد إطلاعه على الكتالوج) بأن الراجل أصلاً ما مصمم لي مرا واحدة وهذا لعمري زعم (غريب وعجيب) يتطلب منا الرد عليه بصورة لا تؤثر على الهيكل المعدني الذي يغطي عجلة تغيير السرعة حتى نمنع إنزلاق المكابح فيتأثر (الدفرنش) !!
كسرة :
قال أيه (تصميم الراجل) ... هههههه .. والله يا مولانا إنتو لو عاوزين تبرروا ليكم حاجه ما بتعدموا التبرير !!

تسلم ويسلم قلمك يا أستاذجبرة ,, قالوا البيستحوا ماتوا .. الشرزمة دى ما بتستحى حتى من نسوانها خليك من الشعب السودانى الفضل ,, وزولك ده مكنته تايوان ومافيه حاجة وكالة ومضروب بالشبشب علشان كده بيتراجل بالكلام بس ,, ربنا يمد ليهم فى البيسووا فيه ده ويأخذهم أخذ عزيز مقتدر ان شاء الله


#361791 [sudanniiii]
5.00/5 (4 صوت)

05-13-2012 12:56 AM
إنشاء الله أمر الله أتي على دجالين الموتمر الوثني الذين أحلوا الحرام و حرموا الحلال و أصبح لهم فرعون

فرعون و عمر البشير الفرعون و القاسم المشترك بينهما
استراتيجية حكم فرعون حيث و عمر البشير
1/ سياسة فرق تسد و الأية من القران
في بداية الأمر يخبرنا القرآن الكريم عن استراتيجية حكم فرعون حيث يقول ”إنَّ فرعون علا في الأرض وجعل أهلها شيعًا، يستضعف طائفة منهم.. (القصص)“ وهذا الأسلوب (جعل أهلها شيعًا / فرق تسد) هو من أهم أساليب تثبيت دعائم السلطة ونظام العلاقات داخلها وخارجها. وإلى جانب هذا (العلو)

2/ الطغيان و الأية من القران

فهناك معالم أخرى لحكم فرعون ممثلا لجميع الأنظمة التسلطية، وهي الطغيان والعناد والاستكبار، حيث قال تعالى
”إنَّه طغى (طه)“ ”واستكبر هو وجنوده في الأرض بغير الحق (القصص)“ إلى غيرها من الآيات التي تؤكد هذا المعنى الجلي، وهذا بطبيعة الحال ليس بغريب أن يطغى على طبيعة علاقة هذا النظام بمحيطه الخارجي فهو نظام ذاتي سلطوي.

3/ تحويل الصراع إلى مسار ذاتي، ليظفر به الأقوى جاهاً والأكثر سلطة، وذلك عبر الحديث عن الفضائل والإنجازات أمام هذا المفضول.
اعطيناهم بلد كاملة مع بترولها و لكن ما بفهمو و كلام من هذا القبيل و الحشرات

عليه وحديثه عن فضائله التي أسداها له قائلا ”ألم نربك فينا وليدًا ولبثت فينا من عمرك سنين (الشعراء)“
وحين لا تنفع السخرية ولا تجدي يرتفع مستوى التصعيد إلى التخويف والتشكيك حيث ”قال إن رسولكم الذي أرسل إليكم لمجنون –
فرأى أنَّ أفضل وسيلة هي التهديد المباشر بالسجن -وغير المباشر بالتخويف منه واستخدام الآلة الإعلامية ضده -.

التخوف من تغير النظام
4/وبعد ذلك يقوم المحيطين بالمستبد من حاشيته والمستفيدين من أنظمة العلاقات الداخلية بالمال والمناصب، بضمان استقرار مكتسباتهم وميزاتهم، حيث يحرضونه قائلين
”أتذر موسى وقومه ليفسدوا في الأرض ويذرك وآلهتك (الأعراف و كان رد فرعون
فردَّ عليهم ”سنقتل أبناءهم ونستحيي نساءهم وإنا فوقهم قاهرون (الأعراف)
القتل التشريد الإغتصاب و التعذيب التجويع و .....

5/ المصير عند الله للظالمين
هكذا يُصَوِّرُ فرعون وجنوده – أو يتصور – الموقف بينهم وبين الحق ورسالة موسى، حيث يصف على الدوام ويرى نفسه بأنه هو القاهر والأقوى، بالإضافة إلى استكبارهم في الأرض بقوتهم ونظامهم وسلطتهم. وفي حقيقة الأمر هذا موقف محوري من مواقف العبرة والاتعاظ، فكل شيء طبيعته إلى الزوال. فكم حاله معبر من يكون في فترة معينة حديث الجميع، ثم بعد مدة بسيطة جدًا في نظر التاريخ لايبقى من كل هذا الحديث شيءٌ سوى العظة والعبرة والتدبر في هذا الزيف والكفر بالنعمة حينما وضعت في غير موضعها. الناس داخل هذا النظام السلطوي لايستشعرون كم هي سريعة حركة التاريخ وكم هو قريب جدًا هذا السقوط لأنهم يرون حولهم قوة لا تضاهى، ولكن سنن التاريخ لا تستثني أحدًا. ولو تأملنا، فكثير من قصص القرآن تدور حول تفسير هذا الانحدار والتحول.

6/ ثم يعلن فرعون حملة تضليل إعلامية واسعة على الشعب مع ملاحقة أمنية واسعة لهؤلاء المتآمرين بحد قوله
”فأرسل فرعون في المدائن حاشرين (الشعراء)“ تحت شعار ”إنَّ هؤلاء لشرذمة قليلون وإنهم لنا لغائظون وإنا لجميع حاذرون (الشعراء)

7/ تحقير الشعب ( الحشرات .... الحشره الشعبية .... الخونة و المارقين
وقال فرعون ذروني أقتل موسى وليدع ربه إني أخاف أن يبدل دينكم أو أن يظهر في الأرض الفساد (غافر)
وهكذا يستمر فرعون في تحقير شعبه وازدرائه لهم ولعقولهم، حيث يحدثهم عن حمايتهم من المخربين والمفسدين
ففرعون يبرر أفعاله بأنه يخشى من اختلال الأمن أو تغير الأفكار وهاتان الحجتان في حقيقة الأمر ليست سوى حجتا جميع الأنظمة السلطوية لتبرر بها مجازرها الأمنية ضد قطاعات من الشعب في دار فور جنوب كردفان و النيل الأزرق (أمة بني إسرائيل) ليحصل بها على أرضية للتأييد والدعم.

8/ ويعلن فرعون على الملأ عن قانون السلطة الذاتية الخالد قائلا .. الزرعنا غير الله يقلعنا .. الحس كوعكم ..
ما أريكم إلا ما أرى وما أهديكم إلا سبيل الرشاد (غافر
فلا رأي فوق رأي فرعون، لماذا؟ لأن رأيه سديد دومًا وأبدًا، ولايمكن أن يخطئ أو يأتيه الباطل من بين يديه أو من خلفه. فحينما يقول، فكلامه الحق، وحينما يختار فاختياره الصواب. وأي خروج عن هذا الرأي يعتبر مؤامرة وانتهاكًا أمنيًا وتحركًا مشبوهًا يستحق به أعلى درجات العقوبة.

9/ واستمر فرعون في إعلان استعباده للناس وملكيته لهم مناديًا فيهم
قوم أليس لي ملك مصر؟ وهذه الأنهار تجري من تحتي؟ أفلا تبصرون (الزخرف)
هنا يتوقف القرآن وقفة مهمة في بيان سر آخر من أسرار العلاقة والخضوع لهذا النظام السلطوي الداخل، حيث يقول ”فاستخف قومه فأطاعوه إنهم كانوا قومًا فاسقين (الزخرف)

10/ فرعون و جنوده
، فالوزر لا يمكن أن يتحمله فرعون فقط، بل إن الأفراد -والشعب- يتحملون مسؤولية كبيرة باستخفافهم وخضوعهم وتحييدهم للأسئلة العقلانية حول ما كان يفعله فرعون بهم، وكأنَّ خفة عقولهم وخضوعهم التام ثمن لحيازة المناصب والمال والاستفادة من هذا النظام السلطوي القائم، فلذلك حُق عليهم وصف الفسوق، وحق عليهم الغرق كذلك.
خاتمة
هذا دراسة سلوك أي جماعة سلطوية ذاتية هو عبارة عن دراسة في كل الجماعات كظاهرة واحدة لا ظواهر متفرقة، فالملامح التي نجدها في جماعة ما ولا نجدها في الأخرى لا يعني أن الجماعة الأخرى بريئة منها، بل هو ملمح كامن في خطابها وينقصه اللحظة المناسبة لا أكثر. وبهذا تتأكد أهمية بذل الجهود الحثيثة في الحفر في خطابات الجماعات السلطوية وبذل الجهد في تشريحها ونقدها لتمهد الطريق إلى نظريات أكثر صلة بالواقع.

الفرعون و آل فرعون
ثلاثة ملامح من العلاقات في الجماعات السلطوية، علاقة الذات بالجماعة، وعلاقة الجماعة بالتراث والمعرفة عمومًا، وأخيرًا علاقة الجماعة بالمحيط. فعلاقة الذات بالجماعة هي علاقة فخر وحماية للجماعة لتحقيق منجز ذاتي، وعلاقة الجماعة بتراثها وبالمعرفة من حولها هي علاقة تهميش وانتقاء متحيز لتعزيز المُدرك الذي يميز الجماعة، وأخيرًا علاقة الجماعة بمحيطها الخارجي هي علاقة تمايز واستعلاء لتعزيز السلطة والفخر.

لا تدري لعل الله يحدث بعد ذلك أمرا . و أمر الله قادم لا محال و مصير الطغاء معروف و اصبحوا أمثال على مدار التاريخ البشري
و لكن لا يتعلمون و لا يتعظون .. و يقول الله تعالى ...و أملي لهم إن كيدي متين»:

وقوله : ( سنستدرجهم من حيث لا يعلمون ) يقول جل ثناؤه : سنكيدهم من حيث لا يعلمون ، وذلك بأن يمتعهم بمتاع الدنيا حتى يظنوا أنهم متعوا به بخير لهم عند الله ، فيتمادوا في طغيانهم ، ثم يأخذهم بغتة وهم لا يشعرون .

وقوله : ( وأملي لهم إن كيدي متين ) يقول تعالى ذكره : وأنسأ في آجالهم [ ص: 562 ] ملاوة من الزمان ، وذلك برهة من الدهر على كفرهم وتمردهم على الله لتتكامل حجج الله عليهم ( إن كيدي متين ) يقول : إن كيدي بأهل الكفر قوي شديد .
الأيام دول و .. لكل أجل كتاب.. ( فإن مع العسر يسرا ( 5 ) إن مع العسر يسرا ( 6 ) ) انها سنة الله في خلقه


وقال الحسن لما نزلت هذه الآية قال رسول الله - صلى الله عليه وسلم - : " أبشروا ، قد جاءكم اليسر ، لن يغلب [ ص: 465 ] عسر يسرين " .

قال ابن مسعود رضي الله تعالى عنه : لو كان العسر في جحر لطلبه اليسر حتى يدخل ، إنه لن يغلب عسر يسرين .


ردود على sudanniiii
United States [ام حسن] 05-18-2012 04:47 PM
تسلم ياستاذ مقال جميل جدا يريت لو ناس الراكوبه شالوا من مكان التعليقات وعملوا مقال في الصفحه الرئيسيه


ولك جزيل الشكر

United States [Amin] 05-13-2012 12:02 PM
ولن تجد لسنة الله تبديلا


لك الشكر

United States [Muslim.Ana] 05-13-2012 07:45 AM
تعليق رااااااااااااااااائع


#361781 [هجم النمر]
5.00/5 (2 صوت)

05-13-2012 12:08 AM
يا أحمد بابكر طواااالي تمشي محمد نور تعمل ليكا نضارات .. ياخ خ خ الأستاذ ما قال حاجة في جامعة أفريقيا ... كدي ركز معانا إنعل أبوالنت على أبو التركيز ذاااتو


#361778 [نادر]
5.00/5 (1 صوت)

05-12-2012 11:50 PM
مشكلة العضو وافلاسه الفكري انو اختصر نفسه في عضو
قال مصممين كده !
معليش يا سودان


#361774 [أحمد بابكر]
1.50/5 (2 صوت)

05-12-2012 11:36 PM
الأخ الكريم سلامةلك التحية
طبعا انت خلطت بين جامعة أفريقيا العالمية وآراءك التي نحترمها. لكن أود تنبيهك إلى أن جامعة أفريقيا بريئة مما تزعم، لان فيها خير كثير للسودان وأفريقياهو العلم ثم محبة لوطنك السودان من طلاب من أفريقيا وآسياوأوربا وأمريكا الجنوبيةوأمريكا الشمالية. ولك الشكر


ردود على أحمد بابكر
United States [هجم النمر] 05-13-2012 09:17 AM
أحيييييييييييييييييييييييييييييييييييييييييييييييا .. الأستاذ خلط وين ومتين ياخ خ خ خ خ خ خ .. فقعتا مرارتنا . إنتو ما بتقرو؟؟؟؟؟؟؟؟؟؟؟؟؟القر

United States [mohammed osman] 05-13-2012 01:17 AM
يا اخينا نضارتك ويييين الليله؟؟؟؟؟انت ما شايف كويس هاهاها


#361721 [عبد الواحد المستغرب اشد الاستغراب!!]
3.50/5 (4 صوت)

05-12-2012 10:10 PM
بصراحه ياجبرا اللوم يقع على النسوان بالدرجه الاولى ولو بتذكر ان اول من كبرن وهللن لشريعة جعفر نميرى كانت النسوان إعتقادا منهن انه جاء الرجل الذى سيجعل انداده من الرجال يمشون على عجين دون ان يلخبطوه بمعنى انهن حضرن العفريت من قولة تيت ومضت السنوات لم يكن يتحدث فيه الرجال فى ذلك الوقت عن المثنى ناهيك عن الثلاث والرباع وأكتفوا بكتم غيظهم وهم يرددون فى عقل بالهم (نشوف فيكن يوم) وكانت واحده وبالكاد او بالبلدى (يالا ويامين)اكثر من كافيه!! رغم ان الراجل منهم كان (مصمم) بشكل أفضل يمعنى كان الراجل السودانى يابانى اصلى ولم تكن الفياجرا واخواتها عرفت طريقها الى الاسواق وكان (فحل فجلايه) كافى لمن تعثر وتجعل الراجل من دول (ابو تركترين) وليس تراكتر واحد!!ولا أدرى ما رأى نسوانا هل يؤيدن ما ذهب اليه هذا (التيس) او (الديك) ؟ وما ردهن على أمثاله؟ هل مازلن على موقفهن؟ وإذا غيرن رأيهن بعد هذا الحديث يجب ان يعلمن ان مسئولية إعادة العفريت الى غمغمه تقع عليهن وحدهن؟ وإذا عجزن فاليشيلن شيلتهن وحدهن ولا سيما الحوافز التى تجعل الرجل يفكر فى تكرار الزواج صار يسيرا جدا فالفياجرا واخواتها والترمادول ماليه الاسواق قائله من يشترى؟ ولن يعجز الرجال من إيجاد الثمن لمثل هذه المحفزات إذا ما أضفنا اليها التصريحات التى تشككنا فى رجولتناوأننا مستعدون لمليون واحده حيث فى إمكاننا التخلص من الفائض بالقتل او التطليق ايهما أيسر حتى نحافظ على النصاب المسموح به شرعا فما رايكن دام فضلكن ولا عذر لمن إنذرن!!0


#361715 [Salama]
5.00/5 (2 صوت)

05-12-2012 09:52 PM
هى جامعة افريقيا شنو؟ و بتدرس شنو؟ و خريجينها شنو؟هى معقل الارهاب والتخلف والرجعية و الاسلام المزور و كمان المرضى النفسيين


#361703 [wedhamid]
5.00/5 (5 صوت)

05-12-2012 09:22 PM
الأستاذ جبرا ...تحيه ,,,, ياخى نحن ناقصين كمان تقوم تفتح لينا جبهه جديده مع أمثال هذا الشخص غير السوى فى مقاله الغير منسجم مع ما يدعيه من مقامه ... بتقديمه لنفسه يوحى بخطل حجته و منطقه...فكيف يستوى يا أخى ((واعمل استاذا بجامعة افريقيا العالمية في كلية التربية)) مع منطق الرجل (المصمم!!) للتعدد فى الحريم و لا يستحى لإشباع ما نسميه الغريزة الحيوانية لديه ليكون كالتيس فى مراح الغنم ؟؟؟ ... و أمثال هؤلاء للأسف يستغلون الحكمة الدينية لتغطية عوراتهم و شذوذهم السلوكيه ....فتمعن أخى ألآية الكريمة التى تبيح التعددية و لم تغفل شروطها.... ( وَآتُوا الْيَتَامَى أَمْوَالَهُمْ وَلا تَتَبَدَّلُوا الْخَبِيثَ بِالطَّيِّبِ وَلا تَأْكُلُوا أَمْوَالَهُمْ إِلَى أَمْوَالِكُمْ إِنَّهُ كَانَ حُوباً كَبِيراً .... وَإِنْ خِفْتُمْ أَلَّا تُقْسِطُوا فِي الْيَتَامَى فَانْكِحُوا مَا طَابَ لَكُمْ مِنَ النِّسَاءِ مَثْنَى وَثُلاثَ وَرُبَاعَ فَإِنْ خِفْتُمْ أَلَّا تَعْدِلُوا فَوَاحِدَةً أَوْ مَا مَلَكَتْ أَيْمَانُكُمْ ذَلِكَ أَدْنَى أَلَّا تَعُولُوا ) ( النساء :2-3 )

فمن القضايا الهامَّةِ التي تُميِّزُ المجتمعاتِ الإسلاميّةَ ، والفكرَ الإسلاميَّ ، مسألةُ تعدّدِ الزوجات ، التي شرعَهَا اللهُ تعالى كحلٍ لبعضِ المشكلاتِ الاجتماعيّة ، وحدَّدَهَا في كتابهِ الكريم بشروطٍ تحفظُ للمرأةِ كرامتَها وحقوقَها ، وتصونُ للمجتمعِ سلامتَهُ وإنسانيّتَهُ ....ولكنّ تطبيقَ هذا الحكمِ الإلهيِّ عَبرَ التاريخ ، خرجَ في معظمِ حالاتِه ، عن مُرادِ اللهِ تعالى في الغايةِ من تشريعِه ، ليتحوَّلَ إلى جاهليّةٍ قَبَلِيَّةٍ تَلبَسُ ثوبَ الدين ، فَتُظلَمُ المرأةُ بشكلٍ خاصٍّ ، والمجتمعُ بشكلٍ عامٍّ ، وذلك من زاويتين اثنتين :

[ 1 ] - ظلمٌ ناتجٌ عن بعضِ الأعرافِ الاجتماعيّةِ الظالمة ، التي لا تلتزمُ بشرطِ العدلِ الذي بيّنَهُ اللهُ تعالى لتعدّدِ الزوجات ، وكأنّ التعدّدَ مُباحٌ دونَ أيِّ شرطٍ( فَإِنْ خِفْتُمْ أَلَّا تَعْدِلُوا فَوَاحِدَةً أَوْ مَا مَلَكَتْ أَيْمَانُكُمْ )( النساء : 3) ، فحين اختفاء شرطِ العدلِ يُصبحُ التعدّدُ مُحرَّماً ..

[ 2 ] - ظلمٌ ناتجٌ عن عدمِ إدراكِ وتطبيقِ دلالاتِ الآيةِ الكريمةِ الوحيدةِ التي تُبيحُ التعدّدَ ، وذلك كونُ عبارةِ إباحةِ التعدّدِ الوحيدةِ في كتاب الله تعالى ، تأتي جملةَ جوابِ شرطٍ ( وَإِنْ خِفْتُمْ أَلَّا تُقْسِطُوا فِي الْيَتَامَى فَانْكِحُوا مَا طَابَ لَكُمْ مِنَ النِّسَاءِ مَثْنَى وَثُلاثَ وَرُبَاعَ ) ( النساء: 3) ، فقد تمّت إباحةُ التعدّدِ - عَبر التاريخ - دونَ أيِّ اعتبارٍ لهذه المسألة ..

وهناالأدلة التي تشير إلى أصل و أفضليَّة الاقتصار على زوْجة واحدة:
1- أن تذييل الآية التي تبيح التعدُّد بقوله تعالى: {فَإِنْ خِفْتُمْ أَلَّا تَعْدِلُوا فَوَاحِدَةً} [النساء: 3] - دليل واضح على أنَّ الأصل هو وحدة الزوجة، وأنَّ التعدد إنما يكونُ لضرورةٍ أو حاجة تستدعي ذلك
2- وقوله تعالى: {وَلَنْ تَسْتَطِيعُوا أَنْ تَعْدِلُوا بَيْنَ النِّسَاءِ وَلَوْ حَرَصْتُمْ} [النساء: 129]، ففي هذه الآية الكريمة إشارةٌ واضحة إلى صُعُوبة تحقيق العدْل بين النساء في حالة التعدُّد، وإن كان المقصود بالآية هو الحب والميْل القلبي، وهذا ما لا يؤاخِذ الله به؛ لكنَّ العدلَ لا يستطيعه إلا أولو العزم من الرجال، وهذا كله يدل على أن الأصل هو الزوجة الواحدة......
لكن زولك دا بصراحه ( و الذى لو عمره 60 سنه تزوج فى القريب بالأخريات ... يعنى قبل الإنقاذ كانت واحده بس أو بدون حتى و لكن التعددية هنا بفضل الإنقاذو مش لعدم الحياء) فقد أخذته العزة بالإثم وإغتر بما يناله من حظوة السلطة فصارمثل أقرانه الإنقاذيين كفرعون و قريبا ممكن يمشى متمخطرا بردائه الجديد عاريا .....


ردود على wedhamid
United States [saleh] 05-13-2012 06:40 AM
بارك الله فيك يا اخي فالجهل مصيبه من مصائب زماننا هذا وصبحان الله الذي ابتلي الشعب السوداني بامثال هؤلاء سوي ان كانوا سياسيين او مدعي تدين فلا هم لهم سوي اشباع كروشهم وفروجهم اما رؤوسهم فاخر ما يتنبهون له ولو اهتموا لذلك لتغيرت اشياء كثيره.

(وصبحان الله )

(وسبحان الله الكيزان دمرونا وانعل ابودا تعليم)


#361692 [عوض سعيد]
5.00/5 (2 صوت)

05-12-2012 08:35 PM
هل استطاع العضو المحترم التوفيق بين قوله تعالى " لن تستطيعوا ان تعدلوا بين النساء ولو حرصتم" وقوله تعالى " وان خفتم ان لا تعدلوا فواحدة"ام انه يريد تطبيق شرع الله فى شيرين وحدهابعد ان فشلوا فى تطبيق او قل تشويه شرع الله الا فى "مثنى وثلاث ورباع"على اى حال نقول له اذا لم تسنحى فافعل ما شئت


#361687 [محمد]
5.00/5 (3 صوت)

05-12-2012 08:28 PM
كسره تالته....
دا راجل مخستك..


#361684 [ياسر]
3.00/5 (2 صوت)

05-12-2012 08:22 PM
هههههههههه (طبعن بعد إطلاعه على الكتالوج) ههههههههههههه


#361679 [أبو السارة]
5.00/5 (1 صوت)

05-12-2012 07:56 PM
أخوي الفاتح فتح الله علينا وعليك ..الحكاية بسيطة إنو الناس ديل ماجابين خبركم ولا بهمهم كان اكلتوا والا انكتلتوا. وبعدين هو متبع سنة رئيسه واخو رئيسه والدنيا عندهم خم وصر .ما عندهم قشة مرة .فلوس كدس ..عربات ما في مشكلة..أكل وملي كروش كتر منه...نسوان عرس...ومبدأهم نص الحديث : أعمل لدنياك كأنك تعيش أبدا...الحديث إلي هنا بخارج معاهم والباقي يمتنعون..


#361677 [click]
5.00/5 (1 صوت)

05-12-2012 07:48 PM
أليس افضل من أن يكون لدية عدة نساء و(كورجة أولاد) مشتتين هنا وهناك ؟ وكيف يتسنى لهذا (البستحى)أن يقوم بالإشراف على هذه الأسر جميعها والتعرف على مشكلاتها ومتابعة سلوك أفرادها؟ خاصة في هذا (الزمن الردئ) الذي تصعب فيه إدارة الأسرة الواحدة ؟
==========================================================
1- برلماني
2- أستاذ جامعي
3- عضو لجنة العلاقات الخارجية.
مقابل كل وظيفة زوجة ونتمني له أن يجد الوظيفة الرابعة ليكتمل عقد الأربعة زوجات.
إذا افترضنا أنه مواظب في وظائفه الثلاثة كيف يتسني له الإشراف علي الثلاثة أسر كما سألت أستاذي الفاضل؟
الكيزان شهوانين.في القريب العاجل سنردهم فقراء كما كانوا قبل إستيلائهم علي السلطة وسيعملون علي تطليق نسائهم واحدة تلو الأخري وسيصبح أبناءهم وبناتهم في الشوارع كالكلاب الضالة.


ردود على click
United States [ابو جاكومه] 05-12-2012 11:44 PM
يا اخي ديل كذابين والواحد عامل فيها راجل والله تلقى الواحد فيهم ما يدور الا بعد دفرة وتسخينة ويبطل في نص المشوار


الفاتح جبرا
الفاتح جبرا

مساحة اعلانية
تقييم
9.95/10 (15 صوت)





الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة