كلامات
05-14-2012 08:29 AM

- كلامات

د.كمال عبد القادر


كان محجوب يتعاطى الكحول بصورة يوميه حتى سماه أصحابه محجوب عرقي. تزوج محجوب وتوقف عن الشراب لفترة ثم عاوده الحنين فكان كل ما شرب يتلقى شكلة من الزوجة.
في مرة جاء محجوب عرقي إلى البيت وهو سكران وعندما رأى زوجته قال لها الأخت منو؟ وحينما حاولت تعريفه رد بأنه لا يتذكر أنه تزوج و قال ليها يا بنت أحسن تخلي عندك أدب وتبطلي الحركات ودخول بيوت العزابة وتمشي أهلك.
كانت هذه آخر مره تلومه فيها زوجته في موضوع السكر.
الحركة الشعبية أعدت خرطة للجنوب تتضمن أبيي وهجليج وتنتظرنا للتفاوض.
أرسموا خريطة السودان القديم وأرسلوا محجوب عرقي إلى أديس وعندما يلقى باقان ورفاقه يقول لهم إنه لم يسمع بدولة الجنوب ولا الاستفتاء وعندما يذكروا نيفاشا واعتراف الإنقاذ يقول ليهم والله ناس الإنقاذ ديل نحنا ذاتو ما معترفين بيهم ولا انتخبناهم والوحدة لازم تستمر وخلونا نبدأ من الصفر.

السوداني

تعليقات 15 | إهداء 0 | زيارات 2933

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#364353 [مدحت عروة]
0.00/5 (0 صوت)

05-15-2012 02:36 PM
وانا اؤيد هذا الطرح يا كمال عبد القادر !!! فعلا الانقاذ لا تمثل الشعب السودانى ولا السودان!!! انهم حرامية سلطة استعملوا القوة ضد الحكومة المنتخبة ويستحقوا المحاكمة على فعلتهم هذه وبقوا منبطحين قدام الفرب واسود واشاوس على مواطنيهم!!!


#364091 [yass]
0.00/5 (0 صوت)

05-15-2012 10:40 AM
يا دكتور,, ما لاحظت انو اي طبيب تقلد منصب سياسي او اداري او سم ما شئت ,في عهد الانقاذ كان فاشلا من قبل توليته, ومن كان غير فاشل اصبح فاشل.ما عدا طبيب واحد..الشهيد خليل ابراهيم...ربنا يتقبله


#363570 [Shah]
0.00/5 (0 صوت)

05-14-2012 06:01 PM
البعاتى ده ظهر تانى؟


#363521 [سوداني متقاعد]
0.00/5 (0 صوت)

05-14-2012 05:21 PM
أصلا مين القال ليك نحن معترفين بالسواطة بتاعت الكيزان والمتمردين.البلد دي واحدة بس الاول نسقط الكيزان وبعداك اخوانا في الجنوب مابقصروا ويسقطوا المتمردين كمان.
لامشروع حضاري ..لا سودان جديد.


#363461 [انور]
0.00/5 (0 صوت)

05-14-2012 04:09 PM
ايييييييييييييييه يا بتاع البلع
انت لسه


#363441 [faten ahmed]
5.00/5 (1 صوت)

05-14-2012 03:43 PM
والله راقت لي الفكرة بكل بساطة لم يتم استفتاؤنا كشعب يتاثر
بما سيجري له من فصل للدولته واهم شئ في الامر ان الانفاذ الله لا كسب فيها
بركة لم يتم انتخابها من الشعب وانما تم الاستيلا علي الحكم بانقلابها
المشؤوم ياليت لو تمشئ الامور علي طريقة محجوب عرقي ونتنكر لتلك
الاتفاقية وترجع خارطة السودان المميزه بشكلها الجميل الذي عهدناه
قبل انقاذ السجم التي قسمت البلاد والعباد


#363335 [المتجهجه بسبب الانفصال]
0.00/5 (0 صوت)

05-14-2012 01:37 PM
بس يشيل معاهو أنبوبة أكسجين إمكن الانتنوف تقصف عشوائي ويكون الغبار كثير وتضيع عليهو الخارطة ،،،،


#363271 [النجـــــــــــــــــــــــــــــــاشى]
0.00/5 (0 صوت)

05-14-2012 12:58 PM
حلوة يافرفورى .. لكن يادكتور محجوب عرقى هى الانقاذ نفسها حتى اللحظة فى غيبوبة ومامصدقة الحصل
والانفصل ولا حتى انقلابها 89


#363228 [Tageel]
0.00/5 (0 صوت)

05-14-2012 12:20 PM
امشي انت يا محجوب عرقي قول الكلام دا وشوف ردهم شنو ؟ اذا كان تمام واصل في شرابك للعرقي الى ان يتوب الله عليك ....!
بالله يا دكتور دا كلام تقولو ؟..... انت لسع تضحكو على عقول الناس
الله من فوق سبع سماوات مضطلع علينا جميعا .... اتقوا الله فينا ... وغادروا الى الابد .... هدانا وهداكم الله


#363188 [أمير]
0.00/5 (0 صوت)

05-14-2012 11:56 AM
شديدة يا دكتور..................


#362908 [بتاع اورنيش]
0.00/5 (0 صوت)

05-14-2012 08:57 AM
والله برضو اقتراح؟؟؟؟؟؟؟؟؟؟؟؟؟؟وهو برضو نظرية لكن بنخاف من ناش امن المجتمع ولا المجتمعية ماعارف


#362871 [الـلـحـوي]
0.00/5 (0 صوت)

05-14-2012 08:44 AM
يـادكـتـور

دي زي بـتـاعـت الـراجـل الأرسـل ولـدو عـشـان يـجـيـب لـيـهـو شـري مـن الـبـار .. الـولـد رجـع قـالـيـهـوا الـرئـيـس قـفـل الـبـارات وكـسـر الـقـزاز ومـنـع الـشـربـة .... عـمـنـا قـالـيـهـوا ... عـبـود ده جـنـا ولا شـنـوا ....


ردود على الـلـحـوي
United States [حداثة] 05-15-2012 03:40 PM
حلوة عبود دا جنا هههههه الدكتور دا بتاع كرت ما عارف بجيب الكلام دا من وين


د.كمال عبد القادر
 د.كمال عبد القادر

مساحة اعلانية
تقييم
5.50/10 (2 صوت)





الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة