ست الشاي
05-23-2012 07:27 AM


ست الشاي

يلاج ابو فاطني
[email protected]

ست الشاي يا امي انا.......
وام صاحبي الفي الجامعه معاي
وام الطفش الفات شان يكدح
وخلا ولادو بدون حاحاي
وام كل زول في الدنيا بريدك
وام الشارع ماشي وجاي
وام الكاب الواقف ضدك
بحجة انك فاقدة راي
لكن يا امنا راحتك وين
متجهجهه دايما حالك دين
ما ضقتي طعم للدنيا وحاتك
غير البنيه وحمرة عين
دنيانا اتعكست في وجهين
تسرق تنهب اته الذين
تقدح تشقي يطلعو عينك
هادي الحال يا رب لمتين
الا الصبر جميل بنقولا
وتصبري اتي لحد بعدين
وحال الشفع ربنا راحم
برحم عبدو وبين نارين
وحقك عار في جبين السفله
السلبو حقوقك بين شمسين
ما ذوجك كان درعا واقيهم
مات في بنيهم وبين امرين
ما معروفه هي جستو وين
اتوسدي نار كانونك
ربي يصونك يا ام بختين
سنينك ضايعه وناسا صايعه
بتنهش فيكي وفي البتين
احبس دمعك ربنا سامعك
في الدارين
همك همنا انك امنا
كمان بت عمنا وبيك حاسين
اكدحي شان الشفع
اصلو البوت لا بحس لا بشفع
وشيلي الصبر معاك كم هين
نحنا بقمع شان بندافع عنك هسع
هنظل صابرين
حنقول في كفاحك
حت لو نشنق بنكون راضين
وسؤال في الآخر للحاضرين ....
ممكن نطحن نص الظلط ونخمرو عجين ؟؟؟
او ممكن يبقي ملاح بترول شرموطو سمين ؟؟؟
و ننجضو في كهربة السد الواقفه الحين ؟؟؟
او ممكن نسكن تحت النفق الطاير ونكون نايمين ؟؟؟
جوابك خلي لنفسك يا مسكين
لو ببقي الفات ما كان ست شاي
بتموت قدامنا وكان ساكتين
وفي نفس الحال بتمسل
امي واختك
بت بلدي ودمك
همي وهمك وديل فاجرين
حنشيلك يمه دوام في قصيدنا
محل ماشين
ومحل قعين

ابك ..... يلاج ابو فاطني

تعليقات 3 | إهداء 0 | زيارات 2134

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#372973 [محمد مبارك]
0.00/5 (0 صوت)

05-23-2012 02:11 PM
اووووووه ادينا شايين و قهوة خفيفةو اوعي تقولي لي الدولار و السباحة


#372671 [خربشوف]
3.00/5 (2 صوت)

05-23-2012 10:34 AM
واقع معاش اسلم خيالك وقلمك وفيك ولك الود ومنى الاعجاب


#372630 [عبد السلام]
0.00/5 (0 صوت)

05-23-2012 09:57 AM
إنت اجهدت نفسك , السودان تحتاج للانتاج الحقيقي , والنساء في كل العالم يساهمن في الانتاج الزراعي والحيواني والتجاري ( انتاج حقيقي ), بعض المعارضين لسياسة الحكومة يفاضلون للمرأة بين عمل الشاي او العمل في مهن غير مقبولة, وهذا غير صحيح , ستات الشاي ظاهرة غير حضارية والمهنة كما هو معروف تسيطر عليها الاخوات من الجارة اثيوبيا , واغلبهن فتيات صغيرات في السن وجذابات , وفي رأي هي مهنة تشجع علي البطالة والتسكع والانفلات الامني والاخلاقي ( لمن يرغب ) وهي ظاهرة غير حضارية ولا توجد الا في السودان وآمل ان تتدخل الدولة بجد لوقفها , حتي يتجه الشباب للعمل بدل التسكع والجلوس مع ستات الشاي من ظل لي ظل , وتتجه النساء للانتاج الحقيقي وتقل هجرة اخواتنا من اثيوبيا.


يلاج ابو فاطني
مساحة اعلانية
تقييم
10.00/10 (1 صوت)





الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة