06-02-2012 03:42 PM

الإنقاذ علي حق.. نحن الما بنعرف نتحكم!

عمر الفاروق عبد الله
[email protected]

يحكي أنه في ذات مرة من ذات المرارير ان سواقاً لأوتوبيس مصري كان يقود الاوتوبيس برعونة شديدة أدت لإحتجاج الراكبين والراكبات فما كان منه إلا أن حرّش الكمساري لتهديد الركاب وإلزامهم الصمت فكان أن هاج فيهم وتوعد المحتجين بالنزول في أقرب محطة فسكنوا وأستكانوا وكان رد أحد ظرفاء البص الأوتوبيس " والله يا كمس "تدليع كمساري" سواقيك علي حق نحن ما البنعرف نركب.
والشيء بالشيء يذكر .. عندما إحتجينا علي الإنقاذ بأنها تسببت لنا في الكثير من الويلات والعذاب فكان ان خرجت هتافات من شاكلة "الأحزاب ولا العذاب" خرج علينا المستشار للشئون الخارجية طبيب الاسنان مصطفي عثمان اسماعيل بمقولة بأننا كنا مجرد "شحاتين" وبتاعين طوابير طابور للبنزين واخر للعيش واخر للسكر وتالت للكورة مع اندثار طابور السينما! ودارت الأيام كما غنت الست وهاهو وزير الشحاتين يحمل قرعته ويطوف الأرجاء والأنحاء بحثا عن موارد للخزنة المضروبة بعد فقدان النفط والمنهوبة من جملة من الفاسدين هذا من جانب .. ومن جانب آخر نائب الرئيس للمؤتمر الوطني يطلب من بدلاً عن لحس أصابعنا بعد وجبة هنية تأكل مية وبدل عن لحسها بعد تحلية مدنكلة يطلب منا ان نلحس كوعنا إذا أردنا أن نطيح بالإنقاذ في الطيف أو في الصحيان .. أو في الصيف أو الشتاء يخرج علينا من كنا نظن بأن فيه شيء من عقلانية د. غازي صلاح الدين العتباني يصفنا بأننا شعب كسول ونسناس!! دلل على هذا حديث غازي عند لقائه ببعض السودانيين في منزل السفيرة السودانية. فقد برر عدم إهتمام الدولة بالزراعة لأن السودانيين "شعب كسول ويحب (النسنسة)"-على حسب تعبيره-. ولذلك فإنهم "يعملون على إستقطاب الشركات الأجنبية للإستثمار في مجال التنقيب عن البترول والذهب". والجليّ أن نظام الخرطوم يحاول استثمار هذا التوجه سياسيا.
شعب كسول دي عرفناها اما حكاية نسناس فدي جديدة وملعوبة سيد غازي! هل جربتم الشعب في ميادين العمل والانتاج بل هل وفرتوا له كل سبل وآليات العمل والإنتاج فتكاسل عنها "مالكم كيف تحكمون".. هل وفرتم له العدالة الإجتماعية وتوقفتم عن حلب موارده الشحيحة في شكل جبايات ما أنزل الله بها من سلطان؟ هل وظفتوا آلاف الخريجين وفقاً لإحتياجات التنمية إن كانت هناك تنمية أو إحتياجات تاني مانعاني! هل إجزلتم العطاء لأهل العطاء وحسنتوا من مفردات اجورهم حتي يستطيعوا ان يؤدوا دورهم المنشود في سبيل خدمة المواطن والوطن؟ هل وهل وهل؟؟؟؟
اما بخصوص النسنسة امكن قصدك الحكاوي الماليه النت والجرايد وبيوت البكا والافراح .. عن فساد علان وفشل فلتكان ومحسوبية ومحاباة فلان مالك زعلان دي نسنسة الكترونية مش سويتوا ليها جهاد الكتروني شوف ليكم هكر ضكر او فيروس كيزاني لإيقاف هذه النسنسة الإنترنيتية الضالة والمضللة والمتجنية زوراً وبهتاناً علي حكام الإنقاذ الأتقياء الأنقياء.
صدق كمساري الحكومة "كمس" بأن قائد البص علي حق فنحن المابنعرف نتحكم بكسر الراء تنوين السكن بدون ادغام!!



تعليقات 5 | إهداء 0 | زيارات 1586

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#382612 [زمبه]
0.00/5 (0 صوت)

06-03-2012 03:05 PM
السودانيين شعب كسول؟!!!
سبحان الله العظي...
شعب بخوض حروب لمدة 40 سنة متواصلة دا يتوصف بإنو كسلان كيف؟!!!!!!!


#382030 [ساميه]
5.00/5 (1 صوت)

06-02-2012 09:36 PM
ياعمر الفاروق اخوى عليك الله ماتوجعوا قلبنا .. عتبانى شنوا وقرف شنوا هو اول شى ماسوداااااااااانى ده دخيل ومقطوع الاصل وجاى يوصف فينا نحنا اولاد النيل والنخيل والغابات والابنوس والشرتاى والمانجلك والايتنينا والمرحب .. نحنا الحررنا السودان من الترك اسلافه الملاعين .. لكن اصبر يا حلبى يامقطع والله لو ما الانقاذ دى مكانك حوش السمك فى المورده ياكلب ... انت لسه ماشفت نسنسه ياعفن .. ولو هو راجل خلى يقول لينا جده لابيه او امه ينتمى لاى قبيله فى السودان.. عشان على الاقل نعرف حاجه ود النجس ...


ردود على ساميه
United States [برانتود] 06-04-2012 06:07 AM
انتى اللراجل دا مزعلك فى حاجة والا شنو؟؟بالراحة وبدون شتايم والواحد لازم يناقش بروية وبكلام منطقى وموضوعى ولكن ماذا تستفيدى من السب واللعن غير انك تخسرين بعض من حسناتك؟؟ادب الحوار مطلوب

United States [ابو جهينة] 06-03-2012 10:08 PM
نعم كل الوزراء ووكلاء الوزراء والجيش واالشرطة والفنانين واللاعبين كلهم والشعب السودانى والبرلمانيين ,كلهم مش سودانيين ... الا انتى ومعارضة فنادق خمس نجوم..وتعالوا وهم فى انتظاركم عشان يخلوا ليكم البلد ويهاجروا لبلدانهم وانتى اسحبى الجنسية منهم فورا


#382008 [الوسيلة محمد عثمان]
5.00/5 (1 صوت)

06-02-2012 08:52 PM
فعلا وعلى حسب العنوان فقط انت صاح والباقى كله من نكات المصريين وخاصة ناس عابدين


#381872 [صالح عام]
5.00/5 (1 صوت)

06-02-2012 05:05 PM
هذا الحلبى كان بيرقص ( النسناس ) وما كان عندو قرد كبير علشان كده قال الشعب نسناس


#381857 [احمد حسن ادم]
5.00/5 (2 صوت)

06-02-2012 04:34 PM
فعلا العنوان صح دون الخوض فى تفاصيل مقالك


عمر الفاروق عبد الله
مساحة اعلانية
تقييم
10.00/10 (4 صوت)





الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة